PINAS

Ang Lihim ng Panginoon (Ikaapat na Bahagi)

Sonspeak

Recent News:

Philippine Basketball Association (PBA)

PBA, ipinagpaliban ang pagbubukas ng 45th season dahil sa nCoV

by

JAMES LUIS

PANSAMANTALANG ipinagpaliban ng Philippine Basketball Association (PBA) ang pagbubukas ng 45th season dahil sa banta ng novel coronavirus.

Sa kanilang social account post, sinabi ng PBA na gagawin na lamang ang opening ceremony sa Marso a-8 sa halip na Marso a-uno.

Maging ang PBA D-league na magsisimula sana sa Pebrero a-13 ay gagawin na lamang ito sa Marso a-2.

Sa pahayag ng PBA, inaalala nila ang kaligtasan ng kanilang mga fans, manlalaro, koponan at mga opisyal kaya ipinagpaliban muna ang pagsisimula ng liga.

JAWORSKI SA GINEBRA 3×3 

by

PINANGUNAHAN ni Barangay Ginebra legend at dating senador Robert Jaworski, Sr. ang pagbigay ng parangal sa kampeon ng Ginebra 3×3 Tapang ng Tatluhan basketball tournament noong Linggo, Hulyo 7 sa Smart Araneta Coliseum.

Ang nanalo sa naturang torneo ay may cash prize na P250,000 at tropeo. Ang Ginebra 3×3 Tapang ng Tatluhan ang kauna-unahang nationwide grassroots basketball program ng Ginebra San Miguel at ng Philippine Basketball Association (PBA) para humanap ng basketball talents sa buong bansa.

Mahalaga ang torneo dahil ang 3×3 event ay kasama na sa 2020 Olympics.

Labing-anim na teams mula sa Manila, Cebu, Davao, Caloocan, Quezon, Iloilo, Bulacan, Cagayan de Oro, Tarlac, Cavite, Samar, Rizal, Pangasinan, Batangas, Bataan at Pampanga ang lalaban sa national finals sa Hulyo 5 sa Robinsons Place Manila. Ang top two teams ang papasok sa championship round.

Maliban sa 3×3 tournament, magkakaroon din ng slam dunk competition at 3-point shoot-out sa National Finals. Bawat kampeon ay magkakaroon ng P10,000 cash prize at trophy.

Josh Urbiztondo nagpaalam na sa basketball

by

KINATATAKUTAN sa three-point area ang Fil-Am na gwardiya.

 

Ni: Eugene Flores

MATAPOS na bigong depensahan ng San Miguel Alab Pilipinas ang kanilang korona laban sa Hong Kong Eastern sa quarterfinals ng Asean Basketball League (ABL), nagdesisyon na ang kanilang beteranong gwardiya na si Josh Urbiztondo na magretiro sa basketball.

Ipinahayag ni Urbiztondo ang kanyang pagreretiro sa isang Instagram post.

“After a long-thought decision and discussing with my wife, I have finally decided to hang ‘em up and retire from basketball,” aniya.

Naging maganda ang simula ng kampanya ng Alab sa bagong season ng ABL na nakuha ang ikalawang pwesto sa standings ngunit sunod-sunod ang naging injury ng kanilang manlalaro na siyang nagdulot ng apat na sunod na talo sa pagtatapos ng elimination round bago gulatin ng Hong Kong sa quarterfinals na tinapos ang serye sa 2-0.

Isa si Urbiztondo sa nagsilbing lider ng koponan na pinangungunahan ni coach Jimmy Alapag. Dalawang taon nagsilbi sa koponan ang beteranong manlalaro matapos ang isang taon sa Singapore Slingers.

“From going to battle against each other through the years, to having you in Alab the last two seasons, I’ve always had the utmost respect for your character,” pagbati ni head coach Jimmy sa post ni Urbiztondo.

“You’ve been a great example to future Filipino players that it’s not about where you start, but where you finish. Been a hell of a ride the past two seasons together! Appreciate you and your incredible family! The game will miss you! Always here for you if you need anything,” dagdag ni Alapag sa kanyang komento.

Ang ABL ang nagsilbing bagong tahanan ng tinaguriang “The Fireball” matapos ang matagal na paglalaro sa Philippine Basketball Association (PBA).

Nagtala ng 5.4 puntos sa 35 porsyentong tira sa labas, 3.0 rebounds, 2.4 assists, sa loob ng 16.3 na minutong paglalaro si Josh ngayong season ng ABL.

Ang Filipino-American na tubong San Francisco, California ay nagretiro sa edad na 36 bilang isang kampyeon sa ABL at PBA.

Unang sumubok sa propesyunal na liga si Urbiztondo taong 2009 ngunit walang koponan sa PBA ang kumuha sa kaniya. Ngunit hindi ito naging hadlang upang sukuan niya ang pangarap at kalauna’y kinuha sya sa Sta. Lucia Realtors bilang isang undrafted player at hindi niya sinayang ang opurtunidad hanggang siya ay kinilala bilang isa sa PBA All-Rookie Team taong 2010.

Nagpaikot-ikot na sa liga si Urbiztondo matapos i-trade sa Air21 Express at sa ikatlong koponan nito na B-Meg Llamados nakatikim ng kampyonato ang six-foot na si Urbiztondo, taong 2012.

May sumatutal na 11 taong naglaro sa propesyunal na liga si Urbiztondo, walo sa PBA at tatlo sa ABL. Sa loob ng matagumpay na karera nito, kinilala siya bilang isang tirador sa three-point line at isang magaling dumepensa, patunay nito ang kaniyang Defensive Player of the Year Award sa Philippine Basketball League (PBL).

“In my 11-year pro career there have been a lot of ups and downs, which I will cherish and bring with me in my next chapter of life,” wika nito.

Pinatunayan din ng sharp-shooter na gwardya na isa siya sa mga magagaling na manlalaro sa liga matapos mapabilang sa PBA All-Star noong 2012.

Ang mga naging karanasan nito sa PBA ay dinala niya sa pagpasok sa ABL, una sa Singapore at nung may pagkakataon ay kinatawan nito ang bansa sa Alab Pilipinas kung saan nagkampyeon ito sa pangunguna rin ng ABL local MVP na si Bobby Ray Parks Jr., at ang kanilang mga import na si Renaldo Balkman at Justin Brownlee.

Tiyak na magsisilbing inspirasyon si Josh Urbiztondo na nagpakita ng tibay at dedikasyon sa larong minamahal ng mga Filipino.

“I want to thank God, all my fans and supporters, brothers, coaches, teammates, and the management throughout all my years in the Philippines, especially my wife, my daughters, my parents, my brothers-in-law, and all my family in the States who would watch my games in the middle of the night and follow my progress via Internet.”

 

Ang pagsikat ng women’s volleyball sa Pilipinas: Isang pagbabalik-tanaw

by

`

Ni: Dennis Blanco

ANG larong volleyball ay isa sa mga pinakasikat na laro ngayon sa Pilipinas lalong-lalo na sa mga kababaihan, ano man ang kanilang edad at katayuan sa lipunan. Kaya’t di maikakaila na ito ay humahanay na sa larong basketball kung ang pagbabatayan ay ang dami ng mga nanonood at tagasubaybay nito. Nandiyan na rin ang mga nagsusulputang mga amateur collegiate volleyball leagues tulad ng Universities Athletic Association of the Philippines (UAAP), at ang National Collegiate Athletic Association (NCAA) at ang mga semi-professional leagues gaya ng Philipppine Volleyball League (PVL) at ang Philippine SuperLiga (PSL) na nagsisilbing plataporma para sa mga manlalarong kababaihan ng volleyball na ipakita ang kanilang husay sa paglalaro ng Volleyball.

Ang larong volleyball ay naimbento ni William G. Morgan noong 1895 sa Young Men’s Christian Association (YMCA) sa Holyoke, Massachusetts at mabilis na lumaganap bilang isa sa pinaka-popular na sport sa buong mundo. Sa Pilipinas, ito ay pinakilala ni Elwood S. Brown isang physical director sa YMCA.

Nagsimula itong laruin bilang backyard sport at nang lumaon ay nilalaro na sa mga buhanginan ng dalampasigan. Kinailangan nilang magtayo ng dalawang puno ng niyog na nagsisilbing magkabilang poste na kung saan ang net ay isinasampay. Ang volleyball ay nilalaro ng isa laban sa isa, isa laban sa lima o isa laban sa sampu (Philippine Volleybal Federation, 2016).

Ang Pilipinas ang isa sa mga unang bansa na naglaro ng volleyball noong 1920s at 1930s nang dalhin ito ng mga Amerikano dito sa atin kasama ng basketball at (McDougal, 2011).

Matatandaan na bago pa man tayo naging mahilig sa basketball, ay nauna muna ang hilig natin sa paglalaro ng volleyball.  Malaki din ang naging impluwensiya ng Pilipinas sa paglalaro nito. Halimbawa, ang tinatawag ngayong “spike” ay nagmula sa imbensiyon ng mga Pilipino noon na tinawag na “bomba” na nagpabago sa laro ng volleball na ginawa sa Amerika pero na-revolutionize sa Pilipinas (Frank, 2003).

Sa ngayon, sila Alyssa Valdez, Mika Reyes, Myla Pablo, Jaja Santiago, Rachel Daquis at Isa Molde ay mga household names na rin katulad ng ibang sikat na basketball players sa Philippine Basketball Association (PBA). Subalit bago pa man ang kanilang pagsikat, ay mayroon ng Liz Masakayon na itinuturing na isa sa pinakamagaling na babaeng manlalaro ng volleyball na nagmula sa Pilipinas. Bagama’t siya ay isang Fil-American, ipinanganak siya sa Pilipinong magulang sa Quezon City. Bagamat hindi siya nakapaglaro sa pambansang koponan ng Pilipinas, siya ay naging miyembro ng 1984 United States Olympic Team. Dati rin siyang nakapaglaro sa University of California in Los Angeles (UCLA) at hinirang na Female Athlete of the Year ng nasabing pamantasan (Franks, 2010).

Sa kasalukuyan, ay nangangailangan pa ng mas madaming Liz Masakayon para magwagi sa mga regional competition kalaban ang mga malalakas na koponan tulad ng China, Japan, South Korea at Thailand, ganun na rin sa international competition na kung saan tayo ay makikipagsabayan sa mga pinakamagagaling na bansa sa mundo sa larangan ng volleyball tulad ng United States, Russia, Brazil at Cuba.

PBA Season 44 nagbukas sa Phil Arena

by

Kargado ang San Miguel Beermen sa pagpasok ng 44th season dahil kay Terrence Romeo at assistant coach Jimmy Alapag

Ni: Eugene Flores

ENGRANDE ang pagsisimula ng panibagong season ng Philippine Basketball Association o PBA na ginanap sa Philippine Arena sa Bocaue, Bulacan.

Napili ng liga ang 55-thousand seater arena upang pasinayaan ang bagong simula ng All Filipino Cup na kadalasan ay ginagawa sa Araneta Coliseum o Mall of Asia Arena, kung saan ipinakilala ang mga team maging ang kanilang naggagandahang muse.

Susubukan muling depensahan ng Philippine Cup champion San Miguel Beermen ang kanilang trono kung saan nadagdag ang superstar na si Terrence Romeo.

Bago pormal na binuksan ang bagong season, isinagawa muna ang Season 43rd Leo Awards kung saan pinangaralan ang mga manlalarong nagpamalas ng angking talento sa katatapos na season at maging ang mga coach na nangunguna sa bawat koponan.

Tampok sa Leo Awards ang Most Valuable Player award, Rookie of the Year, Most Improved Player, Coach of the Year, all-PBA team at ang all-defensive team.

Ang larong basketball at ang pagkamakabansa

by

basketball

Ni: Dennis Blanco

Ayon kay Rafe Bartholomew sa kanyang libro na pinamagatang “Pacific Rim: Beermen Ballin’ in Flip-Flops in the Philippines’ Unlikely Love Affair with Basketball,” ang Pilipinas ay isang “basketball crazy republic” kung saan ang football, volleyball at baseball ay pangalawa lamang kumpara sa basketball na itinuturing na pangunahing laro. Sadyang napakahilig ng mga Pinoy na maglaro at manood ng basketball.

Nandiyan ang Philippine Basketball Association (PBA) sa ating bansa at ang National Basketball Association (NBA) sa Estados Unidos bilang mga professional leagues na kung saan hinahangaan ang mga sikat na basketbolista tulad ni June Mar Fajardo, Jayson Castro at Paul Lee sa PBA at LeBron James, Stephen Curry and Kevin Durant sa NBA. Hindi rin pahuhuli ang mga amateur leagues na kinabibilangan ng mga collegiate leagues tulad ng Universities Athletic Association of the Philippines (UAAP) at National Collegiate Athletic Association of the Philippines (NCAA).

Itong mga nakaraang araw ay nasaksihan ng madlang Pilipino ang FIBA Asian Men’s Qualifier kung saan ang Smart-Gilas Philippine Men’s Basketball team ang siyang nagsilbing host sa kalabang Kazakhstan at Iran. Nadurog ang puso ng Pinoy fans nang magkasunod na nabigo ang kanilang pambansang koponan sa Kazakhstan at Iran bagamat mayroon itong homecourt advantage at naglalaro sa harapan ng kanilang mga kababayan.

Kung ang kampanya ng Smart-Gilas ay istorya ng kabiguan, ang katatapos na UAAP Men’s Basketball Championship ay kwento ng pananalig at tagumpay. Pagkatapos ng tatlumpu’t-dalawang taon ay muling nakabalik ang University of the Philippines Fighting Maroons sa finals laban sa defending champion na Ateneo de Manila University Blue Eagles. Bagamat natalo ang UP sa ADMU ay nagsilbi itong kuwento ng inspirasyon ng paghango mula sa ibaba patungo sa rurok ng tagumpay. Matatandaan na mayroon ding nakaraang season kung saan ay wala silang naipanalo o nakapanalo man lang ng isang game. Subalit sa suporta ng kanilang mga alumni, fans at ng buong UP community, kasama na ang pito pang constituent universities nito sa buong bansa, muling nakabalik ito sa UAAP finals matapos nitong talunin ang twice-to-beat na Adamson University Soaring Falcons sa dalawang makapigil hiningang laro na itinuturing na isa sa mga pinakamagandang game sa kasaysayan ng UAAP.

Subalit ang sadyang nagpaigting sa matagumpay na kampanya ng Fighting Maroons ay ang mga salitang “Atin ito. Papasok ito” na namutawi sa labi ng kanilang team captain at inspirational leader na si Paul Desiderio noong laro ng Maroons laban sa UST Growling Tigers, ang unang laro nila nung nakaraang taon, na kung saan may maliit na segundo na lang ang natitira at kailangan ang three point shot para manalo na nagawa ngang ibuslo ni Desiderio. Mula noon, ang salitang “Atin Ito” ang nagpataas ng kumpiyansa at pananalig ng koponan na lahat ay posible kung aakuin nito ang kakayahan at responsibilidad na manalo bilang isang nagkakaisa at nagdadamayang koponan.

Sa huli, ay aking napaglagom na ang mga katagang “Atin Ito” ay sumasagisag na gawin at kamtin ng may paninidigan ang mga adhikaing nararapat ay para atin nang makita ko ang isang placard na hawak-hawak ng mga fans ng UP Fighting Maroons habang nanood ng laro na may mensaheng, “Atin Ito, West Philippine Sea”, “Atin Ito, Human rights”. Samaktuwid, ang katagang “Atin Ito” ay puwedeng sumalamin sa isang pambansang damdamin na nagnanais ng hustisya at katarungan  na sadyang nararapat akuin nino man na sa palagay nila ay  sadyang nararapat na ibigay para sa kanila bilang mamamayan sa ngalan ng  pambansang soberaniya at  pambansang kapakanan. Atin Ito. Pilipino tayo.

Close Bitnami banner
Bitnami