NI: Pastor Apollo C. Quiboloy

KAILANGAN kayong paalalahanin na bilang mga anak na lalaki at anak na babae ng Ama, kapag tayo ay lumalakad sa Kalooban ng Ama, anuman ang mangyayari sa atin ito’y palaging nasa Kalooban ng Ama.

Tinatanggap natin ang mabubuting mga bagay at tinatanggap din natin ang masasamang mga bagay, dahil iyang lahat ay nasa Kanyang ganap na Kalooban. Ipakikita natin sa mundo na tayo ay matapat sa Kaharian hindi lamang sa mabubuting ulat.

Sa anong paraan tumugon si Job? Ang Panginoon ang nagbigay, ang Panginoon ang nagalis. Purihin ang pangalan ng Panginoon! Makatatayo ba tayo ng matibay kagaya ni Job? Ang aking pananampalataya ay lumalakas sa bawat panahon na may pag-atake mula kay Satanas o maaaring ako’y atakehin ni Satanas ng personal dahil ako naman talaga ang kanyang target.

Saanman ako ninyo ilagay, maging ito man ay sa kulungan, dadalhin ko pa rin ang Kalooban ng Ama. Mag-aayuno at magdadasal ako at sasabihin sa inyo na ang Panginoon sa langit ay mas makapangyarihan kaysa sa anumang puwersa sa sanlibutan.

Bakit? Dahil ang gawaing ito ay espirituwal. Tayo ngayon ay pinagpala ng masagana ng Ama. Ito’y dahil kapag tayo ay pinagpala, hindi nakikita ni Satanas ang ating pananampalataya. Hindi niya nakikita ang ating katapatan, na kayo ay wala nang binhi ng serpente, na kayo ay nakapagsisisi na, na kayo ay mabubuti na, wala na kayong mga bisyo, at kayo ay lumalakad na sa Kalooban ng Ama.

Hindi lahat ‘yan nakikita ni Satanas. Lahat ng kanyang nakikita ay mga pagpapala na meron sa atin. Tayo ay lubos na pinagpala ngunit hindi nakikita ni Satanas ang ating katapatan. Ang ating mga mabubuting mga gawain kagaya ng mga humanitarian work na ating inilaan sa mga batang dukha, o maging ng mga rescue operations sa panahon ng mga kalamidad. Nagtungo pa nga ang ating grupo sa Africa upang tulungan ang mga batang nangangailangan. Ang lahat ng kanilang nakikita ay ang mga pagpapala natin, mga materyal at pinansyal na mga pagpapala. Kaya, doon kayo susubukan. Paano natin harapin ang mga iyon?

Kung nais ng Ama na bumalik ako sa Bundok Kitbog o saanmang bundok, ako lang o kasama ng mga miyembro, eh ‘di sige. ‘Yan ang Kalooban ng Ama.

Itinukoy ito sa Mateo 7:24-25,

24 Kaya’t ang bawa’t dumirinig ng aking mga salitang ito at ginanap, ay matutulad sa isang taong matalino, na itinayo ang kaniyang bahay sa ibabaw ng bato.

25 At lumagpak ang ulan, at bumaha, at humihip ang mga hangin, at hinampas ang bahay na yaon; at hindi nabagsak: sapagka’t natatayo sa ibabaw ng bato.

Ano ang bahay na ‘yan? Kayo at ako ay ang bahay na iyan. Hindi anumang gusali, hindi kahit ang Kingdome. Hindi ‘yang mga ari-arian na inyong nakikita. Hindi lahat ng iyan kundi ako. Kayong lahat ay templo na siyang maitatag sa ibabaw ng bato.

Ipinaliwanag ito dito sa Mateo 7: 26-27

26 At ang bawa’t dumirinig ng aking mga salitang ito at hindi ginaganap, ay matutulad sa isang taong mangmang, na itinayo ang kaniyang bahay sa buhanginan:

27 At lumagpak ang ulan, at bumaha, at humihip ang mga hangin, at hinampas ang bahay na yaon; at nabagsak: at kakilakilabot ang kaniyang pagkabagsak.

Kaya saaman o anumang pangyayari na ating mahaharap habang naglilingkod sa Ama, tanggapin natin ito ng buong puso kagaya ni Job dahil tayo ay tumestigo na ang paglilingkod na ito ay tunay. Tayo ay matapat sa paningin ng Dakilang Ama. Pasalamatan natin Siya sa lahat ng ating mga karanasan.

 

Ito ay isinulat sa Efeso 6: 12-18

12 Sapagka’t ang ating pakikibaka ay hindi laban sa laman at dugo, kundi laban sa mga pumunuan, laban sa mga kapangyarihan, laban sa mga namamahala ng kadilimang ito sa sanglibutan, laban sa mga ukol sa espiritu ng kasamaan sa mga dakong kaitaasan.

13 Dahil dito magsikuha kayo ng buong kagayakan ng Dios, upang kayo’y mangakatagal sa araw na masama, at kung magawa ang lahat, ay magsitibay.

14 Magsitibay nga kayo, na ang inyong mga baywang ay may bigkis na katotohanan, na may sakbat na baluti ng katuwiran,

15 At ang inyong mga paa ay may panyapak na paghahanda ng evangelio ng kapayapaan;

16 Bukod dito ay taglayin ninyo ang kalasag ng pananampalataya, na siyang ipapatay ninyo sa lahat ng nangagniningas na suligi ng masama.

17 At magsikuha rin naman kayo ng turbante ng kaligtasan, at ng tabak ng Espiritu, na siyang salita ng Dios:

18 Na magsipanalangin kayo sa Espiritu ng lahat ng panalangin at daing sa buong panahon, at mangagpuyat sa buong katiyagaan at daing na patungkol sa lahat ng mga banal.

Nang ako’y tinawag Niya sa Tamayong, ako ay nag-iisa. Iniwan ko ang kaginhawaan at oportunidad na inalok sa akin ng dati kong denominasyon na nanggaling mula sa Amerika. Itinabi ko ang lahat ng ito dahil sa pag-ibig ko sa Kalooban ng Ama. Nag-iisa akong kumakain ng saging sa limang taon hanggang ibinigay Niya sa akin ang lahat ng mga kapahayagan na aking ibinahagi ngayon sa buong mundo. Nadaig ko ang binhi ng serpente sa bundok na iyon sa paggawa sa Kalooban ng Ama. Kaya, laging tandaan na ang ating paglilingkod sa Dakilang Ama ay hindi karnal, kundi espirituwal.

(ITUTULOY)

 

NI: Pastor Apollo C. Quiboloy

NAGAGALAK tayo na ang 2020 ay dineklara bilang Taon ng Napakasaganang Pagpapalang Espirituwal ng Dakilang Ama.

Pinagpala ng Ama ang Bansang Kaharian sa napakaraming paraan. At ang ating gawa ay naging matagumpay sa napakaraming mga lugar. At naalala ko nang tinawag ako ng Ama at dinala ako sa dalawang bundok. Kanya rin akong dinala sa Korea kungsaan ay narinig ko ang Kanyang tinig na nagsasabing, “Gagamitin kita,” na sa Cebuano ay “Gamiton ta ka.” Kaya ngayon ginagamit ako ng Ama at ipinapadala sa buong sanlibutan. Ang Kanyang buhay ay ipinagkatiwala sa akin. At ito ang buhay ni Jesus Christ na nagsisimula nang Siya ay pinadala dito upang iligtas tayo. At ngayon tayo ay mapagpasalamatin dahil sa malaking katagumpayan sa Bansang Kaharian.

Tayo ay mapagpasalamatin sa Ama sa maraming paraan dahil ang ministeryong ito ay isang Espirituwal na Ministeryo. Ito ay Espirituwal na Ministeryo na dumating sa mga puso at isipan ng Kanyang mga mamamayan sa buong sanlibutan.

Kaya lahat ng bagay na nangyayari sa Bansang Kaharian ay Kalooban ng Ama. Kapag tayo ay lumakad sa Kalooban ng Ama, ang mga bagay na inyong nasasaksihan ay palaging Kalooban ng Ama.

ANG KATAPATAN NI JOB

Si Job ay masyadong pinagpala ng Ama at ang kanyang pananampalataya ay napakatibay. Nang makita ni Satanas ang lahat ng ito, sinabi niya sa Panginoon “Pinaglilingkuran lang kayo ni Job dahil sa mga pagpapala na inyong ibinigay sa kanya. Napakarami niyang mga ari-arian. Napakarami niyang mga hayupan. Lahat ng kanyang mga anak ay lubos na pinagpala. Nakasuot sila ng magagandang damit at may mabuting kabuhayan.” At sinabi ng Ama sa kanya, “Tumungo ka kay Job at subukan siya kung naglilingkod lamang siya sa akin dahil sa mga pagpapala na kanyang natanggap.”

Nang marinig ni Satanas ang sinabi ng Ama, siya ay tumungo sa sanlibutan at sinimulan ang kanyang plano laban kay Job. Una, dumating ang mga kaaway ni Job at kinuha ang lahat ng kanyang mga baka.

Tanging isang utusan lamang ang nakaligtas at sumangguni kay Job patungkol sa nangyari. “Job! Umatake ang mga kaaway. Pinatay ang lahat ng inyong mga tauhan, ako lamang ang nakaligtas, at kanilang ninakaw ang lahat ng inyong bakahan.” Sinabi sa kanya ni Job, “Ang Panginoon ang nagbigay, at ang Panginoon ang nag-alis; purihin ang pangalan ng Panginoon!” Sa unang yugto, sinabi ni Satanas sa Panginoon –hindi pa ako tapos, mayroon pang ikalawang yugto.” Tingnan natin kung ano ang gagawin mo.

IKALAWANG YUGTO

Sa ikalawang beses, lahat ng kanyang mga tupa ay ninakaw at pinatay ang kanyang mga matapat na utusan at tanging isa lamang ang nakaligtas. Dumating ang hindi magandang balita “Ako lamang ang naiwan, kanilang ninakaw ang lahat ng iyong mga tupa at pinatay ang lahat ng mga utusan.”

Noon ang lahat ng mga balita na dumating kay Job ay mabubuti, at laging nagpapasalamat si Job sa Ama lingid sa kaalaman na pinagmamasdan siya ni Satanas.

Kaya sa ikalawang yugto, nalugmok si Satanas. “Hindi pa ako tapos. Marami pa akong mga plano,” muling sinabi ni Satanas sa Ama.

Kaya kapag kayo ay naglilingkod sa Panginoon, huwag lamang tumingin sa mga pagpapala, tingnan din kung ano ang magagawa ng Panginoon sa pamamagitan ng inyong pagpapala.

IKATLONG YUGTO

Si Job ay may 3, 000 kamelyo. Sa panahong iyon na mayroon kayong limang kamelyo, mayaman na kayo at kapag nais ng isang lalaki na pakasalan ang isang babae, ihahandog niya ang mga kamelyo. Kapag ang isang lalaki ay maghahandog ng 100 kamelyo sa isang babae, nangangahulugan itong siya ay mayaman at maaaring maipalagay na isang bilyonaryo. Ngunit mas higit pa ang kay Job dahil mayroon siyang 3, 000 kamelyo.

Kaya tumungo muli si Satanas kay Job, ninakaw ang lahat ng kanyang mga kamelyo at pinatay ang lahat ng mga utusan. Sa muli, may isang nakaligtas upang isangguni kay Job ang masamang balita.

Umiiyak ang utusan habang nagsasalita kay Job, “Job, ninakaw ng mga kaaway ang lahat ng inyong mga kamelyo, pinatay ang 25 na mga utusan at ako lamang ang nakaligtas upang ibigay sa iyo ang masamang balita.”

Hindi napanghinaan ng kanyang pananampalataya si Job dahil ang kanyang puso ay puno ng sinseridad at katapatan sa paglilingkod sa Panginoon. Ano ang sinabi ni Job? “Ang Panginoon ang nagbigay, at ang Panginoon ang nag-alis. Purihin ang pangalan ng Panginoon.”

(ITUTULOY)

 

NI: Pastor Apollo C. Quiboloy

 

KAPAG nagbibigay tayo sa ating kapwa na nangangailangan, dapat wala itong inaasahang kapalit. Nalalaman natin na kapag tayo ay nagbibigay sa dukha, tayo’y nagpapahiram sa Dakilang Ama.

Proverbs 19:17 Ang naaawa sa dukha ay nagpapautang sa Panginoon, at ang kaniyang mabuting gawa ay babayaran sa kaniya uli.

Sinumang mabuti sa dukha ay nagpapautang sa Panginoon, at Kanyang gagantimpalahan sila ng kanilang mga ginawa.

Kaya pinagpala ng Ama ang Bansang Kaharian dahil sa ating mapagbigay sa dukha.

Ano ang iniambag ng mga basher? Ano ang kanilang naiambag sa mga dukha? Lahat ng kanilang pang-insulto, pang-alimura – ito ay babalik sa kanila nang doble.

Kaya ang Bansang Kaharian ay pinagpala nang lubos ng Ama. Ang taong naawa at tumulong sa mga dukha ay nagpapautang sa Ama at ang kanyang mabuting gawa ay mababayaran. Iyan ang naging dahilan na walang tigil ang mga pagpapala ng Ama dito sa Kaharian para sa mga dukha.

Pagkatapos ang mga bashers ay naiinggit sa lahat ng ating mga pagpapala. Kaya mayroon tayong Ministry to the Poor. Kaya mayroon tayong bagong programa, “Problema mo, Stop! Sumbong mo, kay Pastor Quiboloy!”

1 Juan 4: 20-21

20 Kung sinasabi ng sinoman, Ako’y umiibig sa Dios, at napopoot sa kaniyang kapatid, ay sinungaling; sapagka’t ang hindi umiibig sa kaniyang kapatid na kaniyang nakita, ay paanong makaiibig siya sa Dios na hindi niya nakikita?

21 At ang utos mula sa kaniya ay nasa atin, na ang umiibig sa Dios ay dapat umibig sa kaniyang kapatid.

Lucas 6:27-37.

27 Datapuwa’t sinasabi ko sa inyong nangakikinig, Ibigin ninyo ang inyong mga kaaway, gawan ninyo ng mabuti ang nangapopoot sa inyo.

28 Pagpalain ninyo ang sa inyo’y sumusumpa at ipanalangin ninyo ang sa inyo’y lumalait.

29 Sa sumampal sa iyo sa isang pisngi, iharap mo naman ang kabila; at ang sa iyo’y magalis ng iyong balabal, huwang mong itanggi pati ng iyong tunika.

30 Bigyan mo ang bawa’t sa iyo’y humihingi; at sa kumuha ng pag-aari mo, ay huwag mong hinging muli.

31 At kung ano ang ibig ninyong sa inyo’y gawin ng mga tao, gayon din ang gawin ninyo sa kanila.

32 At kung kayo’y magsiibig sa mga nagsisiibig sa inyo, anong pasasalamat ang inyong kakamtin? Sapagka’t ang mga makasalanan man ay nagsisiibig sa nagsisiibig sa kanila.

33 At kung magsigawa kayo ng mabuti sa nagsisigawa sa inyo ng mabuti, anong pasasalamat ang inyong kakamtin? Sapagka’t ganito rin ang ginagawa ng mga makasalanan.

34 At kung kayo’y mangagpahiram doon sa mga inaasahan ninyong may tatanggapin, anong pasasalamat ang inyong kakamtin? Ang mga makasalanan man ay nangagpahiram nangagpahiram sa mga makasalanan, upang muling magsitanggap ng gayon din.

35 Datapuwa’t ibigin ninyo ang inyong mga kaaway at gawan ninyo sila ng mabuti, at mangagpahiram kayo, na kailan man ay huwag mawawalan ng pagasa; at malaki ang sa inyo’y magiging ganti, at kayo’y magiging mga anak ng Kataastaasan:  sapagka’t siya’y magandang-loob sa mga walang turing at sa masasama.

36 Magmaawain kayo, gaya naman ng inyong Ama na maawain.

37 At huwag kayong mangasihatol, sa hindi kayo hahatulan: at huwag kayong mangagparusa, at hindi kayo parurusahan: mangagpalaya kayo, at kayo’y palalayain.

Purihin ang Ama. Iyan ang mga salita ni Jesus Christ.

Kanila lamang Siyang binobola, ngunit hindi nila sinunod ang mga salita na siyang inatas ni Jesus Christ na ating sundin.

Mga Taga-Roma 12:17-21.

17 Huwag kayong mangagbayad sa kanino man ng masama sa masama. Isipin ninyo ang mga bagay na kapuripuri sa harapan ng lahat ng mga tao.

18 Kung maaari, ayon sa inyong makakaya, ay magkaroon kayo ng kapayapaan sa lahat ng mga tao.

19 Huwag kayong mangaghigantihan, mga iniibig, kundi bigyan ninyong daan ang galit ng Dios: sapagka’t nasusulat, Akin ang paghihiganti; ako ang gaganti, sabi ng Panginoon.

20 Kaya’t kung ang iyong kaaway ay magutom, pakainin mo; kung siya’y mauhaw, painumin mo: sapagka’t sa paggawa mo ng gayon ay mga baga ng apoy ang ibubunton mo sa kaniyang ulo.

21 Huwag kang padaig sa masama, kundi bagkus daigin mo ng mabuti ang masama.

Iyan ang espiritu ng mabuting Samaritano. Kaya dapat alam natin ‘yan. Yan ang katuparan ng buhay ng Ama sa atin.

WAKAS

 

NI: Pastor Apollo C. Quiboloy

KUNG kayo ay nasa mahirap na situwasyon at nakita niyo na mabuti ang situwasyon ng iba, huwag mainggit. Sabihin sa sarili, “Ito ang Kalooban ng Ama, narito ako, kaya dapat na masaya ako.”

Anuman ang sitwasyon ninyo ngayon, iyan ang Kalooban ng Ama. Saanman kayo ilalagay ng Ama, dapat masaya kayo doon.

Kapag may mga taong pinagpala, magsaya na kasama nila, iyan din ang Kalooban ng Ama. Huwag sumama ang loob, huwag magalit. Dito sa Kaharian, walang pagdidiskontento, walang sama ng loob, walang inggit, walang paninibugho. Ang pagpapala at kasiyahan ng iba ay dapat na kasiyahan at pagpapala nating lahat.

Kapag ang isa ay pinagpala nang higit pa sa inyo, magsaya na kasama niya. Huwag mainggit. Huwag ninyong sabihin, “Nanatili ako rito sa Kaharian ng mahabang panahon, piyonero pa ako rito, ngunit wala akong sariling bahay, wala akong sariling sasakyan.”

Tingnan itong nanatili sa Kaharian ng matagal at dumating sa Kaharian ang bago na siyang pinagpala ng Ama. Hindi nakaramdam ng anumang inggit ang matagal ng mamamayan sa Kaharian sa bagkus siya ay lubos na nasisiyahan sa anumang binigay na pagpapala ng Ama sa kanya. Lingid sa kanyang kaalaman, ang Ama ay may mas malaking bagay pa na ibibigay sa kanya. Hindi kagaya ng bago ang pagpapala ng Ama para sa kanya dahil mayroon Siyang ibang bagay na inihanda para sa kanya.

Kaya anumang bagay na itinalaga ng Ama sa inyo, iyan ay sa inyo. Iyan ay isang karangalan. Sa akin, ang aking buong buhay, saanman ako italaga ng Ama, kontento na ako. Ang mahalaga ay ako’y nakakain, may damit akong masusuot, nakakatulog ako – ‘yan ay okay sa akin. Kaya dinala Niya ako sa Bundok ng Kitbog mula sa kumportableng situwasyon kasama ng mga Amerikano, Kanya akong pinadala sa bundok. Walang sibilisasyon doon ngunit alam ko ang mga tao doon ay tumatagal. Kaya sinabi ko sa sarili, kung nabubuhay sila doon, mabubuhay din ako.

Kung sakali walang taong naninirahan doon ngunit mga ahas at daga ang maaaring mamuhay doon, kaya ko rin. Kung nabubuhay sila kahit sa patago-tago, mas lalo na ako. Saanman kayo ilalagay ng Ama, iyan ang Kalooban Niya. Kailangan lang natin na mabuhay, iyan ay sapat na.

Ngayon pinagpala tayo ng Ama nang masagana, ano ang gagawin natin sa mga pagpapalang ito? Gagamitin natin ito upang palawakin ang gawain ng Kaharian sa buong sanlibutan upang marami pang mga kaluluwa ang papasok sa Kaharian. Kaya, tayong mga mamamayan ng Kaharian ay sinasanay na hindi maging materyalista. Sa tuwing tayo ay pinagpala, ang ating puso ay mananatiling pareho.

Dito sa Kaharian, ang mga hindi nakapag-aral ay yaong mga masuwayin ngunit ang nakapag-aral o may mabuting pag-uugali dito ay yaong mga napakamasunurin. Dito sa Kaharian, kapag kayo ay masunurin, lahat ng respeto ibibigay ko sa inyo. Ganyan ako tumingin at susukat ng tao, hindi sa pamantayan ng sekular na mundo. Dito sa Kaharian, huwag ninyong gamitin ang sistemang sekular.

(ITUTULOY)

 

NI: Pastor Apollo C. Quiboloy

 

SA mga Salita ng Dakilang Ama, na isinalaysay sa Juan 15:13, “Walang may lalong dakilang pagibig kaysa rito, na ibigay ng isang tao ang kaniyang buhay dahil sa kaniyang mga kaibigan.”

Una sa lahat, ibinigay ko ang aking buhay para sa aking mga kaibigan. Sino ang aking mga kaibigan? Ang mga apostoles at mga propeta na nakasulat sa Tipan, ang kanilang mga salita na aking ipinangaral. Ibinigay ko ang aking buhay. Sa pamamagitan ng pangangaral ng 1 Taga-Corinto 6:9, marami ang lumalaban sa akin. Hindi ako nauunawaan ng LGBTQ community, at naging kaaway ko sila.

Ngunit tinutukoy ko lamang ang kanilang baklang lider ngunit dahil sila ay iisa –lahat sila ginawa nila akong kaaway. Ito’y dahil miyembro sila sa pederasyon na iyan. Kung hindi ko sila inibig, itatago ko ang katotohanan mula sa kanila kagaya ng ginawa ng kanilang baklang lider sa Apalit. Kaniyang tinago at binaluktot ang katotohanan. Sinabi niya na ang tao ay hindi mababago kung siya ay natural na isinilang na ganyan. Kung hindi ko ibubunyag ang paglilinlang na ‘yan, patuloy nila akong aatakehin ng kanilang mga salita.

Iyan ang nangyayari sa akin ngayon, dinudumihan nila ang aking pangalan. Ano ang sinabi ng mga taong dukha? “Naawa kami kay Pastor, gumagawa siya ng mga bagay na mabuti ngunit patuloy siyang inuusig, kaya kami ay sasanib sa kanyang ministry.” Kagaya ng sinabi ng NPA sa rehimeng Marcos, “Ang pinakamalaki naming recruiter ay si Marcos” (dahil sa pang-abuso ng mga sundalo). Ano ang sinabi ni Marcos sa kanila, “Kayo ang pinakamalaki kong recruiter dahil kami ay lumalaki.” Kaya, sino ang pinakamalaki nating recruiter at soul winner? Ang mga basher. Habang tumitindi ang kanilang pam-babash, mas dadami ang mga taong nagpapabautismo. Napakatalino talaga ng Ama.

ANG MABUTING SAMARITANO AY NAGPAPATULOY SA ATIN

Sa Lucas 15:11-32, May dalawang magkapatid na lalaki, isa sa kanila ay nagtamo ng bahagi ng kayamanan mula sa kanyang ama at lumayo. At tinamasa niya ang lahat ng kanyang pera ngunit hindi nagtagal siya ay naging dukha at nagdesisyon na bumalik sa bahay ng kanyang ama. Inamin niya sa kanyang sarili na siya ay walang silbing anak dahil kanyang nilustay ang pera ng kanyang ama ngunit handa siyang tanggapin kahit na maging alipin lamang siya sa kanilang bahay kaysa mabuhay sa isang kulungan ng baboy.

Sa hindi inaasahan, nang makita ng ama ang prodigong anak, sa halip na magalit sa kanya, siya ay napakasaya. Kanyang sinabi, “Ito ang aking anak na nawala, ngayon ay natagpuan na.” Siya ay nagpahanda ng isang piging, pinatay ang pinatabang guya, dinamitan muli ang anak kagaya ng isang hari at sila ay nagpiyesta at nagdiriwang sa pagbalik ng kanyang anak.

Isinalaysay sa Lucas 15: 4-10

4  Aling tao sa inyo, na kung mayroong isang daang tupa, at mawala ang isa sa mga yaon ay hindi iiwan ang siyam na pu’t siyam sa ilang, at hahanapin ang nawala, hanggang sa ito’y kaniyang masumpungan?

5  At pagka nasumpungan niya, ay pinapasan niya sa kaniyang balikat, na natutuwa.

6  At paguwi niya sa tahanan, ay titipunin niya ang kaniyang mga kaibigan at ang kaniyang mga kapitbahay, na sasabihin sa kanila, Makipagtuwa kayo sa akin, sapagka’t nasumpungan ko ang aking tupang nawala.

7  Sinasabi ko sa inyo, na gayon din magkakatuwa sa langit dahil sa isang makasalanang nagsisisi, kaysa siyam na pu’t siyam na taong matutuwid na di nangangailangang magsisi.

8  O aling babae na may sampung putol na pilak, na kung mawalan siya ng isang putol, ay hindi baga magpapaningas ng isang ilawan, at wawalisan ang bahay, at masipag na hahanapin hanggang sa ito’y masumpungan niya?

9  At pagka nasumpungan niya, ay titipunin niya ang mga kaibigan at mga kapitbahay, na sinasabi, Makipagtuwa kayo sa akin, sapagka’t nasumpungan ko ang isang putol na nawala sa akin.

10  Gayon din, sinasabi ko sa inyo, na may tuwa sa harapan ng mga anghel ng Dios, dahil sa isang makasalanang nagsisisi.

Ang mga anghel ay natutuwa sa langit sa isang makasalanang nagsisisi; daan-daang libong mga anghel. Kaya anuman ang ginawa nila laban sa Kaharian, gagawin itong mga pagpapala ng Ama.

(ITUTULOY)