Parasite

Oscar Award Winning Parasite director, binigyan ng hero’s welcome sa South Korea

February 26, 2020 by PINAS

SINALUBONG ng magarbong hero’s welcome ng kaniyang mga kababayan si South Korean director Bong Joon-Ho ng Oscar Award Winning Film na Parasite.

Nasa tatlundaang reporters at fans ang naghintay sa internationally acclaimed director pagkalapag pa lamang nito ng Incheon International Airport.

Pinasalamatan ni Bong Joon-Ho ang lahat ng sumalubong sa kaniyang pag-uwi at sa suporta ng mga ito sa pelikula.

Magugunitang gumuhit sa kasaysayan si Bong nang hakutin nito ang major awards sa prestihiyosong Oscars Academy Award kabilang ang best picture.

Ang ‘Parasite’ din ang kauna-unahang foreign language film na nagwagi sa nasabing kategorya sa kasaysayan ng academy award.

February 19, 2020 by PINAS

HUMAKOT ng awards sa prestihiyosong 92nd academy awards o mas kilala bilang The Oscars ang Korean thriller-comedy na “Parasite”.

Itinanghal bilang Best Picture ang Korean film na umukit ng kasaysayan bilang kauna-unahang non-english film na nakapag-uwi ng naturang award.

Naibulsa rin ng Parasite ang Best Original Screenplay, Best Foreign Film at Best Director para kay Bong Joon-Ho.

Iginawad naman ang best actor awards kay Joaquin Phoenix na gumanap bilang Joker at best actress kay Renee Zellweger para sa pelikulang Judy.

First time naman na itinanghal bilang Best Supporting Actor si Brad Pitt para sa pagganap nito sa pelikulang Once a Upon a Time in Hollywood.

Best Supporting Actress naman si Laura Dern para sa pelikulang Marriage Story.

Ito ang ikalawang sunod na taon na isinagawa ang Oscars nang walang host.

February 10, 2020 by PINAS

DINOMINA ng World War I epic film ni Sam Mendes na “1917” ang 2020 British Academy of Film and Television.

Humakot ng pitong awards ang “1917” kabilang ang major titles na Best Film, Best British Film, Best Director at Best Cinematography.

Tatlong awards naman ang naiuwi ng DC Comics Villain movie na “Joker” kabilang na ang Best Actor Awards para sa lead star nitong si Joaquin Phoenix.

Itinanghal naman na best actress si Renee Zellweger para sa pagganap nito bilang Judy Garland.

Naiuwi naman ng Korean thriller-comedy na “Parasite” ang Best Original Screenplay at Best Foreign Film.

Naganap ang 73rd British Academy Awards sa Royal Albert Hall sa London, UK.