PINAS

Ang Lihim ng Panginoon (Ikatlong Bahagi)

Sonspeak

Recent News:

Pasay City

Bubble C: Sagana sa bitamina C at Calcium

by

Ni: Eyesha Endar

MAYAMAN sa bitamina C at calcium ang Bubble C – isa pa rin ito sa mga produkto ng EDMARK International na nagbibigay ng enerhiya sa katawan ng tao.

Sinasabing ang isang basong Bubble C ay katumbas ng bitaminang makukuha sa tatlong bagong pitas na orange na dalandan.

Mga katangian ng EDMARK’s Bubble C:

Gawa mula sa sariwang prutas na dalandan:  Mula ito sa sariwang prutas na dalandan na ginawang purong juice upang mas madaling ihanda.

Mayaman sa bitamina C: Sagana ito sa bitamina C na kailangan ng katawan ng tao.

Nagtataglay ng calcium: Mataas ang calcium content nito na nagpapatibay ng mga ngipin at mga buto sa katawan. Nakatutulong din upang mapanatili ang tamang timbang ng katawan.

Pinahusay ang likas na kulay: Natural ang kulay nito mula sa karotina, ang sangkap na pangkulay na nagbibigay ng maliwanag na kulay.

Ligtas sa lahat ng pampatamis: Ang matamis na dalandan na nalalasahan sa Bubble C ay mula sa natural na fructose.

Ligtas ito para sa may mga diabetes dahil hindi nito itataas ang antas ng blood sugar.

       Mga benepisyong makukuha sa Bubble C:

  • Pinalalakas ang immune system.
  • Nilalabanan ang lamig at impeksiyon.
  • Tumutulong sa pagkukumpuni ng blood vessels at connective tissues.
  • Pinabibilis ang metabolismo.
  • Pinasisigla ang paggalaw ng utak.
  • Tumutulong sa pagsipsip ng iron at protina.
  • Sinusuportahan ang collagen production ng katawan.
  • Pinoprotektahan ang balat at buhok upang hindi masira.
  • Tumutulong upang mabilis na mapagaling ang sakit sa katawan.
  • Iniiwas ang katawan sa dietary deficiency mula sa bitamina C.
  • Tumutulong upang maiwasan ang pagkakaroon ng cancer at heart disease.
  • Binubuhay ang anti-oxidants tulad ng bitamina E.

Marami pang mga produkto ang Edmark na makatutulong na mapanatilingmaganda ang kalusugan tulad ng Cocollagen Anti-aging Beverage at Bio elexir Soya Drink.

Para sa mga karagdagan pang impormasyon, tumawag sa opisina ng Edmark International sa mga numerong 0935-541-9918, hanapin si Ms. Bing o di kaya’y magsadya sa kanilang opisina na matatagpuan sa ikatatlong palapag ng Empire Bldg., Savemore Supermarket, EDSA Ext., corner Taft Ave., Pasay City, Metro Manila.

Mahalagang makamit natin ang magandang kalusugan dahil ito ang ating puhunan upang matupad ang lahat ng ating mga pangarap sa buhay. Sa Edmark, hindi lang magandang kalusugan ang ibibigay sa iyo kundi bibigyan rin ng pagkakataon at tuturuan kung papaano pauunlarin ang iyong buhay.

Eduard Folayang, Amir Khan Maghaharap Para sa One Lightweight Title

by

Eduard Folayang nais muling kunin ang titulo ng One Championship lightweight king.

Ni: Jonnalyn Cortez

Maghaharap si Eduard Folayang at Amir Khan sa loob ng ring upang paglabanan ang titulong ONE Championship lightweight title pagkatapos magbitiw ni Martin Nguyen.

Matatandaang binitawan ng two-division champion ang naturang titulo pagkatapos magtamo ng pinsala sa kanyang tuhod.

Inanunsiyo ni One Championship founder, chairman, at CEO na si Chatri Sityodtong ang paghaharap ni Folayang at Khan para maging bagong kampeon ng dibisyon.

Amir Khan nais maging unang Singapore homegrown champion.

 

PAGHAHARAP NI FOLAYANG AT KHAN

Hindi magtatagal at muling mapupunan ang nabakanteng titulo ng ONE Championship’s lightweight division.

Inihayag ni Sityodtong sa isang Facebook post kamakailan ang nalalapit ng paghaharap ni Folayang at Khan para sa nasabing trono.

“I am excited to announce that Eduard and Amir will face each other for the ONE Lightweight World Championship on November 23 in Manila!” anito. “The stakes could not be any higher for both warriors in what will be the biggest fight of their careers.”

Papalitan ng kung sino mang magwawagi ang hawak na titulo ni Nguyen, pagkatapos nito mawalan ng kakayanan na depensahan ang kanyang trono dahil na rin sa natamong pinsala.

Martin Nguyen nagbitiw bilang One Championship lightweight champion.

 

KILALANIN SI FOLAYANG

Pinahanga ng 33-taong-gulang na taga Cordillera na si Folayang ang marami ng makatanggap ito ng “back-to-back unanimous decision” laban sa mga kilalang mapanganib at malalakas na Russian grapplers na sina Aziz Pahrudinov at Kharun Atlangeriev.

Unang nakatanggap ng titulong world champion si Folayang ng magtagumpay ito laban sa kilalang Japanese legend na si Shinya Aoki sa Singapore noong 2016. Nagwagi ito sa ikatlong round na inanunsyong total knockout (TKO). Pagkatapos lamang ng dalawang taon, susubukan nitong maging unang two-time One lightweight champion sa harap ng kanyang mga kapwa Pilipino.

Matatandaang hindi nagtagumpay si Folayang na masungkit ang nasabing titulo laban sa ONE featherweight champion na si Nguyen noong Nobyembre ng nakaraang taon. Nagwagi ang huli sa ikalawang round na inanunsyong knockout.

Mula ng pagkatalo, nagtagumpay si Folayang na ibangon ang kanyang pangalan ng magwagi ito laban kina Atlangeriev at Pahrudinov.

Sinubukan din nitong maging pang-apat na manlalaban ng Team Lakay na makakakuha ng titulo.

“Eduard wants to reclaim his title and go down as the greatest Filipino martial artist in history,” sabi ni Sityodtong ukol kay Folayang.

Matagumpay na napagwagian ni Folayang (20-6) ang anim sa kanyang pitong huling laban.

Kapag maswerteng nasungkit ni Folayang ang world championship title, magiging pang-apat na tuluy-tuloy na panalo na ito ng Team Lakay ngayong 2018.

MULA SA EVOLVE MMA NA SI KHAN

Makakalaban ni Folayang ang 23-taong-gulang na si Khan. Mula ang knockout artist na ito sa kilalang grupo na Evolve MMA ng Singapore.

Ito ang unang pagkakataon na tutungtong si Khan sa loob ng ring upang makuha ang world championship. Kapag nagwagi, maaari siyang maging kauna-unahang homegrown world champion ng Singapore.

“Amir wants to become Singapore’s first homegrown World Champion in history, and stamp his legacy as the greatest Singaporean martial artist the world has ever seen,” ani Sityodtong ukol kay Khan.

Napagtagumpayan ni Khan ang walo sa siyam niyang huling laban. Hinangaan din ito ng marami nang manalo sa unang round laban sa kapwa top lightweight contender na mula sa Team Lakay na tulad ni Folayan na si Honorio Banario nito lamang Setyembre.

ANG PAGTUTUNGGALI

Parehong kilalang magaling na manlalaban ang magkatunggaling si Folayang at Khan.

Itatanghal na bagong kampeon ang sinomang magwawagi sa pagitan ng dalawang magkalaban. Gayunpaman, nag-organisa ang ONE Championship ng isang four-man lightweight tournament, bagaman hindi ito isang “deliberate decision.”

Haharap sa sinomang mananalo sa loob ng ring ang magwawagi sa pagitan ni Ev Ting at Shinya Aoki sa darating na Marso ng susunod na taon sa Tokyo.

Sinasabing kinokonsidera na para sa lightweight title ang naturang labanan, ngunit ipinasiya ng mga opisyal ng promosyon na masyado itong malapit sa labanan ni Folayang at Khan upang gawing isang five-round championship fight.

“Barring any injuries or unforeseen circumstances, I fully expect the winner between Ev and Shinya to face the winner between Eduard and Amir in Tokyo,” ani Sityodtong.

Nakatakdang ianunsyo ni Sityodtong ang kung sinomang mananalo sa labanang Aoki-Ting ay haharapin ang mananalo ng labanang Folayang-Khan para sa titulong world champion sa 2019.

Maghaharap si Folayan at Khan sa darating na Nobyembre 23 sa Mall of Asia sa Pasay City.

Mga pasaway na pulis, tatapusin!

by

Ginawaran ng parangal ni PNP Chief Police Director General Oscar Albayalde ang mga kawani ng National Capital Region Police Office sa matugumpay na entrapment operations na humuli sa police scalawags na sangkot sa kindap-for-ransom.

 

Ni: Quincy Joel V. Cahilig

Labing anim na milyong mga botanteng Pinoy ang nagluklok kay Rodrigo Roa Duterte bilang Pangulo ng Pilipinas noong 2016 dahil sa paniniwala at pagtitiwala na magagawa niyang lutasin ang problema sa krimen at droga, na magreresulta sa mas maginhawang buhay sa bansa. At hangang ngayon, kung pagbabasehan ang mga surveys, marami pa ring mga Pinoy ang naniniwala at nagtitiwala sa Pangulo na magagawa niya ito.

Subali’t sa pagtahak sa tagumpay na ninanais, mayroong mga balakid. Papaano nga naman matutuldukan ang isyu ng droga at krimen kung ang mga alagad ng batas mismo ang promotor at protektor ng masasamang mga gawain?

Sila yung mga tinatawag na “rogue policemen o police scalawags,” na dumudungis sa imahe ng pulisya at sumisira sa pagtitiwala ng madla sa Philippine National Police (PNP).

Mismong ang Pangulo ay aminado na may mga pasaway na mga pulis. Kaya babala niya, hindi sya manghininayang na “tapusin” ang mga scalawags upang matupad ang pangakong kaniyang binitawan sa sambayanan.

“I promised you that including uniformed personnel, huwag kayong pumasok diyan sa droga, ‘yang mga murder-for-hire, kasi ipa-‘project’ ko rin kayo,” sabi ni Duterte sa isang talumpati sa Pasay City.

“You can be very sure there will be a project for you and really that is to neutralize or terminate you. Kung hindi ko ganunin, walang mangyari sa ating bayan,” dagdag ng Pangulo.

Ginawa ng Pangulo ang pahayag ilang araw matapos inanunsyo ni PNP Chief Oscar Albayalde ang recalibration ng Oplan Tokhang , alinsunod sa sinabi ng Pangulo sa nakaraan niyang State of the Nation Address kung na magiging “relentless at chilling” ang kampanya kontra droga.

Si Pangulong Rodrigo Duterte sa kaniyang talumpati sa 68th National Security Council and 69th National Intelligence Coordinating Agency (NICA) founding anniversary celebration sa Philippine International Convention Center, Pasay City.

GIYERA KONTRA POLICE SCALAWAGS

Makikita sa mga numero ang pagiging pursigido ni Pangulong Rodrigo Duterte at ng PNP sa giyera kontra scalawags.

Base sa datos, 6,401 na mga kawani ng ahensya ang napatawan ng parusa mula 2016. Kasama sa bilang ang 1,828 police scalawags na ang sinibak na sa pwesto dahil sa sari-saring mga paglabag.

Ito ay bunga ng sariling imbestigasyon ng PNP at mga kasong isinampa ng mga sibilyan sa pulis na sangkot sa krimen, at mga paglabag tulad ng grave misconduct, serious neglect of duty, serious irregularity, malversation, dishonesty, at kurapsyon.

“The PNP has sustained the momentum of its continuing internal cleansing program in the 190,000-strong police force over the past two years under the Duterte administration when organizational discipline and internal reform became the centerpiece of the service agenda of PNP Chief Albayalde,” pahayag ni PNP spokesman Senior Supt. Benigno Durana.

Isang dahilan ng pag-arangkada sa paglilinis sa hanay ng pulisya ay ang PNP Counter-Intelligence Task Force (PNP-CITF), na binuo noong nakaraang taon para tutukan ang mga tiwaling pulis sa bansa.

Base sa record ng PNP-CITF, nasa 87 mga pasaway na police personnel ang kanilang na-aresto mula nang Pebrero 2017 hanggang Hulyo 2018.

Ayon kay PNP chief Albayalde, patuloy ang kanilang pagbabantay at pagtukoy sa mga police scalawags, na sangkot sa mga iligal na aktibidad at pumo-protekta sa mga sindikato sa bansa.

“Meron tayong binabantayang 1,000 allegedly involved sa illegal drugs. Nababawasan but hindi natin alam kung meron pang iba. Kailangan nating maging sharp dito. Kailangang ma-identify pa kung sino pa talaga gumagawa dahil alam natin meron pa rin most probabaly wala sa listahan pero gumagawa ng hindi maganda,” sabi ni Alabyalde.

Holistic approach ang gagamitin ng Philippine National Police sa internal cleansing program tungo sa reporma sa pulisya.

PINAIGTING NA INTERNEAL CLEANSING PARA SA REPORMA

Enero nitong taon nang dinoble ang sweldo ng mga pulis sa layuning papaging-sapat ang kanilang kinikita sa pag-asang maiiwasan na ang pagsali nila sa mga iligal na gawain tulad ng pangongotong. Subali’t, base sa mga report, marami pa ring mga pulis ang sangkot sa katiwalian.

Dahil dito, minabuti ng PNP-CITF pag-aralan ang mga posibilidad kung bakit nagpapatuloy ang problema at upang makagawa ng mas epektibong solusyon.

“Nagsasagawa ng pag-aaral that despite na meron na tayong internal cleansing, isang priority program ng PNP ay mayroon pa ring nasasangkot,” wika ni PNP-CITF commander Senior Superintendent Romeo Caramat Jr.

Ang hakbang ay bahagi ng Revitalized PNP Internal Cleansing Strategy, na ayon kay PNP chief Albayalde, gaya ng giyera kontra droga, ay magiging relentless.

“However frustrating it is, hindi tayo bibigay dito. We will continue on,” pahayag ni Albayalde.

Ayon kay Caramat, “holistic approach” ang gagamitin ng PNP sa bago nitong internal cleansing program, na mayroong tatlong pamamaraan: preventive, restorative, at punitive.

Sa ilalim ng preventive approach, mayroong kaukulang training para sa mga pulis para maiwasan nlang masangkot sa anumang iligal na gawain. Kasama dito ang pagkakaroon ng mahigpit na background check sa mga gustong mag-pulis.

“Lahat meron tayong dedicated team para sa intelligence ng lahat ng kapulisan natin. Kung sino ang naatasan na mag-background investigation sa isang pulis na aplikante, and it turned out na loko-loko ang aplikante, ay mananagot ngayon iyung pulis na nag-conduct ng background investigation,” wika ni Caramat.

Samantala, magtutulungan ang iba’t-ibang ahensiya sa pag-beripika ng kung sangkot nga ba o hindi ang isang pulis sa iligal na gawain sa ilalim ng punitive approach.

“Once na ma-validate ng different intelligence agency na itong isang pulis ay talagang sangkot sa iligal na gawain, dito papasok yung dismissal from the service o paano ma-neutralize, huhulihin,” paliwanag ni Caramat. “Pag yung report naman ay it turned out to be false or negative, na talagang hindi siya sangkot o nagbago, doon papasok ang restorative approach. Ibang directorate naman ang hahawak sa mga pulis na ito. Ito yung holistic approach na ginagawa ngayon ng pamunuan ng Philippine National Police.”

Aniya, importanteng magtulungan ang iba’t-ibang unit ng PNP sa pagsasagawa ng mga nabanggit na hakbangin laban sa kanilang mga tiwaling kasamahan, upang maibalik ang lubos na pagtitiwala ng publiko sa pulisya.

“Yung dati kasi, ang internal cleansing natin, puro punitive lang, walang dedicated personnel. Kaya despite na meron tayong internal cleansing, pinag-aaralan natin bakit meron pa ring nai-involve, ngayon binibilang natin itong tatlong approach o strategy para talagang totally magbago na itong mga kasama nating mga pulis,” wika ng opisyal.

Modernong jeepney, aarangkada na sa Maynila – DOTr

by

Ni: Vick Aquino Tanes

Dahil sa pagpupursigi ng Department of Transportation (DOTr) na maipatupad ang PUV Modernization Program, katuwang ang Land Transportation Franchising and Regulatory Board (LTFRB), unang mabibigyan ng safe na masasakyan ang mga emple-yado ng Senado sa pakikipagtulungan ng Senate Employees Transport Service Cooperative (SETSCO).

Kasabay nito ang pagbibiyahe ng mga modernong jeepney para sa mga pasahero na patungong Star City, Philippine International Convention Center (PICC), Cultural Center of the Philippines (CCP), Mall of Asia (MOA), Senate, Government Service Insurance System (GSIS) at biyahe sa Macapagal Boulevard sa Pasay City.

 APRUB SA SENADO

Una nang inaprubahan sa Senado ang plano ng DOTr na magbigay ng biyahe para sa mga empleyado ng Senado at para na rin sa mga magpupunta sa madadaanan ng ruta.

Aprub ito kina Senate President Vicente Sotto, Senate Majority Leader Juan Miguel Zubiri, Senators Aquilino Pimentel Jr. at Sherwin Gatchalian, na nakiisa sa naganap na launching kamakailan kasama sina DOTr Undersecretary for Road Transport and Infrastructure Tim Orbos at LTRFB Chairman Martin Delgra III, at mga kawani ng SETSCO na makikiisa sa pagbibigay ng maayos at ligtas na masasak-yan ng empleyado ng senado.

Nabatid na nagkaisa ang mga samahan ng empleyado ng Senado para magkaroon ng maayos na masasakyan mula sa pag-aaral ng Office of the Transport Cooperative (OTC), na siyang nagrekomenda na maglaan ng modernong jeepney sa nasabing lugar.

Ang SETSCO ay nabigyan ng prangkisa para mamahala sa kapakanan ng mga emplayedo.

Ayon kay Land Transportation Franchising and Regulatory Board (LTFRB) Chairman Martin Delgra III, nakikita rito na alam na ng mga transport leaders ang kainaman ng maayos na sistema.

”Kaya naman po talaga itong gawin. Nakasuporta po tayo sa mga kooperatiba basta’t kumpleto ang mga dokumento, may maayos na ruta at kaisa natin sa pagsusulong ng PUVMP. Sila rin naman po ang makikinabang dito sa bandang huli,” paliwanag ni Chairman Delgra.

 OK SA PWD AT SENIOR ANG MODERNONG JEEP

Malaki ang maitutulong ng modernong jeepney para sa mga nakatatanda at maging sa mga may kapansanan. Ito ay dahil sa ligtas, malinis at maaasikaso pa ang mga pasahero.

Paliwanag ni DOTr Undersecretary for Road Transport and Infrastructure Tim Orbos, mahalaga na makita na ligtas ang mga pasaherong sasakay sa jeep. Hindi na uso ang bara-bara, dapat ay mapa-ngalagaan ang kaligtasan ng mga pasahero, bata man o matanda.

 “Dapat po ang mga mo-dernong public transport, hindi lang ligtas at kumpor-table. Ito ay dapat para sa lahat. Pag sinabing lahat, kasama po rito ang mga senior citizens o nakatatanda, gayundin ang mga Persons-with-Disabilities (PWDs),” ayon pa kay Usec. Orbos.

TUGADE, NAGBABALA SA MGA PASAWAY NA TRANSPORT SECTOR

Nagbabala si Transportation Secretary Arthur Tugade sa mga pasaway na transport groups na makiisa na lamang sa modernisasyon kundi ay mas mahigpit na patakaran ang mangyayari sa kanila.

 “We cannot delay nor deny the public of their right to convenient, affordable and roadworthy mass transport. Pinangako iyan ni Presidente Duterte kaya tungkulin ko na siguruhing iyong mga bulok na at hindi na dapat pang sakyan ay maialis na natin sa kalsada,” paliwanag ni Secretary Tugade.

Hindi umano natatakot si Tugade sa mga banta sa kanya bagkus ay isa umano itong hamon para sa kanya para mas mapabuti pa ang pagbibigay ng serbisyo sa mamamayan.

“Magrally sila kung gusto nila. Sunugin nila ang effigy ko kung gusto nila. But I will insist on the PUV Moder-nization program. Hindi ko sinasagasaan ang mga driver at operator sa paghahanapbuhay nila. Ang pakiusap ko lang sa paghahanapbuhay nila, ‘wag ka namang bumawi ng buhay ng iba,” pagdidiin ni Tugade.

Kaugnay nito, sinabi ni  Tugade na marami pa at malaki ang kanyang plano para sa modernisasyon ng mga pampublikong sasakyan, kabilang na rito ang mga tren ng Philippine National Railways (PNR), Metro Railway Transit (MRT) at Light Railway Transit (LRT).

 100 BAGONG JEEP, NAKAPASADA NA

Una nang nakabiyahe sa bansa ang may 100 na jeepney na masasabing modernisado dahil sa patakaran na walang bulok na jeep ang papayagan pang makapasada.

Ayon kay Land Transportation Franchising and Regulatory Board (LTFRB) Chairman Martin Delgra III, may 180,000 jeepneys nationwide ang papalitan ng mga bagong unit sa ilalim ng  public utility vehicle (PUV) modernization program ng pamahalaan.

Marami namang mga o-perators at transport sectors ang nakiisa at nakita ang prototype vehicles na naaayon sa DOTr specifications.

Nais kasi ng pamahalaan na palitan ang mga bulok na jeep na may edad 15 taon pataas ng mga environment-friendly jeepneys na may mga safety features.

Una rito, inamin ng LTFRB sa house hearing na kulang pa sila sa paghahanda sa gaga-wing modernization program sa mga passenger jeepney kayat ang ilang mambabatas ay tumawag ng pansin na ayusin munang mabuti ang pagpaplano hinggil sa jeepney phaseout bago ito tuluyang maipatupad.

Umaabot sa 600,000 jeep­ney drivers at operators naman ang maaapektuhan sa gagawing jeepney phase out ng pamahalaan pero diin ng DOTr, kailangang maipatupad ito.

Paggamit ng Plastic: kinakailangan, iwasan!

by

Ni: Edmund C. Gallanosa

PANAHON na ng tag-ulan, katakut-takot na baha na naman ang kahaharapin ng ating mga mamamayan.  Nito lamang mga nakaraang araw, maraming lugar sa Maynila at siyudad ng Quezon ang lumubog sa baha—mga kalye, sasakyan, kabahayan.  Ang dulot nito, pagkasira ng mga gamit, pagkaantala ng power supply, abala sa trabaho at negosyo, matinding trapiko.

Ni hindi pa nga tumuntong ng signal no. 1 ang namuong low pressure area na nagpabuhos ng panaka-nakang ulan.

Marami sa mga naperwisyo ang galit na galit at sinisisi ang mga kaliwa’t kanang konstruksyon sa kalye na nagpapalala sa trapiko sa Kamaynilaan.

Subalit ang isinasagawang mga konstruksyon sa lansangan para mapaayos pa ang daloy ng trapiko, hindi para palalain ito.  Hindi rin dapat nagbabaha ang ating mga kalye, sapagkat hindi naman tinatanggal sa konstruksyon ang mga kanal.

Hindi kaya ng mga kasalukuyang drainage system sa kalakhang Maynila ang biglaang dami ng tubig sa lansangan—hindi nila kayang padaluyin at magpatuloy magpa-agos papunta sa mga estero at ilog upang hindi magbaha sa kalsada.  Hindi nga ba kaya? O dahil lamang sa basura?  Malinaw pa sa sikat ng araw na mga plastic ang nagbabara.

Ang plastic kasi ay gawa sa sangkap na hindi nabubulok.  Dahil matibay bilang pangunahing ‘packaging material’ sa mga produkto lalo na ang mga processed foods.  Sa kasamaang palad, marami sa mga packaging materials na ito ay itinatapon agad at hindi na ginagamit pang muli, kaya mabilis ang pagdami nito sa tambakan ng basura.

Dumaragdag pa ang maling pagdispose nito.  Sa mga ayaw sa plastic, magpursige

Sa Dumaguete City, pi-naigting ang pagpapalawig ng ordinansang ‘no plastic’ policy para sa mga pampublikong pamilihan at inuudyok nang muli ang mga pribadong establisyamento na sumunod sa ordinansa.

“Minsan nang ipinatupad ang ordinansang ito ilang taon na ang nakalilipas subalit nahinto noong mawala ang mga enforcers namin.  Kaya balik sa pagpupursige ngayon ang siyudad upang manumbalik ang paglilinis sa lugar.  Ang pagbawas ng paggamit ng plastic would mean better management sa garbage collection at disposal,”  ayon kay Dumaguete City Economic Enterprises Officer Engr. Jose Ronnie Fortin.

Sa Baguio City naman, si-nimulan na ang pagpapatupad sa ‘No Plastic’ policy at sabayang binabantayan ang mga pampublikong pamilihan at private establishments na sumunod sa lalong madaling panahon upang mabawasan ang mga nagagamit at itinatapong basura.  Gabundok ang basura rito at talaga nga namang unstable ang kinalalagyan nito.

Hindi layon ng mga ordinansang ito ang tanggalan ng pagkakakitaan ang mga taong naglalako ng mga plastic.  Itinatakda lamang ang pagbabawas sa sobra-sobrang paggamit nito sapagkat marami pa sa ating mga kababayan ang pabaya sa pagtapon ng kanilang mga basura.

Good news naman sa mga mamamayan

Salamat at may mga kumpanya pa rin na nagpupursige na tumuklas pa ng mga bagong formula upang makagawa ng mga sisidlan ng produkto na ‘organic’ o ‘biodegradable,’ pamalit sa nakasanayan nang plastic na gamit.   Tuloy-tuloy pang tumutuklas ang boy-genius na si Amin Hataman at umaambag pang lubos ang D&L Industries para mas madami pang biodegradable products.

Sa mga plastic manufacturers, napapanahon na ang mga kumpanyang ito ay magkaroon ng ‘adapting policy’ kung saan dapat palitan din nila ang kanilang formula at gumamit ng mga ‘biodegradable materials’ sa kanilang produkto.

Sa Antipolo City, umabot sa halos 70% ang ibinaba ng insidente ng pagbabaha sanhi ng mga itinapong plastic.  Ganun na rin ang pagbaba ng dami ng basurang hindi nabubulok.  Sa panahon ng pamumuno ng dating Alkalde Nilo O. Leyble nang maisapatupad ang ‘No Plastic’ policy at dahil sa matinding pangangailangang malutas ang suliranin sa basura at baha, tumugon ang mga tao.

“‘Political will’ ang kailangan sa pagpapatupad ng ganitong ordinansa at involved lahat, walang exception.  Kailangan ang suporta hindi lamang ng mga consumers pati na rin sa mga namumuhunan dito at ikinakalakal.  Puntahan mo sila, sabayan mo sila habang namimili.  Tignan mo ang ginagamit nila—makiusap ka sa kanila.  Ganun din sa mga nagtitinda.  Kung wala kang political will, hindi ka papansinin ng tao.”   Sabi ng dating Antipolo mayor Nilo Leyble.   Minsan pa nga inakyat ni Mayor Nilo ang tambakan ng basura.  Nangingibabaw ang sandamakmak na plastic bilang pangunahing laman ng tambakan.

Sang-ayon naman ang isang negosyante sa galaw ng dating alkalde.  “Noong nanawagan si Mayor Nilo to campaign for the implementation ng plastic at styrofoam regulation sa Antipolo, I believe majority of the business community members and residents pledged their support for the ordinance.  Ang irony nga niyan, nasa bundok na kami nakatira pero may mga places pa din na binaha, dahil lang sa mga basura na plastic na bumara.  Imaginin’ ninyo nalang ‘yung nasa kapatagan.  Kaya ‘yung nakapalibot sa Maynila, dapat gumaya na rin.  Dahil dyan ang madaming concentration ng mga tao who makes wastes.”  Sabi naman ni businessman Danny Tan.

Wala namang nakasaad sa mga ordinansa ng mga munisipyo at siyudad ang naguutos ng ‘total ban’ sa mga plastic, sapagkat napaka-imposibleng mangyari ito.  Ang idinidiin lamang ng mga ordinansa ay ‘reduction’ o pagbabawas sa paggamit ng mga plastic.  Nasanay na kasi ang mga mamamayan na patong-patong ang plastic—bibilhin na sa plastic na pakete ang isang produkto at ibabalot pang muli sa sando bag para mabitbit nang maayos.  Subalit pagdating sa bahay, diretso sa basurahan ang mga plastic na pinaglagyan.  Kalaunan babagsak ito sa mga tambakan ng basura.  Ang iba rito ay hindi na nga nakakarating sa tamang tambakan, kakalat at makakarating sa kalye at kapag umulan at umagos ang tubig, babara ito sa mga kanal.

Kung meron man dapat nangunguna sa pagpapaigting ng ‘No Plastic’ policy mula sa public market, fish terminal, meat at cold storages ay ang kalakhang Maynila.  Sana pagibayuhin pa ng mga nagsimula nang magpatupad sa regulasyon ng paggamit ng plastic—tulad sa Pasay City, Las Pinas, Makati, Mandaluyong, Marikina, Muntinlupa, Pasig at sa siyudad ng Albay.   Sila dapat ang manguna sa pag-iimpluwensiya, at marahil, ang mga probinsiya ay makukuha rin nilang sumunod.   Tamang gamit ng plastic, tamang pag-dispose, mas maayos na kapaligiran ang katumbas.  Walang bara, walang baha.

Jr. NBA ng Pinas

by

Ni: Noli C. Liwanag

Jr. NBA ng Pinas pinangunahan nina Sacramento Kings star-ting center Willie Cauley-Stein at WNBA Hall-of-Fa-mer Sheryl Swoopes ang ginanap na Jr. NBA Phi-lippines National Training Camp sa Mall of Asia Music Hall, Pasay City.

Sa pagtatapos ng trai-ning camp, napili ang 8 lalaki at 8 babae mula sa 74 finalists para katawanin ang Jr. NBA Philippines All-Stars.

Tinanghal na Mot Valuable Player ang 14-anyos na si Prince Ray Alao ng San Beda University sa boys class kung saan nakasama niyang napili na nakapagpamalas ng katauhan na nagpapakita ng mga kalidad sa Jr. NBA core S.T.A.R. Values of Sportsmanship, Teamwork, a positive Attitude, and Respect sina Ethan Rod Alian, 14, ng La Salle Greenhills; John Lester Amagan, 14, ng St. Robert’s International Academy of Iloilo; Seven Gagate, 14, ng Chiang Kai Shek College; Nathan Jan Jundana, 14, ng Bacolod Tay Tung; Christian Joi Mesias, 14, ng Jose Maria College of Davao; Kim Aaron Tamayo, 13, ng National University; at Rhon Khaniel Telles, 13, ng St. Anthony de Carmelli Academy of Cavite.

Sa girls class ay sina Madelyn Flores, 14, ng Bukidnon National High School; Gin Kayla Huelar, 13, ng St. La Salle University, Bacolod; Aishe Solis, 13, ng Corpus Christi School in Cagayan De Oro; Pauline Angelique Valle, 13, ng Misamis Oriental Ge-neral Comprehensive High School; Christine Nichole Venterez, 12, ng Baguio City National High School; Marielle Vingno, 14, ng Escuela de Sophia of Caloocan Inc.; Amber Esquivel, 14, at Kyla Marie Mataga, 13, ng De La Salle Zobel.

Ang Jr. NBA Philippines delegates ay bibiyahe sa Shanghai, China sa Oktubre para sa NBA China Games kung saan tampok ang laro ng Philadelphia 76ers at Dallas Mavericks.