MARGOT GONZALEZ
Bumagal pa sa 2.4 percent ang inflation rate o ang pagtaas ng presyo ng mga pangunahing bilihin at serbisyo sa buwan ng Hulyo.
Mas mababa ito kumpara sa 2.7 percent na naitala noong Hunyo.
Ayon sa Philippine Statistics Authority (PSA), ito na ang pinakamababang record na naitala mula noong Enero 2017.
Kabilang sa binabanggit ng PSA na dahilan ng pagbagal ng inflation ay ang mababang presyo ng mga pagkain at non-alcoholic beverages.
Ni: Quincy Joel V. Cahilig
Aminado ang marami sa ating mga Pinoy na hassle ang isang transaksyon kapag ito ay nangangailangan ng maraming valid IDs. Lalo na’t ang pagkuha ng mga government issued IDs ay talagang kailangang paglaanan ng panahon at pera.
Kaya minabuti ng pamahalaan na bawasan ang abala sa pagkuha at paggamit ng ID ng pamahalaan. Pinirmahan kamakailan ni Pangulong Rodrigo Duterte sa Malacañang ang Philippine Identification System Act, na nagtatakda ng isang klase ng identification card na magagamit para sa lahat ng transaksiyon sa lahat ng mga ahensiya ng pamahalaan.
Ayon sa batas na akda ni Senador Panfilo Lacson, itatatag ang Philippine ID System o PhilSys, isang centralized database ng mahalagang impormasyon ng lahat ng mamamayan at dayuhang naninirahan sa Pilipinas na lalabas sa identification card na ipapamahagi sa mga magrerehistro ng walang bayad.
Tataglayin ng National ID ang pangalan, kasarian, araw at lugar ng kapanganakan, at blood type. May biometrics information tulad ng mukha, finger prints, at iris scan. Bawat ID holder din ay magkakaroon ng permanenteng ID number o Common Reference Number na panghabangbuhay.
Samantala magiging optional naman ang paglalagay ng marital status at contact information tulad ng cellphone number, at email address.
Hindi na din kakailanganin pang kumuha ng mga government-issued IDs tulad ng Social Security System (SSS) and Government Service Insurance System (GSIS); Philippine Health Insurance Corporation (PhilHealth); Tax Identification Number (TIN); at Home Development Mutual Fund (Pag-IBIG Fund) sapagka’t taglay na ng National ID ang lahat ng impormasyong kailangan para sa pakikipagtransaksyon sa mga naturang ahensya.
Kaya naman kumpiyansa ang pamahalaan na malaking ginhawa ang hatid ng PhilSys sa mga mamamayan.
“For the ordinary Juan dela Cruz, the signing of this Act means that he will no longer have to present multiple identification cards simply to prove his identity,” pahayag ni presidential spokesman Harry Roque.
Aniya, ang pagkakaroon ng National ID ay bahagi ng kampanya ng Administrasyong Duterte kontra sa katiwalian.
“Through PhilSys, we hope to improve efficiency and transparency of public services and promote ease of doing business,” sabi ni Roque.
Naglaan na ang pamahalaan ng PHP2 bilyon mula sa 2018 National Budget para sa inisyal na pagpapatupad ng programa, na pangungunahan ng Philippine Statistics Authority (PSA).
“Extremely strong” na suporta ang natanggap ng PhilSys mula sa mga Pinoy base sa Social Weather Stations (SWS) survey.
Lumabas sa survey, na isinagawa mahigit isang buwan bago pinirmahan ng pangulo ang batas, na 73 porsyento ng mga Pinoy ang sang-ayon sa pagkakaroon ng National ID, at tatlo sa limang Pinoy ang naniniwalang malaki ang maitutulong nito sa kanila.
Maging ang Armed Forces of the Philippines (AFP) at ang Philippine National Police (PNP) ay naniniwalang malaki ang maitutulong nito sa kapayapaan at seguridad sa buong bansa.
Ayon kay AFP spokesperson Col. Edgard Arevalo, pahihirapan ng National ID system na makapaghasik ng lagim ang mga kriminal at terorista sa bansa.
“We believe it will promote a peaceful and secure environment where terrorists, criminals, and other unscrupulous individuals will have a difficulty coping to pursue their evil designs and nefarious activities,” wika ni Arevalo.
Aniya, hindi na makapagtatago at makapagpalit ng pagkakakilanlan ang mga masasamang loob kaya mapapadali na ang pagtukoy at pagdakip sa mga ito.
“With the new identification system, we will be able to check and validate their identities,” sabi ni Arevalo. “The former will remain in hiding and cannot avail of the mandated identification card lest they be exposed to arrest and prosecution. They will lose their freedom of movement. Their ability to transact business will be divested with no ID cards to present when demanded.”
Samantala, pinag-aaralan naman ng PNP ang pag-link ng data base nito sa PhilSys para mas mapahusay ang programa.
“With the PhilSys law now in effect, the PNP can look forward to migrating our own National Crime Information System and the National Police Clearance System to a national database for sharing with other government agencies to optimize the operational potential of the entire National ID system,” sabi ni Albayalde.
“All these government applications stand to benefit more than the quite limited law enforcement and internal security applications due to privacy and basic rights issues associated with gathering of personal information that need to be observed and upheld,” dagdag ng hepe ng pulisya.
Ayon naman kay Defense Secretary Delfin Lorenzana, bukod sa seguridad, malaking tulong din ang National ID sa mga relief efforts sa panahon ng sakuna.
“As a country prone to disasters, the system will allow improved distribution of aid to legitimate disaster victims. Matters such as this can now be better addressed because of the new law,” pahayag ni Lorenzana.
Lumabas sa SWS survey na 61 porsyento ng mga respondents ang naniniwalang poprotektahan ng pamahalaan ang pribadong impormasyong taglay ng National ID, samantalang 49 porsyento ang nagtitiwala sa Duterte Administration na hindi nito gagamitin ang PhilSys laban sa mga kritiko nito.
Nguni’t sa kabila ng mainit na pagsuporta ng nakararami, may pangamba pa rin ang ilan pagdating sa privacy at data security, lalo na’t nagkaroon ng mga isyu noon ang gobyerno kung saan na-hack ang mga websites nito, kabilang ang sa Commission on Elections.
Nangangamba din ang mga data privacy experts sa ilang probisyon sa National ID system, tulad ng pagkakaroon ng record history ng lahat ng transaksyon ng bawat ID holder na maari umanong gamitin sa mass surveillance.
Kaagad naman pinawi ni National Statistician and Civil Registrar General Lisa Grace Bersales ang mga pangambang ito sa pagsabing tanging korte at ang ID holder lamang ang makapapahintulot na maibahagi ang mga pribadong impormasyon.
“It’s very explicit in the law that only under two situations information will be shared. Only if the citizen says yes or the court says yes,” wika ni Bersales.
Sinigundahan ni Senador Franklin Drilon ang pahayag ni Bersales. Aniya, sinuguro ng Senado na protektado ang lahat ng pribadong impormasyon taglay ng PhilSys sa ilalim ng Data Privacy Act.
“We have provided enough safeguards to protect the individual’s right to privacy and to prevent unscrupulous persons from accessing confidential information,” wika ni Drilon.
Samantala, upang matugunan ang lahat ng isyu at pangamba sa data privacy at security, inatasan ni Pangulong Duterte ang PSA na makipagtulungan sa National Privacy Commission, Department of Information and Communications Technology, at PhilSystem Policy and Coordination Council.
Pinas News
MINSAN nang kinilala ang Pilipinas na isa sa pinakamayamang bansa sa buong mundo hindi dahil sa literal na salapi bagkus ay sa natural nitong yamang pangkalikasan. At isa ang biyaya ng sektor ng agrikultura sa yamang ito. Hindi kasi ito likas sa lahat ng bansa, mapalad ang bansa sa lokasyon nito at tropical na temperatura upang mabuhay ang iba’t ibang pangunahing kailangan ng tao sa sangkap ng pagkain at mismong kakainin tulad ng bigas, mais, kamote, patatas, mga berdeng gulay, mga prutas at iba pa. Dagdag pa rito ang ibang larangan sa agrikultura na pag-aalaga ng hayop tulad ng manukan, babuyan, bakahan at iba pa.
Ngunit, bakit maraming magsasaka ang di pa rin yumayaman gaya ng inaasahan? Bakit ang Pilipinas ay tila kakumpitensya na ang bansang minsan na rin tinuruan nitong magsaka—ang Vietnam? Marami ang nagsasabing Pilipinas ay kayang umasenso sa yaman nitong pag-aari ngunit di lang kayang palaguin.
Ayon sa tala ng Philippine Statistic Authority (PSA) lumago ang sektor ng agrikultura sa 4th quarter ng taong 2017 sa bilang na 2.20% kumpara sa taong 2016 na -1.09 ang bilang. Kumita rin ang nasabing sektor sa halagang P500.4 billion mataas ito ng 9.27% at sa kabuuan tumaas ng 3.95% ang sektor ng agrikultura. Ano pa ba ang kayang gawin ng gobyerno upang mapanatili o mapataas pa ito at masisigurong di na ito sasadsad sa mababang antas ng mga datos?
Nakatutuwa na may isang mambabatas na kayang umisip sa solusyong dapat ay noon pa nagawa. Ito ay sa katauhan ni Senadora Cynthia Villar. Ayon sa senadora nakasalalay sa pagsasabatas ang mga mahahalagang panukala upang lumago ang sektor ng agrikultura.
Nangako ang senadora na isa sa kanyang mgaiging prayoridad ngayong taon ay ang reorganization ng NFA na dapat ay noon pa nagawa.
Nakadidismaya na marami nang umupo sa iba’t ibang posisyon sa pamahalaan na may kinalaman sa agrikultura ngunit hanggang ngayon ay di pa rin naaabot ng bansa ang target n ‘rice self sufficiency.’
Bakit tila di na naging balanse ang sektor ng industriya at agrikultura.
Nakalulungkot na ayaw na ng susunod na henerasyon na magsaka dahil sa kapalit na pagod na tinatrabaho ito ay mababa pa rin ang kinikita ng iilan. At mas gugustuhin pa ang ibang hanap-buhay.
Malaking hamon sa gobyerno ito bilang nakaa-alarma na mangyayari kung ayaw na ng iba magsaka ay sino na ang magsasaka? Paano na si Juan Dela Cruz na ang mahilig sa kanin? Sa karne? At iba iba pa na ang salik ng kinakain ay mula sa sektor ng agrikultura?
