SMNI News
Power black out sa Eastern Visayas, posibleng matagalan ayon sa DOE
Ni: Pol Montibon
POWER black posibleng tumagal pa bago maibalik ang suplay ng kuryente sa malaking bahagi ng Eastern Visayas dahil sa nangyaring lindol nitong nakaraang araw. Ayon sa DOE, maraming planta ang napinsala kayat hirap pa rin ngayon sa suplay ng kuryente doon.
Hanggang ngayon ay wala pang final assessment ang Department of Energy (DOE) kaugnay sa malakas na lindol na naganap sa probinsiya ng Leyte kamakaila.
Matatandaang isang 6.5 na lindol ang tumama sa Leyte at sinundan pa ito ng mahigit sa isandaang aftershocks ayon sa PHILVOCS
Dahil dito lubos na naapektuhan ang suplay ng kuryente sa malaking bahagi ng Eastern Visayas.
Ayon kay Energy Sec. Alfonso Cusi nasa limang planta ang naapektuhan dito at kailangang matingnan agad para di na tumagal pa ang problema ng kuryente sa mga apektadong lugar probinsiya.
Bumiyahe ang kalihim sa lalawigan ng Leyte upang personal na kausapin ang mga lokal na pamahalaan sa probinsiya at kung papaano agad na maibabali k ang power supply sa lugar.
Sa pagtaya ng DOE, aabutin ng hanggang sampung araw ang pagpapanumbalik ng kuryente sa Leyte sa kabila ng mga kinakaharap pang problema sa pagsasaayos ng mga planta dahil bukod sa pagkukumpuni, nanganganib din ang mga kinatitirikan ng mga ito dahil sa paglambot ng lupa dulot ng malakas na lindol.
Nangungunang Japanese cruise line magiging regular sa Pilipinas
Pinas News
Nakahanda ang Japan Cruise Lines (JCL), nangungunang cruise line sa Japan, na isama ang Pilipinas sa regular na itineraryo nito sa susunod na taon.
Ito ay inihayag ng Department of Tourism (DOT) at ng JCL.
“We are happy to announce that we will be deploying the Pacific Venus to the Philippines next year. We hope to receive the usual support for the safe and enjoyable stay of our passengers,” ayon sa pahayag ni JCL Managing Director Kenji Yoneda.
Unang dinala ng JCL ang Pacific Venus cruise line sa Puerto Prinsesa at Manila noong Nobyembre 2015 at sa Bohol, Boracay, Manila at sa Hundred Islands noong Nobyembre 2016.
Plano ng kumpanya na gawing regular ang itineraryo nito sa bansa sa taong 2018.
Tiwala naman si Tourism Secretary Wanda Teo na ang naturang plano ay magpapaunlad sa bilang ng turismo sa bansa.
“We are confident that with JCL resuming its operations in the Philippines, visitor arrivals from Japan will notably increase to enable this top four source market to inevitably rise from its present rank,” ayon kay Teo.
Sinabi ng DOT na isa ang cruise tourism sa siyam na product portfolios na kinilala ng National Tourism Development Plan (NTDP) ng ahensiya na magpapaunlad sa pagkakompetitibo ng bansa bilang tourist destination sa Asia-Pacific region.
Tiwala rin si Teo na marami pang mga international cruise operator na pipiliin din ang Pilipinas na isang regular na port of call.
“I am confident that more international cruise operators will find our country lucrative as we go about implementing key measures such as the development of port and shore-side infrastructure, facilitation of business entry and offering more exciting shore excursions, among others,” aniya.
