PINAS

Ang Lihim ng Panginoon (Ikapitong Bahagi)

Sonspeak

Recent News:

SEA Games

Pagtatayo ng Philippine Sports Academy, isinusulong

by

CONGRESSMAN Eric Martinez

 

 

JAMES LUIS

ISINUSULONG ngayon ng isang mambabatas sa kongreso ang pagkakaroon ng National Sports Academy sa bansa.

Sa panayam ng SMNI News kay Congressman Eric Martinez chairman ng House Committee on Sports and Youth Development, sinabi nitong mahigpit nitong tinututukan ang pagbuo ng Philippine Sports Academy.

Dahil ito ang nakikita ng kanilang komite sa kongreso na makapaglilinang sa mga kakayahan ng ating mga atleta at mailabas ang potensyal ng iba pang nagnanais na kabataan na makapasok sa larangan ng sports.

Ani Martinez na isang patunay ang pagiging kampeon ng Pilipinas sa nakaraang SEA Games na likas na magagaling ang mga Pinoy pagdating sa pangpalakasan.

Dagdag pa ni Martinez na ang pagbibigay ng sapat na pondo sa ating mga atleta ay ang nakikita nitong susi para magtagumpay ang mga Pinoy sa mga international sporting event.

 

Ronnie Magsanoc, napiling coach ng Olympic 3×3 qualifiers

by

 

YNA MORTEL

 

NAPILI ng Samahang Basketball ng Pilipinas (SBP) si dating PBA player Ronnie Magsanoc na maging National coach ng Olympic 3×3 qualifiers.

Ayon sa SBP, gaganapin ang qualifiers sa Marso a-18 hanggang a-22 sa New Delhi, India.

Si Magsanoc ay naging coach nina Cj Perez, Chris Newsome, Jason Perkins at Mo Tautuaa sa 3×3 tournament sa SEA Games.

Kabilang naman sa mga sasabak sa 3×3 basketball ay sina Joshua Munzon , Alvin Pasaol, Dylan Ababou, Karl Dehesa, Santi Santillan, Chris De Chavez, Gab Banal, Leo De Vera, Ryan Monteclaro at Jaypee Belencion.

Kasama ng Pilipinas sa Pool C ang Slovenia, France, Qatar at Dominican Republic na ang top three na koponan sa dalawampung maglalaban-laban ay makakapasok na sa 2020 Tokyo Games.

Mga atletang nakakuha ng medalya sa SEA games, ginawaran ng parangal ni Pangulong Duterte

by

 

JAMES LUIS

GINAWARAN ni Pangulong Rodrigo Duterte ng cash incentives at order of lapu-lapu awards ang mga atletang pinoy na nakakuha ng medalya sa katatapos na Southeast Asian Games.

Nasa halos 600 medalist ng SEA games ang dumalo sa isinagawang seremonya sa Malakanyang para tanggapin ang parangal para sa tagumpay ng kampanya at programa ng gobiyerno.

Batay sa batas, ang gold medalist ay entitled ng P300,000 cash; P150,000 naman sa silver medalist at P60,000 sa bronze medalist o kabuuang P79 million para sa mga medalists sa katatapos na SEA games.

Maliban dito, nagkaloob din si Pangulong Duterte ng cash incentives sa mga medalist.

Nagkaroon ng photo opportunity si Pangulong Duterte sa bawat atleta na dumalo sa okasyon.

Hindi naman nakadalo ang mga miyembro ng Gilas Pilipinas gayundin ang gymastics gold medalist na si Carlos Yulo na kasalukuyang nagsasanay na sa Japan para sa Tokyo Olympics.

Malacañang, ipinagmalaki ang pagiging overall champion ng Pilipinas 30th SEAG

by

HANNAH JANE SANCHO

IPINAGMALAKI ng Malacañang ang pagiging overall champion ng Pilipinas sa katatapos lamang na 30th Southeast Asian Games.

Sa pahayag ng Malacañang, binati ni Presidential Spokesperson Salvador Panelo ang mga miyembro ng Philippine contingent sa pagkakasungkit sa overall champion na may record breaking na 149 gold medals.

Binati rin nito ang lahat ng atleta at support staff na nakilahok sa SEA Games dahil sa kahanga-hanga aniyang ginawa ng mga ito sa pagbibigay ng karangalan na maipagmamalaki sa kani-kanilang bansa.

Nasaksihan din aniya ng lahat ang maayos na ugnayan, camaraderie at sportsmanship ng mga bansang kasapi sa Southeast Asia.

Dagdag pa ng kalihim na tama ang campaign slogan ng SEA games ngayong taon na “We Win As One”.

Samantala, opisyal nang ipinasa ng Pilipinas ang susunod sa pagho-host ng SEA games sa Vietnam.

Samantala, umani ng papuri at pasasalamat mula sa mga sports officials at atletang dayuhan ang pagho-host ng Pilipinas sa naturang aktibidad.

Ito ay dahil sa pag-iral ng pusong Pinoy kahit kapalit nito ang siguradong pagkapanalo sana ng gintong medalya.

Lubos ang pasasalamat ng mga Indonesian sports officials kay Pinoy surfer Roger Casugay matapos nitong iligtas sa tiyak na kapahamakan ang karibal na Indonesian surfer na si Mencos Cosomen habang naglalaban sa isang surfing event sa Monaliza Point sa La Union.

Nangunguna sa kompetisyon si Casugay ngunit isinantabi nito ang panalo ng gintong medalya at binalikan si Cosomen hanggang ligtas na naibalik sa pampang.

Todo-todo pasasalamat din ang ipinaabot ng koponan ng Timor Leste sa mga Pinoy dahil sa suporta na manalo ang koponan ng medalya sa palaro.

Bumilib naman si Thailand Lawn Bowl coach Daniel John Simmons sa world class sports facility sa Clark Freeport na isa sa mga naging venue ng Lawn Bowl Competition.

Namangha naman ang Malaysian official na si Abdul Kader, Director General ng International Sepak Takraw Federation sa venue ng Sepak Takraw sa Subic Gymnasium na tinawag niya itong pinakamagandang Sepak Takraw Venue sa kasaysayan ng SEA Games.

Dahil sa magandang pagho-host ng bansa sa 30th SEAG, hinikayat ni Olympic Council of Asia Vice President Wei Jizhong ang Pilipinas na lumahok sa bidding para sa 2030 Asian Games.

PNP, nagpupugay rin

‘Mission accomplished’ namang maituturing ang Philippine National Police (PNP) sa natapos na SEAG sa pamamagitan ng engrandeng closing ceremony sa New Clark City, Tarlac.

Ayon kay PNP Officer-In-Charge Police Lieutenant General Archie Francisco Gamboa, ikinararangal ng pambansang pulisya ang kanilang naging papel sa matagumpay na hosting ng Pilipinas sa naturang palaro.

Kinilala rin ni Gamboa ang kooperasyon at suporta ng publiko sa maayos na pagdaraos ng palaro.

Aabot sa 27,000 pulis ang dineploy ng PNP sa iba’t ibang mga lugar na pinagdausan ng SEAG at maging sa ibang mga lugar na binisita ng mga atleta para tiyakin ang seguridad ng mga dayuhan at lokal na panauhin.

Mga kontrobersiya sa hosting SEAG, pinaiimbestigahan sa Kamara at Senado

Naghain ang Makabayan Bloc sa Kamara ng resolusyon para paimbestigahan ang hosting ng Pilipinas sa kakatapos lamang na SEAG.

Sa ilalim ng House Resolution 602, inaatasan nito ang House Committee on Good Government and Public Accountability na imbestigahan, in aid of legislation, ang mga kontrobersiyang lumutang sa paggamit ng pondong inilaan sa biennial sporting event.

Maging ang Senado ay hinikayat din ni Sen. Panfilo Lacson na ituloy ang imnbestigasyon kahit nag-overall champion ang Pilipinas.

Sinabi ni Lacson na dapat ihiwalay ang panalo ng mga atleta sa isyu ng organizing committee.

Iginiit naman ni House Speaker Alan Peter Cayetano, head ng Philippine Sea Games Organizing Committee (PHISGOC), na handa siyang harapin ang anumang imbestigasyon laban sa kanya.

Mahigit kalahating bilyon, inisyal na kinita ng Pilipinas  – DOT

Umaabot sa mahigit kalahating bilyon ang naitalang kita ng bansa ayon kay Tourism Sec. Bernadette Fatima Romulo-Puyat, inisyal na report pa lamang ito at maaari pang lumobo kapag natanggap na nila ang datus mula sa iba pang tanggapan.

Umaasa si Puyat na aakyat pa ang revenue figure dahil maraming turista ang nagpasya na manatili at mamasyal sa bansa matapos ang makulay na closing ceremony ng SEAG sa New Clark City, sa Capaz, Tarlac.

Komento ni Davao City Mayor Duterte sa Manila song sa SEA Games, sinuportahan

by

YNA MORTEL

 

DAPAT magkaroon ng kanta na magrerepresinta sa buong bansa.

Ito ang naging pahayag ni Presidential Spokesperson Salvador Panelo hinggil sa post ni Presidential Daughter at Davao City Mayor Sara Duterte kaugnay sa opening ng SEA Games noong Sabado.

Sinabi ni Panelo na dapat aniya gumawa ng kanta na magrerepresinta sa buong Pilipinas – Luzon, Visayas at Mindanao.

“The mayor is right. We need to have a song that will reflect not only Manila but the entire Philippines – Luzon, Visayas and Mindanao. Wala pa eh. Kaya ‘yung song writers are being alerted including myself to make such a song. Maganda nga yung idea na kailangan na buong Pilipinas nga naman,” pahayag ni Panelo.

Samantala, sinabi naman ni Panelo na maaaring ginamit ang kantang Manila dahil ito ang pinaka popular na kanta sa mga Pilipino.

“Perhaps because of the title Manila itself, then she would be right. It’s not representing the entire Philippines. But it seems that Manila was used because that is the most popular song in relation to the Filipinos,” ayon pa ni Panelo.

Pilipinas, pinuri ng Olympic Council of Asia dahil sa maayos na pag-organisa sa 30th SEA games

by

 

HANNAH JANE SANCHO

 

PINURI ni Olympic Council of Asia (OCA) Vice President Wei Jizhong ang gobiyerno ng Pilipinas dahil sa maayos na pag-organisa ng 30th Southeast Asian Games (SEA games) 2019.

Nagpahayag din ng paghanga at suporta si Jizhong sa galing ng Pilipinas sa paghawak ng mga ganitong events.

Naniniwala din si Jizhong na kayang-kaya ng Pilipinas na magsagawa pa ng mas malaking sporting event matapos makita ng personal ang maayos at sistematikong pag-organisa ng SEA games.

Sinabi pa ni Jizhong na mula sa slogan na “We Win As One,” hanggang sa fan engagement at sa matapat na pag-amin sa responsibilidad ni Pangulong Rodrigo Duterte sa mga aberya, ay mahalagang bagay upang maging maayos ang pag-organisa sa SEA games.

Close Bitnami banner
Bitnami