PINAS

Ang Lihim ng Panginoon (Ikapitong Bahagi)

Sonspeak

Recent News:

Philippine National Police

P3-B bagong kagamitan ng PNP, iprinisinta sa Camp Crame

by

ADMAR VILANDO

IBINIDA ng Philippine National Police o PNP ang mga bago nilang kagamitan bilang bahagi ng kanilang modernisasyon at paglaban sa kriminalidad sa bansa sa Camp Crame.

Ayon kay PNP Chief Police General Archie Francisco Gamboa, aabot sa P3-B ang halaga ng mga kagamitan na binili pa mula sa Estados Unidos, Russia at Israel.

Kabilang dito ang dalawang single engine turbine helicopter na nagkakahalaga ng mahigit P450 milyon, tatlong EOD robots na mahigit sa P50 milyon at isang bomb suit na umaabot sa mahigit P1.5 milyon.

Gayundin ang mga assault rifle, pistol, mga bala, helmet, vest, night vision googles, ballistic eyewear, handheld radio at signal jammer.

Bumili rin ang PNP Special Action Force ng 37 medium troop carriers.

Habang ang labindalawang 4×4 pick-up ay mula sa donasyon at ilalaan sa Misamis Occidental.

Pag-inom ng alak habang naka-duty, mahigpit na ipinagbabawal sa mga pulis

by

 

EYESHA ENADAR

 

KASABAY ng holiday season, muling nagpaalala ang Philippine National Police sa kanilang mga tauhan na bawal ang pag-inom ng alak habang naka-duty.

Ayon kay PNP Deputy Chief for Operations Police Lieutenant General Camilo Cascolan, mayroon silang umiiral na direktiba na ipinagbabawalan sa mga pulis ang pag-inom ng alak sa pampublikong lugar.

Pero nauunawaan ng opisyal na hindi minsan maiiwasan na makainom ang mga pulis kaya mainam na gawin na lamang ito sa kani-kanilang tahanan.

Nagpaalala rin si Cascolan sa mga pulis na kung iinom man ay huwag magpakalasing lalo’t anumang oras ay maaaring ipatawag ang mga ito.

 

PNP, kaagapay ng DTI at LGUs sa pagpapatupad ng price freeze sa Mindanao

by

ADMAR VILANDO

 

TUMUTULONG ang Philippine National Police sa Department of Trade Industry at Local Government Units sa pagpapatupad ng price freeze sa mga lugar sa Mindanao na tinamaan ng lindol.

 

Ayon kay PNP Officer-in-charge Police Lieutenant General Archie Francisco Gamboa, kasama ng DTI at LGUs ang mga operatiba ng CIDG sa pag-iikot upang matiyak na nananatiling normal ang presyo ng mga bilihin.

 

Kabilang dito ang de-latang sardinas, gatas, bottled water, instant noodles, kape, detergent, tinapay, asin, bigas, mais, mantika, gasolina, baboy, baka at iba pang poultry meat.

 

Nagdeploy din ng mahigit 2,700 pulis para tumulong sa search and rescue operations at pagbabantay sa mga evacuation centers.

 

Security situation sa bansa, kontrolado sa gitna ng posibleng banta ng ISIS

by

PNP Officer-In-Charge Police Lieutenant General Archie Francisco Gamboa

 

ADMAR VILANDO

 

NANANATILING kontrolado ng Philippine National Police ang sitwasyong pangseguridad ng bansa.

 

Ito ang tiniyak ni PNP Officer-In-Charge Police Lieutenant General Archie Francisco Gamboa matapos masawi ang ISIS leader na si Abu Bakr Al-Bagdhadi sa operasyon ng Amerika sa Northwest Syria.

 

Ayon kay Gamboa, bagama’t pinawi ng militar ang posibilidad na gumanti ang mga tagasuporta ng ISIS ay hindi pa rin sila magiging kampante.

 

Kasabay nito ay mahigpit nilang babantayan ang pagdiriwang ng Pasko lalo’t ito ang kadalasang sinasamantala ng mga kaaway ng gobyerno.

 

Philippine National Police, nagpatupad ng malawakang balasahan

by

ADMAR VILANDO

 

NAGPATUPAD ng malawakang balasahan ang hanay ng Philippine National Police.

Ginawa ang pagbalasa bago pa man maitalaga ni Pang. Rodrigo Duterte ang bagong hepe ng PNP.

Ito ay matapos payagan ng NAPOLCOM si PNP Officer-In-Charge Archie Gamboa para sa Major Revamp.

Itinalaga bilang bagong hepe ng PNP Criminal Investigation and Detection Group (CIDG) si P/BGen. Joel Coronel na dating PRO Central Luzon director.

Pinalitan ni Coronel si P/MGen. Amador Corpus na bago namang director ng PNP Doctrine Development.

Si P/Col. Romeo Caramat ang bagong hepe ng PNP Drug Enforcement Group (DEG), habang si P/Col. Ronald Lee ang hepe na ng PNP Integrity Monitoring and Enforcement Group (IMEG).

Si BGen. Albert Ignatius Ferro na dating hepe ng PNP DEG ay itatalaga bilang bagong director ng PRO Bicol.

Itinapon naman bilang director ng PRO CALABARZON si Manila Police District (MPD) Chief P/BGen. Vicente Danao, kapalit ni P/BGen. Edward Carranza na ngayon ay Logistics Support Service (LSS) director.

Bagong hepe naman ng MPD si P/BGen Bernabe Balba habang si P/BGen. Angelito Casimiro ay itinalagang hepe ng Cagayan Valley Police.

Inilagay naman bilang hepe ng Directorate for Intelligence si P/MGen. Mariel Magaway.

Si dating PRO Eastern Visayas director P/BGen. Dionardo Carlos naman ang bagong pinuno ng PNP-Highway Patrol Group kapalit ni P/BGen. Eliseo Cruz na ngayon ay deputy director ng PNP CIDG.

 

Pagkawala ng mga estudyanteng ni-recruit ng makakaliwang grupo, iniimbestigahan

by

 

ADMAR VILANDO

 

INIIMBESTIGAHAN na rin ng Philippine National Police (PNP) ang isyu patungkol sa mga mag-aaral na nawawala matapos umano’y ma-recruit ng makakaliwang grupo na Anakbayan.

 

Sa ekslusibong panayam ng DZAR Sonshine Radio kay PNP spokesperson Brigadier General Bernard Banac, sinabi nito na inaalam na nila ang kinaroonan ng mga nawawalang mag-aaral.

“Ang Philippine National Police po ay tumutulong na ngayon sa pag-iimbestiga ng whereabouts kung saan man naroroon itong mga anak ng magulang na ito na nawawala… at kung makita po natin na mayroon pong paglabag sa batas dito ay maaring makasuhan po ng kidnapping or abuse of our minors dahil mga kabataan pa ito 16, 17 so opo yan po ang mga edad nito,” pahayag ni Banac.

 

Sinabi ni Banac na sa ngayon ay lalo pa nilang paiigtingin ang presensya ng mga pulis sa mga campuses.

“Sa ngayon ay lalo pa nating paiigtingin ang ating presensiya sa mga campuses sa pakikipag-ugnayan na rin natin sa kanilang mga school administrators and school officials kailangan lang po na magkaroon ng pagkakataon na makapagbigay din tayo ng ating mga pahayag para po mabalanse naman yung ating freedom of education, freedom of learning and freedom of speech,”aniya pa.

 

Kamakailan  nang magsagawa ng pagdinig ang Senado sa problema ng mga magulang na nagrereklamo sa pagkawala kanilang mga anak at mapabilang sa mga makakaliwang grupo na nagsusulong ng pag-aaklas sa gobyerno.

 

Close Bitnami banner
Bitnami