PINAS

Ang Lihim ng Panginoon (Ikapitong Bahagi)

Sonspeak

Recent News:

Senador Panfilo Lacson

Mga anak na inabandona ang kanilang mga magulang, maaari na ring maparusahan

by

Lacson

 

MAAARI na ring maparusahan ang mga anak na inabandona ang kanilang mga tumatanda o may sakit na magulang sa ini­haing panukala ni Senador Panfilo Lacson.

Sa Senate Bill No. 29 o ang “Parents Welfare Act of 2019” ni Lacson, kailangan ng mga anak na bigyan ng nararapat na suporta ang kanilang tumatanda, may sakit at incapacitated parents.

Nakasaad sa panukalang batas na maaring maghain ng petisyon sa korte at humiling na mag-isyu ng support order laban sa mga anak na nabigo o tumangging magbigay ng suporta.

Sa ilalim ng bill, maaa­ring makulong ng isa hanggang anim na buwan o pagmultahin ng 100,000 pesos ang respondent na bigong makapagbigay ng suporta sa loob ng tatlong magkakasunod na buwan na walang justifiable­ cause.

Habang pagkakakulong ng anim na taon hanggang sampung taon at multang hindi bababa sa 300,000 pesos ang parusa sa mga mang-iiwan sa kanilang mga magulang na may intensyon na abandonahin ito.

Layon din ng panukala na makapagpatayo ng old age homes para sa mga matatanda, may sakit at incapacitated parents sa kada probinsya at highly urbanized city.

MJ MONDEJAR

Dagdag-pensyon ng military and uniformed personnel, pinondohan na

by

SMNI NEWS

MAKATATANGGAP na ng karagdagang pensyon ang mga retiradong military and uniformed personnel o MUP.

 

Ito ay matapos maglabas ng pondo ang Department of Budget and Management (DBM) para sa nilagdaang Joint Resolution No. 1 sa pagitan ni Pangulong Rodrigo Duterte at Philippine Military Academy (PMA) Class 1971.

Makikinabang sa dagdag benepisyong ito ang mga retiradong MUP ng Armed Forces of the Philippines-General Headquarters, Philippine National Police, Bureau of Fire at Bureau of Jail Management and Penology.

Ayon sa DBM, inilabas na nito ang kaukulang pondong P29.9 billion para sa AFP-GHQ, P21.7 billion para sa PNP, P1.9 billion sa BFP at tinatayang P731 million para sa BJMP.

Ang naturang resolution ay isinulong nina Senador Panfilo Lacson at Senador Gregorio Honasan II na layong taasan ang base pay ng mga uniformed personnel sa pamahalaan.

Militarization kontra corruption sa BoC

by

Pinangasiwaan ni Pangulong Rodrigo Duterte ang panunumpa sa tungkulin si bagong Bureau of Customs Commissioner Rey Guerrero sa isang ceremonya sa Presidential Guest House sa Davao City.

 

Ni: Quincy Joel V. Cahilig

TUMAMBAD kamakailan ang isang kontrobersya sa Bureau of Customs (BoC) kung saan nakalusot ang malaking halaga ng illegal substance na crystal meth o shabu na isinilid sa mga magnetic lifters na natagpuan sa Cavite.

Sa ngayon ay ibinebenta na umano sa mga lansangan ang nakapuslit na shabu mula abroad na nagkakahalaga ng P11 bilyon ayon sa Philippine Drug Enforcement Agency.

Matatandaan na nitong Mayo ay nakalusot din sa BoC ang P6.4 bilyong halaga ng shabu na galing sa China, na natuklasan ng awtoridad sa isang bodega sa Valenzuela.

Sa tuwing nakakarinig ng mga ganitong balita sa Customs ang mga Pinoy, ang reaksyon ay “Eh, ano pa bang bago?” Tila nasanay nang makasagap ng mga balita ng anomalya sa ahensya, dahil panahon pa umano ng mga Kastila, kilala nang tadtad ng dungis ng katiwalian ang Customs, na pangunahing tagalikom ng pondo ng pamahalaan.

Nguni’t ang mas masaklap, nangyari ang mga pagpuslit ng malalaking drug shipments sa gitna ng maigting na kampanya ng Duterte Administration kontra droga. Ito ay dagok sa liderato ni Pangulong Rodrigo R. Duterte, na iniluklok ng 16 milyong mga botante dahil sa kanyang pangakong lilipulin ang salot na bawal na gamot.

Kaya minabuti na ni Pangulong Duterte na magkaroon ng military takeover sa BoC upang tuluyan nang matigil ang drug smuggling sa bansa.

Iniinspeksyon ni Philippine Drug Enforcement Agency General Aaron Aquino ang isa sa apat na magnetic lifters na nasabat sa isang bodega sa Cavite, na umano’y ginamit upang maipuslit ang PHP 11 bilyong halaga ng shabu sa bansa.

 

Militarisasyon ng Customs?

Wika ng Pangulo panahon na para tapusin ang “dirty games” sa Customs kaya inatasan niya ang mga sundalo na may technical expertise na palitan ang mga opisyal ng BoC na inilagay sa floating status dahil sa mga alegasyon ng korapsyon.

“They will all be replaced … all of them … by military men. It will be a takeover of the Armed Forces in the matter of operating in the meantime while we are sorting out how to effectively meet the challenges of corruption in this country,” wika ng  Pangulo.

Dagdag ni Duterte, ipinatawag niya ang mga opisyal sa  Malacañang nguni’t inamin na di niya basta-bastang masisibak ang mga ito.

“Almost all of them there have been … in one way or the other been charged of … corruption. Lahat ‘yan sila may kaso.  And yet we cannot just move on because we want to be lawfully correct so dahan-dahan lang tayo. But with this kind of games that they are playing dirty games, I am forced now to ask the Armed Forces to take over,” dagdag ni Duterte.

Dating Bureau of Customs Commissioner Isidro Lapeña, na ngayo’y director-general na ng Techincal Education and Skills Development Authority.

 

Binitawan ng Pangulo ang direktiba ilang araw matapos alisin si Isidro Lapeña bilang Customs chief pagkatapos makalusot ang kontrobersyal na shabu shipment. Ipinalit sa kanyang pwesto si dating Maritime Industry Authority head Rey Leonardo Guerrero, dating Armed Forces chief.

Inilipat si Lapeña sa Technical Education and Skills Development Authority na sinabi ng Pangulo ay isang promotion dahil may Cabinet rank and posisyon.

Ipinagtanggol din ng Pangulo si Lapeña at ang kanyang sinundang dating Customs chief na si Nicanor Faeldon. Aniya, naniniwala pa rin siya sa kanilang integridad sa kabila ng mga nangyaring drug smuggling sa kanilang liderato.

“They will not sacrifice their career para diyan lang. They are too smart to do such kind of an idiotic smuggling. Talagang nalusutan sila, nandiyan na ‘yung system,” paliwanag ng Pangulo.

“There was really a continuous play of corruption in the lower echelons of the Customs bureau. You put any other pati ako and even if I will be there at the helm of the Bureau of Customs, papalusutan…lusot talaga ‘yan. They will undercut you because of money,” dagdag niya.

Mas mahigpit na pagbabantay

Ipinahayag ng Pangulo sa ilang pagkakataon na talagang malaki ang kanyang kumpyansa sa mga military personnel dahil agad tumatalima ang mga ito sa kanyang kautusan. Marahil nakikita niyang isang drastic solution ang paggamit ng pwersa ng sundalo para tuluyan nang malinis ang imahe ng BoC.

Inatasan ni Duterte si Guerrero na kumuha ng mga sundalo mula sa Army, Navy, at Air Force para patakbuhin ang Customs, lalo na sa x-ray security systems na sumusuri sa mga shipment na pumapasok sa bansa.

Kaya asahan ang mas mahigpit na screening sa mga cargo upang di na makapagpuslit pa ng droga sa bansa.

“There will be about three signatures before a container will eventually be declared out of Customs control so there will be about three, six eyes there. And they must sign that it could be a Navy or a Coast Guard, something like that,” wika ni Duterte.

Hindi tiyak na solusyon? 

Sa kabila nito, naniniwala ang ilang senador na hindi ito ang tamang solusyon sa mga problema ng BoC.

Ayon kay Senator Francis Escudero, labag sa Saligang-Batas ang hakbang na ito ng Pangulo.

“Under Sec. 18, Art. VI of the Constitution, the President, as Commander-in-Chief, can only call out the Armed Forced of the Philippines to ‘prevent or suppress lawless violence, invasion or rebellion.’ These factors are not attendant at the Bureau of Customs,” pahayag ni Escudero sa Twitter.

Naniniwala naman si Senador Panfilo Lacson na ang paglalagay ng military personnel ay hindi total solution para tuluyan nang matigil ang smuggling sa BoC.

“In the early 60’s, some young, idealistic AFP officers were put in charge of the BOC operations. They learned fast, they couldn’t be bribed or intimidated. The smugglers used equally young, beautiful women to influence them. The rest is history we don’t want to remember, but Malacañang should learn from that,” wika ni Lacson.

Inirekomenda ng mambabatas sa Pangulo ang pagtatalaga ng mga miyembro ng AFP na mahusay sa intelligence operations dahil gagawin umano ng mga sindikato ang lahat para maituloy ang kanilang illegal na gawain.

“I can only suggest that a continuous, dedicated, focused, highly classified and sophisticated counter-intelligence operations should be put in place to watch the watchdogs, so to speak. And yes, the ones in charge must apply a basic leadership principle we all learned in military schools —leadership by example, not in words, but in practice. It is second to none. There is no substitute to it that I know of,” sabi ni Lacson.

Ipinagtanggol naman ni Justice Secretary Menardo Guevarra ang desisyon ng Pangulo. Aniya, pansamantala lamang ang hakbang na ito upang tiyakin na di na makakapasok ang illegal drugs sa bansa na banta sa seguridad ng publiko.

“The President, as chief executive, has the power of supervision and control over the entire Executive Department, and is duty-bound to ensure that all laws be faithfully executed (Art. VII, sec 17),” sabi ni Guevarra.

“However, civilian rule shall at all times be supreme,” pagtitiyak ng Justice Secretary.

Nilinaw naman ni BoC Chief Guerrero na hindi militarization ang mangyayari sa kanyang ahensya.

“Let us correct the impression that there would be a militarization of the BoC. There will be personnel from the AFP that would support the BoC but that does not mean the BoC would be taken over by the military because clearly I’m a civilian and I am the head of the agency,”  wika ni Guerrero. “This is not a militarization process because clearly the officers of Bureau of Customs will still be in control of operations and activities of the bureau,” pagdidiin ni Guerrero.

Pagpapasa ng Anti-political Dynasty Bill nais pabilisin

by

Buo ang suporta ni Senador Drilon sa anti-political dynasty bill na kasalukuyang nasa Senado

Ni: Eugene B. Flores

“The time for debate is over. Thirty-one years ago, the Filipino people mandated us in Congress to enact an anti-political dynasty law. It is time for us to act now. Let us pass Senate Bill 1765 now,” wika ni Senate Minority Leader Franklin Drilon na nagpahayag ng buong suporta para maipasa ang anti-political dynasty bill sa lalong madaling panahon.

Aniya pa niya upang mas masiguro ang tagumpay ng bagong tatag na Bangsamoro Autonomous Region in Muslim Mindanao o BARMM, na kamakailan ay pinirma na umano Pangulong Duterte, kinakailangan nang maipasa ang anti-political dynasty law. Noong nagtipon ang bicameral conference committee, pinilit nito na maipasama ang anti-political dynasty law sa Bangsamoro Organic Law ngunit hindi ito naaprubahan.

“Our nation’s dream for a stable and progressive Bangsamoro Autonomous Region in Muslim Mindanao will fail unless we adopt an anti-political dynasty law that will be in place before a Bangsamoro government is installed,” dagdag pa niya.

Nangangamba umano ang senador na baka magpatibay lang lalo sa mga warlord at mga kilalang politiko sa rehiyon ang malaking kapangyarihang makukuha ng gobyerno ng Bangsamoro. Binanggit din nito na ayon sa isang pag-aaral, numero unong dahilan ng paglubog sa kahirapan ng mga lugar sa rehiyon ay ang dinastya sa pulitika.

Sa kasalukuyan, nasa senado pa ang bill na ito na naglalayong pagbawalan ang dinastya sa mga politiko ng bansa at may kaakibat na parusa ang sino mang lalabag dito.

Ayon sa Senate Bill 1765, binigyan ng kahulugan ang political dynasty bilang ang, “concentration, consolidation, and/or perpetuation of public office and political powers by persons related to one another within the second degree of consanguinity or affinity.”

Ibig sabihin, nasasakop nito ang mga kapatid full blood man o half blood, asawa legal man o common-law, mga anak legitimate, illegitimate at adopted, mga magulang, mga apo at maging mga asawa ng mga nabanggit na kamag-anak.

Ipagbabawal sa mga ito ang pagtakbo sa nasyonal at rehiyonal o lokal na pwesto sa iisahang botohan o eleksyon.

Umapela si Senadora Poe sa Pangulong Duterte upang maisabatas ang anti-political dynasty law sa lalong madaling panahon

MAS PRODUKTIBONG PAGLILINGKOD

Katulad ni Senador Drilon, buo rin ang suportang ibinigay ni Senadora Grace Poe para sa pagpapabilis ng senado para maisaayos ang Senate Bill 1765.

Bagama’t sinabi ng Senadora na hindi lahat ng political dynasties ay nakakasama para sa bansa, nalilimitan pa rin umano ng mga ito ang kapangyarihan na nanantili lamang sa kamay ng mga magkakamag-anak.

“..dahil sa mga political families, hindi nakakaupo sa gobyerno ang mga pinakamagaling at pinakamatalinong mga Pilipino. Maraming Pilipino ang gustong maglingkod, pero hindi kaya dahil ‘reserved’ na ang mga puwesto para sa kapatid, anak o asawa ng pulitiko.” Wika nito.

“Our country has been called an ‘Anarchy of Families.’ Pero sa totoo, I think politics in our country is more like a game of “Trip to Jerusalem”– si Mayor ay makikipagpalit kay Governor, si Board Member ay magiging Congressman. And in doing so, the circle of available ’seats’ gets smaller every election cycle,” dagdag pa niya.

Nagkakaroon din umano ng palaksan dahil sa ganitong dinastya, kung saan ang mga malalapit sa mga namumuno ay nagkakaroon ng tsansyang magkaroon ng pwesto sa pulitika.

“The regulation of political dynasties is consistent with the aspiration in the country for a more inclusive society, a fairer and more competitive political process, and a more balanced and inclusive political development.” Sabi ni Senador Drilon

Sa pamamagitan ng anti-political dynasty law, mabibigyan ng pantay na oppurtunidad ang mga taong may puso at nais maglingkod tungo sa ikauunlad ng bansa.

Isinusulong sa Senado ang Anti-political dynasty bill

PABOR ANG MGA SENADOR

Tumakbo ang usapin ukol dito matapos makatanggap ang proposal na anti-dynasty bill na in-sponsoran ni Senador Francis Pangilinan ng 13 pirma mula sa mga senador noong Mayo. Ang suporta ng mga senador ang dahilan ng patuloy na laban para maisabatas ito.

Kabilang sa mga pumirma ay sina Senadora Nancy Binay, Senadora Grace Poe, Senadora Risa Hontiveros, Senadora Loren Legarda, Senadora Leila de Lima, Senador Francis Pangilinan, Senador Sherwin Gatchalian, Senador Panfilo Lacson, Senador Ralph Recto, Senador Bam Aquino, Senador JV Ejercito, Senador Sonny Angara at si Senador Franklin Drilon.

Nagpahayag din ng suporta ang Pangulong Rodrigo Duterte sa nais ng mga senador, bagama’t siya mismo ay nagmula rinsa isang political family. “A few of the principled men, I would say, want this kind of thing about dynasty is abolished. I am for it,” sabi ng Pangulo.

Bagama’t may alinlangan kung papasa ito sa Kongreso, sinabi niya na “Dumadating itong dynasty, dynasty law. Nirerespeto ko yan. If that is the will, (kung) yun ang gusto ng tao. Walang problema yan.”

Umapela naman si Senadora Grace Poe sa Pangulo. “Mr. President, we have a choice today. We can stick to the status quo or we can take a step toward greater political and economic inclusion by immediately passing this measure,” aniya.

Naging mailap ang usapin sa pagbabawal ng political dynasties sa mga nakaraang dekada bagama’t nasa konstitusyon ang pagbabawal nito ay dahil sa karamihan ng mga nasa pulitika ay nagmula sa mga political family na patuloy na naipapasa hanggang sa kasalukuyan.

Awayang Lacson at Faeldon, hindi pakikialaman ng Malakanyang

by

Ni: Hannah Jane Sancho

Hindi pakikialaman ng Malakanyang ang patutsada sa isa’t isa nina Senador Panfilo Lacson at ex-Customs Commissioner Nicanor Faeldon kaugnay sa korapsyon sa Aduana.

Ayon kay Presidential Spokesperson Ernesto Abella, susuportahan ng Pangulong Rodrigo Duterte ang anumang imbestigasyon kaugnay sa hinaharap na alegasyon ni Faeldon.

Binigyang diin ni Abella na hahayaan ng Palasyo na gumulong ang proseso kaugnay sa imbestigasyon.

Kahapon sa naging privilege speech ni Senador Lacson ay binunyag nitong tumatanggap ng 100 million pesos si Faeldon sa pagupo nito bilang commissioner ng Customs.

Binunyag din ni Lacson ang mga opisyal ng Customs na sangkot sa tara system.

Sinagot naman ni Faeldon ang akusasyon sa kaniya ng senador na ang anak ni Lacson ay sangkot sa smuggling ng semento at mayroon itong hawak na katibayan.

Sinabi ng Malakanyang na dapat beripikahin at dumaan sa masusing imbestigasyon ang mga alegasyon ni Faeldon sa anak ni Lacson.

Close Bitnami banner
Bitnami