PINAS

Ang Lihim ng Panginoon (Ikapitong Bahagi)

Sonspeak

Recent News:

Presidential Spokesperson Ernesto Abella

Palasyo, pinayuhan ang mga kabataan na maging maingat        

by

Ni: Hannah Jane Sancho

Pinayuhan ng Malakanyang ang mga magulang na paalalahanan ang kanilang mga anak na lumayo sa mga iligal na aktibidad at huwag sumama sa mga kahina-hinalang mga tao.

Ang mensahe na ito ng Palasyo ay sa gitna ng napaulat na ilang serye ng pagpaslang sa mga kabataan na natatagpuan sa funeral parlor o tinatapon sa mga ilog.

Ayon kay Presidential Spokesperson Ernesto Abella, mainam na magkaroon ng malakas na relasyon ang mga magulang sa kanilang mga anak upang malayo ito sa mga masasamang impluwensiya.

Umani ng kritisismo ang anti-drug war operations ng Malakanyang matapos masangkot ang caloocan city police sa pagkakapaslang kina dating UP student Carl Arnaiz at ang mga menor de edad na sina Kian delos Santos at Reynaldo de Guzman.

Aminado ang Palasyo, na kailangan repasuhin ang ginagawang hakbang ng pamahalaan sa pagpapatupad nito ng kampanya kontra iligal na droga matapos ang serye ng pagpatay sa ilang kabataan.

Awayang Lacson at Faeldon, hindi pakikialaman ng Malakanyang

by

Ni: Hannah Jane Sancho

Hindi pakikialaman ng Malakanyang ang patutsada sa isa’t isa nina Senador Panfilo Lacson at ex-Customs Commissioner Nicanor Faeldon kaugnay sa korapsyon sa Aduana.

Ayon kay Presidential Spokesperson Ernesto Abella, susuportahan ng Pangulong Rodrigo Duterte ang anumang imbestigasyon kaugnay sa hinaharap na alegasyon ni Faeldon.

Binigyang diin ni Abella na hahayaan ng Palasyo na gumulong ang proseso kaugnay sa imbestigasyon.

Kahapon sa naging privilege speech ni Senador Lacson ay binunyag nitong tumatanggap ng 100 million pesos si Faeldon sa pagupo nito bilang commissioner ng Customs.

Binunyag din ni Lacson ang mga opisyal ng Customs na sangkot sa tara system.

Sinagot naman ni Faeldon ang akusasyon sa kaniya ng senador na ang anak ni Lacson ay sangkot sa smuggling ng semento at mayroon itong hawak na katibayan.

Sinabi ng Malakanyang na dapat beripikahin at dumaan sa masusing imbestigasyon ang mga alegasyon ni Faeldon sa anak ni Lacson.

Duterte Administration, bukas sa joint venture sa West Philippine Sea

by

NANANATILING bukas ang Pangulong Rodrigo Duterte sa pagkakaroon ng joint venture sa ibang bansa kaugnay sa oil exploration sa West Philippine Sea.

Ayon kay Presidential spokesperson Ernesto Abella, hindi nagsasara ng pintuan ang pangulo na makipag-usap sa mga foreign entities sa pagkakaroon ng joint venture.

Gayunpaman, sinabi din ni Abella na mahalaga na matiyak na hindi makalalabag sa Saligang Batas ang pagkakaroon ng ganitong klaseng venture.

Mangingibabaw aniya ang interes ng mga Pilipino ganitong kapag pumasok ang Pilpinas sa isang joint venture sa ibang bansa.

Imbestigasyon ng PNP sa drug ops sa Bulacan, suportado ng Malakanyang

by

Walang nakikitang masama ang Malakanyang sa ikinasang imbestigasyon ng Internal Affairs Service ng Philippine National Police (PNP) kaugnay sa dalawampu’t anim na simultaneous drug operations sa Bulacan na nagresulta ng pagkasawi ng dalawampu’t isang suspect.

Ayon kay Presidential Spokesperson Ernesto Abella, itinaon one time bigtime drug operations sa 439th Foundation Day ng Bulacan.

Una nang sinabi ng PNP na nanlaban ang mga nasawi sa operations ngunit pinuna naman ng mga kritiko na ito na ang may pinakamataas na insidente ng marami ang nasawi sa loob ng isang araw.

Paliwanag naman ng PNP na ‘normal’ lang ang bilang dahil nasawi ang 21 suspect sa 26 na operasyon sa lalawigan at hindi sa iisang drug ops.

Napaulat na nasabat ng mga otoridad ang may 21 armas, mahigit 100 gramo ng shabu na nagkakahalaga ng kalahating milyon piso sa nasabing drug operations.

Special session ng kongreso sa Martial Law, kasado na sa Sabado

by

Nagpatawag ng special session si Pangulong Rodrigo Duterte sa kongreso para sa hirit nitong palawigin pa ang idineklarang Martial Law sa Mindanao.

Nagkasundo ang senado at kamara na magsagawa ng special session sa Sabado, Hulyo a-bente dos, na kung saan kasabay nito ang pagtatapos ng bisa ng Martial Law sa Mindanao.

Sa statement ni Presidential Spokesperson Ernesto Abella, sinabi nitong kailangan ang special session ng kongreso para talakayin ang posibleng extension ng batas militar.

Inaasahang tatalakayin ang parameters para sa pagpapalawig ng Martial Law at ang suspensyon ng writ of habeas corpus.

Mindanao Hour

by

Inilunsad ng Office of the Presidential Spokesperson ang “Mindanao Hour” upang magbigay update sa mga kaganapan sa Marawi City at ang kasalukuyang pagpapatupad ng martial law sa naturang lungsod. Kasama ni Presidential Spokesperson Ernesto Abella (gitna) sina Presidential Communications Assistant Secretary Ana Maria Banaag (kaliwa) at Armed Forces of the Philippines Spokesperson Brigadier General Restituto Padilla (kanan). PRESIDENTIAL PHOTO

Close Bitnami banner
Bitnami