PINAS

Ang Lihim ng Panginoon (Ikapitong Bahagi)

Sonspeak

Recent News:

salmon

Mga dapat kainin para malabanan ang allergies

by

Ni: Ana Paula A. Canua

BUKOD sa pag-inom ng ga­mot para mawala ang allergies, narito ang mga natural at mabisang pagkain na mainam sa katawan upang laba­nan ang allergies.

Matapos malaman ang sanhi ng allergies maaring uminom ng mga pagkaing may sangkap na probiotics. Napatunayan na may anti-inflammatory at anti-allergic na epekto ang inumin na mayaman sa prebiotics, mainam at ligtas ito lalung-lalo na sa mga buntis at nagbe-breastfeed. Ayon pa pag-aaral ng American College of Allergy, Asthma & Immunology (ACAAI) ang mga buntis na umiinom ng gatas na may halong probiotics ay may maliit na tyansang magkaroon ng eczema ang sanggol.

Idagdag sa pagkain ang mga maaanghang na pampalasa gaya ng Anise, fennel, horsedish, spicy mustard at luya ito ay natural na nakakaluwag ng paghinga.

Mansanas, sibuyas, tsaa, at red wine. Ito ay mayaman sa bioflavonoids na nagbabalanse sa reaksyon ng cells sa allergen.

Salmon, walnuts, flaxseeds. Mayaman sa omega-3 fatty acids na nagreresulta ng anti-inflammatory effects.

Vit. C, mayaman sa anti-oxidant properties ibig sabihin nilalabanan nito ang inflammatory effects. Ilan sa mga pagkaing mayaman sa Vit. C ay oranges, strawberries, mansanas at pakwan.

 

 

Mga alternatibong pagkaing mapagkukunan ng calcium

by

calcium
ANG tokwa ay mainam din na mapagkukunan ng calcium.

 

Ni: Kristine Joy Labadan

Karaniwang naiisip natin kapag naririnig ang katagang ‘calcium’ ay ‘gatas’ o ‘pampatibay ng buto’ kungsaan hindi lahat sa atin ay mahilig o kayang bumili nito upang gawing pang-araw araw na inumin.

Dahil mahalaga ang papel ng calcium sa katawan marapat lamang na kumain tayo ng mga pagkaing mayaman sa calcium upang maiwasan ang panginginig ng daliri, abnormal na ritmo ng puso, problema sa balat at ngipin at osteoporosis.

Kabilang sa mga pagkaing abot-kaya ang halaga at nakapagpapatibay sa buto ay:

  1. Tokwa – mula ito sa mga buto ng soya. Ang maputing laman nito ay maaaring makuhanan ng hanggang 400 mg ng calcium.
  2. Broccoli – bukod sa mga bitamina at iba pang sustansya na makukuha dito, ang dalawang tasa ng gulay na ito ay may taglay na 85 mg ng calcium.
  3. Pechay – ang karaniwang gulay na ito ay makukuhanan ng hanggang 75 mg sa isang tasa ng dahon nito.
  4. Sardinas – ito’y itinuturing na pagkain ng mga pangkaraniwang Pinoy at ang isang 3 oz na de-latang sardinas ay maaaring makuhanan ng 325 mg ng calcium.
  5. Orange – bukod sa Vitamin C, maaari ring makakuha ng hanggang 55 mg ng calcium sa isang buong bunga nito.
  6. Salmon – may 180 mg na calcium sa isang 3 oz na de-lata.

Matanglawin: Patnubay sa malusog na paningin

by

PANATILIHING malusog ang iyong mga mata upang maiwasan ang paglabo ng paningin o pagkabulag.

 

Ni: Crysalie Ann Montalbo

ANG mata ay isa sa mga bahagi ng katawan na ating pinaka-iingatan. Nagsisilbi itong gabay upang matunghayan ang mga bagay na hindi pa natin natutuklasan. Kung wala ito, mananatiling madilim ang ating pananaw sa mundong ginagalawan.

Paano nga ba mapapangalagaan ang ating mga mata at maiiwas ito sa anumang kapahamakan?

  1. Kumain ng mga pagkaing makapagpapabuti sa lagay ng iyong mata. Ang pangunahin dito ang   ang sapat at masustansiyang pagkain. Nakakatulong ang lutein, omega-3 fatty acid, zinc, vitamin A, C at E sa pagpapabuti ng kondisyon ng ating paningin. Ilan sa mga halimbawa ng mga pagkaing mayaman sa mga ito ay ang mga sumusunod: mga berdeng gulay, salmon, tuna at iba pang isda, itlog, beans, mani, orange, ponkan at iba bang citrus fruits.
  1. Magsuot ng sunglasses. Sa ating bansa, matirik ang araw kaya’t malaking bagay ang pagsusuot ng sunglasses nang sa gayon ay maprotektahan ang iyong mata sa ultraviolet rays na nagmumula sa araw. Kapag nasobrahan ang iyong mata sa ultraviolet rays, posible kang magkaroon ng katarata na maaaring humantong sa pagkabulag.
  1. Gumamit ng proteksyon sa mata. Kung ikaw ay nasa isang trabahong na malaki ang posibilidad na matamaan ang bahagi ng iyong mukha, huwag mag-atubiling gumamit ng protective goggles.
  1. Iwasan ang pagbababad sa kompyuter at telebisyon. Ang sobrang pagtutok sa mga ito ay maaaring magdulot ng masamang epekto sa iyong mata tulad ng paglabo ng paningin, pagkapagod, panunuyo at pananakit ng iyong mga mata.
  1. Huwag mahihiyang bumisita sa iyong doktor. Ang regular na pagpapatingin ay hindi dapat kalimutan. Alamin ang iyong kasalukuyang kondisyon upang mas maagapan agad bago pa lumala ang sakit.
  2. Iwasang gumamit ng cellphone nang nakapatay ang ilaw. Pwede itong magdulot ng pansamantalang pagkabulag.
Close Bitnami banner
Bitnami