PINAS

Ang Lihim ng Panginoon (Ikalawang Bahagi)

Sonspeak

Recent News:

Pangulong Rodrigo Duterte

Paggamit ng vape at e-cigarettes, pinagbawal sa pampublikong lugar

by

POL MONTEBON

PORMAL nang ipinagbawal ni Pangulong Rodrigo Duterte ang pag- vape o paggamit ng e-cigarettes sa mga pampublikong lugar bilang pagpapalawak sa una nang nationwide smoking ban.

Batay sa Executive Order 106 na nilagdaan ng pangulo, ipinagbabawal din nito ang paggawa, distribusyon, at pagbebenta ng hindi rehistrado o adulterated vapes, heated tobacco at iba pang novel tobacco products.

Nakasaad din sa EO na dapat nakarehistro sa Food and Drug Administration (FDA) ang lahat ng e-cigarettes at bawal ang pagbebenta ng naturang produkto sa mga menor de edad.

Habang ang mga establisyemento na gumagawa, nag-iimport at nagbebenta ng e-cigarettes ay kailangang kumuha ng license to operate sa FDA.

Pinalawak ng pinakabagong EO ng pangulo ang direktiba nito noong 2017 na nagbabawal sa paninigarilyo ng tobacco products sa mga pampublikong lugar.

 

Illegal Chinese workers na nakinabang sa ‘pastillas modus’, ipapadeport

by

MJ MONDEJAR

NAKATAKDANG ipadeport ang mga Chinese workers na illegal na pumasok sa bansa at nakinabang sa “pastillas” modus sa mga paliparan sa bansa.

Ayon kay Presidential Spokesman Salvador Panelo, pababalikin sa kanilang pinanggalingan ang mga iligal na Chinese workers na pumasok sa bansa base na rin sa utos ni Pangulong Rodrigo Duterte.

Ito ang tiniyak ng Malakanyang matapos humarap sa pagdinig sa Senado si Immigration Officer Allison Chiong na nagsiwalat na hindi na dumadaan sa tamang proseso ang mga Chinese na ang mga pangalan ay nakatimbre na sa Bureau of Immigration.

Agad namang ipinag-utos ni Pangulong Rodrigo Duterte ang pagsibak sa lahat ng opisyal at empleyado ng BI na pinangalanan ni Chiong na sangkot sa nasabing modus.

Iimbitahan naman ng komite ni Sen. Risa Hontiveros ang ilan sa mga pinangalanang opisyal na sabit sa “pastillas” scheme.

Pagkakasama ni Espenido sa drug list, walang epekto sa kampanya kontra droga – Palasyo

by

COL. Jovie Espenido

 

ADMAR VILANDO

 

NANINIWALA ang Palasyo na walang epekto sa anti-drug war ng administrasyon ang pagkakasama ni Col. Jovie Espenido sa narco-cops list ng PNP.

Magugunitang si Espenido ang isa sa mga pinagkatiwalaan ni Pangulong Rodrigo Duterte sa kanyang anti-drug war matapos manguna sa mga operasyon laban sa mga sinasabing drug lords at protectors.

Sinabi ni Presidential Spokesman Salvador Panelo, alam naman ng mga pulis ang kanilang trabaho at kilala naman nila ang kanilang mga kabarong tunay na sangkot sa iligal na drogal.

Ayon kay Sec. Panelo, hindi malayong pinag-iinitan lamang si Espenido ng mga nasagasaan sa anti-drug war.

Kaya posibleng biktima ng black propaganda si espenido bagay na hindi kinakagat ni Pangulong Duterte.

PRRD, naalarma na sa epekto ng nCoV sa ekonomiya ng bansa

by

HANNAH JANE SANCHO

NAALARMA na si Pangulong Rodrigo Duterte sa epekto sa ekonomiya ng bansa dahil sa outbreak ng 2019-novel coronavirus acute respiratory disease o nCoV -ARD.

Sinabi ni Presidential Spokesman Salvador Pa­nelo na gumagawa na ng paraan ang administrasyon para matugunan ang naturang problema.

Una nang sinabi ni Socio-Economic Planning Secretary Ernesto Pernia na aabot sa isandaan tatlumpu’t tatlong bilyon ang mawawala sa ekonomiya kung tatagal ang krisis sa coronavirus ng hanggang Disyembre.

Ayon kay Panelo, hindi lamang ang pilipinas ang apektado sa coronavirus kundi maging ang buong mundo.

Dagdag pa ni Panelo na ang lubhang pinakaapektado ng 2019 nCoV ay ang sektor ng turismo dahil malaking bilang ng foreign tourist ay mula sa china kung saan nanggaling ang virus.

VFA sa Amerika, tuluyan nang pinutol ni Pang. Duterte

by

JHOMEL SANTOS

 

MARIING sinabi ng Malakanyang na maaring pumasok sa panibagong Visiting Forces Agreement o VFA sa pagitan ng ibang bansa.

Ito ang inihayag ni Presidential Spokesperson Salvador Panelo matapos i-terminate ni Pangulong Rodrigo Duterte ang kasunduan sa Estados Unidos.

Sa ilalim ng VFA, hinahayaan ang mga tropang Amerikano na pumasok sa Pilipinas kahit walang pasaporte o visa sa diwa ng “kooperasyon” para sa interes panseguridad ng dalawang bansa.

Sinabi ni Panelo na nilayon ni Pangulong Duterte na putulin ang VFA sa Amerika dahil sa pagkansela ng US visa ni Sen. Ronald dela Rosa at diumano’y pakikialam ng mga Amerikanong senador sa isyu ng human rights sa Pilipinas at pagkakakulong ni Sen. Leila de Lima.

Samantala nagpahayag ng pagka-konsensya si Sen. Ronald “Bato” Dela Rosa sa naturang disisyon ng Pangulo.

Sinabi ni Dela Rosa na nakokonsensya siya dahil ang kanselasyon ng kaniyang US visa ang naging dahilan ni Pangulong Duterte para i-terminate ang VFA.

Muling nilinaw ni Dela Rosa na hindi siya nagsumbong sa Pangulo at ang media ang naglabas ng ulat tungkol sa kanselasyon ng kanyang visa.

Naniniwala rin si Dela Rosa na may epekto rin sa Pilipinas ang pagtatapos ng VFA lalo na sa palitan ng impormasyon sa pagitan ng dalawang bansa.

Pero mabuti na rin anya na maging independent ang Pilipinas at hindi na umasa sa Amerika.

Iginiit naman ni Armed Forces of the Philippines (AFP) Chief Felimon Santos Jr. na mabubuhay ang AFP kahit wala ang visiting Forces Agreement o VFA kasama ang Estados Unidos.

Ito ang tinuran ni Santos sa isang panayam sa Senado kaugnay ng pagkalas ng Pilipinas sa VFA.

Inihalintulad naman ni Santos ang pagkalas ng Pilipinas sa  military bases agreement kasama ang Estados Unidos noong 1992 na kung saan ay nanatiling matatag pa rin ang military forces ng bansa.

Ayon pa kay Santos, kayang palakasin ng Pilipinas ang sarili nitong military forces na hindi umaasa sa VFA sa pamamagitan ng gagawing pagpopondo para sa modernisasyon sa AFP.

Mga pasahero ng PAL mula China, sasailalim sa 2 weeks home quarantine

by

 

CHERRY LIGHT

NILINAW ng Philippine Airlines na sasailalim sa 14 days mandatory quarantine ang mga nastranded na mga pasahero na kukunin mula China at dadalhin pabalik ng Pilipinas sa Lunes.

Gayunpaman ito ay home quarantine lamang at hindi na dadalhin sa Nueva Ecija para isailalim ang dalawang linggong quarantine sa mga pasahero.

Ito ang kinumpirma ni PAL Spokesperson Cielo Villaluna sa SMNI kasunod sa inanunsiyo na nakatakda itong  maglaan ng special flights para sa mga na-stranded na mga pasahero na naapektuhan ng travel ban sa pagitan ng Manila at  China.

Aniya   ang flight PR 334 na may  ruta na Manila- Xiamen ay aalis ng alas 7:30 ng umaga habang ang pabalik naman nito na flight PR 335 mula Xiamen ay darating ng alas 1:05 ng hapon.

Planong gagamitin ng PAL  ang 199-seater na airbus A321 para sa mga pasaherong isasakay sa Lunes.

Iginiit din ni Villaluna na ang mga pasahero lamang na papayagang sumakay na mula Xiamen patungong Manila ay mga Filipino citizen at holder ng Philippine Permanent Resident Visa lamang habang ang mga sasakay naman na mula Manila patungong Xiamen ay mga Chinese o iba pang mga dayuhan na lalapag sa Mainland China sa pamamagitan ng Xiamen Gaoqi International Airport, na itinuturing na gateway patungo sa iba pang lugar sa China.

Bukod sa mga pasahero ay sasailalim din sa dalawang linggong home quarantine ang piloto at cabin crew na pawang nagboluntaryo sa naturang special flight.

Matatandaang sinimulang ipinatupad ni Pangulong Rodrigo Duterte ang travel ban nito lamang Pebrero 2  para sa mga dayuhan na manggagaling mula China, Hongkong at Macau  kaugnay sa  ikinababahalang pagkalat  ng  2019 nCoV ARD sa bansa.