Lalo pang lumiit ang bilang ng miyembro ng Liberal Party sa paglipat ng apat na miyembro nito sa PDP-Laban na partido ni pangulong Rodrigo Duterte.

Ito’y matapos kumpirmahin ni House Speaker Pantaleon Alvarez na manunumpa bilang bagong PDP-Laban members sina: Lanao Del Sur 1st District Rep. Ansaruddin Adiong; Bataan 1st District Rep. Geraldine Roman; North Cotabato 2nd District Nancy Catamco; at Quezon City 5th District Alfred Vargas.

Dahil dito, nasa dalawampu’t walo na lamang ang natitirang miyembro ng LP.

Ang dalawampu’t tatlo sa natitirang LP members ay lumagda sa isang coalition agreement sa PDP-Laban habang ang lima naman ay nanatiling miyembro ng oposisyon.

Ang paglilipat ng partido ng apat na kongresista ay sa gitna ng nakaambang pagpapa-impeach sa chairperson ng partido na si Vice President Leni Robredo.