PINAS

Ang Lihim ng Panginoon (Ikalawang Bahagi)

Sonspeak

Recent News:

SMNI News

Kandidato ng PDP-Laban sa speakership race, malaki ang tsansang manalo

by

 

SMNI NEWS

NANINIWALA si Surigao Del Sur 2nd district Representative Johnny Pimentel na makakakuha ng pinakamalaking tsansa sa pagka-House Speaker ang PDP-Laban.

Sa panayam ng DZAR Sonshine Radio at SMNI News, sinabi ni Pimentel na maliban sa partido ni Pangulong Rodrigo Duterte ang PDP-Laban ay sila rin ang may pinakamaraming bilang na may 84 miyembro.

Subalit, sinabi ng kongresista na masasayang lang ang magandang pagkakataon nila kung hindi magkakasundo at magkakaisa sa pagpili ng magiging pambato sa pagka-House Speaker.

“’Pag hindi tayo nagka-ayos ayos dito, eh masasayang itong tsansa natin. Once iba ang magiging speakership, sigurado itong PDP Laban, mauubos iyan. Because kung let’s say ang… si Cayetano or si Martin ang magiging presidente, si Romualdez, yung iba diyan maglilipatan,” paliwanag ni Rep. Pimentel.

 

Mga pulis na mapatutunayang sangkot sa mga iligal na gawain, ipakukulong

by

PNP, nagpapatuloy ang internal cleansing sa hanap ng mga kapulisan.

 

SMNI NEWS

 

HINDI magdadalawang-isip ang Philippine National Police (PNP) na ikulong ang mga tiwaling pulis kapag napatunayan ang pagkakasangkot nila sa mga iligal na gawain.

Ito ang tiniyak ni PNP Spokesman Col. Bernard Banac sa panayam ng Sonshine Radio at SMNI News kaugnay ng pagdinig sa kaso ng higit 2 libong pulis na ini-uugnay sa iligal na gawain.

 “So lahat ng mga pulis na may kaugnayan dito sa iligal na droga, patuloy natin na minamanmanan. At kung saka-sakali man ay talagang ‘pag may ebidensiya tayo laban sa kanila, ay hindi tayo mangingimi, hindi tayo magdadalawang-isip na arestuhin ang mga ito at ilagay sa kulungan,” pahayag ni Col. Banac.

 

Ayon kay Banac, bahagi pa rin ito ng nagpapatuloy na internal cleansing sa hanay ng kapulisan.

Pangungunahan ng PNP Integrity Monitoring and Enforcement Group ang pagsasailalim sa imbestigasyon at lifestyle check sa naturang mga pulis.

Karamihan naman sa mga iniimbestigahang pulis na may matataas na ranggo ay iniuugnay sa iligal na droga, partikular na sa pangangalaga ng mga drug traders.

Dagdag pa ni Banac, hindi maaaring idahilan ang matinding pangangailangan sa buhay para pumasok sa mga iligal na gawain ang mga pulis.

“Madali kasing kumita at dala na rin ng kanilang pangangailangan. Pero hindi ito sapat na dahilan para lumabag tayo sa mga umiiral na batas,” dagdag ni Col. Banac.

Gazini Christiana Ganados na taga-talisay City, Cebu itinanghal bilang Miss Universe Philippines 2019

by

SMNI NEWS

WAGI ang Talisay City, Cebu beauty na si Gazini Christiana Ganados bilang Miss Universe Philippines 2019 sa ginanap na finals night sa Araneta Smart Colisuem kamakailan.

Kinoronahan siya mismo ni reigning Miss Universe 2018 Catriona Gray.

Si Ganados ang siyang marerepresent sa bansa sa Miss Universe 2019 pageant ngayong taon.

Ilan pa sa mga kinorohang binibini na kinatawan ng bansa sa iba pang international pageant ay sina:

Bb. Pilipinas International 2019: Bea Patricia magtanong na taga-Bataan

Bb. Pilipinas International 2019: Emma Mary Tiglao na taga-Pampanga

Bb. Pilipinas International: Leren Mae Bautista, na taga-Laguna

Bb. Pilipinas Grand International 2019: Samantha Ashley Lo, mula sa Cebu City

At Bb. Pilipinas Supranational 2019: Resham Ramirez Saeed, na nagmula naman sa Maguindanao.

John Lloyd Cruz at Bea Alonzo, spotted sa El Nido, Palawan

by

SMNI News

SPOTTED ang dating magka-love team na sina John Lloyd Cruz at Bea Alonzo sa El Nido, Palawan.

Sa Facebook post ni Ogie Diaz, makikita na masayang nagpa-picture ang dating magka-love team sa isang fan na nakita sila sa isang resort sa Palawan.

Dahil dito, maraming fans ng dalawa ang umaasa sa reunion project ng mga ito.

Huling nagsama si John Lloyd at Bea sa isa sa highest grossing Filipino movie na “A Second Chance” noong 2015.

2017 naman nang biglang nawala sa showbiz si John Lloyd dahil sa personal na kadahilanan.

Simula noon, naging mailap na sa media ang aktor maging ang kasintahan nitong si Ellen Adarna hanggang sa mapabalita na nanganak na nito noong nakaraang taon.

Alex Gonzaga, humingi ng paumanhin sa Parañaque mayor

by

Alex Gonzaga kasama si re-elected Parañaque City Mayor Edwin Olivarez.

 

SMNI NEWS

PERSONAL na humingi ng paumanhin ang tv host/vlogger na si Alex Gonzaga kay re-elected Parañaque City Mayor Edwin Olivarez.

Kaugnay ito sa na­ging patutsada ng 31 year old commedianne laban kay Olivarez habang nasa isang political campaign sa Parañaque kamakailan.

Matatandaan na tina­wag ni Alex si Mayor Olivarez na “may pagkamadugas” sa isang campaign rally ng kaniyang ine-endorsong partylist.

Dahil dito, inulan ng batikos ang kapatid ng celebrity din na si Toni Gonzaga.

Ayon naman sa alkalde, muli nitong iginiit na hindi niya dinamdam ang nasabing hirit ni Alex at na-appreciate raw nito ang personal nilang pagkikita.

Angel Locsin, nakagat ng aso sa mukha

by

SMNI NEWS

ISANG facial injury na­na­man ang natamo ni ­action-drama queen Angel Locsin.

Labis na nabahala ang mga fans ng aktres matapos nitong ihayag na si­ya’y nakagat ng aso sa muk­ha.

Sa kaniyang IG story, ibinahagi ni Angel ang kaniyang larawan na may­roong kagat ng aso sa kaniyang baba.

Ngunit hindi na ibinahagi pa ng aktres kung kailan at kung papaano niya ito natamo.

Magugunita na nitong weekend lang nagtamo ng blackeye si Angel na kaniya ring itinangging ­i-detalye.