PINAS

Ang Lihim ng Panginoon (Ikapitong Bahagi)

Sonspeak

Recent News:

PBA

Tatag Ginebra: Tibay noon… magpahanggang ngayon

by

Ni: Edmund C. Gallanosa

SA katatapos pa lamang na 42nd Season ng Philippine Basketball Association (PBA) ipinakita ng defending champions Barangay Ginebra San Miguel na kaya nilang idepensa ang kanilang korona sa Governor’s Cup Reinforced Conference.  Sa labanang Ginebra San Miguel versus Meralco Bolts, nagtala ng best record attendance ang laban na ito sa kasaysayan ng PBA, sa Game 7 umabot sa 54,086 fans ang tumungo sa  Philippine Arena, noong nakaraang Oktubre lamang.

Kung susumahin ang top 10 attendance ng PBA, masasabing 70% dito ay attendance para sa laban sa Ginebra.  Kung mayroon mang koponan na may kakayahang pumuno ng isang venue, tulad ng Philippine Arena o Araneta Coliseum, Ginebra ito.  Anong mayroon sa Ginebra na wala sa ibang koponan?  Bakit tinatangkilik at kinasasabikan ang laban ng koponang ito, kahit na hindi sila ang win ingest team sa PBA?

Sa laki ng fan base ng Ginebra, maaaring kapantay nito ang dami kung pagsasama-samahin ang mga fans ng ibang koponan sa PBA.  Patunay lamang na noong nakaraang laban ng Ginebra versus Meralco, halos 80% ng fans na nasa loob ng Philippine Arena ay Ginebra.

Kulelat noon, sikat na ngayon

Ang Ginebra San Miguel na team ay sumali sa PBA noong 1979 bilang expansion team ng La Tondena Inc.   Nangungulelat noon ang bagong team, at pinagtatawanan.

“Walang star player ang Ginebra noon.  Nagsimula kasi ang team na ‘to as an expansion team—so hindi gano binibigyan ng budget.  Walang makuha na star player o mai-draft na superstar noon.  Wala silang Alvin Patrimonio, Allan Caidic, at wala rin silang Benjie Paras noon.  Noong dumating si Big J at Francis Arnaiz sa Ginebra, nang-iba ang takbo ng pamamalakad.  Sabi sa isang pahayag ng late sports broadcaster Pinggoy Pengson.   “This team was built by spits, guts and Jaworski Pride.”

Pagtungtong ng 1984, tuluyan nang nag-ibang anyo ang koponan at nakarating sila sa Finals ng All-Filipino Conference sa unang pagkakataon, natalo lamang sila ng malakas na team na Crispa Redmanizers. 

Taong 1985 naman, labanang Ginebra at Northern Consolidated Cement (NCC), naghahabol ang Ginebra sa halos lahat ng quarters ng laro.  Dehado ang koponan, dalawa ang import ng NCC kontra sa isa ng Ginebra.  At sa kasamaang palad, nasiko sa labi si Jaworski ng NCC import na si Jeff Moore, nabiyak ang kaniyang labi kung kaya’t kailangan siyang umalis ng laban at dumiretso agad sa isang ospital.  Napipinto ang siguradong pagkatalo ng Ginebra.

Hindi pa man natatapos ang laro ay bumalik agad si Jaworski matapos ang 7-stitches na tahi sa kaniyang labi at naupo sa sidecourt ang playing coach.   Ginawa ni Ginebra import Michael Hackett ang lahat ng kaniyang makakaya subalit malakas talaga ang NCC ni Coach Ron Jacobs.  Sa huling pitong minuto ng 4thquarter, naghahabol pa rin sa tambak na 15 puntos ang Ginebra, at matatapos na ang laban.  Sa ‘di inaasahang pangyayari, bumalik sa loob ng court si Jaworski sa gulat ng buong NCC, tila natutula ang kalaban sa pagkakagising ng team-Ginebra at naungusan nila ang NCC.  Nang matapos ang laro, panalo ang Ginebra.  “And the never say die team was born.”   Ani Pengson.

The NSD Spirit, the game, the fans

May tatlong bagay na taglay ang Ginebra, na maaaring wala sa ibang koponan.  Tatlong bagay na ipinagtibay na ng panahon.   Ang never-say-die spirit ng koponan, ang istilo ng kanilang laro, at ang mga fans.

“I think it’s the legacy that Coach Sonny Jaworski left behind.  And were just trying to continue that.  ‘Yung Never say die spirit—perhaps the way we play, whenever we’re down we never give up.   Also the fans see that and they like it and enjoy it, and also inspires them not to give up as well.”   Sabi ni Ginebra player Jayjay Helterbrand.

Sa mga laro naman natatak na ang laban hanggang sa huli sa Ginebra.  Makailang beses na ‘ring nagkaroon ng mga hindi makakalimutang laban ang koponan.  Mga buzzer beater games na forever nang tatatak sa damdamin at isipan ng mga fans ng team.  Ang huli, ang pagkapanalo ng Ginebra sa Meralco noong 2016, partikular na ang buzzer beater ng import na si Justin Brownlee upang makapo ang Governor’s Cup at maputol na rin ang 8-year title drought ng koponan.

Sabi pa ng current coach Tim Cone, mismo siya ay umamin na namangha sa laki ng fan base ng koponan.  “It was truly amazing, I used to be on the other side of the cheers when I was still in Alaska, and then Star-Purefoods but when I transferred to Ginebra, man, the fans were absolutely amazing.  I mean, it was so deafening.  The cheers, it’s really gonna pumped up anyone who would play for Ginebra.  Now I know how it feels,”   masayang pahayag ni Coach Tim.

Dagdag pa ng multi-titlist coach, isa sa dahilan kung bakit ganito na lang kamahal ng mga fans ang koponan, ay marahil na rin sa pagtrato nito sa kanilang mga fans.  “Well we have seen in the past how Coach Sonny Jaworski handles their fans.  He knows they’re nothing without them, so they owe it to them.  Every game Jaworksi plays  it is dedicated to them.   We are just trying to live up to that.”  Sabi pa ni Coach Tim.

At nagtuloy-tuloy ang sinimulan ng ‘the Living Legend’ hanggang sa panahon ngayon ng nagdadala ng latest generation ng mga Ginebras-particular na sina Marc Caguioa, Jayjay Helterbrand at Scottie Thompson.  “We share the same passion and we badly wanted to win for the fans.  We owe it to them.”   pahayag naman ni Marc Caguioa.

Bagama’t nakaka-sampu pa lamang na kampeonato ang Ginebra sa loob ng 38 na taon, sigurado namang madaragdagan pa ang mga titulo nito sa pagdating ng mga panahon.  Sa dami ba naman ng fans ng team, malabong kapusin sila sa inspirasyon.  Laging may magtatangkilik sa kanilang ‘fight till the end, never say die’ spirit ng Ginebra San Miguel.

4th PBA-MVP award nakuha ni June Mar Fajardo

by

Ni: Noli Liwanag

SA ika-4 na pagkakataon iginawad kay San Miguel Beerman June Mar Fajardo ang PBA Most Valuable Player Award sa 2017 PBA Leo Awards.

Ikatlo si Fajardo, tinaguriang “The Kraken,” sa mga manlalaro ng first professional basketball league in Asia na nakakuha ng apat na MVP Award matapos sina Ramon Fernandez (1982, 84, 86, at 1988) at Alvin Patrimonio (1991, 93, 94, at 1997).

Kauna-unahan din ang Cebuano big man na hinirang na MVP ng apat na sunod-sunod na seasons.

Sa ibang parangal, sina Ross, Cabagnot, Fajardo, Japeth Aguilar at Arwind Santos, ang Mythical First Team. Bumuo naman sa Mythical Second Team sina Jayson Castro, LA Tenorio, Joe Devance, Kelly Williams at Cliff Hodge.

Habang kabilang naman sa 2017 All-Defensive Team sina Aguilar, Fajardo, Ross, Jio Jalalon at Gabe Norwood. Nakamit naman ni Roger Pogoy ng TNT KaTropa ang PBA Rookie of the Year. Itinanghal din si Ross bilang Most Improved Player.

naman ni Norwood ang Sportsmanship Award na nabingwit ni Fajardo noong nakaraang taon.

Si Gregg Slaughter ng Ginebra San Miguel ang tinanghal na Best Player of the Conference at si Allen Durham ng Meralco ang naging Best Import of the Conference ng 2017 PBA Governors’ Cup.

Dating Letran Coach Louie Alas, bagong head coach ng Phoenix

by

Pinas News

SI dating Colegio De San Juan De Letran Championship Coach Louie Alas ang magiging bagong head coach ng koponan ng Phoenix sa susunod na season ng PBA.

Papalitan nito si dating Head Coach Ariel Vanguardia.

Ito ang ikalawang pagkakataon na maging head coach si Alas.

Una siyang naging head coach sa mobiline na ngayon ay TNT Katropa noong taong  2000 hanggang 2002.

Nagsilbi rin si Alas bilang deputy coach ng Alaska.

Ang Golden Boy ng Gilas

by

Ni: Joyce P. Condat

TERRENCE Romeo.Niyanig ng pangalang ito ang mundo ng basketball sa loob at labas man ng bansa. Tulad ng ibang manlalaro, nagsimula ang kanyang karera sa simpleng basketball ring sa lansangan. Bawat tropeong natatanggap niya sa court ay bunga ng kanyang sipag, tiyaga, at matinding pag-eensayo.

Batang Terrence

Tubong Imus, Cavite si Terrence Bill Vitanzos Romeo, na mas kilala sa tawag na Terrence Romeo. Lumaki siya sa Westwood Village kung saan siya nagsimulang turuan ng kanyang ama na maglaro ng basketball noong anim na taong gulang pa lamang siya.

“Yung experience na napaka-init, tirik yung araw. Maglalaro kayo kasama yung mga kaibigan mo. Pustahan kayo, ice water. Ganyan lang,” kwento ni Romeo tungkol sa kanyang kabataan sa documentary ng TV5 para sa Kuwentong Gilas. “Makuha nyo man yung panalo, hindi ganun kadali niyong makuha.” Gaya rin ng ibang batikang mga manlalaro ngayon sa basketball,

sa kalye rin siya sinimulang sanayin ng kaniyang ama. Bola ang tanging hawak nya sa buong maghapon. “Talagang pinaglalaro ko siya ng larong kanto… para matapang,” kwento ni William Romeo, ang kanyang tatay. “Kaya sabi ko, ‘nak, kung ikaw ay maglalaro ng basketball, kailangan madiin ka, matapang ka. Pag takot ka sa basketball, ‘wag ka ng maglaro ng basketball’,” dagdag niya pa.

Ang ama ni Romeo ang una niyang naging coach. Isang masugid na tagahanga ni Robert Jaworski ang kanyang tatay, kaya’t jersey no. 7 ang suot niya ngayon. Ngunit kwento nya sa Sports Interactive Network Philippines o spin.ph, hindi si Jaworski ang kanyang tiningalang idolo. “Hindi ko na po kasi inabot si Jaworski. Tapos nagkataon yung Mark Caguioa po at Jayjay Helterbrand… sila naman ang nagustuhan ko,” aniya. Aminado siyang nagmula ang kaniyang mga galaw sa “Fast and the Furious” tandem ng Ginebra.

Pakikipagsapalaran sa Maynila

Unang naglaro si Romeo sa San Juan de Letran. Kinalaunan ay lumipat siya ng Far Eastern University, at dito niya pormal na sinimulan ang kaniyang karera sa larangan ng basketball. Una siyang naglaro bilang Baby Tamaraw noong high school sa FEU-Diliman. Nakilala siya dahil sa naitala niyang 83 puntos sa isang laro lamang sa UAAP Juniors Basketball noong 2009. Naging UAAP Junior’s Most Valuable Player siya noong taong ding iyon.

Naglaro siya bilang point guard ng FEU Tamaraw Men’s Basketball para sa UAAP. Nasungkit niya ang UAAP Rookie of the Year taong 2011. Dalawang beses siyang napabilang sa Mythical Team ng UAAP noong 2013 at 2014, at naging MVP siya ng UAAP Season ‘76.

Mundo ng PBA

Pinasok ni Romeo ang mundo ng PBA matapos maglaro para sa FEU.Kasali siya sa draft ng PBA taong 2013, at pinili siya ng GlobalPort bilang 5th overall pick.

“Noong first year ko, syempre, ‘di madali dahil nag-adjust ako eh. Kumbaga, lahat ng kalaban ko, magagaling. Lahat, superstar,” ani Romeo tungkol sa naging karanasan niya noong unang pasok niya sa PBA.

Ngunit hindi nawala ang kaniyang ama upang suportahan ang kabado niyang anak. “Nakita ko, pagdating ng PBA, kinabahan siya,” kwento naman ng tatay ni Terrence sa docu ng Kwentong Gilas 4.0. “Eh di, sumisigaw ako sa kanya, ‘kaya mo yan anak!’”

Marami man siyang naging tagahanga, hindi rin nawala ang mga taong may ayaw sa kanya. “Maraming bashers na nagsasabi sa’kin na ‘buwakaw ‘yan, sobrang buwakaw ni Romeo’ pero di ako sa kanila nakikinig, eh. Mas pinapakinggan ko yung puso ko, yung utak ko, tapos yung family ko,” aniya. “Kahit anong sabihin sayo ng ibang tao… kung alam mo sa puso at utak mo na willing kang matuto, willing kang mag-improve, at someday may gusto ka pang mas ma-achieve na mas mataas kung nasaan ka ngayon, ‘di mo sila pakikinggan.”

Maraming nakamit na parangal si Romeo sa PBA. Dahil sa kaniyang husay, nabigyan siya ng pagkakataong itaas ang bandera ng ating bansa para sa FIBA Cup.

Para sa Bayan

Naging bahagi ng koponan ng Gilas Pilipinas si Romeo taong 2015. Noong taong din iyon, kasali rin siya para sa William Jones Cup kung saan mas napahanga niya ang mga Pilipino maging ang mga Taiwanese fans. Bukod kay Calvin Abueva, ginawan din siya ng mixtape ng FIBA sa kanilang website. Tinagurian siyang “Golden Boy” dahil sa gintong kulay ng kanyang buhok noong 2015.Kilala rin siya sa tawag na “The Bro” sa loob ng court.

Isa si Terrence Romeo sa mga batang dating nag-asam na makatapak sa tunay na court at makilala sa buong mundo. Unti-unti niyang nakamit ang kanyang mga pangarap dahil sa determinasyon at pagpupursige. Hindi niya inalintana ang mga taong hindi naniniwala sa kaniya. Bagkus, patuloy pa rin ang kaniyang paniniwala na makamtan ang hangarin niya sa loob at labas ng court.

Danny Florencio: Ang ‘orig’ na ‘Skywalker’

by

Ang Philippine Basketball Association (PBA) ay hitik sa makukulay na kasaysayan ng mga sikat na manlalaro ng liga sa iba’t ibang panahon. May mga manlalaro ang PBA na tinaguriang “Skywalker” tulad nina Danny Florencio, (Danilo Zoleta Florencio) Johnny Abarrientos, Samboy Lim at iba pa.

Ang mga basketbolistang ito ay kinilala sa kani-kanilang mga katangian, na mistulang lumilipad sa ere. Kaya nga tinawag na “The Flying A” si Johnny Abarrientos ay dahil nagagawa niyang tumagal sa ere samantalang inile-layup ang bola.

Gayundin naman si Samboy Lim. Marami siyang pinahangang basketball fans sa kanyang mga acrobatic shot, kaya naman binansagan siyang “Skywalker,” lalo na sa slum dunk competition.

Tulad ng ibang PBA players, si Danny ay nagsimula ng kanyang basketball career sa University Athletic Association of the Philippines (UAAP) sa kanilang team na UST Growling Tigers.

Hindi karaniwang basketbolista si Danny. Gusto niya na kakaiba sa karaniwan, bagay na palaging napapansin ng kanyang coach sa Tigers. Paborito ni Florencio ang kakaibang estilo sa pagle-layup ng bola. Pinaglilipat-lipat niya ang bola sa kaliwa at kanang mga kamay.

Nagagawa rin niyang ilipat ang bola sa kabilang kamay na sa likod pararaanin samantalang siya ay nasa ere. Ang kakaibang aksiyon na gustung-gustong makita ng kanyang fans ay ang pagle-layup ng bola na mula sa likuran ay pararaanin ang bola sa pagitan ng kanyang mga hita, kukuhanin ng kaliwang kamay, ililipat muli sa kanang kamay saka ihahagis sa ring ang bola. Sa gayong aktibidad nasasabihan ng coach si Danny na: “Gusto mo bang magpalabas sa circus?”

MULA SA UAAP HANGGANG SA MICAA

Bago natatag ang PBA, ang Manila Industrial and Commercial Athletic Association (MICAA) liga ng basketball ang namayagpag noon. Ilan sa mga koponang kalahok sa liga ang Crispa Redmanizers, Meralco Reddy Kilowatt, YCO Painters, 7-Up Uncolas, Universal Textiles at iba pa.

Ang dalawang team na mahigpit na magkaribal sa MICAA ay ang Crispa at Meralco. Si Florencio ay kabilang sa Redmanizers samantalang sa Reddy naman kalahok ang karibal niyang player sa UAAP na si Robert Jaworski.

Sa Painters naman kabilang si Freddie Webb, isa sa mga sikat na players ng MICAA ng panahong iyon. Nakapaglaro rin si Florencio sa YCO. Sa tuwing may laban ang Meralco at Crispa, punumpuno ng fans ang Araneta Coliseum.

Nagsisigawan ang mga tagahanga ni Danny, kapag ito ay nakapagbubuslo ng bola sa ring. Lalo pa’t nagawa niyang mag-shoot gamit ang estilo na mistulang lumalakad sa ere.

“Iyang si Florencio, ang orig na ‘Skywalker.’ Palagi siyang bukambibig ng kanyang mga tagahanga at sasabihin pang si Danny, nagsaing na naman sa ere,” anang beteranong PBA sports photographer na si Max Ferrer.

Kahit nga harangin pa siya ng center player ng Reddy, ang 6’11 na si Bob Presley ay nagagawang lusutan ni Danny ang mahahabang pata ng import player ng kalabang koponan.

NAGRETIRO SA PANAHON NG PBA

Palibahasa ay mahusay, nakasama rin si Florencio sa national team. Nagwagi ng gold medal ang Pilipinas noong 1967 sa ABC Championships na ginanap sa Tokyo, Japan. Naging daan ang tagumpay na iyon upang makalahok ang Pilipinas sa Summer Olympics na ginanap sa bansang Mexico noong 1968 at kalahok din ang Pilipinas sa Munic Olympics noong 1971.

Nang matatag ang PBA, kinuha ng U/Tex Wranglers si Florencio. Kasama niya sa team sina Rudolph Kutch at Larry Mumar, na kapwa may malaking pangalan sa MICAA.

Ang iba pang team na nilahukan ni Danny ay ang Toyota Super Corollas at 7-Up. Kahit hindi kasintanyag ng Meralco at Crispa ang mga team na nilahukan ni Danny, hindi pa rin maikakaila ang angking galing na taglay ng “Skywalker.”

Sa loob ng walong season sa PBA, napanatili ni Danny ang pagiging highest pointer player na may average na 32.3 points sa bawat laro sa loob ng 39 games. Nakapagtala rin siya ng 64 points sa isang conference sa liga. Ang record ni Florencio ay tinabunan ni Allan Caidic, ang tinaguriang “The Triggerman” ng PBA.

Nang magretiro sa basketball si Danny, nangibang-bansa siya at doon naghanapbuhay. Pagbalik niya sa Pilipinas, napabilang siya sa “25 PBA Greatest Players” ng 2000 at ibinilang sa “PBA Hall of Fame” noong 2007.

Close Bitnami banner
Bitnami