PINAS

Ang Lihim ng Panginoon (Ikapitong Bahagi)

Sonspeak

Recent News:

Sen. Richard Gordon

Bagong batas para sa mga biktima ng kalamidad, hindi kailangan – Sen. Gordon

by

 

NANINIWALA si Sen. Richard Gordon na hindi na kailangan pa ng isang bagong batas para matulungan ang mga biktima ng kalamidad katulad ng pagputok ng Bulkang Taal.

Ayon kay Gordon, may calamity fund ang bawat local government unit na dapat gamitin sa wasto.

Bilang chairman ng Philippine Red Cross, sinabi ni Gordon na nakapagbigay na rin ang kanilang organisasyon ng iba’t ibang uri ng tulong sa mga apektado ng pagputok ng Bulkang Taal, tulad ng water tankers, food trucks, food at non-food items, at marami pang iba.

Aniya, nakikipag-ugnayan na rin siya sa international chapters ng Red Cross upang mabigyan ng pabahay ang mga biktima na wala nang bahay na babalikan dahil sa pag-alburuto ng Taal.

Sen. Richard Gordon, tumanggi na mag-sponsor sa panukalang death penalty

by

 

SMNI NEWS

 

TUMANGGI si Sen. Richard Gordon na isponsoran ang panukalang batas na muling buhayin ang death penalty o parusang kamatayan.

 

Binigyang diin ni Gordon na hindi siya mag-sponsor at depensahan ang panukala kahit maaprubahan ito ng Senate Committee on Justice na kaniyang pinamumunuan.

Sa ngayon ay apat na senador ang naghain ng panukalang pagbuhay sa death penalty para sa illegal drugs, plunder at iba pang krimen.

Kabilang dito sina Senators Manny Pacquiao, Ronald “Bato” Dela Rosa, Bong Go at Panfilo Lacson.

Maging si Senador Sherwin Gatchalian ay nagpahayag din ng kahandaan na maghain ng panukalang buhayin ang death penalty.

Sen. Pres. Tito Sotto at 8 pang senador, naghain ng kanilang mga pet bills

by

MARGOT GONZALES

NAKAPAGHAIN na si Senator Vicente Tito Sotto III ng kaniyang pet bills para sa 1st round ng paghahain ng panukalang batas para sa 18th Congress.

Kabilang sa kaniyang top 10 priority ay ang Medical Scholarship Act, Anti-Drug Penal Institution, Presidential Drug Enforcement Authority, Dangerous Drugs Court, Lowering the Age of Criminal Responsibility, Prevention of Terrorism Act hybrid Election Act, Penalty for Perjury, Anti-Fake News Act at Increasing the 14th Month Pay Law.

Maliban kay Sotto ay nakapagfile na rin ng kanilang pet bills ang anim na senador na sina Sen. Ping Lacson, Sen. Francis Pangilinan, Sen. Ralph Recto, Sen. Pia Cayetano, Sen. Nancy Binay at Sen. Richard Gordon, Sen. Grace Poe at Sen. Bong Revilla, Sen. Lito Lapid at Sen. Sonny Angara.

Mapapansin na ngayon ay dinaan sa seniority ang sequence ng mga senador na maari nang mag-file ng kanilang mga  pet bills kumpara noong mga nakaraang taon na agawan sa pila ang mga staff ng mga senador para sa pag-file ng kanilang mga pet bills.

Welga ng mga mag-aaral vs. administrasyon, saan mauuwi?

by

Pinas News

HANDANG ipamigay ni Pangulong Rodrigo Duterte ang mga slots ng mga aktibistang mag-aaral ng Unibersidad ng Pilipinas para sa mga Lumad na gustong makapag-aral sa nasabing paaralan.

Sa halip kasi na mag-aral ang mga tinaguriang iskolar ng bayan ay nag-walk out ang mga ito at nagwelga laban sa administrasyon at tuligsain ang ilan sa mga panukalang batas na isinabatas ng pangulo tulad ng Tax Reform for Acceleration and Inclusion (TRAIN) Law, ang pag-revoke sa lisensya ng Rappler at iba pang usapin.

Ayon sa pangulo na salitang Bisya na isinalin sa wikang Ingles,

“These UP students keep on walking out of their class. Earlier, they walked out of their class. Fine. Those who don’t want to go to school, get out, because I will bring the bright native people there. I will enroll them there. Many Filipinos want a good education.”

“So those who keep on demonstrating, don’t walk out of your classrooms. I will give you a privilege. Don’t go to school for a year because I will let all Filipinos, who weren’t able to get good education, get in. It’s free. So those who are bright, those bright Lumad, especially in Mathematics, I will let you enter UP,” dagdag ng pangulo.

SAGOT NG KABATAAN PARTY LIST

‘MAS malawak na pagwawalk-out at pagwewelga ang gagawin ng mga mag-aaral sa iba’t ibang unibersidad sa bansa.’

Yan ang mabigat na pagbabanta ng KABATAAN Party list sa administrasyong Duterte dahil sa binitiwang banta rin ng pangulo sa mga uulit pa na magwawalk-out sa kanilang pasok para magsagawa ng welga. Ayon sa pangulo kapag naulit pa ang pagwewelga ay patatalsikin niya ang mga estudyanteng ito at ipapalit ang mga Lumad na nais makapag-aral.

Hindi nagustuhan ni KABATAAN Party list Rep. Rep. Sarah Elago ang pahayag na ito ng pangulo at sinabi niyang,

“Duterte can only shake at the growing resistance to his attacks on the youth. Duterte’s knee-jerk reaction only proves that the youth has successfully registered their indignation against his anti-people policies and increasing fascist inclination.”

Dagdag pa asahan na ang tinaguriang ‘National Day of Walkout’ na inihanda ng mga aktibistang mag-aaral na gaganapin sa Pebrero 23, 2018.

TUGON NG MGA AKTIBISTANG MAG-AARAL SA UP

Hindi rin nagustuhan ng oraganisasyon sa University of the Philippines Diliman na The Student Alliance for the Advancement of Democratic Rights in UP (STAND UP) ang banta sa kanila ng pa-ngulo.

“If there is anyone who needs to give up his slot, it is none but Rodrigo Duterte himself. He and his allies can only expect bigger and bigger protests,” ayon sa STAND UP.

“Duterte has the gall to say that he will provide university slots to Lumads, yet only months prior he has unaba-shedly threatened to bomb Lumad schools in Mindanao, along with sending military troops to their communities, harassing them and causing them to evacuate from their ancestral lands,” dagdag ng STAND UP.

DEPENSA NG MALAKANYANG

Suportado umano ni Pa-ngulong Duterte ang kala-yaan sa pamamahayag pero hindi sa mga estudyanteng di pumapasok sa kani-kanilang klase. Iyan ang pahayag ng Malakanyang matapos magbanta si Pangulong Duterte sa mga aktibistang mag-aaral.

“Hindi po ipinagbabawal ang malayang pananalita, hindi po ipinagbabawal ang rallies. Ang ayaw lang ni Pre-sidente, iyong mga walkouts dahil sayang naman iyong kaban ng bayan na binabayad ng mga ordinaryong mga mamamayan kung sasayangin lang ng mga estudyante,” pahayag ng dating propesor at tagapagsalita ng pangulo na si Atty. Harry Roque.

PANANAW NG MGA MAMBABATAS

Sa isang panayam nagbi-gay ng pananaw si Sen. Richard Gordon kaugnay sa isyu ng mga aktibistang taga-UP.

Aniya dapat ay tupdin ng mga ito ang kanilang responsibilidad bilang paaralin ng bayan.

“The president is just advising them in a very stern way. They are our nation’s scholars. They get quality education for a little amount. Many would like to get into UP every year,” ani Gordon.

“The president is just disappointed at the fact that it’s difficult to get into UP yet the students are not attending their classes,” dagdag pa niya.

Ayon naman kay Sen. Sherwin Gatchalian tungkulin ng mga mag-aaral na mag-aral upang mgaing produktibo at balang araw ay makatulong sa bayan.

“Voicing out opinions should be conducted responsibly and fairly, It should be conducted during off school hours so that others will not be disturbed or distracted,” ani Gatchalian.

Pagkakatalaga ni Lapeña sa BOC, pinaboran ng mga senador

by

Ni: Jannette Africano

Sang-ayon ang ilang senador sa pagkakatalaga bilang bagong Bureau of Customs (BOC) Commissioner Isidro Lapeña bilang kapalit ng nagresign na si Nicanor Faeldon.

Ayon kay Sen. Richard Gordon na syang chairman ng Senate Blue Ribbon Committee, isa lamang ang senyales ng pagkakatalaga kay Lapeña na dapat ay pigilan nito ang pagpasok ng mga kontrabando sa Aduana particular na ang iligal na droga.

Maging si Sen. Panfilo Lacson ay boto na si Isidro ang kapalit ni Faeldon sa Customs.

Umaasa ang senador na hindi kakainin ng lumang sistema ng BOC ang bagong talagang hepe ng ahensya.

Maging si Sen. Tito Sotto ay naniniwalang kayang hawakan ni lapena ang isyu ng smuggling at ilegal drugs sa BOC gayong galing sa pagiging director ng Philippine Drugs Enforcment Agency (PDEA).

Samantala inaasahang magkakaroon ng privilege speech si Sen. Lacson kaugnay sa sinasabing bagman ni Faeldon na tumatanggap ng payola mula sa Customs broker na si Mark Taguba.

Trillanes at Faeldon, nagkaharap sa senado kaugnay sa P6.4-B halaga ng shabu mula sa China

by

Ni: Jannette Africano

Ala dyes y media ng umaga nang magsimula ang ikatlong pagdinig ng senado sa P6.4-B halaga ng smuggled shabu na mula sa China.

Pinangunahan pa rin ni Sen. Richard Gordon ng Senate Blue Ribbon Committee ang pagdinig.

Mula sa pagkakahospital dahil sa heart diseas ay muling humarap sa senado si Bureau of Customs (BOC) Commissioner Nicanor Faeldon upang sagutin ang mga akusasyon ng korapsyon sa loob ng Customs.

Sa unang pagkakataon rin ay dumalo si Sen. Antonio Trillanes IV mula sa tatlong pagdinig ng senado sa usapin ng smuggled shabu mula sa China.

Sa umpisa pa lamang ay naging mainit na ang sagutan nina Faeldon at Trillanes.

Ito ay dahil sa unang tanong ni Trillanes na kung may korapsyon ba sa Custom of wala.

Ngunit tinanngihan ni Faeldon na sagutin ang tanong ni Trillanes.

Sa katunayan nagging emosyunal pa si Faeldon sa napaluha dahil naakusahan na umano sya sa mata ng publiko at maging ang ilang inosenteng worker ng Customs dahil sa isyu ng iligla na droga mula sa China.

Ayon kay Faeldon, sasagutin nito ang lahat ng tanong ng senador maliban lamang kay Trillanes na unan nang inakusahan na sya ang nasa sentro ng pagpasok nang iligal na droga mula sa China.

Bagay na hindi pinayagan naman ni Trillanes at sinabing mapipilitan itong ipa-contempt kung tatangihan nitong sagutin ang kanyang mga tanong ni Faeldon.

Kaya naman pumagitan na itong si Sen. Gordon at humiling ng recess upang kausapin ni Gordon si Faeldon na sagutin ang mga tanong ni Trillanes.

Matapos ngang kausapin ni Gordon si Faeldon ay napapayag itong sagutin ang mga tanong ni Trillanes.

Samantala muling dumalo sa pagdinig ang dalawang Chinese businessman na ipinacontempt ng senado na sina Richard Tan at Manny Li.

Narito rin sina Mark Taguba ang pekeng brooker at Irene Tatad na consignee for hire.

Close Bitnami banner
Bitnami