Rizal

ASF sa Pilipinas, galing sa China ayon sa DA

November 13, 2019 by PINAS

AGRICULTURE Secretary William Dar

POL MONTIBON

IBINUNYAG ng Department of Agriculture na galing sa mga ipinuslit na pork products mula China ang lumaganap na african swine fever (ASF) sa Pilipinas.

Ito ang pahayag ni Agriculture Secretary William Dar matapos makumpirma na ang mga nakumpiskang smuggled meat products mula China noong nakaraang buwan ay nagpositibo sa ASF.

Kabilang dito ang dimsum, dumplings, peking duck, fresh frozen duck deserts, pork meat and pork products, marinated chicken wings, minced vegetables with meat, itlog at noodles.

Nabatid na nakapasok sa Port of Manila ang mga refrigerated container vans lulan ang nasabing mga produkto na idineklarang tomato paste at vermicelli.

Bukod dito, sinabi ni Dar na ang ASF outbreak ay maaaring mula rin sa swill feed o mga kaning baboy na itinapon sa Rodriguez, Rizal at naipakain sa mga alaga.

Misteryo sa kabundukan

November 5, 2018 by Pinas News

Ni Edmund C. Gallanosa

MAGANDANG tanawin, masarap pasyalan, challenging akyatin. Ilan lamang sa masasabi natin sa mga kabundukan sa Pilipinas. Maliban sa napapaligiran tayo ng karagatan, bulkan at libu-libong isla, mayaman din ang Pilipinas sa magagandang bundok.

Ang mga tao ay sumusubok umakyat para mag-ehersisyo. Ang iba naman para malasin ang angking kagandahan sa paligid mula sa taas. Ang iba, para tumuklas ng ilang mga bagay-bagay na maaaring matagpuan dito. Subalit alam ba ninyo na apat sa pinaka-tanyag na bundok sa ating bansa ay nababalot sa misteryo? Sumikat sila hindi lamang dahil sa ganda pati na rin sa mga kababalaghang taglay nito. Nais ba ninyong diskubrihin ang mga bundok na ito at maghanap ng kakaiba? Alamin alin-aling bundok ang may kababalaghang naka-abang sa inyo.

Mount Makiling. Pinaka-sikat na bundok sa Pilipinas, marahil marami sa mga bagong henerasyon ang hindi nakakaalam kung ano ang misteryong bumabalot dito at bakit pinangalanan ang bundok ng Makiling.

Ang bundok ay ipinangalan kay Mariang Makiling. Si Mariang Makiling ay isang diwata, kilala rin sa pangalang Dayang Masalanta—tagapag-alaga ng kabundukan. Dati siyang pinaniniwalaang kahalubilo ng mga ordinaryong tao, hanggang siya ay pagtaksilan ng kaniyang minahal na lalaki, at habang-buhay na siyang nanirahan sa bundok at hindi na nagpakita kailanpaman. Binibigyan niya ng sumpa at kamalasan ang sinumang lalapastangan sa mga puno at hayop dito. Sinasabi ang hugis ng bundok Makiling ay hugis ng nakahigang si Mariang Makiling.

Mount Banahaw. Ang sagradong bundok Banahaw ay ang pinaka-mataas na bundok sa rehiyong CALABARZON, at nasa pagitan ng Quezon at Laguna. Mapaghimala, at pinagkukunan ng spiritwal na lakas ng mga esperitista, mga kulto at ilang indibidwal. Ayon kay Apo Juana, isang ‘faith healer’ na kilala sa lalawigan ng Rizal, kasama sa paniwalang nakakagaling ang bundok Banahaw kung bakit taon-taon na lamang ay umaakyat siya rito. Banggit ng 62-anyos na manggagamot, tuwing sasapit ang mahal na araw, inaakyat nila ang bundok kasama ang ilang deboto bilang panata nila sa kanilang mga sarili.

Marami ang mga yungib, bukal at sapa na ikinukunsidera bilang mapaghimala. Sa mga hindi rumirespeto sa kaniya, marami ang pinaniniwalaang naliligaw dito at napapahamak, minsan ay ikinasasawi pa nila nang wala sa oras.

Mount Cristobal. Kung ang Mt. Banahaw ay kilalang isang ‘holy mountain,’ ang Mt. Cristobal naman ang sinasabing ‘devil’s mountain.’ Pinagpupugaran ng masasamang elemento tulad ng ‘tumao,’ isang mala-Big Foot na nilalang na naririnig sa bundok at gumagawa ng kakaibang ingay sa bundok. Makailang beses na raw itong namamataan subalit naglalaho rin sakaling subukan itong kunan ng larawan o sundan.

Ayon kay Harold Inocencio, isang local historian at dating mangangaso, Ibang-iba raw ang ‘aura’ ng bundok na ito. “Engkanto at mga laman-lupa ang kinakatakutan sa Cristobal. Minsan maliliit at meron ding malaki—ung tumao na tinatawag. Tumanda na kami sa pangangahoy at pangangaso diyan may nagpapakita talaga. Makapal ang kahoy diyan, mag-delirio ka sa hirap ng akyat at parang may humahawak sa paa mo na hindi mo nakikita,” tugon ni Mang Harold. Tanda din ni Ka Noli, kaibigan ni Mang Harold na nakakakita siya ng mga malalaking sanga na animo’y sinakyan at nabali ng pagkalaki-laking tao. “Takot kami diyan—parang may nakabantay lagi,” ani Ka Noli.

Alam din ng matatanda ang pinaka-popular na kwento hinggil sa mag-asawang namatay sa bundok nang magkamali sila sa kanilang tinahak na direksyon at nahulog sa isang burol. Mula noon, lumilitaw ang mag-asawang namatay upang akitin ang ibang umaakyat sa bundok papunta sa lugar kung saan sila binawian ng buhay.

Mount Maculot. Tanyag ang bundok na ito dahil sa isang bahagi nito na may mataas na rock wall na kinasanayan nang tawaging The Rockies. Matatagpuan ang bundok ng Maculot sa Cuenca, Batangas. Isa ito sa sikat na palipasang akyatin ng mga tao at may magandang tanawin kaharap ang Taal Lake at ang bulkan nito.

Pinaka-kilalang istorya sa Mt. Maculot ang isang babaeng nagmumulto, kilala bilang Maricar. Pinaniniwalaang namatay siya sa lugar kung saan matatagpuan ang the Rockies. Ayon kay Basil Torres, isang tour guide at mountaineer sa naturang lugar, nahulog ang kawawang babae sa batong ito at lumipas ang panahon, naririnig ang kaniyang boses na umaalingawngaw di-umano sa bundok. Maraming nangahas na matulog sa bundok ang nagsasabing naririnig nila ang sigaw ni Maricar na bumabasag sa katahimikan ng gabi, at minsan pa’y namamataan ang kaniyang kaluluwa. Mayroon ding karanasan ang ilang umakyat dito at nagtigil sa gabi na nakakaramdam sila na para bang may umaaligid sa kanilang mga tulugan na animo’y isang malaking nilalang na hindi magpapatulog sa inyo sa kahabaan ng gabi sapagkat nararamdaman na paikot-ikot ito sa lugar ng inyong tinutulugan. Mainam aniya mag-alay ng manok sa mga ‘hindi nakikita’ at laging magpasintabi, para hindi makaranas ng kakaiba.

Ano man ang mga misteryong bumabalot sa mga kabundukang ito, hindi ba kapanabik-nabik na subukang alamin ang katotohanan hinggil dito? May mararamdaman ka kaya sa pag-akyat sa mga bundok na ito? Dala ba ito ng malikot na imahinasyon lamang? Kathang isip lang kaya ang mga ito? Bakit hindi ninyo subukan at magkaalaman? Mag-ingat sa paglalakbay subalit higit sa lahat, huwag kalimutang mag-enjoy!

TESDA, magandang buhay sa bawat Pilipino

April 24, 2018 by Pinas News

Ni: Noli C. Liwanag

ITINAGUYOD ang TESDA (Technical Education and Skills Development Authority) sa ilalim ng Republic Act. No. 7796, o Technical Education Skills Development Authority Act of 1994.
Naglalayong linangin ang mga kasanayan para sa ikauunlad ng Human Resources dito sa Pilipinas upang may magandang buhay ang bawat Pilipino.

Layunin ng TESDA na makatalaga ng programa at pamantayan ukol sa kalidad ng technical education and skills development at manguna sa pag-unlad ang ating mamamayan at maging world-class ang kakayahan sa food processing, dress making, housekeeping at iba pa.

Dahil dito, mayroong mga institusyon tulad ng TESDA na nagbibigay ng training para magkaroon ng oportunidad ang Pinoy.

Ang misyon ng TESDA: Magbigay ng direksyon, polisiya, at mga programa para sa kalidad na edukasyong teknikal at maiangat ang kakayanan ng bawat mamamayan.
Mula sa iba’t ibang programang pang-edukasyon, ang mga kukuha nito ay magkakaroon ng sapat na kaalaman para makamit ang trabahong gusto nilang pasukan.

Kapag nakapagtapos, meron ka pang makukuhang certification o patunay na ikaw ay may kalidad na kakayanan. Sa kaalaman na makukuha mo sa TESDA, maari kang magnegosyo, mag-freelance o kaya ay maging empleyado sa isang kumpanya.
Maari rin magpunta sa mga accredited TESDA Learning Centers sa buong bansa. Merong Mobile Training Centers ang TESDA at para sa mga may internet, pwede rin sa TESDA Online Program.

8,882 OFWs, NATULUNGAN

Nakapagtala ng 8,882 Overseas Filipino Workers (OFWs) at kanilang dependent ang natulungan ng Technical Education and Skills Deve-lopment Authority (TESDA) noong taong 2017.

Ayon kay TESDA Director General, Sec. Guiling “Gene” A. Mamondiong, ang nasabing bilang ay batay sa isinumiteng accomplishment report ng Partnership and Linkages Office (PLO) kaugnay sa Reintegration Program for Overseas Filipino Workers (OFWs) for 2017 ng ahensya.
“For 2017, a total of 8,882 Overseas Filipino Workers (OFWs) and their dependents were provided assistance by TESDA,” nakasaad sa PLO Report.

Sa kabuuang bilang, 1,749 ang napagkalooban ng scholarship assistance gaya ng training for work scholarship (TWSP), kung saan kasama dito ang 189 beneficiaries ng TESDA Emergency Skills Training Program (TESTP); special training for employment program (STEP) 129; bottom-up budgeting (BuB), 102; at private education financial assistance (PESFA), 35.

Naitala na ang TWSP ang may pinakamataas na bilang ng mga graduates na 1,483 o 84% sinundan ng STEP, 129 o 7.38% , BuB, 102 o 5.83 % at PESFA, 35 o 2.00%.

Samantala, umabot naman sa 2,216 OFWs at dependents ang nabigyan ng ibang serbisyo at tulong; 1,373 ini-refer sa TVIs para sanayin; 622 nabigyan ng impormasyon tungkol sa serbisyo ng TESDA; 175 na-survey at na-profile gamit ang training needs analysis; 18 na-assess at na-certified; 9 ini-refer sa ROs at POs; at 8 dependents ang ini-refer sa TVIs for training.

Sa ulat ng Regional Offices, ang may pinakamataas na bilang ng mga pinauwing OFWs ay mula sa Saudi Arabia na may nakatalang bilang na 847.

Sa ‘One Stop Service Center for Overseas Filipino Workers (OSSCO) sa Philippine Overseas Employment Administration, 4,917 ang nabigyan ng tulong.

Sa kabuuang bilang, 2,606 ang nabigyan ng training assistance at scholarship program; 971 natulungan sa competency assessment; 89 sa pagpapalit ng National Certificate (NC) at Cetificate of Competency (COC); 73 nabigyan ng Cetificate of Authentication and Verification (CAV); 51 sa renewal ng NC/COC; at 1,127 ang nagtanong na nabigyan ng kasagutan.

Ang Reintegration Program for Overseas Filipino Workers (OFWs) ay kasama sa 17-Point Reform Agenda ng TESDA sa ilalim ng kasalukuyang administrasyon.

NISP INILUNSAD

Maisasakatuparan ng gobyerno ang hangarin nitong maiangat ang antas ng kabuhayan at pamumuhay ng may 28 milyon katutubo, mga rebel returnees at mga kapatid na Muslim, sa inilunsad na National Integration Scholarship Program (NISP) sa National Capital Region, Region lV-A, Region 1V-B at sa Region III.

Ang programa ay may temang “Serbisyong Ramdam at Kapaki-pakinabang” na ginanap sa TESDA Covered Court, TESDA Complex, Taguig City na pinangunahan ni TESDA Director General Guiling “Gene” Mamonding.

Ito ay dinaluhan ng mga rebel returnees, IPs at Muslim Filipinos na mula sa Region lV-A o CALABARZON (Cavite, Laguna, Batangas,Rizal, Quezon), Region lV-B o MIMAROPA (Marinduque, Mindoro Occidental, Mindoro Oriental, Palawan, Puerto Princesa, Romblon), National Capital Region (NCR) , at Region III.

Ang programang ito ay nakapaloob sa pinagtibay na Memorandum of Agreement (MOA) sa pagitan nina Mamondiong at Leonor T. Oralde-Quintayo, chairperson ng National Commission on Indigenous Peoples (NCIP) noong Pebrero 28, 2017.

CONSTRUCTION WORKERS SASANAYIN

Magsasanay ng 100,000 construction workers ang Technical Education and Skills Development Authority (TESDA) sa buong bansa kaugnay sa “Build, Build, Build” program ni President Rodrigo Duterte.

Ang proyektong ito ay inilunsad ni TESDA Director General Guiling “Gene” Mamondiong sa idinaos na National Integration Scholarship Program (NISP) Forum sa Butuan City kamakailan.

Ang mga sasanaying mga contruction workers ay magmumula sa grupo ng mga indigenous peoples (IPs), mahihirap at rebel returnees sa buong bansa.

Ayon sa TESDA chief, ang magsisipagtapos ay kukunin para tumulong sa pagpapatayo at pagpapagawa ng mga tulay, kalsada, gusali at iba pang mga infrastructure projets ng gobyerno.
Aniya, ang “ambitious bridge projects” ng Duterte admi-nistration na mag-uugnay sa mga lalawigan ng Negros Oriental, Cebu, Bohol at Leyte ay kabilang sa Build, Build, Build program para gawin ang mga island provinces na madaling marating sa pamamagitan ng land travel.

Ang Build, Build, Build infrastructure programs o tinatawag na “Dutertenomics” ay planong maglaan ng $160 bilyon hanggang $180 bilyong pondo para sa sinasabing mga “ambitious projects” tulad ng Mega Manila Subway, complex road networks, long-spand bridges, flood control, urban water systems at marami pang iba na planong tapusin hanggang 2022.

LIFEGUARDS NG TESDA

Tag-init Summer at panahon na naman ng swimming, kaya nanguna ang TESDA para maging handa at maayos ang mga lifeguards sa ibibigay na serbisyo sa mga swimming areas tulad ng pools at beaches sa buong bansa.

Matapos ilabas ng TESDA ang “Implementing Guidelines on the Deployment of Training Regulations (TRs), Competency Assessment Tools (CATs), Assessment Fees for lifeguard Services NC ll at Lifeguard Services NC lll.

Pinagtibay ng TESDA Board ang TRs upang maging handa ang mga lifeguards para matiyak ang kaligtasan ng mga swimmers sa pools at beaches.

Ang nabanggit na TRs ay binuo sa pakikipagtulungan sa Philippine Life Saving Society (PLSS).

Ang TRs para sa Lifeguard Services NC ll at NC lll ay bukas na at kasama na sa mga kursong inaalok sa mga technical vocational institutions na accredited ng TESDA.

Ekonomiya ng Pinas, tuloy ang pag-Arangkada

Choo-choo! Ang muling pagsigla ng PNR

January 30, 2018 by Pinas News

Ni: Quincy Joel V. Cahilig

Sa tuwing naririnig natin ang terminong “tren”, malamang ang unang sumasagi sa isip ng maraming Pinoy ay ang Manila Metro Rail Transit System (MRT) at ang Manila Light Rail Transit System (LRT) na sinasakyan ng daan-libong mga komyuter araw-araw sa Metro Manila.

Pero bago naging bida ang mga ito, minsan sa ating kasaysayan ay naging bida sa publiko ang “lolo” ng mga tren sa ating bansa—ito ang Philippine Rail Transit (PNR) na mahigit 120 taon nang tumatakbo ng paroo’t-parito sa mga riles nito.

PNR, bahagi ng kasaysayang pambansa

Matuturing na isang mahalagang bahagi ng kasaysayan ng Pilipinas ang PNR, na sumasalamin din sa mga pagbabagong pinagdaanan ng ating lipunan sa mga paglipas ng panahon. Nobyembre 24, 1892 pormal na inilunsad ng pamahalaang Kastila ang PNR na noon ay kilala bilang Ferrocarril de Manila-Dagupan na may linyang tumatakbo ng 195-kilomentro mula Tutuban sa Maynila hanggang Dagupan, Pangasinan.

Minsan ay sinakyan ng ating Pambansang Bayani na si Dr. Jose Rizal sa PNR noong Hulyo 1892, nang siya ay bumiyahe patungong Malolos, Bulacan upang bisitahin ang mga Kababaihan ng Malolos upang sila ay personal na pasalamatan at papurihan dahil sa kanilang katapangang ipinamalas sa kanilang pakikipaglaban para sa kanilang karapatan para sa Edukason.

Sa kasalukuyan ay makikita ang isang panandang pangkasaysayan na inilagay ang National Historical Commission of the Philippines sa dating istasyon ng tren sa Malolos bilang pagkilala sa naging bahagi nito sa kasaysayan ng bansa.

Noong American Colonial Period naman mas pinalawig ang operasyon ng PNR. Dinagdagan pa ang mga riles ng tren patungo sa mga bayan sa Hilaga at Katimugang Luzon. Ilan sa mga ito ay ginagamit pa rin hanggang sa kasalukuyan.

Pinaglilingkuran ng PNR ang kalakhang Maynila, at ang mga probinsya ng Laguna, Quezon, Camarines Sur (Naga City) at Albay. Noon ay sinerbisyuhan nito ang mga lalawigan ng Bulacan, Pampanga, Tarlac, Nueva Ecija, Pangasinan, at La Union sa North Main Line; at Batangas, Cavite, Laguna, at Rizal sa South Main Line. Ngunit sa paglipas ng panahon ay nabawasan ang mga linya ng mga tren dahil sa iba’t ibang mga kalamidad, pagsulpot ng mga informal settlers noong 1990s, at kapabayaan.

Ang muling pagbuhay ng tren

Taong 2007 pinasimulan ng pamahalaan ang rehabilitasyon ng PNR. Pinaalis ang mga informal settlers sa mga gilid ng riles para mapaganda at mas mahikayat ang mga mananakay na gumamit ng tren. Sinundan ito ng pagbuhay sa Manila-Bicol route at pagbili ng mga bagong tren noong 2009.

Ngayon, sa ilalim ng Administrasyong Durterte ay magiging tuloy-tuloy na ang pagbalik ng sigla ng PNR, kung saan makakakita ang publiko ng pagsasama ng luma at modernong mga istruktura. Kamakailan ay inanunsyo ng Department of Transportation (DOTR) na hindi gigibain at sa halip ay pagagandahin pa ang mga dating istayon ng tren sa mga dating ruta nito mula Caloocan hanggang Pampanga bilang bahagi ng heritage preservation efforts ng pamahalaan. Ito ang tiniyak ni DOTr Secretary Arthur Tugade nang markahan ang pagtatayuan ng mga istasyon ng PNR Clark North Phase 1, na bahagi ng Build, Build, Build program.

Ipinahayag naman ni Meycauayan Mayor Henry Villarica na aasikasuhin ng pamahalaang lungsod ang pagsasa-ayos at pagbuhay sa lumang istasyon ng PNR sa nasabing lungsod. Sa kabila ng pagtatayo ng modernong istruktura ay pananatilihin pa rin ang mga bakas ng nakaraan. Makikita ito sa inilabas na disenyo ng mga magiging istasyon ng tren kung saan nakatabi ang lumang istasyon sa makabagong disenyong gusali.

Samantala, ang orihinal na istasyon ng PNR sa Tutuban ay sumailalim na sa preserbasyon kamakailan sa tulong ng Ayala Malls, na ngayo’y nagmamay-ari sa Tutuban Mall. Hindi naman giniba ng NLEX Corporation ang dating istasyon sa Caloocan sa kabila ng konstruksyon ng NLEX-North Harbor Link elevated expressway project. Buo pa rin ang istasyon ng PNR sa lungsod ng Meycauayan na nasa dalawang palapag pa rin. Sa mga bayan ng Balagtas at Guiguinto, bagama’t wala na itong mga bubong, nakatindig pa rin ang mga pader at haligi nito, na malamang ay aayusin na rin sa paggulong ng proyektong magsasaayos sa mga pasilidad ng PNR.

Nitong Enero ay sinimulan ang konstruksyon ng 106-km na linya ng tren mula Tutuban, Manila patungong Clark, Pampanga, kung saan naroroon ang Clark International Airport. Ang naturang proyekto ay nagkakahalaga ng mahigit P300 bilyon na popondohan ng loan mula sa Japanese government.

Ang Tutuban-Malolos segment ay inaasahang matatapos sa taong 2021, samantalang ang Malolos to Clark section ay tatapusin sa 2022. Ang NSTren Consortium ang tatayong construction supervision consultant para sa naturang proyekto.

Long over due

Ayon kay DOTr Secreatary Arthur Tugade, matagal na dapat nasimulan ang naturang proyekto. Taong 2015 pa ay naaprubahan na ng board ng National Economic and Development Authority ang Tutuban-Malolos segment na kilala noong bilang North-South Commuter Railway Project. Sa nasabing taon din nilagdaan ng Pilipinas at ng Japan International Cooperation agency ang halos USD 2 bilyon loan agreement para sa pagtatayo ng naturang linya. At sa ilalim ng kasalukuyang administrasyon ay tuloy na tuloy na ang pag-arangkada ng proyetko.

Tiniyak din ng ahensiya na walang bahid ng kurapsyon ang nasabing railway project at ang mamamayan ang siguradong makikinabang dito dahil mas mapapadali at mapapabilis nito ang daloy ng transportasyon sa bansa tungo sa pag-unlad ng ating ekonomiya.

“The DOTr will continue ensuring successful, competitive and corruption-free bidding processes as we deliver on the Duterte administration’s Build Build Build program,” pahayag ni DOTr Assistant Secretary for Railways John Batan.

Recent News: