PINAS

Ang Lihim ng Panginoon (Ikapitong Bahagi)

Sonspeak

Recent News:

Sarah Elago

Huling hirit sa Gov’t-CPP peace talks

by

Ni: Quincy Joel V. Cahilig

ilang buwan matapos kanselahin ni Pangulong Rodrigo Duterte ang usapang pangkapayapaan sa pagitan ng pamahalaan at ng Communist Party of the Philippines (CPP), at mga sangay nito na National Democratic Front (NDF) at New People’s Army (NPA), tila nagkaroon ng sinag ng pag-asa ng muling pagkabuhay ng peace talks.

Iniutos kamakailan ng Pangulong Rodrigo Duterte na muling ipagpatuloy ang pakikipagnegosasyon sa mga rebeldeng komyunista, matapos ang ilang buwan ng batuhan ng maaanghang na salita ng magkabilang kampo.

“Let’s give this another last chance,” ito umano ang mga sinabi ng Pangulo ayon kay Presidential Adviser on the Peace Process Jesus Dureza, na tila nagbabakasakaling sa pagkakataong ito ay tuluyan nang makakamit ang inaasam-asam na pagtatapos ng 49 taong gusot sa pagitan ng pamahalaan at ng CPP-NDF-NPA.

Nguni’t ipinahayag din ng Malacañang na ang takbo ng peace talks ay nakadepende kung sasang-ayon ang komyunistang pangkat sa mga kundisyon na ilalatag ni Pangulong Duterte.

“If [the group is]willing to talk under the conditions laid down by President Duterte, then the peace talks can resume,” sabi ni Presidential Spokesperson Harry Roque Jr.

Samantala, sa isang statement na inilathala sa kanilang website, ipinihayag ng CPP na bukas ito sa muling pagbuhay sa peace talks tungo sa pagresolba ng armadong pakikipagbaka.

“The Filipino people await a Comprehensive Agreement on Socio-economic Reforms that would address the aspirations of the people to seek an end to their oppressive and exploitative conditions,” nakasaad sa pahayag.

Hiling din ng CPP na pa-kawalan ang lahat ng political prisoners alinsunod umano sa napagusapan sa unang bahagi ng peace talks noong 2016 at ang pagtanggal ng bansag na terorista ang NPA.

Matatandaan na bago ang Semana Santa ay naghain ang 61 miyembro ng Kongreso ng isang resolusyon na nana-nawagan sa Pangulo na mu-ling buhayin at isulong ang usapang pangkapayapaan sa mga komyunistang rebelde.

Naniniwala ang mga kongresistang naghain ng reso-lusyon, kabilangng ang mga kilalang makakaliwa tulad nina Rep. Sarah Elago (KABATAAN party-list), Rep. Carlos Zarate (BAYAN MUNA party-list), Rep. Ariel Casilao (ANAKPAWIS party-list), Rep. Tom Villarin (AKBAYAN party-list), at Rep. Emmi De Jesus at Rep. Arlene Brosas (Gabriela Women’s Party), sa malaking nagawa ng kasalukuyang administrasyon na tugunan ang mga isyung ipinaglalaban ng mga kumyunistang grupo sa nakalipas na dalawang dekada.

Gusot sa peace talks

Sa simula pa lang ng termino ni Pangulong Duterte noong 2016, binitawan niya ang pa-ngakong lulutasin ang suliranin sa mga komulistang rebelde. Upang ipakita ang sensiridad sa kanyang pangako, sa ka-nyang unang State of the Nation Address ay nagdeklara ang Pangulo ng unilateral ceasefire sa CPP-NPA-NDF. Ito ay sinundan ng pagpapalaya sa 22 NDF consultants, na kinabibilangan ng mag-asawang Benito at Wilma Tiamzon, na inaresto noong 2014. Ito ay sinundan ng serye ng peace talks sa Norway, Italy, at The Netherlands.

Sa kabila ng peace talks, ay nagpatuloy pa rin ang mga opensiba at paghahasik ng karahasan ng NPA. Kaya dumating sa puntong napuno na ang Pangulo at nagdeklara siya na itigil na ang negosasyon noong Nobyembre 2017 at idineklara ang NPA na isang terrorist group.

Sinabi naman ni CPP Founder Jose Maria Sison noon na hindi na sila makikipagusap pa sa gobyerno dahil sa umano’y obsesyon ng Pangulo sa martial law at mass murder. Inakusahan din ng kaniyang grupo ang pagkabigo ng gobyerno na pakawalan ang mga political prisoners sa ilalim ng Comprehensive Agreement on Respect for Human Rights and International Humanitarian Law and the Joint Agreement on Safety and Immunity.

Subalit hindi naman tuluyang isinara ng Pangulo ang pinto ng kapayapaan sa mga rebelde. Kailangan lang aniya magpalamig para mas mapag-isipan ang mga susunod na hakbang.

 “Let’s give time for cooling off with the rebels,” wika ni Duterte sa ika 84-anibersaryo ng Department of Labor and Employment. “Pahinga muna tayo… nagkalabuan lang. Let us raise it (negotiation) to the level of walang atake.”

Duterte, tiwalang matatapos na ang giyera kontra NPA

Sa isang hiwalay na okasyon ay ipinahayag ng Pangulo na mataas ang kaniyang kumpyansang matatapos na ang kampanya ng militar laban sa NPA dahil sa maigting na paghimok ng gobyerno sa mga rebelde na sumuko at magbalik-loob. Tiniyak ng Pangulo na makakatanggap ang mga rebeldeng magbabalik-loob ng suporta.

Ayon sa Armed Forces of the Philippines, mahigit 2,000 na ang bilang ng mga miyembro at mga taga suporta ng NPA ang sumuko sa pamahalaan. Batay sa report, nakatanggap ang mga sumuko ng P115,000 kapalit ng mga armas na kanilang isinuko.

Nitong Marso nga ay nakasama ng Pangulo sa isang pagsasalu-salo sa Malacañang ang nasa 700 na mga dating rebeldeng nagbalik-loob upang ipadama ang mainit na pagtanggap sa kanila ng pamahalaan. Binigyan din sila ng livelihood assistance, housing opportunities sa ilalim ng Comprehensive Local Integration Program.  Sila ay ipinasyal din sa iba’t-ibang historic places para mag-alab ang pagmamahal sa bayan, at mahikayat sila na makiisa sa pagsulong ng progreso para sa bayan ng walang karahasan.

Dahil sa mga hakbanging gaya nito, marami ang naniniwala na, sa pagpupusigi ng kasalukuyang administrasyon, hindi magtatagal ay matatamo na din ang inaa-sam-asam na kapayapaan sa panig na ito— isang napakahalagang hakbang tungo sa pagsugpo sa kahirapan at pag-unlad ng Pilipinas.

Welga ng mga mag-aaral vs. administrasyon, saan mauuwi?

by

Pinas News

HANDANG ipamigay ni Pangulong Rodrigo Duterte ang mga slots ng mga aktibistang mag-aaral ng Unibersidad ng Pilipinas para sa mga Lumad na gustong makapag-aral sa nasabing paaralan.

Sa halip kasi na mag-aral ang mga tinaguriang iskolar ng bayan ay nag-walk out ang mga ito at nagwelga laban sa administrasyon at tuligsain ang ilan sa mga panukalang batas na isinabatas ng pangulo tulad ng Tax Reform for Acceleration and Inclusion (TRAIN) Law, ang pag-revoke sa lisensya ng Rappler at iba pang usapin.

Ayon sa pangulo na salitang Bisya na isinalin sa wikang Ingles,

“These UP students keep on walking out of their class. Earlier, they walked out of their class. Fine. Those who don’t want to go to school, get out, because I will bring the bright native people there. I will enroll them there. Many Filipinos want a good education.”

“So those who keep on demonstrating, don’t walk out of your classrooms. I will give you a privilege. Don’t go to school for a year because I will let all Filipinos, who weren’t able to get good education, get in. It’s free. So those who are bright, those bright Lumad, especially in Mathematics, I will let you enter UP,” dagdag ng pangulo.

SAGOT NG KABATAAN PARTY LIST

‘MAS malawak na pagwawalk-out at pagwewelga ang gagawin ng mga mag-aaral sa iba’t ibang unibersidad sa bansa.’

Yan ang mabigat na pagbabanta ng KABATAAN Party list sa administrasyong Duterte dahil sa binitiwang banta rin ng pangulo sa mga uulit pa na magwawalk-out sa kanilang pasok para magsagawa ng welga. Ayon sa pangulo kapag naulit pa ang pagwewelga ay patatalsikin niya ang mga estudyanteng ito at ipapalit ang mga Lumad na nais makapag-aral.

Hindi nagustuhan ni KABATAAN Party list Rep. Rep. Sarah Elago ang pahayag na ito ng pangulo at sinabi niyang,

“Duterte can only shake at the growing resistance to his attacks on the youth. Duterte’s knee-jerk reaction only proves that the youth has successfully registered their indignation against his anti-people policies and increasing fascist inclination.”

Dagdag pa asahan na ang tinaguriang ‘National Day of Walkout’ na inihanda ng mga aktibistang mag-aaral na gaganapin sa Pebrero 23, 2018.

TUGON NG MGA AKTIBISTANG MAG-AARAL SA UP

Hindi rin nagustuhan ng oraganisasyon sa University of the Philippines Diliman na The Student Alliance for the Advancement of Democratic Rights in UP (STAND UP) ang banta sa kanila ng pa-ngulo.

“If there is anyone who needs to give up his slot, it is none but Rodrigo Duterte himself. He and his allies can only expect bigger and bigger protests,” ayon sa STAND UP.

“Duterte has the gall to say that he will provide university slots to Lumads, yet only months prior he has unaba-shedly threatened to bomb Lumad schools in Mindanao, along with sending military troops to their communities, harassing them and causing them to evacuate from their ancestral lands,” dagdag ng STAND UP.

DEPENSA NG MALAKANYANG

Suportado umano ni Pa-ngulong Duterte ang kala-yaan sa pamamahayag pero hindi sa mga estudyanteng di pumapasok sa kani-kanilang klase. Iyan ang pahayag ng Malakanyang matapos magbanta si Pangulong Duterte sa mga aktibistang mag-aaral.

“Hindi po ipinagbabawal ang malayang pananalita, hindi po ipinagbabawal ang rallies. Ang ayaw lang ni Pre-sidente, iyong mga walkouts dahil sayang naman iyong kaban ng bayan na binabayad ng mga ordinaryong mga mamamayan kung sasayangin lang ng mga estudyante,” pahayag ng dating propesor at tagapagsalita ng pangulo na si Atty. Harry Roque.

PANANAW NG MGA MAMBABATAS

Sa isang panayam nagbi-gay ng pananaw si Sen. Richard Gordon kaugnay sa isyu ng mga aktibistang taga-UP.

Aniya dapat ay tupdin ng mga ito ang kanilang responsibilidad bilang paaralin ng bayan.

“The president is just advising them in a very stern way. They are our nation’s scholars. They get quality education for a little amount. Many would like to get into UP every year,” ani Gordon.

“The president is just disappointed at the fact that it’s difficult to get into UP yet the students are not attending their classes,” dagdag pa niya.

Ayon naman kay Sen. Sherwin Gatchalian tungkulin ng mga mag-aaral na mag-aral upang mgaing produktibo at balang araw ay makatulong sa bayan.

“Voicing out opinions should be conducted responsibly and fairly, It should be conducted during off school hours so that others will not be disturbed or distracted,” ani Gatchalian.

Close Bitnami banner
Bitnami