PINAS

Ang Lihim ng Panginoon (Ikapitong Bahagi)

Sonspeak

Recent News:

POL MONTIBON

PDEA nagbabala sa pagbebenta ng injectable shabu sa internet

by

PDEA Director General Aaron Aquino

 

POL MONTIBON

NAGBABALA ang Philippine Drug Enforcement Agency hinggil sa pagbebenta ng mga injectable shabu sa pamamagitan ng internet partikular sa social media at mga dating-application.

Ayon kay PDEA Director General Aaron Aquino, dumarami ang mga insidente ng online selling ng illegal drugs kabilang na ang injectable shabu na mas malakas ang epekto.

Tiniyak ni Aquino na patuloy nitong pipigilan ang ganitong paraan ng drug trafficking sa bansa.

Sinabi pa ni Aquino na mabilis na nagiging popular sa mga drug user ang injectable shabu dahil sa matagal na epekto nito, mula sa sexual arousal hanggang sa prolonged sexual activity.

Nangangamba si Aquino na ang paraang ito ay maaring magdulot ng accidental drug overdose at ang pagkalat ng nakakahawang sakit sa pamamagitan ng kara­yom.

Contact tracing ng pamahalaan, nasa 100% nang tukoy ng DOH

by

POL MONTIBON

 

NATUKOY na ng Department of Health o DOH ang lahat ng mga pasahero,  hotel and resorts crews at airline crews na nakasalamuha ng una at ikalawang kaso na nagpositibo ng 2019 novel coronavirus acute respiratory disease.

Ito ang kinumpirma ni Health Undersecretary Eric Domingo matapos ang press conference sa tanggapan ng DOH.

Ani Domingo, mula sa 441 na contacts, 379 dito ay mga pasahero at crew ng dalawang airline na ginamit ng first at second confirmed cases ng N-CoV, 63 mga empleyado ng hotel, resorts at hospital kung saan namalagi ang mga biktima.

Mula sa 441, nasa 203 dito ang isinailalim sa home quarantine procedure, 32 naitala bilang patients under investigation, habang ang natitirang 206 ay nakilala na pero kailangan pang mainterview.

Samantala, tuloy pa rin ang tracing na ginagawa ng pamahalaan sa ikatlong kaso ng N-CoV sa bansa kung saan na-identify na ng DOH Bureau of Quarantine ang 106 contacts.

 

Misteryosong pneumonia outbreak sa China, nadagdagan pa ng 139 na bagong kaso

by

 

POL MONTIBON

 

NADAGDAGAN pa ng isandaan tatlumpu’t siyam na bagong kaso ang misteryosong pneumonia outbreak sa Wuhan, China.

Ayon sa Wuhan Municipal Health Commission, nadiskubre ang panibagong kaso ng Coronavirus kamakailan.

Sa ngayon ay umabot na sa isandaan siyamnapu’t walo katao ang naitalang apektado ng misteryosong pneumonia virus kung saan tatlo dito ang kumpirmadong nasawi at dalawampu’t lima pa lamang ang gumaling sa naturang sakit.

Magugunitang nagsimula ang outbreak sa ipinasara nang seafood market sa syudad ng Wuhan noong Disyembre.

Ayon sa mga eksperto, maihahambing ang nasabing virus sa Severe Acute Respiratory Syndrome o SARS outbreak na kumitil ng nasa walundaang katao dalawampung taon na ang nakaraan.

Litrato ng mga sumukong NPA, hindi dinoktor ayon kay Panelo

by

 

POL MONTIBON

NILINAW ni Presidential Spokesman Salvador Pa­nelo na hindi ‘dinoktor’ ang litrato ng mga sumukong rebelde sa Masbate bagkus ay pinag-isa lamang (collage) ang dalawang larawan.

Ayon kay Panelo, ito ang paliwanag ni Defense Sec. Delfin Lorenzana sa kontrobersyal na litrato.

Lumitaw na ‘manipulated’ ang litratong lumabas sa media ng mga rebel returnees sa Masbate nitong Disyembre a-26 ng nakaraang taon.

Inako ni Maj. Ricky Aguilar ng Philippine Army ang pagkakamali at humingi ng sorry sa publiko.

Bibiyaheng bus ngayong holiday season, siniguradong sapat –LTFRB

by

POL MONTIBON

 

SINIGURADO ng Land Transportation Franchising and Regulatory Board (LTFRB) na sapat ang bibiyaheng bus ngayong holiday season.

Nasa 968 na mga bus ang nakatakdang bigyan ng special permit sa ilalim ng ‘Oplan Byaheng Ayos: Pasko 2019’.

Maaaring bumiyahe ang mga bus na bibigyan ng special permit mula sa December 23, 2019 hanggang January 3, 2020.

Nakalaan ang 581 units patungong North Luzon, 189 naman sa South, 127 sa Bicol, 48 sa Visayas at 23 units sa Mindanao.

Tiniyak naman ng LTFRB na sumailalim sa masusing proseso ng inspeksyon kabilang na dito ang road worthiness ng mga bus na bibigyan ng special permit at ang kondisyon at kahandaan ng drivers nito.

DOLE, ibinida ang mga accomplishment

by

 

POL MONTIBON

IPINAGMALAKI ng Department of Labor and Employment (DOLE) ang nasa mahigit limandaang libong mga contructual workers ang naregular na sa kanilang mga trabaho.

Ito ang ibinida ni Labor Sec. Silvetre Bello III bago ang 86th anniversary ng DOLE sa Disyembre a-sais.

Ayon kay Bello, boluntaryong nakikiisa ang mga kumpanya at mga employer sa kampanya ng Duterte administration laban sa kontraktwalisasyon.

Samantala, tumaas naman sa 2.3 million ang nabigyan ng trabaho ng DOLE ngayong taon batay sa isang labor force survey.

Bago ang anibersaryo sa Disyembre, tinatayang nasa 22,280 na trabaho ang maibibigay ng DOLE sa mga Pilipino kabilang na ang local jobs at sa mga gustong magtrabaho sa ibang bansa.

libu-libo namang mga first time job seekers ang maililibre ng gastusin sa pagkuha ng mga basic documents sa pag-apply ng trabaho dahil sa pagkakapasa ng first time job seekers act.

Close Bitnami banner
Bitnami