Philippine National Police (PNP)
Donasyon sa NGO’s napupunta nga ba sa NPA?
Ni: Eugene Flores
PATULOY ang pagsugpo ng pamahalaan sa mga rebeldeng grupo sa bansa, at kamakailan ay natuklasan na maaring may koneksyon ang ibang non-government organizations (NGOs) sa New People’s Army (NPA) kung kaya’t agad na nagpaabot ng liham ang administrasyon sa mga pinagmumulan ng pondo.
Sumang-ayon naman ang mga ambassador ng Belgium at European Union (EU) na i-audit ang mga pondong kanilang ibinigay sa mga NGOs ayon na rin sa mungkahing ipinaabot ng Armed Forces of the Philippines (AFP) sa pangunguna ng National Task Force.
Ang pondo ay maaaring ginagamit ng mga rebeldeng grupo upang magpalakas ng kanilang kampo o upang manghikayat pa ng ibang miyembro.
“We are pleased with how the EU Ambassador accepted the submission of the National Task Force (NTF) where the AFP is a part of. The EU did not just commit to look into the voluminous documents the NTF has submitted, it even committed to enlist a third part firm to audit the funds they donated to NGOs we reported to have links with the terrorist Communist Party of the Philippines-New People’s Army,” pahayag ni AFP spokesman Brig, Gen. Edgard Arevalo.
Maging ang Belgium ay tinitutukan ang nasabing koneksyon at nangakong tutulong sa Pilipinas.
“We express our appreciation to the EU and the Belgian Ambassadors to the Philippines for the manifest keen interest of their governments. It shows that they desire to ensure that their support do not end up with the organizations that actually or indirectly support terrorist activities,” dagdag ni Arevalo.
Kumpiskadong mga armas
Pinaigting ng pamahalaan ang laban kontra sa CPP-NPA at kamakailan ay sinugod ng kapulisan at militar ang umano’y safehouse ni Renante Gamara. Nakuha roon ang dalawang granada, isang 9 mm pistol, record book at iba pang dokumento.
Ang operasyon ay bunga ng unang pagkahuli kay Gamara, ang dating pinuno ng Metro Manila Regional Party Committee ng CPP-NPA, sa Imus, Cavite.
“During the first operation, the operatives recovered a suspected fake ID of Gamara that led them to conduct casing and surveillance on the indicated address which prompted the application of another search warrant,” wika ni National Capital Region Police Office (NCRPO) Director Maj. Gen. Guillermo Eleazar.
Hinahanap na rin ng pulisya ang caretaker ng bahay na sinugod sa Marikina City na kinilala bilang si Ryan Dizon.
18 pulis pinarangalan ng PNP
Bilang patunay na buo ang suporta ng gobyerno laban sa mga rebeldeng grupo, pinarangalan ng Philippine National Police (PNP) ang 18 pulis na magiting na nakipagtunggali sa mahigit 50 rebelde na nais umanong sakupin ang kanilang police station sa Victoria, Northern Samar.
Pinangunahan ni PNP chief General Oscar Albayalde ang pagbibigay pugay sa kapulisan sa kanilang flag-raising ceremony sa Camp Crame.
“They are a good example of what policemen should be: always ready and aware, and have the instinct to fight the enemy,” wika ng PNP chief.
Iginawad ang Medalya ng Kadakilaan sa mga sumusunod: P/Lt. Eladio G. Alo, ang officer-in-charge sa station, P/Chief MSgts. Marlon Ordonia at Aimee Lutze, P/Sr. MSgt Arturo Gordo Jr. at P/MSgt Arnold Cabacang na tumanggap din ng Medalya ng Sugatang Magiting, P/Staff Sgts Brande Esquilon, Raul Francisco Jr at Ramil Ramosa, Police Cpls Eddie Edwin Diaz, Jaykarl Laurio, Bryan Ed Penaflor, Jake Salesa, at Tracy Silagan, Patrolmen Cris Bernadas, Geral Casyao, Marlon Estopagian, Ronnel Goco at Errol Montopar.
Bagama’t lamang sa bilang ang oposisyon, lumaban ang mga pulis na ito kung saan nakapatay sila ng tatlong rebelde at nakaaresto ng isa.
Ang nangyaring pag-atake ay parte umano ng selebrasyon ng ika-50 taon ng PNP.
Makatarungang operasyon?
Labing-apat ang namatay sa sabay-sabay na operasyon ng otoridad sa Negros Oriental.
Ngunit kinondena ng mga militanteng grupo ang naging aksyon ng kapulisan na tinawag nilang masaker ng mga magsasaka.
Hindi matibay ang ebidensya sa mga namatay, at anila’y napagkamalan lamang ang mga ito.
Pinagtanggol naman ni PNP spokesman P/Col. Bernard Banac ang naging hakbang ng mga tao nito.
“It is the duty of the PNP to enforce the law and maintain peace and order for public safety. And these were done by following the rules of engagement, respect for human rights and presumption of regularity,” aniya.
Naninindigan din ito na sinubukang bumaril at lumaban ng mga magsasaka kung kaya’t lumaban pabalik ang kapulisan sapagkat hindi raw gagamit ng dahas ang kapulisan kung hindi nanganganib ang kanilang buhay.
Ayon kay Banac bukas ang PNP upang sagutin ang katanungan ukol sa pangyayari.
“All allegations raised by some groups will be answered by the PNP at the proper time and at the proper venue.”
Ang sagupaan ng gobyerno at rebeldeng grupo ay apat na dekada nang nagpapatuloy, ito ang pinakamahabang problema sa Asya.
Hindi naging matagumpay ang nais na peace talks ni Pangulong Rodrigo Duterte matapos itong ihinto at iutos ang all-out war sa mga rebelde.
Ang hakbang ng pamahalaan sa kasalukuyan ay ang localized peace talks na pinangungunahan ng mga lokal na opisyal.
Patuloy ang pagsugpo ng gobyerno, patuloy ang paglago ng mga rebelde, patuloy ang gulo na nadadamay ang mga inosenteng tao. Ano ang puno? Hanggang saan ang dulo?
War on Drugs: Walang humpay ang tagumpay
INIINSPEKSYON ng isang operatiba ng Philippine Drug Enforcement Agency (PDEA) ang nakumpiskang shabu na nagkakahalaga ng P1.9 bilyon sa isang warehouse sa Tanza, Cavite.
Ni: Quincy Joel V. Cahilig
KUNG may maituturing na matibay na ebidensiya ng magandang resulta ng “strong political will” ni Pangulong Rodrigo R. Duterte, ito ay ang positibong epekto ng kanyang “war on drugs” na naglalayong burahin sa lipunan ang salot na drogang sanhi ng pagkasira ng maraming buhay, tahanan, at pangarap.
“Relentless” kung isalarawan ng mga kritiko at kakampi ng administrasyong Duterte ang giyera kontra droga. Gayun pa man, hindi naman masasabing “fruitless” ang kampanyang ito kung titignan ang mga datos ng awtoridad.
Ayon sa Real Numbers PH, isang proyekto ng Presidential Communications Group na naglalayong labanan ang maling impormasyon, nasa 1,040,987 ang naitalang krimen mula July 2016 (simula ng termino ni Pangulong Duterte) hanggang June 2018. Ang naturang bilang ay mas baba ng 21.48 porsyento kumpara sa 1,325,789 na na-report sa parehong panahon mula 2014 hanggang 2016.
Bumagsak din umano ang bilang ng mga krimen gaya ng homicide, rape, at physical injuries ayon sa Philippine National Police (PNP), maliban sa murder na tumaas ng 19,210 (1.5 porsyento) sa nakalipas na dalawang taon.
“It is important to note that focus crimes are due to the use of illegal drugs. If you look at the nature of the crimes, the perpetrators are doing drugs. They resort to theft to support their addiction, they rape, murder because they are tripping,” wika ni Lt. Col Kimberly Molitas, deputy spokesperson ng PNP.
Nguni’t dahil sa patuloy na puspusang kampanya ng PNP kontra illegal na droga at krimen, nararamdaman na din ng mamamayan na mas ligtas na ngayon ang mga lansangan; bagay na nagpapakita na nagtatagumpay ang pulisya laban sa masasamang elemento.
Ayon naman sa Philippine Drug Enforcement Agency (PDEA) mahigit 11,000 na mga barangay sa buong bansa ang drug-free na simula nang ilunsad ang anti-drugs campaign ng Duterte administration.
Batay sa survey ng Social Weather Stations (SWS) na inilabas nitong Pebrero, 66 porsyento ng mga Pilipino ang nagsabi na bumaba ang bilang ng mga drug users sa kanilang lugar sa nakalipas na taon. Tumaas din umano ang kumpyansa ng mga negosyante dahil mas safe na ngayon ang environment sa Pilipinas.
Pero, sa kabila ng magandang resulta, aminado ang opisyal ng PNP na malayo pa ang pagtatapos ng war on drugs.
“In the business sector, they feel safer and better now. It is one of the indications that the war on drugs is nearly over but the problem is still there. The war on drugs is a worldwide phenomenon addressed by ASEAN countries, it is not just us,” wika ni Molitas. “We put an effort to make sure that the campaign against illegal drugs is sustained. Hindi po yan nagbabago, bumababa po yan ng bumababa.”
PDEA Director General Aaron N. Aquino at AMLC Executive Director Atty. Mel Georgie Racela sa pagpirma ng memorandum of agreement tungkol sa pagsasanib pwersa ng kanilang mga ahensya para supilin ang kalakalan ng iligal na droga sa bansa.
MAS MALALAKING ISDA ANG NAHUHULI
Kamakailan ay inanunsyo ni Pangulong Duterte na lumalala ang kalakalan ng iligal na droga sa bansa sa kabila ng puspusang kampanya ng gobyerno laban sa paglaganap nito.
“But if you tinker with drugs and if you continue to feed our children with drugs and trafficking… Things have worsened. My policemen are on the brink of surrendering,” sabi ni Duterte sa isang kampanya ng PDP-Laban sa Cagayan de Oro City.
Pangamba ng Pangulo, baka matulad ang Pilipinas sa Mexico, na kontrolado na ng mga drug cartel. Lalo na’t nakapasok na umano sa bansa ang mga sindikatong Sinaloa at Golden Triangle.
Binigyang diin ni Duterte na malaking hamon ang pagiging isang kapuluan ng Pilipinas, na sinasamantala ng mga sindikato sa pagpupuslit ng droga papasok sa bansa.
Subali’t binigyang linaw ni PDEA director general Aaron Aquino ang assessment ni Pangulong Duterte sa di umano’y paglala ng problema sa droga. Aniya, malamang ay nasabi ito ng Pangulo dahil sa mga malalaking volumes ng shabu na nakukumpiska ng ahensya sa kanilang mga operasyon kamakailan.
Di tulad ng mga pake-pakete lamang na nahuhuli ng PDEA noon, nakakahuli ang ahensya ngayon ng bilyon-bilyong halaga ng shabu. Sa magkahiwalay nga na operasyon sa Muntinlupa at Maynila, natimbog ng PDEA ang nasa kabuuang P2.8 bilyong halaga ng shabu. Dahil dito ay nagkakaroon umano ng impresyon ang Pangulo na lumalala na ang sitwasyon ng droga sa Pilipinas.
Naniniwala ang hepe ng PDEA na mas nagiging epektibo nga ang mga awtoridad ngayon dahil sa pakikipagtulungan ng bawa’t ahensya. Kamakailan, sa tulong ng Anti-Money Laundering Council, nakapag-freeze ang PDEA ng P2 bilyong assets ng 400 drug traffickers sa bansa, na karamihan ay Chinese nationals. Patunay din aniya ito na hindi maliliit na isda ang kanilang nahuhuli ngayon.
“The billions of pesos in seizures of illegal drugs are a positive indicator that the government is very effective in carrying out its war against illegal drugs,” wika ni Aquino.
SA isang kampanya ng PDP-Laban, ipinahayag ni Pangulong Duterte ang pangamba sa paglala ng problema ng droga, bagay na itinuturing ng Philippine National Police na isang hamong hindi nila aatrasan.
HINDI AATRASAN ANG HAMON
Samantala, itinuturing ni PNP chief General Oscar Albayalde na isang hamon ang pahayag ng Pangulo tungkol sa paglala ng drug problem sa bansa.
“That’s a big challenge to us. I think hindi tayo susurender dyan kailanman. We look at it as a challenge,” pahayag ni Albayalde sa mga kawani ng media.
Naniniwala si Albayalde na inilalabas lamang ng Pangulo ang kanyang pagkadismaya nang banggitin nito na tila pinanghihinaan na ng loob ang mga pulis dahil tila hindi matapos-tapos ang mga insidenteng kinasasangkutan ng iligal na droga.
“Our peace and order is improving. It has improved a lot for the past three years. ‘Yung frustration, there is despite this effort nakikita natin ganyan pa rin.”
Pero binigyang diin ni Albayalde na hinding-hindi titigil ang PNP sa pagsupil sa droga kaya patuloy na isinusulong ng kanyang pamunuan ang improvement sa kakayahan at mga kagamitan ng pulisya para maging mas epektibo ang kanilang mga operasyon.
Laban kontra terorismo, di aatrasan ng Duterte admin
ALERTO 24 oras na nagbabantay sa mga karagatan ng bansa ang mga miyembro ng Philippine Coast Guard laban sa banta ng terorismo.
Ni: Quincy Joel Cahilig
Isa ang terorismo sa mga isyu na matagal nang kinakaharap ng gobyerno ng Pilipinas. Ang paghahasik ng kaguluhan ng iba’t-ibang mga bandido, communist, at extremist groups ay talaga namang nakakahadlang sa peace situation, bagay na mahalaga para sa mga investors na gustong mamuhunan sa bansa.
Batay sa Global Terrorism Index report na inilabas ng Institute for Economics & Peace (IEP), nasa pang-sampung pwesto ang Pilipinas sa listahan ng mga bansang apektado ng terorismo noong 2018; kabilang ang Nigeria, Afghanistan, Syria, Pakistan, Somalia, India,Yemen, Egypt, Congo, Turkey, Libya, South Sudan, Central African Republic, Cameroon, Thailand, Kenya, Sudan, U.S., Ukraine, Mali, at Niger.
Siniguro naman ng Malacañang na seryoso ang pamahalaan sa paglutas sa banta ng terorismo at patuloy pang pinapalakas ang kakayahan ng militar at pulisya upang labanan ang mga pwersang naghahasik ng karahasan sa lipunan.
TINIYAK ni Presidential Spokesman Salvador Panelo na seryoso ang Duterte administration sa pagsupil sa pwersa ng terorismo sa bansa.
“As one would expect, we are not taking terrorism lightly. Our goal is to totally eradicate rebellion by crushing it as well as providing better services and opportunities for all to achieve a state where there would no longer need for any uprising or armed struggle,” pahayag ni Presidential Spokesman Salvador Panelo.
Sa kabila ng pagtutol ng ilang grupo, kasalukuyan pa ring umiiral ang martial law sa Mindanao matapos lagdaan ni Pangulong Rodrigo Duterte ang Proclamation 216 bunsod ng paglusob ng Islamic State-inspired Maute group sa lungsod ng Marawi noong 2017. Ayon kay Panelo ang extension ng martial law sa rehiyon ay dahil sa patuloy na banta sa seguridad ng publiko, bagay na suportado naman ng maraming Pilipino.
Ilan pa sa anti-terrorism steps ng Pangulong Duterte ay ang pag-isyu ng Memorandum Order No.32, na nagpapalakas sa guidelines ng miltar at pulisya sa pagsugpo sa karahasan, at ang pagpapatupad ng Executive Order No.70, na nagtatakda sa pagbuo ng isang national task force para lutasin ang problema sa local communists at insurgencies.
PINAPAYUHAN ng mga government authorities ang mga magulang na bantayang mabuti ang kanilang mga anak sa paggamit ng internet upang maiwasang ma-brainwash ang mga ito ng mga extremist groups.
PAGBIBIGAY PRIORITY SA PANGANGAILANGAN NG PNP AT AFP
Patuloy ang modernization programs ng Duterte administration sa Armed Forces of the Philippines (AFP) at Philippine National Police (PNP) upang makasabay sa lumalakas din na kakayahan ng mga terrorist groups sa loob at labas ng bansa.
Kamakailan, inanunsyo ni PNP chief, General Oscar Albayalde ang pagbili ng pulisya sa mga motorized patrol boats at pag-recruit ng karagdagang tauhan para sa maritime operations ng PNP, nagbabantay sa mga borders mula sa pagpuslit ng mga bawal na gamot at pagpasok ng mga terorista.
“We are modernizing our maritime group. We have procurement last year and there will be a portion of our 2019 budget that will be allocated for the capability enhancement,” wika ni Albayalde.
Ayon naman kay Brigadier General Rodelion Jocson ng PNP Maritime Group, dumating na ang pito sa 28 gunboats na naaprubahan noong nakaraang taon at inaasahan ang pagdating ang nalalabi pang gunboats ngayong taon. Oorder din umano ang PNP Maritime Group ng karagdagan pang 18 gunboats at drones ngayong 2019.
Samantala, pinapalakas din ng Philippine Coast Guard (PCG) ang kakayahan nito gamit ang PHP1.320 bilyon na pondong inilaan para sa pagbili ng speed boats mula sa U.S.
Apat sa 38-meter response boats ang paparating na sa bansa ngayong taon, na may bilis na 40 knots, na kayang habulin ang mga terorista at pirata sa mga karagatan ng Mindanao. Inaasahan na din umanong makukumpleto na ngayong taon ang 40 units ng 33-footer boats na kanilang inorder mula sa mga local shipbuilders.
Patuloy din ang natatanggap na suporta ng Pilipinas mula sa mga malalaking bansa na kaalyado nito tulad ng U.S. na nag-pledge ng PHP300 milyong ayuda para paigtingin ang intelligence operations laban sa extremist groups. Nagpahayag din ng suporta ang France, Russia, Japan, at China sa kampanya ng Pilipinas kontra terorismo.
“Terrorism knows no boundaries, politics, religion and creed. It is the new evil in the world that strikes at every country and every continent and all member-nations of the United Nations really should help and cooperate with each other to combat and crush terrorism,” wika ni Panelo.
MANATILING ALERTO SA ISIS
Habang isinusulat ang artikulong ito, kasalukuyang sinasagupa ng US-backed Syrian Democratic Forces (SDF) ang nalalabing caliphate ng Islamic State in Iraq and Syria (ISIS) sa isang village sa Baghouz. Sa loob ng ilang araw ng paglusob ng SDF at coalition warplanes, matagumpay nilang napasuko ang mahigit 4,000 na ISIS fighters kasama ang kanilang mga pamilya.
Dahil dito, natatanaw ng ilan ang nalalapit na pagguho ng naturang kampo ng mga extremist, na minsa’y naging singlawak ng Britain.
Subali’t kung natitibag na ang pwersa ng IS sa middle east, kasalukuyan din namang umuusbong ang panibagong pwersa nito sa ibang panig ng mundo. At ayon sa mga ulat, ito’y sa Mindanao.
Taong 2016 nang magsimula ang malawakang recruitment ng ISIS sa Mindanao sa pamamagitan ng online videos at marami-rami umano silang nahikayat sa loob at labas ng bansa. Taong 2017, ang mga militanteng sumanib sa IS na Maute Group ang lumusob sa Marawi, kung saan nakita rin na mayroong mga foreigners sa kanilang hanay. Matapos ang mahigit limang buwang bakbakan na kumitil sa buhay ng 900 insurgents, nagtagumpay ang pwersa ng pamahalaan ng Pilipinas. Nguni’t naniniwala ang ilan na reresbak pa ang IS sa bansa.
Nitong Enero, ginimbal ng kambal na pambobomba ang Jolo, Sulu, na kilalang balwarte ng Abu Sayyaf terrorist group, na sinasabing sumapi na rin sa IS. Mahigit 20 katao ang nasawi at marami ang sugatan sa naturang pagsabog.
Naunang inako ng ISIS ang naturang twin blasts. Nguni’t tinukoy ng pamahalaan na ang bandidong Abu Sayyaf ang may kagagawan.
Ayon kay Rommel Banlaoi, chairman ng Philippine Institute for Peace, Violence, and Terrorism Research, maraming financial resources ang IS at patuloy ang pagrecruit nila ng fighters.
“ISIS is the most complicated, evolving problem for the Philippines today, and we should not pretend that it doesn’t exist because we don’t want it to exist,” babala ni Banlaoi.
WAR ON TERRORISM, NAGSISIMULA SA TAHANAN
Sinabi naman ni Sidney Jones, director ng Institute for Policy Analysis of Conflict na nakabase sa Indonesia, tinatarget ng ISIS ang mga kabataan na gawing recruits.
“The government didn’t recognize its strength in attracting everyone from university-educated students to Abu Sayyaf kids in the jungle. Whatever happens to the pro-ISIS coalition in Mindanao, it has left behind the idea of an Islamic state as a desirable alternative to corrupt democracy,” aniya.
Kaya naman pinapayuhan ng isang socio-anthropology professor sa Philippine Military Academy (PMA) ang mga magulang na bantayang mabuti ang kan
ilang mga anak sa social media. Ayon kay Capt. Sherhanna Paiso, military science professor at chief ng education branch ng PMA, mahalagang malaman ng mga magulang kung sino-sino ang kausap ng kanilang mga anak sa social media gayon din ang mga tanda kung ang kanilang anak ay nahawahan ng radicalization, na ipinanghihikayat ng mga extremist groups sa mga menor de edad na may kakulangan pa sa critical thinking skills.
Aniya, kapag pinalitan ng isang bata ang kanyang profile picture na nakasuot ito ng maskara ng ISIS o ISIS flag, ibig sabihin ay naimpluwensyahan na ito ng radicalization.
“If you are in a group the promotes violence, there is a tendency for you also to become violent individual. Remember, prevention is always better than cure,” wika ni Paiso.
Payo din ng military prof na iwasan ang pag-stereotype sa mga Muslims bilang “terrorists” at “bombers” para maiwasang mahikayat ang mga Muslim youth na sumapi sa mga grupong nagpapasimuno ng karahasan.
Masinsinang pag-uusap sa firecracker ban, iminungkahi
Mga kaso ng naputukan noong selebrasyon ng Bagong Taon, bumaba na.
Ni: Jonnalyn Cortez
PARTE na ng tradisyon ng mga Pilipino ang pagpapaputok tuwing magpapalit ang taon. Ngunit sa kabila ng kasiyahang dala nito, marami ring kaakibat na disgrasya ang paggamit nito.
Taon-taon, hindi nawawalan ng mga kaso ng mga naputukan tuwing selebrasyon ng Bagong Taon. May napuputulan ng kamay, daliri at minsan pa nga ay nabubulag at nalalason.
Bunsod nito, matagal nang nais ni Pangulong Rodrigo Duterte na mag-deklara ng total firecracker ban sa buong bansa kung siya lang ang masusunod.
Sa katunayan, sinabi niya na maaaring maglabas ng bagong utos na magbabawal sa paggamit ng paputok. Kapag natuloy ito, mababago ang Executive Order No. 28 na nililimitahan ang paggamit ng mga paputok sa community fireworks display areas.
“I will issue an executive order para warning na sa lahat that I am banning firecrackers altogether,” wika ng Pangulo.
Matatandaang eksaktong isang taon na mula nang sabihin ng Pangulo na nais niyang magpasa ang Kongreso ng batas na magbabawal sa paggamit ng paputok at pyrotechnics.
Secretary Francisco Duque III iminungkahi ang masinsinang pag-uusap ukol sa firecracker ban.
Noong Oktubre ng nakaraang taon, inutusan ni Duterte ang Philippine National Police (PNP) na isara ang mga iligal na pagawaan na nagbebenta at gumagawa ng mga paputok at pyrotechnic devices. Iniutos din niya na hindi maaaring bigyan ng bagong lisensya o permit ang industriya ng paggawa nito hangga’t hindi nasusuri kung kumpleto ang kanilang mga dokumento at sumusunod sila sa batas.
Sinang-ayunan naman ng Department of Health (DOH) ang hakbang na ito at sinasabing ito ang dahilan ng pagbaba ng mga kaso ng fireworks-related injuries sa 77 porsyento noong 2018.
Total firecracker ban, iminumungkahi.
Matagal naman nang ikinakampanya ng EcoWaste Coalition ang firecracker ban sa kabuuan ng bansa. Katulad na lamang ng Davao City, kung saan matagal nang ipinagbawal ang pagpapaputok, sinabi ng grupo na maaari ring ipatupad ito sa iba pang lungsod.
Sa ngayon may ilang mga siyudad na ang nagpapatupad na ng firecracker ban.
Ang Las Piñas City ay mayroong City Ordinance No. 1484-17, na nagbibigay kapangyarihan sa Las Piñas City Police na kumpiskahin ang anumang uri ng iligal na paputok at bantayan at imbestigahan ang mga paglabag sa ordinansa.
Inatasan naman ng gobyerno ng Zamboanga City ang kapulisan na ipatupad ang total firecracker ban ordinance at hulihin maging ang mga kabataan na sumusuway dito upang masigurong maiiwasan ang mga firecracker-related accidents. Ipinagbabawal din dito ang fireworks displays sa ilalim ng Ordinance No. 431 o ang Firecracker Ban Ordinance of 2014.
Meron ding ganitong ordinansa sa Quezon City, ang City Ordinance No. SP 2618 na nagbabawal sa paggamit ng paputok at iba pang pyrotechnic devices sa lahat ng pampublikong lugar tuwing may pagdiriwang at sa anumang okasyon.
Pagbebenta ng paputok maaaring ipagbawal na sa buong bansa.
Malungkot na balita para sa ‘Fireworks Capital’
Umani naman ng iba’t-ibang reaksyon ang balak ni Duterte na nationwide total firecracker ban mula sa probinsya ng Bulacan na kilalang “Fireworks Capital” ng bansa.
Sinabi ni Malolos City Mayor Christian Natividad na ang pahayag ng Pangulo ay kabilang sa “inherent powers of the state and the police,” kaya’t wala silang magagawa kundi sundin ito.
“If the government uses these powers, it is incumbent for us to follow the order of the highest official of the land,” wika nito.
Isa namang malungkot na balita ito para sa mga fireworks manufacturers and sellers sa Bulacan, ayon kay Vice Governor Daniel Fernando.
“Many will surely be affected and lose livelihood opportunities because of the total ban on firecrackers,” sabi nito.
Bilang presiding officer ng provincial council ng Bulacan, aatasan ni Fernando ang mga miyembro ng konseho na pag-aralang mabuti ang utos ng Presidente.
Sinabi rin nitong mag-aapila sila na ipatupad lamang ang total ban sa mga paputok at hindi sa mga fireworks o mga produktong pailaw.
Dagdag naman ng presidente ng Fireworks Association of the Philippines na si Joven Ong, na sa kaniyang pagkakaintindi, ang sinasabi ng Pangulo ay ang pagtingin ng Kongreso sa mga “pros and cons” ng pagbabawal ng paputok.
Magbibigay na lamang daw ito ng pahayag kapag nasa ilalim na ng deliberasyon ang nasabing usapin.
Sa karagdagan, sinabi naman ng presidente ng Philippine Pyrotechnics Manufacturers and Dealers Association Inc. na si Lea Alapide na babasahin muna nito ang executive order bago magbigay ng reaksyon.
Batay sa datos ng Bulacan Polytechnic Regulatory Board (PRB), nagbibigay ng livelihood opportunities ang industriya ng paputok sa halos 100,000 katao sa lungsod. Sa tantya rin nito, halos 20,000 indibidwal ang direktang nakinabang dito noong 2017.
Gayunpaman, ibinahagi ng mga fireworks stakeholders, na ang lokal na industriya ng paputok ay nakararanas ng malaking pagbagsak ng produksyon. Pawang ilang malalaking pagawaan, na may kakayanang gumamit ng mga high-tech devices, safer mode at gumagawa ng pyrotechnics at aerial displays, na lamang ang natitira at maging sila ay nahihirapan na panatilihing buhay ang industriyang ito.
Pangkabuhayang programa sa manggagawa ng paputok
Nabanggit ni Duterte sa dating Cabinet meeting na nais nitong gumawa ang Department of Trade and Industry (DTI) ng alternative livelihood program para sa halos 75,000 indibidwal na nasa industriya ng paputok na maapektuhan ng posibleng total firecracker ban, na siya namang sinang-ayunan ng DOH.
Sinabi ni Health Secretary Francisco Duque III na hindi madaling maipatupad ang pangkalahatang pagbabawal ng mga paputok dahil na rin kailangan muna nilang makapagbigay ng alternatibong pangkabuhayan para sa mga manggagawa.
“We cannot be reckless. We have to be clear about the alternative livelihood programs for people who will be displaced because of the ban. That is the more compelling reason that we need to look into,” wika nito.
Dagdag pa niya, kailangan ng masinsinang pag-uusap tungkol sa isyung ito kasama ang mga opisyal ng Department of Trade and Industry, Department of Labor and Employment at Department of Finance dahil na rin sa malawak na implikasyon nito.
Ngayong taon, nakapagtala ang DOH ng 139 firecracker-related injuries. Bumaba ito ng 68 porsyento kumpara sa mga kasong natala noong 2018.
Giyera kontra droga: Tuloy ang pagratsada
MAGPAPATULOY ang giyera kontra droga ng pamahalaan ngayong 2019. Inanunsyo kamakailan ni Pangulog Rodrigo Duterte na tutugisin ng kanyang administrasyon ang big-time drug lords
Ni: Quincy Joel V. Cahilig
NOONG 2016, iniluklok bilang Pangulo ng Pilipinas si Rodrigo Roa Duterte dahil pinanghawakan ng mga botante ang kanyang pangakong lilinisin ang mga lansangan mula sa ipinagbabawal na gamot, na isang pangunahing sanhi ng iba’t-ibang krimen. Makalipas ang tatlong taon, sa kabila ng mga batikos sa madugong war on drugs ng kaniyang administrasyon, marami pa ring mga Pinoy ang pabor sa kampanyang ito.
Ang mataas na approval rating na nakuha ni Pangulong Duterte sa nakaraang Social Weather Stations (SWS) survey Disyembre 2018 ay patunay ng mainit pa rin na suporta ng mga Pinoy sa kampanya na sugpuin ang ipinagbabawal na mga gamot sa mga lansangan. Base sa fourth quarter SWS survey na sinagawa mula Disyembre 16 hanggang 19, nasa 74 porsyento ng mga Pilipino ang “satisfied” sa performance ng kaunaunahang Pangulo ng bansa mula sa Mindanao.
Ayon kay Presidential Spokesperson Salvador Panelo, ang resulta ng survey ay nagpapamali sa mga akusasyon ng mga kritiko sa kampanya ng Pangulo kontra droga.
“The support of the Filipinos for our Chief Executive also sends a strong message to foreign human rights groups and foreign governments to put a stop to their baseless and unkind accusations on his war on drugs,” aniya.
Sa nalalabing tatlong taon ng kanyang termino, mukhang hindi na mapipigilan pa ang pag-hunting ng Pangulo sa mga elementong patuloy na lumalason sa mga utak ng mamamayan gamit ang illegal drugs gaya ng shabu. Kamakailan nga nagbitaw pa ng matinding babala si Duterte sa mga “malalaking isda” na nagpakalat ng droga.
“I’m just warning for the remaining 3 years, ‘yung malalaking drug lords matatamaan yan, I will slit your throats,” banta ng Pangulo sa kanyang talumpati sa kaarawan ni Political Adviser Francis Tolentino kamakailan.
“Yung malalaki talagang tatamaan ‘yan. And if you ask me kung mamamatay ‘yan, mamamatay talaga ‘yan. Nasabi ko na eh, huwag dito sa akin. Pag big-time ka hindi kita patatawarin. Sa harapan ng human rights I will slit your throat. Wala akong pakialam. Talagang yayariin kita,” wika pa ng Pangulo.
Kaalinsabay ng babala ay ang paghimok ni Pangulong Duterte sa mamamayan na patuloy na suportahan ang kampanya ng gobyerno laban sa droga at kurapsyon.
“Let us work hand in hand to defeat the ills of drugs, criminality and corruption that stunt our development. Together, let us face all obstacles head on, armed with the knowledge and brimming with hope that we can triumph over any struggle that we may face as a nation,” wika ng Pangulo sa kaniyang New Year’s message.
Iniinspeksyon ni PDEA Director General Aaron N. Aquino ang nasabat na magnetic lifters sa General Mariano Alvarez, Cavite na hinihinalang ginamit upang ipuslit sa loob ng bansa ang bilyon-bilyong halaga ng shabu.
LIBO-LIBONG BARANGAY IDINEKLARANG DRUG-FREE
Itinuturing ng Philippine Drug Enforcement Agency (PDEA) na isang mabunga at matagumpay na taon ang 2018 para sa giyera kontra droga. Bukod sa naging mas maigting na kampanya para hulihin ang mga big time at small time na sangkot sa kalakaran ng ipinagbabawal na gamot, mas pinagbuti din ng gobyerno ang rehabilitasyon para sa mga sumukong drug users na nagnanais na maituwid ang kanilang landas.
Batay sa datos ng PDEA ng November 30, 2018, nasa 9,500 na ang bilang ng mga barangay sa bansa ang idineklarang drug-free buhat nang pasimula ng termino ni Pangulong Duterte.
Umabot naman sa 303,533 ang mga drug surrenderers ang nagtapos sa Recovery and Wellness Program (RWP), na isinagawa sa pagtutulungan ng Philippine National Police (PNP) at ng pribadong sektor para matulungang makabangon muli ang mga nalulong sa droga sa buong bansa.
Nakasaad din sa report ng PDEA na umabot na sa PHP 25.19 bilyon ang halaga ng mga nasabat na illegal drugs and equipment mula Hulyo 2016. Nitong Nobyembre lang, nakasabat ang ahensya ng 128.96 milyong halaga ng illegal drugs and equipment.
Bilang patunay naman na walang sinasanto ang war on drugs, nasa 296 na law enforcers ang sinibak sa pwesto dahil sa paggamit ng droga samantalang 142 personnel ang kinastigo dahil sa drug-related offenses.
Pinasinayaan ng mga opisyal ng pamahalaan ang Bahay Silangan sa Caloocan City, kung saan tutulungan ng gobyerno ang mga sumukong drug offenders na makapagbagong buhay.
JUVENILE JUSTICE LAW, DAPAT NANG BAGUHIN
Samantala, buhat sa pasimula ng Duterte administration, umabot na sa 1,861 minors na sangkot sa droga ang naaresto. Ang numerong ito ay binubuo ng 1,001 pushers; 501 possessors, 255 users; 93 drug den visitors, anim na drug den maintainers; tatlong drug den employees at dalawang cultivators, ayon sa PDEA.
Ang mga nahuhuling menor de edad, pagkatapos ng court proceedings, ay hindi naman ikinukulong kundi dinadala sa pangangalaga ng Department of Social and Welfare Development (DSWD) pagtapos ang walong oras na police custody. Ang ibig sabihin, malaki pa rin ang chance na bumalik sila sa maling gawain.
Kaya naman ginagamit ng malalaking sindikato ang mga menor de edad sa pagpapakalat ng droga sa mga lansangan dahil alam nilang hindi pwedeng ikulong ang mga ito batay sa Juvenile Justice Law of 2006. Nakasaad sa naturang batas na ang minimum age of criminal liability ay 15 years old.
Dahil dito, maigting ang panawagan ng administrasyon sa mga mambabatas na i-revise ang naturang batas. Ayon kay Presidential Communications Operations (PCOO) Assistant Secretary Marie Rafael, panahon na para pag-aralan ang Juvenile Justice Law kung mabisa pa nga ba ito lalo na’t dumadami ang bilang ng mga batang nagiging sangkot sa krimen.
“If we lower down the age of accountability for minors, because at age 17, they can go further, they can even kill. Nakikita po natin dito that pushers, yung age of discernment ng isang bata nowadays, by 15 kaya, alam na niya ang tama at mali?” wika ni Rafael.
Suportado naman ng PNP ang naturang panawagan na ibaba ang age of criminal liability, at nagbabala na pwedeng parusahan ang mga magulang ng mga batang sangkot sa krimen alinsunod sa Republic Act 7610.
“These children have no business selling drugs or being out-of-school. It is about time that we give this responsibility to our parents to take good care of their children. We would like to see this law applied to parents seriously neglecting their children,” ayon kay PNP deputy spokesperson PSupt. Kimberly Molitas.
Hindi din dapat aniyang gawing dahilan ang kahirapan para maging sangkot sa kalakalan ng ipinagbabawal na gamot.
