PINAS

Ang Lihim ng Panginoon (Ikaapat na Bahagi)

Sonspeak

Recent News:

Senate President Vicente Sotto III

Pangulong Duterte hindi sesertipikahang ‘urgent’ ang SOGIE Bill

by

HANNAH JANE SANCHO

 

HINDI sesertipikahan bilang urgent ni Pangulong Rodrigo Duterte ang Sexual Orientation and Gender Identity or Expression o SOGIE Bill.

Ito ang paglilinaw ni Presidential Spokesperson Salvador Panelo kasunod ng pahayag ni Pang. Duterte ukol dito.

Ayon kay Panelo, hindi SOGIE Equality Bill, kundi ang Anti-Discrimination Bill ang isesertipika ng pangulo.

Sinabi rin ni Senate President Vicente Sotto III na nakakuha siya ng paglilinaw na ang Anti-Discrimination Bill ang handang sertipikahan ng presidente.

Naniniwala naman si Sotto na hindi pa nababasa ng pangulo ang proposed SOGIE measure pero posible aniyang ang Anti-Discrimination Bill ang tinutukoy nito.

Matatandaang ang SOGIE Bill ay isinusulong ni Senator Risa Hontiveros habang ang Anti-Discrimination Bill ay inihain ni Senator Juan Edgardo Angara.

 

‘Duterte magic’ nanaig sa Halalan 2019

by

Si Pangulong Rodrigo Duterte kasama ang mga winning senatoriables ng PDP-Laban.

 

Ni: Quincy Joel V. cahilig

MATAGUMPAY at payapang naisagawa ang midterm elections nitong Mayo 13, bagama’t nagkaroon ng mga aberya sa ilang lugar at delay sa transmission ng mga resulta. Gayon pa man, nagampanan naman ng milyon-milyong botanteng Pilipino ang kanilang obligasyon at naipahayag ang kanilang boses sa pagpili ng mga senador at mga local government officials na maglilingkod sa bayan.

Ang 12 senador na nahalal ay yaong mga kaalyado ng kasalukuyang administrasyon. Marami ang naniniwala na ang pagkapanalo ng mga sinoportahang senatoriables ni Pangulong Rodrigo R. Duterte ay patunay ng mataas na kumpiyansa ng mga Pinoy sa liderato ng Pa­ngulo at kagustuhang maipagpatuloy niya ang mga repormang isinusulong.

Ang mga naiproklamang senador na manunungkulan hanggang Hunyo 2025 ay ang mga re-electionists na sina Cynthia Villar, Grace Poe, Sonny Angara, Koko Pimentel, at Nancy Binay; mga nagbabalik-senado na sina Lito Lapid, Pia Cayetano, at Ramon Bong Revilla, Jr.; dating Ilocos Norte governor Imee Marcos, dating Metro Manila Development Authority chairman Francis Tolentino, former chief ng PNP at Bureau of Corrections Bato Dela Rosa, at ang former special assistant to the President Christopher Lawrence “Bong” Go.

“The victory of the administration’s candidates and the shut-out of the Otso Diretso candidates sends a strong message that our people yearn for stability and continuity of the genuine reforms that the administration started. They yearn for a constructive – not obstructionist – Senate, which will help in crafting the President’s legislative agenda,” wika ni Salvador Panelo, spokesman ng Presidente.

Sa kabila ng maingay na pagbanat ng mga kandidato ng oposisyon sa iba’t-ibang mga isyu, tulad ng extra judicial killings, TRAIN Law, at West Philippine Sea tensions, kay Pangulong Duterte noong panahon ng kampanya, pinili pa rin ng majority ng mga botante ang 12 kandidato na susuporta sa legislative agenda ng Pangulo.

“Undoubtedly, the Duterte magic spelled the difference. The overwhelming majority of the electorate had responded to the call of the President to support those whom he said would help pass laws supportive of his goal to uplift the masses of our people and give them the comfortable lives they richly deserve,” wika ni Panelo.

Sa kabila nito in­ire­respeto pa rin umano ng administrasyon ang karapatan ng mga kritiko na maipahayag ang kanilang opinyon dahil pinalalakas nito ang demokrasya ng bansa. Subali’t ang kalooban pa rin ng mamamayan ang mananaig.

Ngayong tapos na ang halalan, nanawagan ang Malacañang ng suporta at pagkakaisa para sa patuloy na pag-unlad ng bansa.

“With the successful holding of the elections, we have demonstrated to the world that we have a great order for demo­cracy that can rise above the loud political noise,” wika ni Panelo. “We only have one government and one nation. Together, let us support it for the betterment of the Philippines that we all love.”

HINDI MAGIGING RUBBER-STAMP 

Siniguro ni Senate President Vicente Sotto na magiging independent ang Senado sa kabila ng pagdami ng kaalyado dito ni Pangulong Rodrigo Duterte.

 

Tiniyak naman ni Se­nate President Vicente Sotto III na pananatilihin ng Senado ang independence nito sa kabila ng pagdami ng kaalyado ng administrasyong Duterte sa Senado.

Ito ay sa gitna ng p­angamba ng marami na baka maging “rubber-stamp chamber” ang Senado, na aaprubahan ang anumang panukalang nais na maipatupad ng Malacañang.

Sa ilalim ng Saligang Batas, ang Senado ang isa sa tatlong sangay ng gobyerno na magsisiguro ng balanse ng kapangyarihan sa pamamagitan ng checks and balances.  Bukod sa paglikha ng mga batas, may kapangyarihan ang Senado na siguruhing patas ang pagbubuwis, magsagawa ng mga investigation kontra katiwalian, i-mo­nitor ang policies, actions, at programs ng executive branch, at aprubahan ang mga international treaties na nilalagdaan ng pamahalaan.

Binigyang diin ni Sotto na mananatiling transparent, sincere, at independent ang Senado sa 18th Congress.
“I really doubt it. I se­riously doubt it will happen. First of all, ang lea­dership hindi kapartido ng Presidente. We would like to maintain, and if our leadership is retained, an independent, transpa­rent and sincere Senate, like what we had done in the 17th Congress,” sabi ni Sotto.

PET BILLS DI BASTA-BASTA IPAPASA 

Senate Majority Leader Juan Miguel Zubiri.

 

Sinegundahan ni Se­nate Majority Leader Juan Miguel Zubiri ang paha­yag ng Senate president. Aniya, dadaan pa rin sa pagsusuri ng Senado ang mga pet bills ng admi­nistrasyon.

“When we see an admi­nistration-led measure that is good for the people then we support it, but if we see it needs further study and debate then we won’t force it or rush into it,” Zubiri added.

Ilan sa mga inaasahang tatalakayin sa Senado sa 18th Congress ay ang divorce, death penalty, federalism, Trabaho Bill (Train 2), at PH-China joint exploration sa West Philippine Sea. Naunang ipinahayag ng kampo ng Pangulo ang kagustuhan na maipatupad ang mga naturang measures.

Mariing pinunto ni Sotto na ipapasa ng Senado ang mga panukala base sa kanilang merits at hindi dahil sa inindorso ang mga ito ng Pangulo.

“Kung, let’s say sabihin mo na dahil gusto ng Presidente ganito, ganitong batas, kung talagang mabuti naman at maganda, bakit hindi? Pero kung ipipilit lang na alam namin makakasama, I doubt kung papasa sa amin. Dahil sa Senate hindi ka puwede mag-ram through like for example sa House (of Representatives),” wika ng Pangulo ng Senado.

Samantala, sinabi ni Senate Minority Leader Franklin Drilon, gagawin lahat ng mga kasapi ng kanyang bloc ang lahat upang bantayan ang independence ng Senado.

“But if the Senate becomes a rubber stamp, we assure our people that we will not be a part of it. That will be the decision of the majority,” ani Drilon.

“Having said that, I have no doubt that any reorganization in the Senate will need the President’s blessing,” dagdag niya.

Isang independent Se­nate din ang inaa­sahan ng Malacañang sa pagbubukas ng 18th Congress. At naniniwala ang administrasyong Duterte na gagawin ng mga senador kung ano ang tama at nararapat para sa bayan kahit ano pa man ang kanyang kinabibila­ngang partido.

“The history of the Senate shows members of that chamber independent ever since. No Senate has ever been under any President. They always rise above parties and considerations when issues involve national interest, national security, and the interest of the Filipino people,” wika ni Panelo.

BADAC, solusyon sa drogang pinapasok sa baybaying dagat

by

BADAC

BLOKE-BLOKENG cocaine natagpuang lumutang sa karagatan ng Surigao del Sur, Davao Oriental at Aurora.

 

Ni: Jonnalyn Cortez

KASUNOD ng nakakagulat na ulat tungkol sa naglutangang bloke-bloke ng cocaine sa karagatan ng Surigao del Sur, Davao Oriental at Aurora, hinimok ni Senate President Vicente Sotto III ang Pangulong Rodrigo Duterte na muling buhayin ang Barangay Anti-Drug Abuse Council (BADAC) upang maiwasan ang pagpasok ng iligal na droga sa bansa, lalo na sa mga baybaying dagat.

Inamin ng presidente kamakailan na isang pagsubok ang pagbabantay sa mga shorelines, at marahil ang Medellin drug cartel ang nasa likod ng pagpasok ng cocaine bricks sa ating karagatan.

Inihayag ni Sotto na mas mahaba ang baybaying dagat ng Pilipinas kumpara sa United States, kaya lubhang nahihirapan ang Philippine coastguard na mag-monitor.

Dito naman papasok ang BADAC, na maaaring magkaroon ng malaking papel sa pagpigil ng pagpasok ng droga dahil mas masusubaybayan ng mga lokal na opisyal ang kanilang lugar.

Si Sotto ang may-akda ng BADAC na nakapaloob sa Republic Act (RA) 9165. Sa kasamaang palad, hindi ginamit ng nakaraang administrasyon ang naturang batas kahit pa ipinangako ng Department of Interior and Local Government (DILG) ang pag-activate nito.

“DILG was saying that they were activating it some time ago but very few followed. In fact, the more important ones covering the islands are not activated,” wika ng senador.

Nagsampa ng kaso ang DILG laban sa mga opisyal ng barangay na nabigong ayusin ang BADAC sa kanilang lugar.

Sa isang memorandum na inilabas ng DILG noong Hunyo 2015, binago ang BADAC upang bigyang-diin ang papel nito sa programa ng pamahalaan na pigilan ang pagkalat ng iligal na droga. Dapat umanong kabilang at pinapangunahan ng barangay ang pagsugpo sa droga.

Naglabas rin ang DILG at ang Dangerous Drugs Board noong Mayo 2018 ng isang joint memorandum na nagsasaad ng patnubay sa pagpapatupad ng tungkulin at pagiging epektibo ng lokal na anti-drug abuse councils.

SOLUSYON SA PAGPASOK NG ILIGAL NA DROGA 

Iminungkahi ni Sotto na maaaring maging solusyon ang paggamit ng BADAC sa matagal nang problema ng bansa sa pagpasok ng iligal na droga sa mga baybaying dagat.

“That problem has been there for a long time and that is why I created the BADAC in RA 9165,” pahayag ni Sotto na siya ring author ng Comprehensive Dangerous Drugs Act of 2002.

Dagdag pa ni Sotto, kumpara sa US na may kumpletong mekanismo upang bantayan ang kanilang shorelines, hindi kumpleto ang kagamitan ng Pilipinas.

“Our shoreline is longer than the US shoreline yet our Coast Guard is not as equipped as theirs,” wika ng dating vice mayor ng Quezon City.

Bunsod nito, ang muling pagbuhay ng BADAC ay magiging malaking tulong para sa administrasyong Duterte na pigilan ang shipment ng iligal na droga sa tulong ng barangay sa bawat isla, na mamumuno sa kampanya laban sa droga sa kanilang lugar.

“But there is a barangay in every island; therefore, activating the BADAC would greatly help,” paliwanag niya.

Sinabi naman ni Senator Sherwin Gatchalian na kailangang tukuyin ng mga anti-drug operatives ang mga namumuno ng drug cartels na nagpapasok ng iligal na droga sa bansa. “So that the full force of the law can be imposed upon them,” pahayag ng dating mayor ng Valenzuela.

ANO ANG BADAC?

Tinuturing na grassroots program ng DILG ang BADAC na naglalayong organisahin ang opisyal ng barangay at iba pang kinauukulan bilang unang linya ng depensa sa pagsugpo sa mga krimen na may kaugnayan sa droga sa kanilang lugar.

Binubuo ang konseho ng punong barangay bilang chairperson at ng miyembro ng sangguniang barangay, na siyang chair ng peace and order committee bilang vice chairperson.

Ilan sa mga miyembro nito ay ang miyembro ng sangguniang barangay na siyang chair ng committee on women and family, sangguniang kabataan chair, principal ng pampublikong paaralan o kanyang representante, executive officer o chief ng tanod, at isang representante mula sa bawat organisasyon na may kinalaman sa relihiyon o non-government organization.

Magsisilbi namang adviser ng BADAC ang municipal chief ng siyudad, pulis o kanyang representante.

MAHIGPIT NA SCREENING 

Matapos ang pagkaaresto ng isang miyembro ng BADAC sa buy-bust operation sa Cebu City, iminungkahi ni Cebu City Police Office (CCPO) director, Senior Supt. Royina Garma ang mahigpit na proseso ng pag-screen ng mga miyembro ng naturang konseho.

Dagdag pa niya, kailangan ding i-monitor ang aktibidad ng bawat miyembro sa oras na maging parte na sila ng BADAC.

“It’s very alarming kaya meron tayong BADAC because they should help or stop the proliferation of illegal drugs,” pahayag ni Garma.

“When you’re a member of BADAC, you’re supposed to be the model. And if you’re engaged in illegal drugs, it’s very bad.”

Kailangan din mag background checks ang opisyal ng barangay sa kanilang miyembro paminsan-minsan.

Nais din hingin ni Garma ang ligal na opinyon ng DILG ukol sa kanyang proposal. “We will refer it to the DILG in Cebu City,” wika niya.

Sa ngayon, hinihikayat ni Garma ang lahat ng istasyon ng pulisya na patuloy na makipag-ugnayan sa BADAC sa kani-kanilang lugar upang labanan ang pagkalat ng iligal na droga.

REORGANIZATION SA PAMPANGA

Sumailalim sa reorganization ang lahat ng BADAC sa 505 barangay sa Pampanga.

Sa isang campaign rally na dinaluhan ni House Speaker Gloria Macapagal-Arroyo at administration senatorial candidates Francis Tolentino, Ronald de la Rosa at Bong Go, kanilang hinikayat ang mga miyembro ng BADAC na huwag mapapagod magsikap na linisin ang kanilang barangay sa pinagbabawal na gamot.

“There can be no real economic growth without a stable peace and order situation,” wika ni Tolentino.

Dagdag naman ni De la Rosa, tumatakbo siya bilang senador upang tulungan ang pangulo na linisin ang bansa sa iligal na droga at krimen.

Pinayuhan din ng dating director general ng Philippine National Police (PNP) ang miyembro ng BADAC na bantayan at protektahan ang pamilya bilang istratehiya para iiwas ang kabataan sa bawal na gamot.

Sa karagdagan, hinimok ni Vice Governor Dennis “Delta” Pineda ang iba’t-ibang sektor na tulungan ang BADAC upang magampanan at ma-improve ang kanilang gawain.

“If you go easy, drug syndicates, peddlers, and users come back. Our villages need to be safe,” pahayag ni Pineda.

2019 Midterm elections, tuloy sa Mayo!

by

Comelec makikipagtulungan sa Facebook para sa pagseguro ng integridad ng darating na eleksyon.

 

Ni: Jonnalyn Cortez

NALALAPIT na ang 2019 midterm elections at may mga bulung-bulungan na posibleng magkaroon ng “no-election scenario” dahil sa mungkahing reenacted budget ni Senate President Vicente Sotto III.

Pinaliwanag ni Sotto na mas mabuti pang gumamit na lamang ng reenacted budget ngayong taon, kesa ipasa ang proposed 2019 General Appropriations Act (GAA), na sinasabing naglalaman ng bilyun-bilyong kwestyonableng insertions mula sa Kongreso.

Binura naman ni Senate Finance Committee chair na si Sen. Loren Legarda ang mga agam-agam nang siguruhin nitong may sapat na pondo ang gobyerno upang tustusan ang nalalapit na eleksyon, kung sakaling matuloy ang paggamit ng reenacted budget.

“We would like to assure the voting public and our government personnel that the Department of Budget and Management (DBM) will source the necessary funds for the midterm elections,” wika ng Senadora sa bicameral conference committee.

Paliwanag pa nito, personal niyang tinawagan ang mga opisyal ng Department of Budget and Management (DBM) at sinabi ng mga ito na ang pondo para sa eleksyon ay kukunin mula sa hindi pa nagagamit na P10 bilyong pondo ng Commission on Elections (Comelec) at Contingency Fund, na nasa ilalim ng Office of the President.

INIHAYAG ni Comelec spokesman James Jimenez na 90 porsyento nang handa ang Comelec para sa darating na eleksyon.

 

TULOY ANG ELEKSYON

Bukod sa nakaambang paggamit ng reenacted budget, may mga agam-agam ding hindi matutuloy ang 2019 midterm elections dahil sa Charter Change (Cha-Cha).

Sinabihan ng mga Katolikong obispo ang publiko na maging alerto sa diumanong tangkang ipawalang-bisa ang eleksyon sa Mayo.

Pinabulaanan naman ito ng Malacañang sa isang pahayag.

“There is no connection with that [federalism and no-election scenario]. I cannot see any connection. The President said there will be elections and it will be clean, honest and credible,” wika ni Presidential Spokesman Salvador Panelo.

VOTE counting machines hindi pa madadala sa NPO.

 

COMELEC, PUSPUSAN ANG PAGHAHANDA

Puspusan naman ang paghahanda ng Comelec para sa darating na 2019 midterm elections.

Inihayag ni Comelec spokesman James Jimenez na 90 porsyento nang handa ang komisyon.

“But as you know very well, it is the last 10 percent that takes forever,” wika nito.

Isa sa mga kailangang gawin bago sumapit ang eleksyon ay ang printing ng mahigit 60 milyong balota at ang paglalabas ng opisyal na listahan ng mga kandidato na tatakbo para sa national at local positions.

Hindi nga lang masiguro ni Jimenez kung kailan nila masisimulan ang printing dahil sa ginagawang mga pagkukumpuni sa National Printing Office (NPO), na siya namang naatasan na mag-print ng mga balota.

May patuloy na konstruksyon na ginagawa sa NPO at sinasabing napuno na ng alikabok ang lugar. Ayaw umanong ipagsapalaran ng Comelec na dalhin ang mga vote counting machine (VCM) sa NPO dahil na rin baka masira ito dahil sa alikabok.

Pagkatapos ng konstruksyon at nalinis na ang lugar, saka lamang pwedeng umpisahan ang pag-imprenta. Kung hindi naman, posibleng magkaroon ng delay.

“We just want to make sure that the verification process would not be affected because the printing is fast, it is the verification of the ballots that takes a long time, that is tedious because each ballot is manually fed into the machine,” paliwanag ni Jimenez.

“But you know in terms of the logistics, in terms of the structures, partnerships all of those are falling into place,” dagdag pa nito.

Sinabi rin ni Jimenez na 24 oras silang mag-print ng balota kapag nasimulan na nila ito at magdaragdag din sila ng mga tao.

BALLOT ngayong taon, asahang mas mahaba kaysa sa pangkaraniwan.

 

MAS MAHABANG BALOTA

Asahan naman ng mga botante na makakita ng mas mahabang balota ngayong darating na eleksyon dahil na rin sa mas maraming kandidato, tulad ng mga party-lists at senador, ang tatakbo ngayong taon.

“Our estimated length of the ballot is it will be 22 to 24 inches,” pahayag ni Jimenez.

Naglabas na ang Comelec ng listahan ng mga kandidato at meron itong 76 senatorial aspirants. Gayunpaman, maaari pa itong mabawasan dahil sa 13 dito ay naghihintay pa ng Certificates of Finality bago tanggalin ang kanilang mga pangalan sa balota.

Magkakaroon din umano ng pagbabago sa mga balotang gagamitin sa eleksyon.

Makikita na ang listahan ng mga party-list groups sa likod ng balota.

Ang mga makikita naman sa harap ay ang mga pangalan ng mga tumatakbo sa lokal na posisyon tulad ng mga kumakandidato sa House of Representatives, provincial governor at vice governor. Kabilang din dito ang gustong maging miyembro ng Sangguniang Panlalawigan, tulad ng mayor at vice mayor, at miyembro ng Sangguniang Panlungsod.

PAGPROTEKTA SA INTEGRIDAD NG ELEKSYON

Pinangako naman ng social media company na Facebook na sisikapin nitong protektahan ang integridad ng midterm elections sa bansa.

Sinabi ni Facebook director for global politics and government outreach Katie Harbath na nakikipagtulungan sa Comelec ang kumpanya at iba pang mga organisasyon upang maiwasang maabuso ang paggamit ng naturang platform.

“The goal of Facebook in elections is to make it harder to interfere with elections on the platform, and easier for people to make their voices heard in the political process,” wika nito sa isang press briefing.

“We are committed to tackling all kinds of inauthentic behavior and abuse on our platform, which we know often intensify during elections – from misinformation, misrepresentation and foreign interference, to phishing, harassment and violent threats – and we have dedicated teams working on every upcoming election around the world,” dagdag pa ni Harbath.

Makikipagtulungan din ang Facebook sa Comelec upang magsagawa ng conduct training para sa online safety para sa mga field officers at gagamitin ang platform na mag-share ng mga election updates at hikayatin ang mga botanteng lumahok sa eleksyon.

Sinabi naman ni Jiminez na kinikilala nila kung paano ginagamit ng mga kandidato at botante ang Facebok at kung paano gamitin ng mga tao upang malaman ang mga karagdagang impormasyon tungkol sa mga lider. Maaari rin nitong gawing “more accountable” ang mga namumuno sa kanilang mga nasasakupan.

“We are working closely with Facebook to deter threats to election integrity and ensure that we mitigate risks to safety during the midterm elections,” wika ni Jimenez.

Nakatakdang maganap ang 2019 midterm elections sa Mayo 13.

₱3.757-T 2019 budget inaprubahan ng Kongreso

by

Kongreso inaprubahan na ang 2019 budget bill.

 

Ni: Jonnalyn Cortez

IPINASA kamakailan ng Kongreso, sa pangatlo at panghuling pagbasa, ang bersyon nito ng ₱3.757-trillion 2019 budget.

Nakakuha ng botong 196-8 ang General Appropriations Bill (GAB) o House Bill No. 8169 ilang araw bago hilingin ni Senate President Vicente Sotto III na aprubahan ito ng mas maaga kesa sa target nitong Nobyembre 28.

Kumilos ang kongreso bunsod umano ng takot na muling gamitin ang 2018 budget kaya maagang inaprubahan ang bagong budget bill isang buwan matapos itong aprubahan sa pangalawang pagbasa at bago sumapit ang break ng Lower House sa Disyembre 12.

Tito Sotto nais suriin muna ang 2019 budget bill.

 

Alokasyon ng budget

Nakalaan ang ₱659.3 bilyon ng budget para sa sektor ng edukasyon. Para sa Department of Education (DepEd) ang ₱528.8 bilyon dito, ₱65.2 bilyon para sa State Colleges and Universities, ₱50.5 bilyon para sa Commission on Higher Education (CHED) at ₱14.8 bilyon para sa Technical Education and Skills Development Authority (TESDA).

Makakuha naman ng ₱555.7 bilyon, na pangalawa sa pinakalamalaking budget, ang Department of Public Works and Highways (DPWH). Tumaas ito ng 25.8 porsyento kumpara sa dating budget na ₱441.8 bilyon.

Makakatanggap naman ng pangatlo sa pinakamalaking budget na ₱225.6 bilyon ang Department of the Interior and Local Government (DILG). Mataas naman ito ng 30.9 porsyento o ₱53.2 bilyon sa dati nitong budget na ₱172.4 bilyon.

Ilan pa sa mga nangungunang makakatanggap ng malaking budget ay ang Department of National Defense (DND) na ₱183.4 bilyon; Department of Social Welfare and Development (DSWD) na ₱173.3 bilyon; Department of Health (DOH), ₱141.2 bilyon, kabilang na ang ₱67.4bilyon; para sa Philippine Health Insurance Corporation (PHIC); Department of Transportation (DOTr), ₱141.4 bilyon; Department of Agriculture (DA), ₱76.1 bilyon; Judiciary, ₱37.3 bilyon; at ang Autonomous Region in Muslim Mindanao (ARMM), ₱32.3 billion.

Tatanggap naman ng ₱909.7 bilyon ang programang imprastraktura ng gobyerno upang ipagpatuloy ang malawakang Build, Build, Build Program.

Pangulong Rodrigo Duterte may mga hiling na idagdag sa 2019 budget bill.

 

Hiling ng Pangulo

Sinasabing may ilang akusasyon mula sa ilang mga senador na ang pagkaantala ng pag-apruba ng 2019 budget ay dahil sa “congressional insertions.”

Pinabulaanan naman ito ni House Majority Leader Rolando Andaya Jr. sa isang press conference at sinabing may ilang hiling si Pangulong Rodrigo Duterte na idagdag sa budget.

“We are shifting to cash-based budgeting; it is something new… so we’re swamped by a very unusual number of requests coming from the executive, even coming from the President himself. May mga request na gustong ilagay doon sa version ng House,” anito.

Kabilang sa mga hiling ng Presidente ang mga naipangako nito sa mga mamamayan tuwing bibisita sa iba’t-ibang parte ng bansa.

 “(The President) has been going around various military camps, yung mga promises niya on housing and public works na naipapangako niya kapag umiikot siya,” dagdag ng representante ng unang distrito ng Camarines Sur.

Sinabi rin ni Andaya na halos ₱2 bilyon ang hiling ng Pangulo na ilaan para sa pabahay ng mga military personnel.

“[The House] is tying [its] best to keep the budget in line with the vision of the President,” ani Andaya.

Bukod sa Pangulo, meron din umanong mga hiling na idagdag sa budget ang mga miyembro ng Gabinete.

Realignment ng pork barrel

Kasama rin diumano sa 2019 budget and ₱53 bilyon na pang pondo sa pork barrel na binago naman mula sa appropriations ng DPWH.

Inilahad ni Andaya ang realignments bilang amendments na mula sa committee on appropriations. Mabilis na ibinaling ang naturang halaga sa mga programa para sa mahihirap at pangkalusugan ng gobyerno.

Mapupunta ang ₱5 bilyon dito para sa National Disaster Risk Reduction (NDRR) at Management Fund para sa rehabilitasyon ng mga lugar na lubhang sinalanta ng bagyong Ompong; ₱3 bilyon naman ay para sa Health Human Resources Development ng DOH upang solusyunan ang malawakang layoff ng 6,000 na nurse, doktor, at dentista; ₱3 bilyon para sa Technical-Vocational Laboratories sa ilalim ng DepEd, at ₱1.2 para sa Capital Outlay of State Universities and Colleges (SUCs).

Kabilang din dito ang ₱11 bilyon para ayusin ang mga daan upang maibsan ang trapiko sa mga lungsod; ₱10 bilyon para sa mga kilalang daan sa tourism areas; karagdagang ₱10 bilyon para sa mga daan sa mga lugar ng kalakalan, economic zone, livelihood centers at markets at ₱5 bilyon para sa farm-to-market roads (FMRs) ng Department of Agriculture (DA).

Pagsang-ayon ng Senado

Kailangan namang gumawa ng Senado ng sarili nitong bersyon ng 2019 budget bill bago ito lagdaan ni Pangulong Duterte. Maaari umanong gumamit ng reenacted budget ang gobyerno kapag nabigo itong mapasa ang 2019 bago matapos ang taon.

Mayroon na lamang umanong kakaunting oras na natitira sa Upper House upang suriing mabuti ang naturang budget bago ang nakatakdang schedule ng legislative session sa December 14.

Binigyang diin ni Sotto na hindi nito papayagan ang madaliang pagpasa ng panukalang 2019 national budget.

“We have to scrutinize. It’s the people’s money,” paliwanag nito. “We cannot be complacent or reckless about its passage. It’s not our fault if we suffer a re-enacted budget.”

Kinumpirma naman ni Andaya na hindi magkakaroon ng delay sa pagpasa ng bagong budget at hindi gagamit ng re-enacted budget ang gobyerno sa susunod na taon.

“Wala nang delay, just to allay the fears na magkakaroon ng re-enacted [budget] or we’re stalling. Wala pong ganun … And to make it clear, we will not have a reenacted budget for next year,” pagsisiguro nito.

13-anyos pwede nang makulong, pabor ka ba? 

by

ISANG menor de edad na nahuli sa paggamit ng iligal na droga.

 

Ni: Beng Samson

HINDI kaila sa nakararaming mga kababayan natin ang kabi-kabilang nababalitang mga krimeng kinasasangkutan ng mga menor de edad. ‘Pag sinabi nating menor de edad, ito iyong mga mababa sa disiotso anyos o labing walong taong gulang.

Ang minimum age sa criminal liability ay ang pinakamababang edad kung saan ang isang tao ay maaaring sampahan ng kaso sa korte at makulong.

Sa panahon ngayon, tumataas ang bilang ng mga krimeng kinasasangkutan ng mga menor de edad. Kabilang dito ang theft at robbery, rape, murder, kidnapping, homicide, at iba pang mga maliliit na krimen.

Karamihan sa kabataang ito ayon sa mga awtoridad at mga nabibiktima nito ay may mga lakas ng loob gumawa ng krimen dahil sa ipinatutupad na Juvenile Justice and Welfare Act of 2006 na inamyendahan ng Republic Act 10630. Ayon sa batas na ito, ang isang batang may edad na labinlimang taong gulang o mas bata pa na lumabag sa batas ay ipinalalagay na walang kriminal na pananagutan subalit kailangang sumailalim sa isang intervention program.

Ang iba pa nga sa kanila ay napatunayang ginagamit ng mga sindikato at mga grupong sangkot sa pagpapalaganap at pagbebenta ng iligal na droga bilang pag-abuso sa naturang batas.

Dahil dito, isinumite ni Senate President Vicente Sotto III noong Setyembre 25 ang Senate Bill no. 2026 na naglalayong amyendahan ang Republic Act 9344 o ang Juvenile Justice and Welfare Act of 2006, ang batas na nagbabawal sa mga batang may edad 15 at pababa na makulong.

“Not only was the law abused by criminals but the innocence of these youngsters were deliberately taken from them, (Hindi lamang ang batas ang naaabuso ng mga kriminal kundi pati ang pagiging inosente ng mga bata)”, ani Sotto kamakailan sa isang panayam.

Tinukoy pa ng senador ang video na nag-viral sa social media na nagpapakita ng pananakit ng batang 15 taong gulang sa kapwa batang menor de edad hanggang sa ito ay mamatay, at ang pagnanakaw ng mga batang lansangan sa isang tsuper ng pampasaherong jeep.

Ipinaliwanag din ng mambabatas na ang panukalang batas ay mag-aamyenda sa ilang probisyon ng umiiral na batas upang ang mga batang nasa edad na mataas sa 12 at mababa sa 18 ay sasailalim sa paglilitis, maliban kung mapatutunayang ginawa niya ang krimen ng walang pagkilala o pagkakaintindi. Sakaling magkaganoon, ang bata ay hindi papapanagutin sa batas, dagdag ni Sotto.

Mga menor de edad na nahuli sa pagamit ng iligal na droga.

 

Panukala, tinutulan, tinututulan

Matatandaang inihain na noong nakaraang taon sa Kongreso ang panukalang batas na naglalayong ibaba ang minimum age ng criminal liability sa siyam na taong gulang, bagay na tinutulan ng ilang Child Rights Group.

Ayon sa UNICEF Philippines, Child Rights Network at Philippine Action for Youth Offenders (PAYO), hindi maaaring ibaba ang minimum age sa criminal liability ng mga menor de edad dahil nakalagda ang Pilipinas sa United Nations Convention on the Rights of the Child.

Ibig sabihin, kinakailangang sundin ng gobyerno ng Pilipinas ang mandato na protektahan ang karapatan ng mga bata.

Taliwas din anila ito sa prinsipyo ng criminal law.

Paliwanag naman ng Psychological Association of the Philippines at Humanitarian Legal Assistance Foundation, hindi maaaring ibaba sa siyam (9) na taong gulang ang minimun age sa criminal liability dahil hindi pa ganap ang pag-unlad ng mga bata.

Bagamat masasabi anila na may kakayahan na silang matukoy kung ano ang tama at mali ngunit kulang pa rin ang kanilang kapasidad dahil sa murang edad ay hindi pa nila ganap na makita ang pangmatagalang epekto ng kanilang mga desisyon.

Batay sa tala ng Philippine National Police (PNP), siyamnapu’t-walong porsyento ng mga naitalang krimen sa Pilipinas mula 2006 hanggang 2012 ay gawa ng mga matatanda.

Dalawang porsyento lamang ng kabuuang bilang ng krimen ang kinasasangkutan ng mga bata na kung minsan ay ginagamit pa ng mga sindikato.

Dahil dito, ang dapat daw na hulihin ay ang mga sindikatong nambibiktima ng mga bata.

Global child rights group kay Sotto: ‘You are wildly wrong’

Tinututulan din ng Child’s Rights International Network (CRIN), isang global advocacy group, ang mungkahi ni Sotto.

“We reject in the strongest terms this proposal, which will serve only to criminalize more children and will do nothing to address the underlying reasons that children become involved in crime, (Tinututulan namin ang mungkahing ito, hindi ito makareresolba kung bakit nasasangkot ang mga bata sa mga krimen)”, ayon sa CRIN sa isang panayam.

Idinagdag pa ng grupo na mas dapat pagtuunan ng pansin ang mga may sapat na gulang na humihikayat sa mga bata na gumawa ng krimen at sila ang dapat na kasuhan.

Iginiit ng grupo na dapat i-dismiss ng Senado ang mungkahing ito ng senador sapagkat hindi anila ito ang solusyon para sa pagbaba ng krimeng kinasasangkutan ng mga bata.

Tinukoy din ng mambabatas na ang minimum age o pinakabatang edad sa Asya at Africa na dapat nang papanagutin sa batas ay 11, samantalang sa Estados Unidos at Europe ay 13.

Close Bitnami banner
Bitnami