POL MONTIBON
MAGBIBIGAY ng 3,000 cash assistance ang Pasig City sa lahat ng mga tsuper sa lungsod na hindi na nakakabiyahe kasama ang mga grupo ng namamasada na labis na naapektuhan ng ipinatutupad na lockdown.
Ito ang inanunsyo ni Pasig City Mayor Vico Sotto kung saan gagawin ang distribusyon sa mga tricycle, jeepney at UV express drivers sa Lunes.
PINURI ni MMDA Chairman Danilo Lim ang ilang Metro mayors sa kanilang pagsisikap na malinis ang lahat ng mga pangunahing kalsada sa kanilang nasasakupan.
Bagama’t hindi pa nabisita ni Lim ang lahat ng Metro mayors pero aminadong ikinatutuwa nito ang inisyatiba ng lahat.Ngayong araw personal na binisita ni General Lim ang mga lugar ng Pasig at Pateros sa kanilang clearing operations sa pangunguna nina Pasig City Mayor Vico Sotto at Pateros Mayor Ike Ponce.
Aminado din naman ang dalawang alkalde na malaking hamon ang direktiba ng pangulo para sa kanila pero pagbubutihan nila na magampanan ito hanggang sa pagtatapos ng animnpung araw.
Ito na ang pang-apat na araw ng implementasyon ng memorandum circular sa lahat ng Metro mayors na linisin ang mga kalsada sa kanilang lugar para sa mas maayos na sistema ng trapiko sa Kalakhang Maynila.
PAKIKI-isa ang panawagan ngayon ni Pasig City Mayor Vico Sotto sa kampo sa mga Eusebio para sa pag-unlad ng lungsod ng Pasig.
Sa kanyang oath taking ceremony, sinabi ni Sotto na dapat nang kalimutan ang mga pangyayari sa panahon ng kampanya at eleksyon.
Matatandaan na naghain ng electoral protest si dating Pasig City Mayor Bobby Eusebio matapos syang talunin ng bagitong si Sotto sa midterm elections.
Sinabi din ni Mayor Sotto na nais niyang silipin ang financial record ng Pasig City upang malaman ang estado ng pera ng nasabing lungsod.
Sa bagong direksyon ng Pasig City, isang participatory governance ang nais isulong ng alkalde para matukoy at masolusyunan ang higit na pangangailangan ng isang Pasigueño.
Partikular na aniyang tutukan ang basic services, programa sa edukasyon, libreng gamot at pagpapa-ospital.
Nangako din si Sotto na labanan ang katiwalian sa Pasig City, lalo na ang pangongotong.
Kasama naman ni Sotto sa kanyang panunumpa ang kanyang amang si Vic Sotto at inang si Connie Reyes at mga kapatid at ilang malalapit na kaibigan nito.
