PINAS

Ang Lihim ng Panginoon (Ikapitong Bahagi)

Sonspeak

Recent News:

Philippine Drug Enforcement Agency (PDEA)

P3.74-B illegal drugs, sinunog ng PDEA

by

POL MONTIBON

 

AABOT sa P3.74 bilyon halaga ng illegal drugs ang sinunog ng Philippine Drug Enforcement Agency (PDEA) sa Integrated Waste Management, Inc. (IWMI), Barangay Aguado Trece, Martirez City sa Cavite.

Ayon kay PDEA Director Chief Laboratory Service at PIO Spokesperson Director Derrick Carreon, ang mga sinunog na droga ay nakumpiska sa mga drug raid ng PDEA sa Metro Manila at karatig-lalawigan na pinayagan na ng Korte Suprema na wasakin at sunugin.

Sinabi ni Director Carreon, ang mga sinunog ay nagmula sa iba’t ibang RTC  branch na naging ebidensya  na ipinirisinta ng PDEA.

Tiniyak din ni Carreon na bago ito sunugin ay kinikilo ang mga ito upang maalis ang pagdududa ng sambayanang Pilipino na nire-recycle ang droga.

Paliwanag pa ni Carreon na kaya lang tumatagal ang pagwasak sa mga nakukumpiskang droga ay dahil kailangan pa ng aprobal mula sa Korte Suprema.

 

Mga business establishment sa Davao City, obligado ng kumuha ng “drug-free workplace” certificate

by

SMNI NEWS    

 

OBLIGADO na ngayon ang mga business establishment sa lungsod ng Davao na kumuha ng “drug- free workplace” certificate mula sa Philippine Drug Enforcement Agency (PDEA).

Kasunod ito ng inilabas na ordinansang lokal na pamahalaan ng lungsod na No. 0506-13 at Executive Order No. 32.

Itinakda ng nasabing batas na kasali na sa requirement para makakuha ng business permit ang paglikha ng drug free workplace program.

Bago bigyan ng sertipikasyon ang mga establisyimento na may hindi bababa na 10 empleyado ay kailangang sumailalim ng training sa City Antidrug Abuse Council o CADAC ang kanilang opisyales.

War on Drugs: Walang humpay ang tagumpay

by

INIINSPEKSYON ng isang operatiba ng Philippine Drug Enforcement Agency (PDEA) ang nakumpiskang shabu na nagkakahalaga ng P1.9 bilyon sa isang warehouse sa Tanza, Cavite.

 

Ni: Quincy Joel V. Cahilig

KUNG may maituturing na matibay na ebidensiya ng magandang resulta ng “strong political will” ni Pangulong Rodrigo R. Duterte, ito ay ang positibong epekto ng kanyang “war on drugs” na naglalayong burahin sa lipunan ang salot na drogang sanhi ng pagkasira ng maraming buhay, tahanan, at pangarap.

“Relentless” kung isalarawan ng mga kritiko at kakampi ng administrasyong Duterte ang giyera kontra droga. Gayun pa man, hindi naman masasabing “fruitless” ang kampanyang ito kung titignan ang mga datos ng awtoridad.

Ayon sa Real Numbers PH, isang proyekto ng Presidential Communications Group na naglalayong labanan ang maling impormasyon,  nasa 1,040,987 ang naitalang krimen mula July 2016 (simula ng termino ni Pangulong Duterte) hanggang June 2018. Ang naturang bilang ay mas baba ng 21.48 porsyento kumpara sa 1,325,789 na na-report sa parehong panahon mula 2014 hanggang 2016.

Bumagsak din umano ang bilang ng mga krimen gaya ng homicide, rape, at physical injuries ayon sa Philippine National Police (PNP), maliban sa murder na tumaas ng 19,210 (1.5 porsyento) sa nakalipas na dalawang taon.

“It is important to note that focus crimes are due to the use of illegal drugs. If you look at the nature of the crimes, the perpetrators are doing drugs. They resort to theft to support their addiction, they rape, murder because they are tripping,” wika ni Lt. Col Kimberly Molitas, deputy spokesperson ng PNP.

Nguni’t dahil sa patuloy na puspusang kampanya ng PNP kontra illegal na droga at krimen, nararamdaman na din ng mamamayan na mas ligtas na ngayon ang mga lansangan; bagay na nagpapakita na nagtatagumpay ang pulisya laban sa masasamang elemento.

Ayon naman sa Philippine Drug Enforcement Agency (PDEA) mahigit 11,000 na mga barangay sa buong bansa ang drug-free na simula nang ilunsad ang anti-drugs campaign ng Duterte administration.

Batay sa survey ng Social Weather Stations (SWS) na inilabas nitong Pebrero, 66 porsyento ng mga Pilipino ang nagsabi na bumaba ang bilang ng mga drug users sa kanilang lugar sa nakalipas na taon.  Tumaas din umano ang kumpyansa ng mga negosyante dahil mas safe na ngayon ang environment sa Pilipinas.

Pero, sa kabila ng magandang resulta, aminado ang opisyal ng PNP na malayo pa ang pagtatapos ng war on drugs.

“In the business sector, they feel safer and better now. It is one of the indications that the war on drugs is nearly over but the problem is still there. The war on drugs is a worldwide phenomenon addressed by ASEAN countries, it is not just us,” wika ni Molitas. “We put an effort to make sure that the campaign against illegal drugs is sustained. Hindi po yan nagbabago, bumababa po yan ng bumababa.” 

PDEA Director General Aaron N. Aquino at AMLC Executive Director Atty. Mel Georgie Racela sa pagpirma ng memorandum of agreement tungkol sa pagsasanib pwersa ng kanilang mga ahensya para supilin ang kalakalan ng iligal na droga sa bansa.

 

MAS MALALAKING ISDA ANG NAHUHULI 

Kamakailan ay inanunsyo ni Pangulong Duterte na lumalala ang kalakalan ng iligal na droga sa bansa sa kabila ng puspusang kampanya ng gobyerno laban sa paglaganap nito.

“But if you tinker with drugs and if you continue to feed our children with drugs and trafficking… Things have worsened. My policemen are on the brink of surrendering,” sabi ni Duterte sa isang kampanya ng PDP-Laban sa Cagayan de Oro City.

Pangamba ng Pangulo, baka matulad ang Pilipinas sa Mexico, na kontrolado na ng mga drug cartel. Lalo na’t nakapasok na umano sa bansa ang mga sindikatong Sinaloa at Golden Triangle.

Binigyang diin ni Duterte na malaking hamon ang pagiging isang kapuluan ng Pilipinas, na sinasamantala ng mga sindikato sa pagpupuslit ng droga papasok sa bansa.

Subali’t binigyang linaw ni PDEA director general Aaron Aquino ang assessment ni Pangulong Duterte sa di umano’y paglala ng problema sa droga. Aniya, malamang ay nasabi ito ng Pangulo dahil sa mga malalaking volumes ng shabu na nakukumpiska ng ahensya sa kanilang mga operasyon kamakailan.

Di tulad ng mga pake-pakete lamang na nahuhuli ng PDEA noon, nakakahuli ang ahensya ngayon ng bilyon-bilyong halaga ng shabu. Sa magkahiwalay nga na operasyon sa Muntinlupa at Maynila, natimbog ng PDEA ang nasa kabuuang P2.8 bilyong halaga ng shabu. Dahil dito ay nagkakaroon umano ng impresyon ang Pangulo na lumalala na ang sitwasyon ng droga sa Pilipinas.

Naniniwala ang hepe ng PDEA na mas nagiging epektibo nga ang mga awtoridad ngayon dahil sa pakikipagtulungan ng bawa’t ahensya. Kamakailan, sa tulong ng Anti-Money Laundering Council,  nakapag-freeze ang PDEA ng P2 bilyong assets ng 400 drug traffickers sa bansa, na karamihan ay Chinese nationals. Patunay din aniya ito na hindi maliliit na isda ang kanilang nahuhuli ngayon.

“The billions of pesos in seizures of illegal drugs are a positive indicator that the government is very effective in carrying out its war against illegal drugs,” wika ni Aquino.

SA isang kampanya ng PDP-Laban, ipinahayag ni Pangulong Duterte ang pangamba sa paglala ng problema ng droga, bagay na itinuturing ng Philippine National Police na isang hamong hindi nila aatrasan.

 

HINDI AATRASAN ANG HAMON

Samantala, itinuturing ni PNP chief General Oscar Albayalde na isang hamon ang pahayag ng Pangulo tungkol sa paglala ng drug problem sa bansa.

“That’s a big challenge to us. I think hindi tayo susurender dyan kailanman. We look at it as a challenge,” pahayag ni Albayalde sa mga kawani ng media.

Naniniwala si Albayalde na inilalabas lamang ng Pangulo ang kanyang pagkadismaya nang banggitin nito na tila pinanghihinaan na ng loob ang mga pulis dahil tila hindi matapos-tapos ang mga insidenteng kinasasangkutan ng iligal na droga.

“Our peace and order is improving. It has improved a lot for the past three years. ‘Yung frustration, there is despite this effort nakikita natin ganyan pa rin.”

Pero binigyang diin ni Albayalde na hinding-hindi titigil ang PNP sa pagsupil sa droga kaya patuloy na isinusulong ng kanyang pamunuan ang improvement sa kakayahan at mga kagamitan ng pulisya para maging mas epektibo ang kanilang mga operasyon.

BOC, nalusutan pa rin?

by

Pinas News

NAPAKALAKING katanungan kung bakit sa kabila ng kampanya laban sa korupsyon ng administrasyong Duterte ay nakakalusot pa rin ang mga gawain ng masasamang elemento sa bansa.

Magkasamang nakikibaka ang Philippine National Police (PNP), Philippine Drug Enforcement Agency (PDEA) at ang Bureau of Customs (BOC) laban sa iligal na droga upang hindi makapasok sa bansa ngunit bakit nakalusot pa rin ang malaking halagang ito sa mga kamay ng mga otoridad?

Kagaya na lamang sa nakaraang linggo nadiskubre na may nakalusot na shipment ng iligal na droga na nagkahalaga ng P7 bilyon matapos na madiskubre ang apat na magnetic lifting equipment na naglalaman ng naturang droga sa labas ng isang warehouse sa loob ng CRS Subdivision sa Barangay F. Reyes, General Mariano Alvarez, Cavite.

Sa kasamaang palad ay wala ng laman ang mga naturang magnetic lifters at siguradong naikalat na ang mga laman nito sa mga lansangan sa Metro Manila at sa ibang lugar sa bansa.

Itong mga lifters ay kapareho sa naunang dalawang magnetic lifters na ipinakita sa Manila International Container Terminal na naglalaman ng 500 kilo na nagkahalaga ng P4.3 bilyon na shabu ilang araw lamang ang nakararaan.

Tinatayang nasa 1,000 kilo ang nakalusot na iligal na droga na may halagang halos P7 bilyon.

Hindi maaaring makalusot ang ganitong kalaking halaga ng iligal na droga kung walang tiwaling mga tauhan sa loob ng BOC kaya siguradong may tumulong sa international drug syndicate upang mailusot ang iligal na kontrabando.

Masyado nang mapamaraan ang mga international drug syndicate sa paglusot ng iligal na droga sa bansa dahil nagawa pa nilang malusutan ang mga otoridad sa kabila ng maigting na kampanya laban dito at mas lalo silang matapang ngayon. Bakit kaya? Dahil nga ba may mga kaugnay silang mga matataas na tao at may posisyon sa lipunan?

Sa mga unang impormasyon, nabatid na mula sa Golden Triangle syndicate mula sa Taiwan ang mga droga. Labing siyam katao ang tinitingnan ng anti-drug agency na mga person of interest sa drug shipments kabilang ang labing-isang Chinese nationals.

Nakalulungkot na lamang isipin na ang isang toneladang shabu ay kumakalat na sa mga lansangan ngayon. Marami na naman ang magtatamasa nito na mga durugista na siyang may malaking bahagi ng krimen sa bansa.

Sana ay tuluyan nang masugpu ang katiwalian at mga walang kaluluwang opisyal sa pamahalaan na walang ibang hinahangad kundi ang kanilang sariling interes kahit hindi kaila sa kanila na malaking kasamaan ang maidudulot ng kanilang mga masamang gawain sa bansa.

DepEd tutol sa PDEA: 10-taong gulang na mag-aaral, ipapa-drug test

by

Ni: Vick Aquino Tanes

MALAKI ang pagtutol ng pamunuan ng Department of Education (DepEd) sa plano ng Philippine Drug Enforcement Agency (PDEA) na isailalim sa drug tests ang mga batang nasa 10-taong gulang lamang.

Base sa naging pahayag ni DepEd Sec. Leonor Magtolis-Briones, hindi basta-basta na gawin ang panukala ng Philippine Drug Enforcement Agency (PDEA) na isailalim sa drug tests ang mga mag-aaral ng Grade 4 o mga batang nasa 10-taong gulang pa lamang dahil labag ito sa batas.MALAKI ang pagtutol ng pamunuan ng Department of Education (DepEd) sa plano ng Philippine Drug Enforcement Agency (PDEA) na isailalim sa drug tests ang mga batang nasa 10-taong gulang lamang.

Nararapat lamang umano ang drug testing para sa mga secondary at tertiary level students, maging ang mga guro at staff ng mga paaralan na kung saan ay nasimulan na nila ang drug testing dito.

 

“Hindi naaayon sa batas at hindi basta-basta na isailalim ang mga batang nasa 10-taong gulang na ipa-drug test. It has to be on the high school level, hindi yung grade 4. Ang instructions ni President Duterte ay at the grade four level, ay i-enhance ang curriculum tungkol sa drugs. We are very careful about this dahil you can destroy a child’s life,” ayon kay Sec. Briones.

Paliwanag ni Sec. Briones, “The Department of Education observed that the proposal of the Philippine Drug Enforcement Administration to test all students age 10 and older may require the amendment of the Comprehensive Dangerous Drugs Act of 2002, which authorizes drug testing for secondary and tertiary level students only”.

Nagbabala pa ang DepEd sa PDEA kaugnay sa halaga ng financial cost para sa proposal na ipa-drug test ang mga kabataan na kakailanganin ng mahigit P2.8-billion na wala ang DepEd at PDEA.

Nabatid na ang populasyon ng mga mag-aaral ng Grade 4 hanggang Grade 12 ay nasa total na mahigit 14 million. Kung lalaanan ng pondong P200 per student para sa testing fee ay mangangailangan ng pondong aabot sa P2.8-billion.

PDEA: DRUG TEST SA MGA GURO, ESTUDYANTE KASADO NA

Itinuloy na ng pamunuan ng Philippine Drug Enforcement Agency (PDEA) ang pagsasagawa ng ‘mandatory drug test’ sa mga guro at estudyante.

Ayon kay PDEA Director General Aaron Aquino, may mga nahuhuli silang guro at mga estudyante sa kanilang mga operasyon kaya isusulong nila ang pagsasagawa ng drug test, maging sa mga elementarya.

Nanindigan si Aquino na mula grade 4 pataas ang kanilang isinailalim na estudyante sa drug test kasama ng kani-kanilang mga teacher.

Batay sa record ng PDEA, ang pinakabata na kanilang naaresto ay nasa edad na 10-taong gulang at sa ngayon ay nakipag-ugnayan na ang PDEA sa Dangerous Drugs Board (DDB) at Department of Education (DepEd) hinggil sa pagpapatupad ng panukala subalit marami naman ang nagbigay ng pagtanggi kaugnay sa usapin.

Bukas naman ang DepEd sa mungkahi ng PDEA ngunit kailangan umanong tiyakin na hindi maaabuso ang mga kabataang dadaan sa drug testing.

Una nang sinabi ni DepEd Sec. Leonor Briones na dapat na ipaalam muna sa mga magulang ang mandatory drug test sa kani-kanilang mga anak dahil sensitibo ang usapin.

Kaugnay sa usaping drug testing sa mga batang nasa 10-taong gulang, umani ng kabi-kabilang reaksiyon ang panukala ng Philippine Drug Enforcement Agency na magsagawa ng mandatory drug testing.

“Hindi namin ginagawa ito to harass children. We do not do this to harass parents. We are trying to do this because we want to save children,” paliwanag ni PDEA chief Aaron Aquino.

Base sa Dangerous Drugs Law, ang pinapayagan lamang na magkaroon ng drug testing sa paaralan ay mga sekon-darya at kolehiyo at nakasaad din sa RA 9165 Section 36 na random at hindi mandatory sa lahat ng high school at college students ang pagsusuri sa posibleng paggamit ng droga.

Wala ring batas na naglalaan ng pondo para sa mandatory drug test sa mga mag-aaral sa elementary at hindi rin puwede na isama ang elementarya sa pondong nakalaan para sa random drug test para sa sekondarya at kolehiyo dahil tiyak na kukulangin ito.

Bagaman maganda ang intensiyon ng PDEA ay hindi ito maaari sa kasalukuyang naaayon sa  batas.

CHED, ACT AT HUMAN RIGHTS, TUTOL DIN SA MANDATORY DRUG TESTING

Nauna nang sinabi ni Commission on Higher Education (CHED) Officer-In-Charge Prospero De Vera ang nais ng komisyon na maging “drug-free” ang mga unibersidad at kolehiyo pero malayo naman ito para sa mga mag-aaral na nasa elementarya pa lamang.

Nakiisa naman ang Alliance of Concerned Teachers (ACT) sa Department of Education (DepEd) kaugnay sa mungkahi ng Philippine Drug Enforcement Agency (PDEA) na mandatory drug testing sa lahat ng mga estudyante mula grade 4 pataas.

Ayon kay ACT Philippines Secretary-General Raymond Basilio, paglabag sa karapatan ng mga guro, maging sa mga estudyante at malaking insulto ito sa kanila kaya hindi nararapat ang nais ng PDEA.

Maging ang Commission on Human Rights (CHR) ay tutol din sa nais ng PDEA dahil sa posibilidad na maging epekto nito sa kabataan.

Ayon kay CHR Commissioner Gwen Pimentel-Gana, hindi basta-basta dapat magsagawa ng drug testing dahil maituturing child abuse kung pipilitin ang isang bata.

ILANG SENADOR AT KONGRESISTA, UMALMA SA NAIS NG PDEA

Masyado pa umanong bata ang gustong ipa-drug test ng PDEA, kaya naman umalma ang ilang senador sa nais ng Philippine Drug Enforcement Agency (PDEA) na isailalim sa drug test ang mga mag-aaral sa elementary na mga batang 10-taong gulang pa lamang.

Ayon kay Senate President Vicente Sotto III, dapat linawin ng PDEA ang batayan nila dahil ang mga nasa sekondarya at kolehiyo lang ang iniuutos ng Comprehensive Dangerous Drugs Act na isailalim sa random drug test at hindi ang mga Grade 4 na estudyante.

“Mandatory drug test sa elementary pupils, kailangan ng batas,” ayon pa kay Sen. Sotto dahil  kailangang amyendahan ang Comprehensive Dangerous Drugs Act of 2002 bago maipatupad ang gusto ng Philippine Drug Enforcement Agency (PDEA) na mandatory drug test para sa mga estudyante sa elementarya.

Tinukoy ang nakasaad sa Section 36 ng batas na nagpapahintulot ng drug test sa sekondarya at kolehiyo lamang at nakasaad din na random ang drug test at hindi obligadong sumailalim dito ang lahat ng estudyante, particular na ang mga nasa mababang lebel.

Ayon kay Sotto, sang-ayon siya sa mandatory drug test sa elementarya kung para ito sa pagsawata ng paggamit ng iligal na droga at aprub din ito na umpisahan ang drug test sa mga mag-aaral sa Grade 6.

Giit naman ni Senator JV Ejercito na pondo ang kailangan kung maisasakatuparan ang nais ng PDEA para sa drug test ng mga nasa elementary subalit kailangan din malinaw ang usapin bago matuloy ang panukala.

“Pag-aralan muna natin. We have to make sure also kasi magastos din ‘yan. ‘Yung iba nga umaaray na para sa drug test sa pagkuha ng license. Imagine mo millions po ang estudyante, that would cost billions, hindi madali sa atin na gumastos ng ganun,” ayon kay Sen. Ejercito.

May batas naman para sa random drug test sa mga eskuwelahan, ayon naman kay Senador Ping Lacson.

Kasabay nito, tinutukoy ang Section 36 ng Republic Act 9165 o Comprehensive Dangerous Drugs Act kungsaan isinasaad na mandatory ang drug test sa pampubliko at pribadong eskuwelahan sa sekondarya o high school at kolehiyo.

Umalma rin si Senador Aquilino “Koko” Pimentel III sa mungkahi ng PDEA dahil walang katuturan at walang pakinabang sa drug test at malaking gastos lang sa gobyerno kung pati mga batang 10-taong gulang ay isasailalim sa drug test.

“Kung may bata na nangangailangan ng tulong dahil nagdodroga, hayaan itong humingi ng tulong at huwag nang obligahing magpa-drug test ang mga batang hindi naman nagdodroga,”paliwanag ni Pimentel.

Sa panig naman ng Kongreso, mariing tinututulan ni Magdalo partylist Representative Gary Alejano ang mandatory drug test na gustong ipatupad ng Philippine Drug Enforcement Agency (PDEA) sa mga Grade 4 student sa lahat ng pampubliko at pampribadong paaralan sa buong bansa.

Kailangan munang ikonsidera ng PDEA ang psychological effects ng mandatory at surprise drug testing sa mga bata, lalo pa ang 10-taong gulang pa lamang ang mga ito dahil maaari itong makapagdulot ng takot at trauma sa mga bata lalo na kung hindi ito naisagawa nang maayos ng mga awtoridad.

Bukod sa posibleng idulot na lamat sa isip at pagkatao ng isang bata, dagdag na gastos lamang aniya ito sa gobyerno at sa mga magulang.

“We are creating an atmosphere of fear among children. Marami na ngang mga bata ang nasaksihan mismo ang pagpaslang sa kanilang mga magulang, kamag-anak, kapit-bahay, o mismong kaibigan dahil sa war on drugs ng administrasyon. This proposal could yet be another scar on the children that will have a long-term impact on their well-being,” paliwanag ni Alejano.

Iginiit naman ng ilan pang mga mambabatas na dapat mas pagtuunan ng pansin ng pamahalaan ang ugat at pinanggagalingan ng iligal na droga na karaniwang bumibiktima sa mahihirap at hindi ang mga walang muwang na sampung taong gulang na bata.

Kailan kaya mauubos ang illegal drugs sa Pilipinas?    

by

Ni: Jun Samason

BAKIT kaya walang katapusan at hindi nauubos ang iligal na droga sa ating bansa, kahit na walang humpay ang mga anti-illegal drug operations na ginagawa ng Philippine Drug Enforcement Agency, Philippine National Police at iba pang law agencies tulad ng National Bureau of Investigation?

Ang sinasabi ng mga otoridad ay nakontrol na nila ang mga shabu laboratories dito at ang paniwala nila ay nagmumula pa sa ibang bansa ang supply ng droga dito. Tulad na lang halimbawa nitong nakaraang Linggo ay naharang ng Bureau of Customs sa Clark Freeport Zone ang 17.7 kilos ng shabu na halagang P120.36-million na nagmula pa sa California USA.

Nakakagulat at nakakapagtaka lang na kahit napakasidhi o napakainit ng kampanya ng pamahalaan sa paglaban sa sindikato ay parang bale-wala lang sa iba ang pagtutulak nila ng droga.

Katunayan ay napakarami na ang mga napatay sa oplan tokhang ng PNP pero sige pa rin sila sa pagtutulak, lalo na iyung tinatawag nilang mga street level pushing.

Kamakailan lang din ay naaresto ng  Police District Station 7 ang apat na menor de edad na nahulihan nila ng halos dalawang kilo ng marijuana. Ibig sabihin ay maging ang kabataan ay involve na rin sa iligal na droga. Ang medyo naiba lang sa ngayon ay medyo natahimik na ang isyu sa New Bilibid Prisons mula ng nanungkulan bilang Bureau of Corrections Director o sa pambansang piitan si dating PNP Chief, Director General Ronald dela Rosa.

Noong panahon ng kampanya ay nangako si Mayor Rodrigo Duterte na sakaling manalo at mahalal siya bilang pangulo ay tatapusin umano niya sa loob ng anim na buwan ang problema ng bansa sa iligal na droga.

Pero noong lumagpas na ang six months na kanyang ipinangako sa sambayanan ay inamin niya na mahirap talagang sugpuin ang problema sa drugs kaya humingi siya ng extension o karagdagang dalawang taon para tapusin ang drug problem ng bansa.

Hindi man sabihin  ay masasabi natin na ang problema sa iligal na droga ang malaki at pangunahing salot sa bansa.

Dahil dito ay nanawagan sa publiko ang mga otoridad na sana raw ay tulungan sila ng publiko sa fight against drugs, kahit man lang sa pagbibigay ng mga tip sa kanila.

Ang problema ay marami sa mga pinoy ang nagbubulag-bulagan dahil sa takot nila na baka ang pulis na pinagsumbungan nila ay posibleng kasabwat ng pulisya. Ang pinakamainam na sagot sa problemang ito ay koordinasyon at kooperasyon ng bawat isa.

Magtulong-tulong ang mamamayan dahil ang kinabukasan ng susunod na he­ne­rasyon ng ating lahi ang makikinabang nito. Tiyak na mapayapa at progresibo ang bansa kapag wala na ang iligal na droga sa lansangan.

Close Bitnami banner
Bitnami