PINAS

Ang Lihim ng Panginoon (Ikapitong Bahagi)

Sonspeak

Recent News:

Resorts World Manila

Celebrities sa Philippine Movie Press Club Star Awards 2019

by

SMNINEWS

 

NAGNINGNING ang mga celebrities sa naganap kamakailan na 35th Philippine Movie Press Club Star Awards kung saan humakot ng awards ang MMFF 2018 big winner na Rainbow’s Sunset.

 

Naiuwi nito ang Grand Prix award na Movie of the Year gayundin ang Director of the Year para kay Joel Lamangan at Movie Original Theme Song of the Year.

Nag-tie naman sa best actress award sina Kathryn Bernardo ng pelikulang The Hows of Us at Sarah Geronimo sa kaniyang pagganap sa Miss Granny.

Hindi naman makapaniwala ang songwriter-comedienne na si Ogie Alcasid nang parangalan siya ng Best Actor of the Year sa kaniyang role sa self-produced movie niya na Kuya Wes.

Kinilala naman bilang Indie Movie of the Year ang pelikulang Citizen Jake.

Samantala, ginawaran ng Nora Aunor Ulirang Artista Lifetime Achievement Award ang beteranong aktor at direktor na si Dante Rivero.

Naganap ang PMPC Star Award sa Newport Performing Arts Theater sa Resorts World Manila.

Dapat sugpuin ang pagnanakaw sa mga biktimang napinsala na

by

 

NI: ATTY. JUVIC C. DEGALA (ciocoach@yahoo.com)

 

KUMUKULO ang dugo ko sa balita na ang mga namatay sa Resorts World Manila (RWM) ay nawalan ng mahahalagang gamit tulad ng alahas, relo, pera at cellphone. Kawawa na nga at namatay sa walang kuwentang karahasan, pagkatapos ay napagnakawan pa. Wala itong ipinagkaiba sa mga naaksidente sa lansangan, kung saan sa halip na tulungan ng mga nakakita ang mga napinsala ng aksidente ay pinagnanakawan pa.

Sana ay maimbestigahang mabuti ang may kagagawan ng pagnanakaw para makasuhan at mapanagot. Kung kawani ng pamahalaan ay marapat na alisin sa panunungkulan.

Makalipas ang ilang araw ay nakaiinis na mapanood sa telebisyon na maraming bahay sa Marawi City ang nalooban at natangay ang mahahalagang gamit ng mga residenteng napilitang lumikas dahil sa bakbakan doon sa pagitan ng Armed Forces of the Philippines (AFP) at Philippine National Police (PNP) kalaban ang teroristang ISIS-Maute group. Nakapagtataka na sa gitna ng matinding kaguluhan at pag-iral ng Martial Law ay may mga naglalakas-loob pa na magnakaw. Mauunawaan ko pa siguro kung pagkain ang ninakaw pero tahasang kawalanghiyaan at gawaing kriminal ang magnakaw ng mahahalagang bagay. Sa kabilang-banda, may ilang nahuli na sinasabing magnanakaw at napakasuwerte nila na buhay pa sila.

Sana ay magpasa ng batas ang Kongreso na itaas ang parusa sa mga nagnanakaw sa mga nabiktima ng mga pangyayaring hindi pangkaraniwan. Masamang gawain ang pagnanakaw at lalong pinasama ito kapag ang pinagnakawan ay wala sa normal na situwasyon tulad ng biktima ito ng aksidente o anumang insidenteng nagdudulot ng takot at pagkalito. Kung maibabalik ang parusang bitay ay dapat isama ang ganitong pagnanakaw sa maparurusahan ng kamatayan. Sagrado ang buhay ng tao subalit ang mga halang ang bituka ay walang puwang sa ating lipunan.

Marapat din sigurong ipaalaala sa mga awtoridad na bahagi ng kanilang tungkulin na pangalagaan ang kapakanan ng mga biktima ng insidente. Maliban sa masusing pag-iimbestiga ay imbentaryuhan din agad ang mababawing mga kagamitan ng mga biktima. Ang pag-iimbentaryo ay dapat saksihan ng ibang tao para maiwasan ang agam-agam.

Pagtulungan nating sugpuin ang nakagawiang dalawang beses napipinsala ang mga biktima upang huwag nang madagdagan pa ang kanilang pagdurusa.

 

 

 

37 katao patay, 54 sugatan sa pag-atake sa Resorts World Manila

by

Tatlumpu’t apat na katao ang nasawi dahil sa nangyaring pag-atake sa Resorts World Manila kaninang madaling-araw.

Sa kumpirmasyon ni NCRPO Director Oscar Albayalde, suffocation ang sanhi ng pagkamatay ng mga ito.

Karamihan aniya sa mga biktima ay mga babae na natagpuan sa ikalawa’t ikatlong palapag ng gusali.

Wala pa namang detalye ang pulisya sa pagkakakilanlan ng mga nasawi.

Samantala, kinumpirma din ng pamunuan ng Resorts World Manila na nag-iisang gunman lang ang umatake sa lugar. Matapos ang pamamaril ay agad din itong nagpakamatay sa pamamagitan ng pagsunog nito sa kanyang sarili.

 

Sa isang statement, sinabi ng Resorts World na nasa tatlumpu’t pito na ang patay at limampu’t apat katao ang kanilang dinala sa ospital para mabigyan ng atensyong medikal.

 

Kasalukuyan na umanong nagsasagawa ng search and rescue operations sa lahat ng palapag ng gusali ang Bureau of Fire Protection.

 

Ikinalulungkot naman ng pamunuan ng hotel and casino ang nangyari.

pero naniniwala ito na malalagpasan din ang nasabing trahedya.

Isolated robbery at hindi terorismo ang nangyaring pag-atake sa Resorts World Manila

by

Inalis na ng Pambansang pulisya ang anggulo ng terorismo bilang motibo sa nangyaring pamamaril sa Resorts World Manila sa Pasay.

Ayon kay PNP Chief Director General Ronald Dela Rosa, wala ang elemento ng karahasan, pagbabanta, at intimidation.

Hindi rin umano sinaktan ng suspek ang guwardiyang humarang sa kanya.

Dagdag pa ni Dela Rosa, kung terorista ang suspek dapat ay nagsuot na lang ito ng bomba.

Tanging pagnanakaw lang aniya ang pakay ng suspek sa nasabing casino.

Isinantabi rin ni Dela Rosa ang mga ulat na inako ng isis ang pag-atake dahil wala naman aniyang sinaktan ang suspek.

Nasa tatlumpu’t apat na ang patay sanhi ng suffocation at  limampu’t apat katao ang sugatan sa nasabing pag-atake.

Isolated robbery incident

Binigyang-diin ng Malacañang na ‘isolated robbery incident’ lamang ang nangyaring pag-atake sa Resorts World Manila.

Sa isang pahayag, sinabi ni Presidential Spokesperson Ernesto Abella na patay na ang nag-iisang gunman.

Inabisuhan din ni Abella ang publiko na iwasang magtungo sa nasabing lugar.

Nirerekober na ang mga sugatan sa nangyaring stampede na gagamutin naman ng emergency medical services at ng mga kalapit na ospital.

Nagsasagawa naman na aniya ng room-to-room clearing ang pulis at special action force para matiyak na na-rescue ang lahat ng nasa gusali nang mangyari ang insidente.

Close Bitnami banner
Bitnami