Pinas News

Nasabat ng mga tauhan ng Bureau of Customs ang nasa 56 endangered reptiles sa Ninoy Aquino International Airport o NAIA Terminal 2.

Nakumpiska ang mga hayop sa dalawang bagahe ng pasaherong si Neil Ryan Dysoco na sakay ng Philippine Airlines Flight PR 737.

Kabilang sa mga nasabat ay mga iguanas, bearded dragons at chameleons na mula Bangkok, Thailand.

Ayon sa DENR, walang naipakitang import permit ang suspek.

Tinatayang nagkakahalaga naman ng P25,000 hanggang P45,000 ang bentahan nito sa black market.

Mahaharap si Dysoco sa paglabag sa Wildlife Resources Conservation and Protection Act.