PINAS

Ang Lihim ng Panginoon (Ikaapat na Bahagi)

Sonspeak

Recent News:

SMNI News

American rock band na The Maine, mag-coconcert sa Pinas

by

SMNI NEWS

BALIK Pilipinas nga­yong taon ang sikat na American rock band na The Maine para sa isa na namang concert.

Muling makikipagrak-­rakan ang banda sa mga Pinoy fans sa kanilang The Maine live in Manila 2019 concert sa September 14 sa New frontier theater sa Que­zon City.

Bagaman ikalawang solo concert palang ito ng The Maine sa Pilipinas mula noong 2012 ay makailang beses na ring nagtanghal ang banda sa Pilipinas tulad noong 2017 Bazooka Rock Festival, 2014 88123 tour at ang kanilang 2015 show kasama ang All Time Low.

Ilan sa pinasikat na kanta ng The Maine ay ang Numb Without You, Broken Parts at My Best Habit.

Robin Padilla, pinabulaanan ang mga akusasyon

by

SMNI NEWS

MATAPOS ang ilang buwang pananahimik, pi­nalagan na ng action star na si Robin Padilla ang mga akusasyon laban sa kaniya kaugnay ng 2019 midterm elections.

Nagsalita na ang Bad Boy of Philippine Movies tungkol sa mga paratang sa kaniya na pera at personal na interes ang nagtulak sa kaniya para iendorso ang ilang kandidato nitong nagdaang eleksyon.

Sabi ni Robin, pagmamahal sa bayan, sariling prinsipyo at paniniwala ang nag-udyok sa kaniya upang maglaan ng panahon na suportahan ang ilang kandidato noong eleksyon.

Giit pa nito, boluntaryo ang kaniyang ginawa at kailanman ay hindi na­ging dahilan ang pera, personal na interest at paninira kundi para aniya ito sa katotohanan lamang.

Humingi rin ng tawad ang aktor sa lahat ng kaniyang nakaalitan dahil sa pagkakaiba ng panini­wala sa politika.

Kasunod ito nanawagan si Robin sa publiko na ngayong tapos na ang halalan ay isantabi na ang pulitika at magkaisa sa law and order.

Ilan sa sinuportahan ni Binoe sa pangangam­panya ay ang mga kaalyado ni Pangulong Rodrigo Duterte na sina Bong Go at Bato Dela Rosa.

Daniel Padilla at James Reid, sanib-pwersa sa isang project

by

SMNI NEWS

MAGSASANIB pwersa sa isang ma­aksyong proyekto ang dalawa sa pinaka-sikat na young hearthtrobs ng henerasyon.

Sa unang pagkaka­ta­on, magtatambal ang ki­lig ambassadors na si­na Daniel Padilla at James Reid.

Nagkagulo ang mga fans nang ianunsyo ng dalawa ang kanilang pagsasama sa isang action-packed production na pinamagatang Doble Hataw.

Sabi ni Daniel, ma­ganda, cool at tiyak na maraming matutuwa sa first ever project nila ni James na magkasama.

Tila nag-hint naman si James at sinabing ang best part ng proyekto ay ang drifting at pagmamaneho nila ng sports cars.

Sisi Rondina at Regine Arocha, Volleyball Players of the Year

by

KINILALA ng Collegiate Press Corps Awards ang mga lady spiker na sina Sisi Rondina at Regine Arocha na tumanggap ng SportsVision Volleyball Players of the Year awards.

Nakapagpanalo na ang Tigress na si Rondina ng 3-peat championship sa beach volleyball at naka­pagbigay na ng kaniyang unang ginto sa UST sa UAAP Season 81.

Sa ngayon, ito na ang huli at ikalimang taon ng four-time MVP na si Rondina na maglaro para sa University of Sto. Thomas.

Habang pinangunahan naman ng lady chief na si Arocha ang finals ng NCAA Season 94.

Naiuwi ng Arellano University ang kanilang 3-peat championship kontra sa Our Lady of Perpe­tual Help University. Ang kampeonato ay nagbigay din kay Arocha ng kaniyang ikalawang magkasunod na MVP Award.

Kabilang din sa pina­ngaralan ng Collegiate Press Corps Awards ay ang National University Women’s Basketball Team na tumanggap ng Award of Excellence, ang Ateneo Player na si Angelo Kouame at si Javee Mocon ng San Beda, bilang mga pivotal players, CJ Perez ng Lyceum at Sean Manganti ng Adam­son University bilang mga impact players.

Player selection ng NBA All-Defensive Team, inilabas na

by

SMNI NEWS

NANGUNGUNA ang defensive Player of the Year na si Rudy Gobert at mga MVP finalist na sina Giannis Antetokounmpo at Paul George bilang mga highest vote-getter sa NBA All-Defensive Team.

Nakakuha si Gobert ng 7 first-team points at 196 points na nagbigay sa kaniya ng ikatlong sunod na first-team selection.

Sumunod naman si George na nabigyan ng 96 first-team votes at 195 points at pumangatlo naman si Antetokounmpo na may 94 first-team votes at 193 points.

Kabilang din sina Boston player Marcus Smart at Bucks Player Eric Bledsoe sa first-team selection.

Bubuo naman sa second team ang mga player ng Golden State Warriors na sina Draymond Green at Klay Thompson, Raptors star Kawhi Leonard, Philadelphia’s Joel Em­biid at New Orleans guard Jrue Holiday.

Ang mga paparanga­lang player sa NBA awards sa June 24 ay nanggaling sa selection ng panel na binubuo ng 100 writers at broadcasters.

Keith Thurman, nangakong tapusin ang career ni Manny Pacquiao

by

SMNI NEWS

SINABI ng American professional boxer na Si Keith Thurman na tatapusin nito ang legendary boxing career ng Filipino south paw na si Senator Manny Pacquiao.

Pagkakataon na aniya ipadala si Pacquiao sa full-time politics sa nalalapit na fight nila nga­yong Hulyo 20.

Kagaya rin aniya ito sa ginawa ng Filipino senator kay De La Hoya noong 2008 na humantong sa pagretiro ng American-Mexican professional boxer.

Ito ang kauna-unahang pay-per-view ni Thurman na may 29 (wins) – 0 (loses) kabilang ang 22 wins by knockouts.

Underdog naman ang 40-year old na senador sa July 20 fight na gaganapin sa Las Vegas para sa WBA belt.

Ang eight-division title holder ay may 61(w) – 7(loses), at 39 wins by knockout.

Close Bitnami banner
Bitnami