PINAS

Ang Lihim ng Panginoon (Ikaapat na Bahagi)

Sonspeak

Recent News:

Overseas Filipino Workers (OFWs)

Repormang isinusulong ng administrasyon sa unang 3 taon, kulang pa

by

SMNI NEWS

 NANANATILING maganda ang ekonomiya at bumaba ang unemployment rate ng bansa.

Ito ang naging assessment ng political analyst na si Prof. Jean Franco sa nagdaang unang tatlong taon ni Pangulong Rodrigo Duterte.

Sa panayam ng Sonshine Radio at SMNI News, sinabi ni Franco na bagamat marami pang kulang ay natutugunan naman ng administrasyong Duterte ang pang-araw araw na pangangailangan ng mga Pilipino.

“Definitely marami pang kulang at tingin ko, ang success rate ni Pangulong Duterte pagdating sa pang-araw araw na pangangailangan ng mga Pilipino ay maganda, kaya siya nananatiling popular,” wika ni Franco.

Ilan sa mga halimbawa nito ayon kay Franco ay ang one-stop shop para sa mga Overseas Filipino Workers (OFWs), pag-aayos sa aberya sa MRT, at pag-adopt sa inflation.

 

Mocha Uson, isusulong ang kapakanan ng mga OFW’s

by

Pinas News

ISUSULONG ni dating PCOO Undersecretary Mocha Uson  ang mga kapakanan ng mga Overseas Filipino Workers bilang plataporma sa halalan sa 2019.

Bagamat hindi sigurado kung anong posisyon ang tatakbuhan, sinabi ni Uson na dapat bigyan ng karagdagag pansin  ang mga Pinoy sa abroad.

Na aniya ay itinuturing na mga  bagong bayani.

Pinuna ng sikat na blogger ang kakulangan sa programa ng pamahalaan para sa mga nagbabalik sa bansa.

Partikular na ang mga naabuso o naloko ng kanilang mga employer.

Ani Mocha, makakasigurado naman siya na bubuhos ang suporta ng mga supporters ni Pangulong Duterte.

Sapagkat isa din ito sa mga programang kasalukuyang isinusulong ng pangulo.

Kaugnay nito ay nilinaw naman ni Mocha na sya ay tatakbo bilang independent.

Hindi aniya papalitan ang kontrobersyal na congressman na si John Bertiz bilang kinatawan ng ACTS-OFW Partylist.

Magugunitang naging usap-usapan ang pagpalit ni Mocha kay Bertiz.

Kasunod ito ng pagkakasangkot ng mambabatas sa kontrobersiya at ang huli nga dito ay sa NAIA terminal.

Tatlong OFW na nailigtas sa Malaysia, pinagkalooban ng livelihood assistance

by

Pinas News

TATLONG babaeng Overseas Filipino Workers (OFWs) ang pinagkalooban ng livelihood assistance ni Senador Cynthia Villar matapos mailigtas mula sa prostitusyon sa Malaysia.

Ang tatlong babae na nais itago ang kanilang pangalan ay na repatriate mula sa Malaysia sakay ng Air Asia Flight YM 5428 noong Martes, July 24 at agad naibalik sa piling ng kanilang pamilya.

Ayon kay Villar, biktima ng illegal recruiter na nagngangalang Rea Cervantes ang tatlo.

Pinangakuan aniya ng magandang trabaho at malaking sweldo sa Malaysia ang mga ito ngunit sa KTV Bar ang bagsak kung saan pinipilit silang pagtrabahuin bilang GRO.

Maliban naman sa hindi nakatatanggap ng sweldo ang mga ito ay binugbugbog at ginutom pa umano sila at hindi rin pinapalabas.

Sa ngayon ay pinakikilos na ni Senador Villar ang mga kinauukulang otoridad upang papanagutin sa batas ang recruiter at ang mga kasabwat nito.

Permanent ban ng mga OFW sa Kuwait

by

Pinas News

DINEKLARA  na ni Pangulong Rodrigo Duterte ang permanenteng ban ng pagpapadala ng mga overseas Filipino workers (OFWs) sa Kuwait.

Ito ay matapos ang hidwaan sa diplomatiko kaugnay sa kumakalat na video ng pagligtas ng tauhan ng Philippine embassy sa mga Pilipinong manggagawa  mula sa kanilang mapang-abusong employers.

Nagbunsod ito upang patalsikin ng Kuwaiti government si Philippine Ambassador to Kuwait Pedro Villa dahil isa raw itong pang-iinsulto sa sovereignty ng kanilang bansa.

Wala nang makikita pang dahilan ang pangulo upang ipagpapatuloy ang nakatakda na sanang paglagda sa memorandum of understanding (MOU) sa pagitan ng dalawang bansa para sa kapakanan at kaligtasan ng maraming mga Pilipinong manggagawa sa Middle Eastern country.

Hindi naman nagtanim ng sama ng loob ang pangulo sa bansang Kuwait dahil malaki na rin naman ang naitulong ng bansa upang maiahon sa hirap ang maraming mga Pilipino bagkus ay nagpapasalamat pa siya sa naging  tulong nito sa kanyang mga mamamayan.

Nais lamang ng pangulo na umuwi na ang mga Pilipinong nanatiling nagtatrabaho sa kanilang bansa lalo na ang mga household worker na bumuo sa 60% sa 260,000 bilang ng mga OFWs sa Kuwait.

Dahil karamihan sa mga biktima ng pang-aabuso ay mula sa mga nanunungkulan bilang household worker sa bansa.

Ano na lamang ang ma-ging kahihinatnan kung obligadong umuwi na sa bansa ang lahat ng mga Pilipinong  kasalukuyang  nanunungkulan doon?

Malaking sakripisyo ito ng bansa lalo na sa ekonomiya at mismo ng mga OFWs na uuwi sa bansa at haharap sa kawalang tiyak na may trabahong naghihintay sa kanila sa Pilipinas.

Kahit man na pinahayag ng pangulo na marami nang naghihintay na trabaho sa bansa ngunit hindi ito sapat para sa daan-daang libong mga manggagawa na uuwi.

Kung sakali mang mawala na sa listahan bilang destinasyon ng mga OFWs ang bansang Kuwait ay may natatanaw namang maaaring alternatibong patunguhan ng mga manggagawa.

Naroroon ang bansang China na naghahanap ng 100,000 English teacher, ang bansang Japan na nangangailangan din ng Household worker sa lumiliit na populasyon nito, at plano ring gawing alternatibong bansa ang Russia para sa mga OFW.

Mas maigi pa sigurong harapin na lamang ang mga sakripisyong mahaharap sa pagpapauwi ng mga Pilipino mula sa Kuwait kaysa may mangyayari na namang mamatay dahil sa pang-aabuso ng amo sa Kuwait.

Sa hindi kalaunan ang mga alternatibong bansang ito ay magiging destinasyon na ng mga manggagawang Pilipinong nais mangibang bansa na mas ligtas para sa mga Pilipino kaysa nakakatakot na mga mapang-abusong mga amo sa bansang Kuwait.

Ika nga kung may isang pinto mang isinara ay may ibang mga pinto naman ang bubukas.

TESDA, magandang buhay sa bawat Pilipino 

by

Ni: Noli C. Liwanag

ITINAGUYOD ang TESDA (Technical Education and Skills Development Authority) sa ilalim ng Republic Act. No. 7796, o Technical Education Skills Development Authority Act of 1994.
Naglalayong linangin ang mga kasanayan para sa ikauunlad ng Human Resources dito sa Pilipinas upang may magandang buhay ang bawat Pilipino.

Layunin ng TESDA na makatalaga ng programa at pamantayan ukol sa kalidad ng technical education and skills development at manguna sa pag-unlad ang ating mamamayan at maging world-class ang kakayahan sa food processing, dress making, housekeeping at iba pa.

Dahil dito, mayroong mga institusyon tulad ng TESDA na nagbibigay ng training para magkaroon ng oportunidad ang Pinoy.

Ang misyon ng TESDA: Magbigay ng direksyon, polisiya, at mga programa para sa kalidad na edukasyong teknikal at maiangat ang kakayanan ng bawat mamamayan.
Mula sa iba’t ibang programang pang-edukasyon, ang mga kukuha nito ay magkakaroon ng sapat na kaalaman para makamit ang trabahong gusto nilang pasukan.

Kapag nakapagtapos, meron ka pang makukuhang certification o patunay na ikaw ay may kalidad na kakayanan. Sa kaalaman na makukuha mo sa TESDA, maari kang magnegosyo, mag-freelance o kaya ay maging empleyado sa isang kumpanya.
Maari rin magpunta sa mga accredited TESDA Learning Centers sa buong bansa. Merong Mobile Training Centers ang TESDA at para sa mga may internet, pwede rin sa TESDA Online Program.

8,882 OFWs, NATULUNGAN

Nakapagtala ng 8,882 Overseas Filipino Workers (OFWs) at kanilang dependent ang natulungan ng Technical Education and Skills Deve-lopment Authority (TESDA) noong taong 2017.

Ayon kay  TESDA Director General, Sec. Guiling “Gene” A. Mamondiong, ang nasabing bilang ay batay sa  isinumiteng accomplishment report ng Partnership and Linkages Office (PLO) kaugnay sa Reintegration Program for Overseas Filipino Workers (OFWs) for 2017 ng ahensya.
“For 2017, a total of 8,882 Overseas Filipino Workers (OFWs) and their dependents were provided assistance by TESDA,” nakasaad sa PLO Report.

Sa kabuuang bilang, 1,749 ang napagkalooban ng scholarship assistance gaya ng training for work scholarship (TWSP), kung saan kasama  dito ang 189 beneficiaries ng TESDA Emergency Skills Training Program (TESTP); special training for employment program (STEP) 129;  bottom-up budgeting (BuB), 102; at private education financial assistance (PESFA), 35.

Naitala na  ang  TWSP  ang   may pinakamataas na bilang ng mga graduates na 1,483 o 84% sinundan ng STEP, 129 o 7.38% , BuB, 102 o 5.83 % at PESFA, 35 o 2.00%.

Samantala, umabot naman  sa  2,216  OFWs at  dependents ang nabigyan ng  ibang serbisyo  at tulong; 1,373 ini-refer sa TVIs para sanayin; 622 nabigyan ng impormasyon tungkol sa serbisyo ng TESDA; 175  na-survey at na-profile gamit ang training needs analysis; 18 na-assess at na-certified; 9 ini-refer sa ROs at POs; at 8 dependents ang ini-refer sa TVIs for training.

Sa ulat ng Regional Offices, ang may pinakamataas na bilang ng mga pinauwing OFWs ay mula sa Saudi Arabia na may nakatalang bilang na 847.

Sa ‘One Stop Service Center for Overseas Filipino Workers (OSSCO) sa Philippine Overseas Employment Administration, 4,917 ang nabigyan ng tulong.

Sa kabuuang bilang, 2,606 ang nabigyan ng training assistance at scholarship program; 971  natulungan sa competency assessment; 89  sa pagpapalit ng National Certificate (NC) at  Cetificate of Competency (COC); 73 nabigyan ng Cetificate of Authentication and Verification (CAV); 51 sa renewal ng NC/COC; at  1,127 ang  nagtanong na nabigyan ng kasagutan.

Ang Reintegration Program for Overseas Filipino Workers (OFWs) ay kasama sa 17-Point Reform Agenda ng TESDA sa ilalim ng kasalukuyang administrasyon.

NISP INILUNSAD

Maisasakatuparan ng gobyerno ang hangarin nitong maiangat ang antas  ng kabuhayan at pamumuhay ng may 28 milyon katutubo, mga rebel returnees at mga kapatid na Muslim, sa inilunsad na National Integration Scholarship Program (NISP) sa National Capital Region,  Region lV-A, Region 1V-B  at sa Region III.

Ang programa ay may temang “Serbisyong Ramdam at Kapaki-pakinabang” na ginanap sa TESDA Covered Court, TESDA Complex, Taguig City  na pinangunahan ni  TESDA Director General Guiling  “Gene” Mamonding.

Ito ay dinaluhan ng mga rebel returnees, IPs at Muslim Filipinos na mula sa Region lV-A  o CALABARZON (Cavite, Laguna, Batangas,Rizal, Quezon),  Region lV-B o MIMAROPA  (Marinduque, Mindoro Occidental, Mindoro Oriental, Palawan, Puerto Princesa, Romblon), National Capital Region (NCR) , at Region III.

Ang programang ito ay nakapaloob sa pinagtibay na Memorandum of Agreement (MOA) sa pagitan nina  Mamondiong at Leonor T. Oralde-Quintayo, chairperson ng National Commission on Indigenous Peoples (NCIP) noong Pebrero 28, 2017.

CONSTRUCTION WORKERS SASANAYIN

Magsasanay ng 100,000 construction workers  ang  Technical Education and Skills Development Authority (TESDA) sa buong bansa kaugnay sa  “Build, Build, Build” program  ni  President Rodrigo Duterte.

Ang proyektong ito ay inilunsad ni TESDA Director General Guiling “Gene” Mamondiong sa idinaos na  National Integration Scholarship Program (NISP)  Forum sa  Butuan City kamakailan.

Ang mga sasanaying mga contruction workers ay magmumula sa grupo ng mga indigenous peoples (IPs), mahihirap  at rebel returnees sa buong bansa.

Ayon sa TESDA chief, ang magsisipagtapos ay kukunin para tumulong   sa pagpapatayo at pagpapagawa ng mga tulay, kalsada, gusali at iba pang mga infrastructure projets ng gobyerno.
Aniya, ang “ambitious bridge projects” ng Duterte admi-nistration na mag-uugnay sa mga lalawigan ng  Negros Oriental, Cebu, Bohol at Leyte ay kabilang sa  Build, Build, Build program para gawin ang mga island provinces na madaling  marating sa pamamagitan ng land travel.

Ang Build, Build, Build  infrastructure programs o tinatawag na  “Dutertenomics” ay planong  maglaan ng $160 bilyon hanggang $180 bilyong pondo  para sa sinasabing mga “ambitious projects”  tulad ng Mega Manila Subway, complex road networks, long-spand bridges, flood control, urban water systems at marami pang iba na planong tapusin hanggang 2022.

LIFEGUARDS NG TESDA

Tag-init Summer at panahon na naman ng swimming, kaya nanguna ang TESDA para  maging handa at maayos ang mga lifeguards sa ibibigay na serbisyo sa mga swimming areas tulad ng pools at beaches sa buong bansa.

Matapos ilabas ng TESDA ang “Implementing Guidelines on the Deployment of Training Regulations (TRs), Competency Assessment Tools (CATs), Assessment Fees for lifeguard  Services NC ll at Lifeguard Services NC lll.

Pinagtibay ng TESDA Board ang TRs upang maging handa ang mga lifeguards para matiyak ang kaligtasan ng mga swimmers sa pools at beaches.

Ang nabanggit na TRs ay binuo sa pakikipagtulungan sa Philippine Life Saving Society (PLSS).

Ang TRs para sa Lifeguard Services NC ll at NC lll ay bukas na at kasama na sa mga kursong inaalok sa mga technical vocational institutions na accredited ng TESDA.

Ekonomiya ng Pinas, tuloy ang pag-Arangkada

Close Bitnami banner
Bitnami