PINAS

Ang Lihim ng Panginoon (Ikapitong Bahagi)

Sonspeak

Recent News:

Shane Asidao

Mga pwedeng gawin sa panahon ng tag-init

by

Ni: Shane Asidao

PWEDING gawin Tuwing summer, maraming mga estudyante ang na­kabakasyon sa kani-kanilang tahanan. Marami rin ang nagpupunta sa mga ‘beach’ o pasyalanan upang mabawasan ang init na nararamdaman at ma-enjoy ang sarili. Ngunit, maliban sa pagpasyal, ano ba ang mga puwede pang gawin tuwing summer?

Isa na rito ang paglalaro ng mga ‘board games’ kasama ang pamilya o mga kaibigan. Hindi lamang ito nagbibigay ng aliw, bagkus nasusubukan rin ang talas ng ating isipan at diskarte.

Puwede rin mag-sideline sa pagtitinda ng mga pampalamig gaya ng halo-halo, ‘ice candy’,  ‘shakes’, o ‘ice cream’. Masarap na, nakabawas sa init na nararanasan at higit sa lahat, kikita ka pa.

Ilan din sa mga puwedeng pagkaabalahan ang paghahabol sa mga serye na iyong sinusubaybayan.

Syempre, hindi na mawawala ang pagpunta sa mga ‘resorts’ o ‘beach’ para makaranas ng preskong hangin at ma-enjoy ang sarili.

Bagama’t maraming puwedeng gawin tuwing tag-init, alagaan ang sarili upang maka-iwas sa posibilidad ng ‘heat stroke’ at panatilihing uminom ng maraming tubig.

Paraan upang maiwasan ang ‘Author’s Block’

by

 

Ni: Shane Asidao

Author’s Block isa sa mga kalaban ng manunulat. Isa itong pagbagal sa ‘creativity’ o ideya ng isang manunulat. Tumatagal ito ng ilang araw, linggo at minsan, mga ilang buwan. Mahirap itong maranasan lalo na kung mayroong hinahabol na ‘deadline’.

Ayon sa University of Illi­nois at Urbana-Champaign, nagmumula ito sa hindi mapaliwanag na emosyon. May ilang pag-aaral naman na inihahalintulad ang ‘writer’ o ‘author’s block’ sa depresyon. Marahil na rin sa kawalang gana sa pagsusulat, hindi maka-isip ng bagong ideya o kaya naman, pagkawala ng mga salita.

Sa kabilang banda, mayroon namang hakbang upang malabanan ito at bumalik muli sa tono ng pagsusulat. Kasama na rito ang pagpapahinga, o pagbawi ng tulog para maging maayos ang daloy ng ‘oxygen’ sa iyong utak.

Ilan rin sa ginagawa ng mga manunulat ang pagtigil muna sa pag-iisip at gumawa ng sariling ‘recreational activities’ gaya ng pagpunta sa mga museyo, parke, o beach kasama ang pamilya at mga kaibigan upang mabuhay ang emosyon at maging inspirado sa susunod na isusulat.

Minsan, kailangan ding magpakalunod sa pagbabasa upang makakuha ng bagong ideya at matulu­ngan na magkapag-isip muli ng susulatin at mga bagong salita.

Panghuli, huwag kalimutan ang mag-ehersisyo, uminom ng maraming tubig at panatilihing payapa, malinis at maayos ang lugar kung saan ka nagsusulat.

Summer destination sa Pilipinas

by

Ni: Shane Asidao

ISA ang Pilipinas na mayroong samu’t saring bakasyunan. Nasa bansa na nga natin ang ilan sa mga pinakamagagandang lugar sa buong mundo. Tuwing sasapit ang ‘summer’, kabi-kabilang lalawigan ang sumisikat at pinupuntahan ng ilan nating kababayan at mga turista.

Ilan sa mga ito ang Siargao sa Surigao Del Norte. Umaabot man sa ilang oras ang byahe, hindi alintana ito sa mga gustong makaranas sa ‘surfing capital of the Philippines’.  Sikat ang Siargao dahil sa napakagandang tanawin at malinis na dagat. Maraming mga sikat na personalidad ang dumadayo sa lungsod. Kamakailan lamang, nagkaroon pa ito ng palabas sa sinehan. Marahil, walang hindi mabibighani sa ganda at sayang mabibigay ng lugar sa mga bakasyunista.

Sa kabilang banda, sikat ang Zambales sa mga gustong magbakasyon sa abot kayang halaga. Kabi-kabila ang ‘beach’ sa Zambales. Mayro­ong Anawangin, Nagsasa, at Capones na patok na patok lalo na sa mga estudyante. Dahil na rin sa pagiging ‘budget-friendly’ ng lugar, hindi maitatago ang ganda nitong hindi kayang pantayan ng kahit anong halaga.

Kung naghahanap ka naman ng puwedeng puntahan sa parteng ‘south’ ng Manila, nariyan ang Tagaytay at Batangas. Hindi na rin bago sa karamihan ang Tagaytay. Dahil sa apat na oras lamang ang byahe mula sa Maynila, dito mararanasan ang lamig at preskong simoy ng hangin. Marami ang puwedeng pasyalan sa Tagaytay gaya ng Picnic grove. Ilan din sa dinadayo rito ang napakasarap na bulalo at ang makasaysayang Bulkang Taal.

Sa Batangas naman matatagpuan ang ilang mga beach na ‘tourist destination’.  Sikat ang Masasa Beach dahil sa ‘white sand’ nito. Napakaganda rin ng tanawin sa Masasa. Kabilang na rin ang malinaw na dagat na tiyak na napakagandang i-post sa ‘Facebook; o ‘Instagram’.

Ilan lamang ito sa mga puwedeng puntahan tuwing sum­­­­mer. Sa dami ng magagandang destinasyon sa bansa, hindi ka na makakapili pa sa uunahing makita. Ngunit, lagi lamang tatandaan na huwag pabayaang maging madumi ang karagatan o ang mga lugar na iyong pupuntahan upang mapreserba ang ganda nito at ang yamang tubig na sariling atin.

Close Bitnami banner
Bitnami