PINAS

Ang Lihim ng Panginoon (Ikapitong Bahagi)

Sonspeak

Recent News:

Social Security System (SSS)

Proseso ng maternity leave, mas pinadali ng SSS

by

 

JHOMEL SANTOS

 

MAS pinadali ngayon ng Social Security System (SSS) ang pagproseso ng maternity benefit claims.

Kasunod ito ng Ease of Doing Business Act and the Expanded Maternity Leave Law (EMLL) na ipinapatupad ng pamahalaan.

Ayon kay SSS President at Chief Executive Officer Aurora Ignacio, ang dagdag na guidelines ay para sa maternity bene­fit claims sa bawat delivery, miscarriage, o emergency termination ng pagbubuntis mula at pagkatapos ng Marso a-onse ng kasalukuyang taon.

Sinabi ni Ignacio na hindi na kasama ang dagdag na dokumento kung caesarean ang panganganak ng miyembro.

Paliwanag pa ng opisyal na ang mga kababaihang miyembro ng SSS na nag- aaplay ng maternity benefit claims ay may opsyon na mag-update o magmantine ng kanilang maiden names.

Dagdag pa ni Ignacio na ang SSS ay tatanggap at magpoproseso ng maternity claim applications at supporting documents kahit may konting  discrepancies o inconsistencies basta’t makikilala ang pagkatao ng  mga miyembro.

Adulting 101: Ano nga ba ang dapat pagkagastuhan?

by

adulting 101

PROBLEMA mo ba ang sahod mo na hindi na magkasya sa iyong mga pangangailangan kaya malayo pa ang sweldo, wala ka nang panggastos?

Alamin kung ano ang mga dapat mong gawin para makatawid sa petsa de peligro!

Ayon sa Labor Force Survey ng Philippine Statistics Authority (PSA) umabot sa 94.9 porsyento ang employment rate noong April 2019, patunay na marami sa bansa ang may trabaho ngayon kumpara noong mga nakaraang buwan.

Marahil din na nakadagdag ang mga bagong graduate na nakakuha agad ng trabaho.

Hindi natin maipagkakaila na habang tayo ay tumatanda, dumarami rin ang ating mga bayarin. Kaya naman, hanggat maaga pa disiplinahin na natin ang ating mga sarili.

Narito ang ilan sa mga investments ideas na maari mong gawin habang ikaw ay nagtratrabaho at kumikita.

Mag-invest sa sarili 

Bukod sa pera, mahalaga ang ating mga kakayahan at talento.  Hindi natatapos ang ating pag-aaral sa gra­duation.

Dapat lang na patuloy ang pagdagdag natin sa ating kaalaman habang tayo ay tumatanda. Kaya kahit na may edad na ay maaari pa rin tayo matuto ng iba’t-ibang bagay na naaayon sa ating interes.

– Mag-aral muli, mag double degree o kumuha ng master’s degree. Hindi hadlang ang edad kung gusto mo mag-aral, kung sa tingin mo ay makakatulong ito sa iyo ay tiyak na maganda rin ang magiging bunga nito.

– Kung ayaw mo naman umalis ng bahay ay maari ka mag-enroll sa mga online courses. Maraming mga nag-­ooffer nito online na hindi mabigat sa bulsa.

– Umattend ng mga career seminars at workshops nang sa gayon ay madagdagan ang iyong kaalaman sa trabaho at sa’yong sarili.

– Manuod ng mga ­tutorials na sumasaklaw sa iyong mga interes.

–  Mag volunteer upang makatulong sa mga ­nangangailangan.

Magtayo ng maliit na negosyo 

Kahit na ikaw ay bago pa lamang sa trabaho at maliit pa lang ang kinikita, maari kang magtayo ng maliit na negosyo.

Lahat nagsisimula sa wala, lahat nagsisimula sa maliit lang. Kaya gamit ang iyong maliit na sahod ay maari mo na itong ma-invest sa maliit na negosyo. Kailangan mo lang ng tiyaga, sipag at tiwala sa sarili. Hindi natin masasabi ang mga susunod na mangyayari kaya maganda ng magsimula ng maliit na negosyo nang sa gayon kapag dumating ang petsa de peligro ay mayroon kang mapagkukuhanan ng panggastos.

– Magbenta online, kung hilig mo ang pagbebenta ng mga damit, sapatos o kung ano-ano ay maaari mo itong pagkakitaan gamit lang ang iyong mga social media accounts.

– Kung mahilig ka ­naman magluto o magbake ay maari mo rin itong pagkakitaan sa simpleng pagbenta ng ulam sa tapat ng inyong bahay at maari mo rin itong i-promote online.

Mag-invest sa SSS at PAG-Ibig 

invest

Ang SSS o Social Security System at PAG-ibig ay iilan sa mga pangunahing insurance program sa Pilipinas. Maari ka rito mag-invest buwan-buwan simula 500 pesos sa PAG-ibig Fund at 1,000 pesos naman sa SSS. Ang mga programang ito ay kontrolado ng gobyerno kaya’t nakakasiguro na ligtas ang pera na ma-iinvest mo dito.

Makakatulong din ito para sa iyo upang magkaroon ka ng panggastos kung dumating man ang panahon ng panga­ngailangan. Bukas ang SSS Peso Program  para sa mga miyembrong may edad na 55 pababa. Kung nais mong maging miyembro ng progra­mang ito ay pumunta lamang  sa opisina ng SSS na malapit sa iyong lugar at kumuha ng SSS form, i-fill up yoon at isumite. Maari din mai-download ang form mula sa website ng SSS. Siguraduhin na tama ang bawat detalye na ilalagay mo rito upang maiwasan ang mga problemang dulot ng maling detalye.

Bukod sa form ay kinakailangan rin ang iyong birth certificate, baptismal at pasaporte bilang mga panguna­hing dokumento, ngunit kung wala ka naman ng mga ito ay maari mong ipakita ang iyong school ID, voter’s ID, driver license, marriage contract o ang birth certificate ng iyong anak. Pagkatapos mo maipasa ang mga dokumentong ito ay susuriin na ito ng verifier kung tama lahat ng detalye at kung aangkop pa ito sa mga impormas­yon at dokumentong ibinigay mo pagkatapos nito ay tatatakan na ito ng numero bilang patunay na approved ang iyong dokumento at ikaw ay miyembro na ng SSS.

Ang SSS program ay panghabang buhay na hindi mo dapat kalimutan. Kinakaila­ngan na maghulog ka rito nang tuloy-tuloy buwan-­buwan upang makuha ang benipisyo ng mga  miyembro ng programa.

Ang pagiging adult ay mahirap sa umpisa ngunit lahat naman ng umpisa ay nagsisimula sa mahirap hindi ba? Kakailanganin lang ng sapat na tiyaga, sipag at tiwala sa sarili na ano mang problema ang dumating ay masoso­lusyunan mo rin.

Hangga’t bata pa, hanggat kaya pa ay mag-invest na ng pasalamatan tayo ng future-self natin balang araw. Sabi nga, “never stop learning” marami man tayong natutunan sa loob ng paaralan ay mas marami pa tayong dapat matutunan sa panibagong yugto ng ating buhay. Ang pagiging matalino at madiskarteng mamamayan ay nagsisimula sa ating sarili.

 

CHAMPAIGNE LOPEZ

Bagong Komisyon para sa Boksing at Combat Sports ni Pacquiao aprubado na

by

Panukalang batas ni Pacquiao aprubado na ng Senado.

Ni: Jonnalyn Cortez

Inaprubahan na ng Senado sa pangatlo at panghuling pagdinig ang panukala ni Senador Manny Pacquiao na Senate Bill 1306 o ang Philippine Boxing and Combat Sports Commission Act of 2018.

Nais ng nasabing panukala na magtatag ng bagong Philippine Boxing and Combat Sports Commission na siya namang mamamahala sa kaligtasan at kapakanan ng Pilipinong atleta.

Nakakuha ang panukala ng 20 positibong boto sa Senado. Wala naman itong nakuhang negatibo at salungat na boto.

KAPAKIBANGAN NG BAGONG PANUKALA

Pinaliwanag ni Pacquiao na ang kanyang Senate Bill No. 1306 ay para sa kapakinabangan ng mga kapwa niyang atleta.

Bubuo at magpapatupad ito ng isang pambansang polisiya para sa kaunlaran, kaligtasan, at kapakanan ng mga propesyonal na boksingero at manlalabang Pilipino.

Pormal din na kinikilala ng nasabing panukala ang “combat sport” bilang anumang klase ng paligsahan, martial art at iba pang klase ng aktibidad na may kaugnayan sa pagsipa, pakikipaglaban, pagsuntok, paghawak, paghagis at pagtira sa kalaban.

Bukod sa mga lokal na atleta at iba pang mga stakeholder sa larangan ng propesyonal na pagboboksing , iniutos ng Lider ng Minorya ng Senado na si Franklin Drilon ang komisyon na magbigay din tulong ang ipinakilala nitong susog sa mga propesyonal na kasali sa mga paligsahang labanan.

“It is about time that these passionate athletes who bring honor to our country while risking their lives inside the ring be given due attention, proper aid and necessary support,” ani Pacquiao sa kanyang sponsor speech.

PAGBUO NG BAGONG BOXING AND COMBAT SPORTS COMMISSION

Bubuuin ang bagong Philippine Boxing and Combat Sports Commission ng limang miyembro. Isa rito ay ang magiging chairman ng komisyon, samantalang apat naman ang mga kasapi. Sasailalim ito sa administratibong pangangasiwa ng Pangulo.

Kailangang magpalista ang mga propesyonal na boxers at manlalaban sa Social Security System (SSS), National Health Insurance Program-Philippine Health Insurance Corporation (Philhealth), at ng Home Development Mutual Fund (Pag-Ibig) sa ilalim ng panukalang batas.

Kailangan ding may pisikal at medikal na eksaminasyon ang lahat ng propesyonal na boksingero at mga manlalaban bago sumabak sa isang labanan. Inihain din ni Pacquiao na maglalaan ito ng mga alternatibong programa sa kabuhayan para sa mga retirado at sugatang boksingero at mga manlalaban.

“We are aware that some have met their untimely death due to the lack, if not absence, of safety and emergency medical services while others face retirement without any kind of financial assistance or access to medical care,” ani Pacquiao.

Nakikita ng Senador ang malaking potensyal ng Pilipinas pagdating sa larangan ng boksing at iba pang mga paligsahan. Ginawa naman nitong halimbawa ang tagumpay ng mga kapwa boksingerong sina Pancho Villa, Gabriel “Flash” Elorde, Rolando Navarette, Luisito Espinosa, at Gerry Peñalosa bilang inspirasyon sa mga kabataang nais subukan ang larangan ng boksing.

“How many more of the likes of Nonito Donaire Jr., Donnie Nietes and Brian Viloria are waiting to be given the chance to give pride and honor to our country?” tanong nito.

 

Bagong Philippine Boxing and Combat Sports Commission bubuuin.

 

ANG PINAKAMATAGAL NA LABAN NI PACQUIAO

Natagalan naman bago naaprubahan ang Senate Bill 1306 o ang Philippine Boxing and Combat Sports Commission Act of 201 ni Pacquiao.

Sa katunayan, maituturing itong pinakamahabang laban ng Pambansang Kamao.

Isinumite ni Pacquiao ang nasabing batas noon pang Hunyo 30, 2016 sa unang araw ng 17thCongress. Isinangguni naman ito sa kanyang komite sa sports.

Pagkatapos ng anim na buwan, isinumite at sinuportahan ni Pacquiao ang ulat ng komite noong Enero 2017.

Sa kasamaang palad, walang naganap na pagdinig sa loob ng isang taon pagkatapos tuligsain ni Drilon ang panukalang batas.

Sa katunayan, tinuturuan pa ng Lider ng Minorya ang baguhang senador ng mga pangunahing kaalaman ukol sa batas. May mga oras din na hindi masagot ni Pacquiao ang mga tanong nito.

Sinimulan ni Drilon ang pag-uusig ukol sa panukalang batas noong Marso 14, 2017 na nagpatuloy hanggang Mayo 2017. Muli naman itong nagpatuloy nito lamang Agosto 1, 2018. Pagkatapos ng mahigit dalawang taon, pumayag si Drilon na tapusin na ang “interpellation.”

Una ng tinuligsa ni Drilon ang paglalagay ng Senate Bill 1306 sa ilalim ng Opisina ng Presidente. Anito, maaari namang palakasin na lamang ang kasalukuyang Games and Amusements Board (GAB) at huwag ng bumuo ng bagong komisyon.

Pinaliwanag naman ni Pacquiao na may pagkukulang ang GAB sapagkat meron lamang itong 154 na empleyado at may hawak na 22 iba’t-ibang uri ng paligsahan.

Bunsod nito, pinalitan at isinaayos na lamang ni Drilon ang panukalang ginawa ni Pacquiao habang isinasagawa ang indibidwal na susog mula Agosto hanggang Septyembre ngayong taon.

Isang valid ID na lang

by

Ang pagpirma ni Pangulong Rodrigo Roa Duterte sa Philippine Identification System (PhilSys) Act sa isang seremonya sa Palasyo ng Malacañang.

Ni: Quincy Joel V. Cahilig

Aminado ang marami sa ating mga Pinoy na hassle ang isang transaksyon kapag ito ay nangangailangan ng maraming valid IDs. Lalo na’t ang pagkuha ng mga government issued IDs ay talagang kailangang paglaanan ng panahon at pera.

Kaya minabuti ng pamahalaan na bawasan ang abala sa pagkuha at paggamit ng ID ng pamahalaan. Pinirmahan kamakailan ni Pangulong Rodrigo Duterte sa Malacañang ang Philippine Identification System Act, na nagtatakda ng isang klase ng identification card na magagamit para sa lahat ng transaksiyon sa lahat ng mga ahensiya ng pamahalaan.

Senador Panfilo Lacson, may-akda at sponsor ng Philippine Identification System Act.

Ayon sa batas na akda ni Senador Panfilo Lacson, itatatag ang Philippine ID System o PhilSys, isang centralized database ng mahalagang impormasyon ng lahat ng mamamayan at dayuhang naninirahan sa Pilipinas na lalabas sa identification card na ipapamahagi sa mga magrerehistro ng walang bayad.

Tataglayin ng National ID ang pangalan, kasarian, araw at lugar ng kapanganakan, at blood type. May biometrics information tulad ng mukha, finger prints, at iris scan. Bawat ID holder din ay magkakaroon ng permanenteng ID number o Common Reference Number na panghabangbuhay.

Samantala magiging optional naman ang paglalagay ng marital status at contact information tulad ng cellphone number, at email address.

Hindi na din kakailanganin pang kumuha ng mga government-issued IDs tulad ng Social Security System (SSS) and Government Service Insurance System (GSIS); Philippine Health Insurance Corporation (PhilHealth); Tax Identification Number (TIN); at Home Development Mutual Fund (Pag-IBIG Fund) sapagka’t taglay na ng National ID ang lahat ng impormasyong kailangan para sa pakikipagtransaksyon sa mga naturang ahensya.

Kaya naman kumpiyansa ang pamahalaan na malaking ginhawa ang hatid ng PhilSys sa mga mamamayan.

“For the ordinary Juan dela Cruz, the signing of this Act means that he will no longer have to present multiple identification cards simply to prove his identity,” pahayag ni presidential spokesman Harry Roque.

Aniya, ang pagkakaroon ng National ID ay bahagi ng kampanya ng Administrasyong Duterte kontra sa katiwalian.

“Through PhilSys, we hope to improve efficiency and transparency of public services and promote ease of doing business,” sabi ni Roque.

Naglaan na ang pamahalaan ng PHP2 bilyon mula sa 2018 National Budget para sa inisyal na pagpapatupad ng programa, na pangungunahan ng Philippine Statistics Authority (PSA).

Sa ilalim ng Philippine Identification System Act, isang ID na lang ang kakailanganin ng mga Pinoy para sa lahat ng transaksyon sa mga ahensiya at financial institutions ng gobyerno.

MALAKAS NA SUPORTA MULA SA MGA PINOY

“Extremely strong” na suporta ang natanggap ng PhilSys mula sa mga Pinoy base sa Social Weather Stations (SWS) survey.

Lumabas sa survey, na isinagawa mahigit isang buwan bago pinirmahan ng pangulo ang batas, na 73 porsyento ng mga Pinoy ang sang-ayon sa pagkakaroon ng National ID, at tatlo sa limang Pinoy ang naniniwalang malaki ang maitutulong nito sa kanila.

Maging ang Armed Forces of the Philippines (AFP) at ang Philippine National Police (PNP) ay naniniwalang malaki ang maitutulong nito sa kapayapaan at seguridad sa buong bansa.

Ayon kay AFP spokesperson Col. Edgard Arevalo, pahihirapan ng National ID system na makapaghasik ng lagim ang mga kriminal at terorista sa bansa.

“We believe it will promote a peaceful and secure environment where terrorists, criminals, and other unscrupulous individuals will have a difficulty coping to pursue their evil designs and nefarious activities,” wika ni Arevalo.

Aniya, hindi na makapagtatago at makapagpalit ng pagkakakilanlan ang mga masasamang loob kaya mapapadali na ang pagtukoy at pagdakip sa mga ito.

“With the new identification system, we will be able to check and validate their identities,” sabi ni Arevalo. “The former will remain in hiding and cannot avail of the mandated identification card lest they be exposed to arrest and prosecution. They will lose their freedom of movement. Their ability to transact business will be divested with no ID cards to present when demanded.”

Samantala, pinag-aaralan naman ng PNP ang pag-link ng data base nito sa PhilSys para mas mapahusay ang programa.

“With the PhilSys law now in effect, the PNP can look forward to migrating our own National Crime Information System and the National Police Clearance System to a national database for sharing with other government agencies to optimize the operational potential of the entire National ID system,” sabi ni Albayalde.

“All these government applications stand to benefit more than the quite limited law enforcement and internal security applications due to privacy and basic rights issues associated with gathering of personal information that need to be observed and upheld,” dagdag ng hepe ng pulisya.

Ayon naman kay Defense Secretary Delfin Lorenzana, bukod sa seguridad, malaking tulong din ang National ID sa mga relief efforts sa panahon ng sakuna.

“As a country prone to disasters, the system will allow improved distribution of aid to legitimate disaster victims. Matters such as this can now be better addressed because of the new law,” pahayag ni Lorenzana.

SEGURIDAD TINIYAK

Lumabas sa SWS survey na 61 porsyento ng mga respondents ang naniniwalang poprotektahan ng pamahalaan ang pribadong impormasyong taglay ng National ID, samantalang 49 porsyento ang nagtitiwala sa Duterte Administration na hindi nito gagamitin ang PhilSys laban sa mga kritiko nito.

Nguni’t sa kabila ng mainit na pagsuporta ng nakararami, may pangamba pa rin ang ilan pagdating sa privacy at data security, lalo na’t nagkaroon ng mga isyu noon ang gobyerno kung saan na-hack ang mga websites nito, kabilang ang sa Commission on Elections.

Nangangamba din ang mga data privacy experts sa ilang probisyon sa National ID system, tulad ng pagkakaroon ng record history ng lahat ng transaksyon ng bawat ID holder na maari umanong gamitin sa mass surveillance.

Kaagad naman pinawi ni National Statistician and Civil Registrar General Lisa Grace Bersales ang mga pangambang ito sa pagsabing tanging korte at ang ID holder lamang ang makapapahintulot  na maibahagi ang mga pribadong impormasyon.

“It’s very explicit in the law that only under two situations information will be shared. Only if the citizen says yes or the court says yes,” wika ni Bersales.

Siniguro ni Senador Franklin Drilion na protektado ng Data Privacy Act ang pribadong impormasyon na tataglayin ng National ID. 

Sinigundahan ni Senador Franklin Drilon ang pahayag ni Bersales. Aniya, sinuguro ng Senado na protektado ang lahat ng pribadong impormasyon taglay ng PhilSys sa ilalim ng Data Privacy Act.

“We have provided enough safeguards to protect the individual’s right to privacy and to prevent unscrupulous persons from accessing confidential information,” wika ni Drilon.

Samantala, upang matugunan ang lahat ng isyu at pangamba sa data privacy at security, inatasan ni Pangulong Duterte ang PSA na makipagtulungan sa National Privacy Commission, Department of Information and Communications Technology, at PhilSystem Policy and Coordination Council.

SSS, iginawad ang Best Media Partner sa DZRD Sonshine Radio Dagupan

by

 

 

 

 

 

 

 

 

 

 

 

 

 

 

Pinas News

Tumanggap ng award ang DZRD Sonshine Radio Dagupan bilang Best Media Partner ng Social Security System (SSS) Central I Division sa ginanap na 60th SSS Anniversary Sa Midory Hotel, Clark Pampanga kamakailan.

Isang malaking karangalan ng radio station sa pamumuno ng President and CEO, Pastor Apollo C. Quiboloy ang ganitong pagkilala at naisusulong ang kaniyang layunin dahil ang mga parangal na tulad ibinigay ng SSS ay indikasyon na nagagawa ang misyon ng istasyon.

Ang 60th SSS Anniversary ay dinaluhan ng SSS Central I Division kabilang na ang Dagupan City, Alaminos City, Urdaneta City, Tarlac City, Cabanatuan City, San Jose City, Iba, Mariveles, Quezon at iba pa kung saan ay naging matagumpay ang pinagkaisang programa na sa bawat sangay ng ahensya.

Dumalo sa okasyon ang SSS chairman, Amado Valdez na nagbibigay ng mensahe at inspirasyon sa mga empleyado at opisyal kung saan ay nanguna sa pamimigay ng award sa mga best sss emlpoyees at partners ngayong taong 2017.

Ang Balikat ng Bayan Award ay simbolo ng vision at commitment ng SSS na tumulong sa pagbibigay ng proteksyon sa bawat Pilipino.

Close Bitnami banner
Bitnami