PINAS

Ang Lihim ng Panginoon (Ikapitong Bahagi)

Sonspeak

Recent News:

PHISGOC

Paggamit sa pondo ng SEA Games, iimbestigahan

by

HANNAH JANE SANCHO

 

BUMUO na ng isang seven-man panel ang Office of the Ombudsman para siyasatin ang posibleng maling paggamit ng pondo ng 30th Southeast Asean Games.

Ayon kay Ombudsman Samuel Martires, sinimulan na ng panel ang fact-finding investigation sa alegasyon ng korupsyon sa SEA Games

Sinabi ni Martires na sakop ng imbestigasyon ang mga opisyal ng Philippine Sea Games Organizing Committee (PHISGOC) kasama si PHISGOC chairman, House Speaker Alan Peter Cayetano.

Una nang sinabi ni Cayetano na handa siya at ang PHISGOC na harapin ang anumang imbestigasyon ukol sa alegasyon sa SEA Games kapag natapos na ang palaro.

Matatandaang kabilang sa kinukwestyon ni Senate Minority Leader Franklin Drilon ang limampung milyong halaga ng itinayong cauldron.

Hosting ng Pilipinas sa kauna-unahang esports event sa 2019 SEA games, isang milestone ayon sa PHISGOC

by

JAMES LUIS

 

ITINUTURING na milestone ng Philippine SEA games Organizing Committee o PHISGOC ang hosting ng Pilipinas sa esports event ng 2019 SEA games. Ito kasi ang kauna-unahang pagkakataon na mapabilang sa medal event ang esports.

Tagumpay na maituturing para sa Philippine SEA games Organizing Committee o PHISGOC ang hosting ng Pilipinas sa esports event na isa na rin sa mga opisyal na medal events ng 2019 SEA games.

Para sa PHISGOC, malaking bagay na pangunahan ang naturang event sa pinakaunang pagkakataon sa kasaysayan ng SEA games na dati ay isa lamang demonstration sport sa nagdaang 2018 Asian games.

 

Mga kabataang atleta, balak pagtayuan ng sariling high school

by

MJ MONDEJAR

 

ISUSULONG ni House Speaker Alan Peter Cayetano na magkaroon ng sariling High School ang mga kabataang atleta na may kapasidad na maging mahusay sa larangan ng sports.

Ayon kay Cayetano, na siya ring chairman ng Philippine SEA Games Organizing Committee o PHISGOC, nais nilang baguhin at ipagamit sa mga future athletes ang mga pasilidad sa sports sa Clark na gagamitin naman sa hosting ng bansa sa 2019 SEA Games.

Ani Cayetano, nais nila ito na gawing mala -PMA ang paaralan kung saan sagot ng gobyerno ang gastos ng mga atletang sasabak sa training kasabay ng pag-aaral sa Junior at Senior High School.

Punto pa nito na kumpleto na sa gamit ang Clark na may sariling Athletic at Aquatic Center, baseball field at football field at iba pang pasilidad na akma para sa training ng mga estudyante.

Nasa 200 hanggang sa 400 na mga piling estudyante naman per school year ang balak nilang ipasok sa programa para magkaroon ng konkretong grass roots development program sa sports ang Pilipinas na sasabak sa darating na mga international sporting events.

SEAG broadcast and media conference 

by

GINANAP noong July 23 ang Philippine 2019-30th SEA Games broadcast and media conference kung saan dumami ang suporta ng Philippine South East Asian Games Organizing Committee (PHISGOC) mula sa pribadong sektor para sa hosting ng South East Asian Games.

Pinangunahan ni PHISGOC chief operating officer Ramon Suzara ang PHISGOC sa paglagda ng kasundun na ginanap sa Sofitel Manila.

Kabilang na ang Skyworth Group Limited at Cignal TV Inc. sa mga pribadong kompanya na nagpahayag ng suporta sa paghahanda ng pamahalaan sa biennial meet.

Kinatawan ang Skyworth, nangungunang supplier ng technology solutions, ni General Manager Johnny Wang, habang lumagda para sa Cignal TV, premyadong Direct to Home (DTH) satellite provider, ang president at CEO na Jane Basas.

Kasama rin sa sponsorship ang Mikasa, Marathon, Molten at Asics, sa pamamagitan ng Sonak Corporation; ang national carrier na Philippine Airlines; Ajinomoto; at Pocari Sweat.

Pinas, suportado ng ibang bansa

by

 
Sa gaganaping 30th Southeast Asian Games na may temang “We Win As One” na ang host ay ang Pilipinas, buong buo ang suporta ng mga bansang kabilang sa naturang regional multi-sport event ngayong taon.

Dahil sa isyu ng liderato ng Philippine Olympic Committee (POC), tiniyak naman ng 10 iba pang mga bansa na magiging tagumpay ang Philippines 2019 na magaganap sa November 30 hanggang December 11.

Sinabi ng chef de mission ng Malaysia na si Sen. Datuk Megat Zulkarnain Omardin, masaya ito sa ibinalita ng Philippine South East Asian Games Organizing Committee (PHISGOC) sa ginanap na 2nd CDM meeting sa Hilton Hotel Manila.

Umaasa rin ang Malaysian senator na maibibigay ng Pinas ang nutrisyonal na pangangailangan ng mga Muslim athletes sa pamamagitan ng paghahanda ng mga pagkaing halal.

Para naman sa delegado ng Indonesia na si Harry Warganegara, ang ipinapakitang commitment ng bansa ay maaaring magbigay daan upang mag-host ang bansang tinaguriang “The Emerald of the Equator” ng mas malalaki pang mga sporting events sa hinaharap.

Tiniyak naman ni Games COO Ramon Suzara na “on track” ang pagtatayo ng mga pasilidad kung saan inaasahang sa Setyembre o Oktubre ay matatapos ang konstruksyon sa karamihan ng mga venues.

Ayon pa kay Suzara, 20 sports ang gaganapin sa Clark; 15 hanggang 18 events sa Subic; habang ilan sa mga major events gaya ng basketball, volleyball, at boxing ay idaraos sa Metro Manila.

Close Bitnami banner
Bitnami