PINAS

Ang Lihim ng Panginoon (Ikapitong Bahagi)

Sonspeak

Recent News:

Presidential Spokesman Salvador Panelo

Illegal Chinese workers na nakinabang sa ‘pastillas modus’, ipapadeport

by

MJ MONDEJAR

NAKATAKDANG ipadeport ang mga Chinese workers na illegal na pumasok sa bansa at nakinabang sa “pastillas” modus sa mga paliparan sa bansa.

Ayon kay Presidential Spokesman Salvador Panelo, pababalikin sa kanilang pinanggalingan ang mga iligal na Chinese workers na pumasok sa bansa base na rin sa utos ni Pangulong Rodrigo Duterte.

Ito ang tiniyak ng Malakanyang matapos humarap sa pagdinig sa Senado si Immigration Officer Allison Chiong na nagsiwalat na hindi na dumadaan sa tamang proseso ang mga Chinese na ang mga pangalan ay nakatimbre na sa Bureau of Immigration.

Agad namang ipinag-utos ni Pangulong Rodrigo Duterte ang pagsibak sa lahat ng opisyal at empleyado ng BI na pinangalanan ni Chiong na sangkot sa nasabing modus.

Iimbitahan naman ng komite ni Sen. Risa Hontiveros ang ilan sa mga pinangalanang opisyal na sabit sa “pastillas” scheme.

Pagkakasama ni Espenido sa drug list, walang epekto sa kampanya kontra droga – Palasyo

by

COL. Jovie Espenido

 

ADMAR VILANDO

 

NANINIWALA ang Palasyo na walang epekto sa anti-drug war ng administrasyon ang pagkakasama ni Col. Jovie Espenido sa narco-cops list ng PNP.

Magugunitang si Espenido ang isa sa mga pinagkatiwalaan ni Pangulong Rodrigo Duterte sa kanyang anti-drug war matapos manguna sa mga operasyon laban sa mga sinasabing drug lords at protectors.

Sinabi ni Presidential Spokesman Salvador Panelo, alam naman ng mga pulis ang kanilang trabaho at kilala naman nila ang kanilang mga kabarong tunay na sangkot sa iligal na drogal.

Ayon kay Sec. Panelo, hindi malayong pinag-iinitan lamang si Espenido ng mga nasagasaan sa anti-drug war.

Kaya posibleng biktima ng black propaganda si espenido bagay na hindi kinakagat ni Pangulong Duterte.

Umpisa na ng pag-alingasaw ng baho ng mga kalaban ng administrasyon

by

 

 

JHOMEL SANTOS

 

IGINIIT ngayon ni Presidential Spokesman Salvador Panelo na unti-unti nang umaalingasaw ang tila mala- ashfall na baho ngayon ng mga destabilizers ni Pangulong Rodrigo Duterte matapos bawiin ang kasong isinampa laban sa chief executive sa ICC.

Ayon kay Panelo, tiniyak na maiipit ngayon sa kahihiyan si Dating Senador Antonio Trillanes na siyang pakana umano ng ICC case laban sa pangulo na binawi kamakailan ni Atty. Jude Sabio.

Samantala, maliban kay Trillanes, binanatan din ng Palasyo ang ICC na dapat na aniyang magising sa pagiging ignorante nito dahil nagagamit lamang sila sa pansariling interes ng mga nais pabagsakin ang Duterte Administration.

Aniya, sa umpisa pa lamang ay walang hurisdiksyon ang ICC sa Pilipinas kaya walang panama ang paninirang ito sa pangulo.

De Lima: hindi fake news ang US ban sa ilang opisyal ng Pilipinas

by

IGINIIT ni Sen. Leila de Lima na hindi fake news ang isyung nakasama sa budget law ng US ban sa mga opisyal ng Pilipinas na nagpakulong sa kaniya dahil sa alegasyong may kinalaman siya sa transaksyon ng iligal na droga.

Sinabi ni De Lima na ang talagang nagkamali ay ang naglabas ng impormasyon na nagsasabing hindi totoo ang resolusyon ng US Congress.

Ayon kay De Lima, hindi magkatulad ang Budget Bill sa Pilipinas at ang sa America.

Paliwanag ng senadora na nakabase ang US Appropriations Bill sa Omnibus Bill, kung saan nakatala ang State and Foreign Operations Appropriations (SFOPS).

Nagbigay pa ng step-by-step na paraan ang senadora para makita ng mga nagsusuri kung paano naisama sa Appropriations Law ng America ang naturang kontrobersyal na probisyon.

Ban ng US sa mga opisyal ng gobyerno ng Pilipinas, kinumpirma ng Malakanyang

Kinumpirma ng Malacañang na totoo ang entry ban laban sa mga Filipino officials na nakapaloob sa nilagdaang 2020 National Budget ni US Pres. Donald Trump.

Ayon kay Presidential Spokesman Salvador Panelo, mismong si Philippine Ambassador Babes Romualdez ang nagkumpirma sa nasabing US ban sa ilang mga opisyal ng gobyerno na nagpapakulong kay Sen. Leila de Lima.

Sinabi ni US Sen. Patrick Leahy na kung hindi mapapalaya agad si Sen. De Lima ay dapat bigyan ng fair and public trial ito.

Aniya, ito ang dapat maging hakbang ng gobyernong Duterte kaysa obligahin na kumuha ng visa ang mga Kano na bibisita sa Pilipinas.

 

Philippine visa policy ng mga Amerikano, maaaring ipatupad sa isang EO

by

CHERRY LIGHT

 

IGINIIT ni Presidential Spokesman Salvador Panelo na hindi kailangan ng isang batas sakaling ipatupad ng Pilipinas ang pag-obliga sa mga Amerikano na kumuha muna ng Philippine visa bago makapasok sa bansa.

Sinabi ni Panelo na maaaring ipatupad ito ni Pangulong Rodrigo Duterte sa pamamagitan ng isang Executive Order (EO).

Ayon kay Panelo, hindi naman magiging bias ang bansa sa pagbibigay ng Philippine visa sa mga American citizen basta’t sundin lamang ng mga ito kung ano ang mga requirements o itinatakda ng panuntunan sakaling ipatupad na ito.

Pahayag ito ni Panelo bilang tugon sa pagbabawal ng US na makapasok sa kanilang bansa ang mga opisyal ng pamahalaang Pilipino na may kinalaman sa pagpapakulong kay Senador Leila De Lima.

Batay sa tala ng Department of Tourism (DOT), nasa 872,335 US tourists ang pumasok na sa Pilipinas sa loob ng sampung buwan noong nakaraang taon ng 2019.

Malakanyang, pabor na sumailalim sa lifestyle check ang mga pulis

by

HANNAH JANE SANCHO

SANG-AYON ang Malakanyang sa rekomendasyon ni Senate Blue Ribbon Committee Chairman Sen. Richard Gordon na sumailalim sa lifestyle check ang mga pulis sa bansa.

Kasunod ito ng pagkakasangkot ni PNP Chief Oscar Albayalde sa umano’y ninja cops.

 

Sinabi ni Presidential Spokesman Salvador Panelo, magandang hakbang ito para mabusisi ang uri ng pamumuhay ng mga pulis.

Ayon kay Panelo, dapat ang internal affairs service ng Philippines National Police ang magsagawa ng lifestyle check sa mga pulis.

Close Bitnami banner
Bitnami