PINAS

Ang Lihim ng Panginoon (Ikapitong Bahagi)

Sonspeak

Recent News:

Philippine Commission on Women

PRRD, nanawagan ng “greater public awareness’ sa mga kababaihan

by

 

HANNAH JANE SANCHO

KASABAY ng paggunita ng National Consciousness Day for the Elimination of Violence Against Women, nagpahayag si Pangulong Rodrigo Duterte ng suporta sa kampanya sa pagtatapos ng karahasan laban sa mga kababaihan sa bansa.

Sa mensahe ng pangulo, nanawagan ito ng “greater public awareness’ sa mga isyu na kinakaharap ng sektor ng mga kababaihan para makahanap pa aniya ng ibang mga panukala na magbibigay proteksyon sa mga ito sa anumang uri ng harassment o diskriminasyon.

Kinilala rin nito ang mga ginawang hakbang ng Philippine Commission on Women para mabigyan ng kapangyarihan ang mga kababaihan.

Inilahad din ng presidente sa kanyang mensahe ang mga batas para sa protection at promosyon ng mga karapatan ng mga kababaihan gaya ng Violence Against Women and their Children Act of 2004 at ang Magna Carta of Women.

Matatandaang nito lamang taon nang lagdaan ni Pangulong Duterte ang Bawal Bastos Law.

Nagpapataw ang nasabing batas ng multa at pagkakakulong sa mga iba’t ibang uri ng sexual harassment tulad ng cat-calling, stalking at online sexual harassment.

IRR ng Safe Spaces Act o Bawal Bastos Law, nilagdaan na

by

KABILANG sa mga lumagda sa IRR ang nasa labing anim na ahensya ng gobyerno.

 

MJ MONDEJAR

NILAGDAAN na ang Implementing Rules and Regulations (IRR) ng Safe Spaces Act o Bawal Bastos Law.

Kabilang sa mga lumagda sa IRR ang nasa labing anim na ahensya ng gobyerno at iba pang organisasyon kabilang na ang MMDA, DILG, PNP, CHR, DepEd, CHED, DOLE, LTO, DSWD at Philippine Commission on Women.

Ayon kay Senador Risa Hontiveros na siyang author ng batas at dumalo rin sa signing ceremony sa Ortigas, ang Republic Act 11313 ay isang game changer measure na susugpo sa gender-based harassment at karahasan sa mga pampublikong lugar.

Sinabi ni Hontiveros na dumaan sa masusing pinag-aralan ang IRR ng mga government agency, advocacy group at miyembro ng akademya.

Ipinangako naman ni MMDA Chairman Danilo Lim ang buong suporta at pagsisikap ng kanilang ahensya para sa epektibong pagpapatupad ng batas.

Sinabi ni Chairman Lim na maglalagay sila ng marami pang CCTV cameras sa Metro Manila para makatulong sa pagmonitor ng posibleng harassment sa public places.

Batay kay Sen. Hontiveros, isusulong ng nasabing batas ang positive policy, behavioral at cultural changes.

Matatandaang Abril nang lagdaan ni Pangulong Rodrigo Duterte ang Bawal Bastos Law.

 

Close Bitnami banner
Bitnami