PINAS

Ang Lihim ng Panginoon (Ikapitong Bahagi)

Sonspeak

Recent News:

South Africa

Underdog noon, Hall of Famer na ngayon

by

Tinanghal na NBA MVP si Nash sa dalawang magkasunod na taon.

 

Ni: Eugene B. Flores

SA isang bansang kilala sa larangan ng hockey, isang malaking inspirasyon si Stephen John Nash sa Canada at sa buong mundo sa pagpapatunay na may angking talento at kakayahan ang mga katulad niya upang makapaglaro sa National Basketball Association (NBA).

Hinirang bilang NBA Hall of Famer si Steve Nash matapos ang nakamamanghang karera sa mundo ng basketball.

Isa si Nash sa 13 miyembro ng Basketball Hall of Fame 2018.

“I was never even supposed to be here,” wika ni Nash sa entablado kaharap ang mga kaibigan, coach at pamilya.

LAKBAY PATUNGO SA ITAAS

“Play the long game. You don’t have to be the chosen one. If you’re patient, the plateaus will become springboards.” wika niya sa kanyang talumpati.

Ipinanganak noong Pebrero 7, 1974 sa Johannesburg, South Africa si Nash. Nag-migrate ang kaniyang  pamilya sa British Columbia ngunit permanente nang nanirahan sa Canada.

Lumaki ang bagong hirang na hall of famer sa larong ice hockey at soccer kung saan isang professional soccer player ang kanyang ama.

Nag-umpisa naman siyang maglaro ng basketball sa edad na 13.  Sumali sa iba’t-ibang invitational si Nash kung saan umasa ito na makakuha ng scholarship sa isa sa mga paaralan sa America. Ngunit walang nagpakita ng interes sa kanya bukod sa Santa Clara, na inamin niyang hindi niya kilalang paaralan.

Bagama’t nadala nito ang koponan sa ilang West Coast Conference Men’s Tournament titles, bigong makapaglaro sa ilang major college tournament si Nash na naging hadlang sa kanyang pangarap na makatungtong sa NBA.

Ngunit hindi siya natinag at nawalan ng pag-asa, hindi rin siya nagmadali. Nakapagtapos si Steve Nash sa kursong sociology at dito ay nagdesisyon siyang lumahok sa NBA draft kung saan kinuha siya bilang 15th overall player ng Phoenix Suns noong 1996.

Hindi naging mainit ang pagtanggap ng fans sa hindi sikat na si Nash at limitado rin ang oras nito sa court na nagresulta ng hindi impresibong mga numero.

Ngunit, di nagtagal, nagsimula ang pag-usbong ng karera nito nang makumbinsi ni Don Nelson, ang bagong head coach ng Dallas Mavericks noon, na lumipat siya ng koponan noong 1998.

Naging epektibo ang tambalan nila ng kapwa rising star noon na si Dirk Nowitzki at nadala ang koponan sa playoffs.

Taong 2004, bumalik si Steve Nash sa Phoenix Suns katambalan sina Shawn Marion, Joe Johnson at Amar’e Stoudemire. Makailang ulit silang nakapasok sa Western Conference finals ngunit kinapos upang makalagpas dito.

Bagama’t bigong makatikim ng kampyeonato si Nash, umani naman ito ng iba’t ibang parangal na nagbigay ningning sa kanyang karera.

Kasama ni Steve Nash (mula kaliwa) sina Ray Allen, Jason Kidd at Grant Hill sa 2018 Hall of Fame.

 

BUNGA NG PANGARAP AT PAGTITIYAGA

Kilala ang basketball bilang laro para sa mga higit na malalaki at malalakas. Wala si Nash ng mga katangiang ito ngunit pinatunayan niya na hindi ito hadlang upang maging isa sa mga tinitingalang manlalaro sa NBA.

Sumikat ang 6’3’’ na guard —na hindi katangkaran sa NBA kung saan may mga manlalaro na halos 7 feet — dahil sa kanyang basketball IQ at passing ability. Nagtala ito ng 8.5 assists per game sa kanyang 19 na taon sa liga. May kabuuan itong 10,335 assists, pangatlo sa pinakarami sa kasaysayan ng NBA.

Malaki ang naging epekto ni Steve Nash sa mga manlalaro sapagkat pinakita niya na hindi kailangang umiskor ng marami upang maging isang matagumpay na manlalaro.

Nagkamit din niya back-to-back ang Most Valuable Player award at walong beses na naging parte ng All-Star game.

Apat na beses din itong naging parte ng 50-40-90 club at limang beses na assist leader ng NBA.

“I was an underdog,” wika nito. “I scrapped and clawed my way into college and did the same again in the NBA. And I just never stopped and I kept working my way up. Eventually, I had the type of career that allowed me to be here. But when I came into the league I didn’t think there was anyone — myself included — that would have thought this would be the effect of my playing skills and ability.”

INSPIRASYON SA KABATAAN

Hindi maikakaila na isa sa pinakamagaling na guard si Steve Nash at isa sa pinaka-mapagkumbabang manlalaro sa kabila ng mga tagumpay na kaniyang natamo.

Naging mukha rin ng Canadian Basketball Team si Nash sa loob ng halos dalawang dekada. “His level of competitiveness drove Team Canada to win some great games and yet his biggest contribution may be how he has inspired the following generations to pick up a basketball. Wika ni Michele O’Keefe, presidente ng Canada Basketball.

Isa si Nash sa 13 miyembro ng 2018 Hall of Fame na kinabibilangan din ng dating teammate na si Grant Hill at Jason Kidd.

Tinapos ni Steve Nash ang talumpati sa pagbibigay ng inspirasyon sa lahat ng kabataan.

“For all the kids out there find something you love to do, do it everyday. Be obsessed. Balance can come later. Use your imagination, declare your intentions. Set small goals. Knock them off, set more goals. Gain momentum, built confidence. Go with deep belief, outwork people. Finally, never stop striving, reaching for your goals until you get there. But the truth is, even when you get there, it is the striving, fighting, pushing yourself to the limit everyday that you’ll miss and you’ll long for. You’ll never be more alive than when you give something, everything you have.”

Dating OFW, naging business magnate

by

Ni: Jonnalyn Cortez

Tumutulong na sa kanilang pamilya si Yco sa edad na 17 sa pamamagitan ng pagtitinda ng kamatis at sibuyas sa palengke.HINDI hinayaan ni Yco Tan ang kahirapan ng buhay upang mag-umpisa siyang mangarap at bigyang katuparan ang mga ito.

Habang nakasabit sa trak hawak-hawak ang kanyang basket, nakikipagsabayan sa mga lumulutang na basura at nabubulok na gulay, nagsi-mula na niyang tanungin ang kanyang sarili.

 “Ganito na lang ba ang buhay ko?” aniya. “Dapat ay may mas maganda pa kong plano para sa aking sarili.”

PAGLIPAD SA IBANG BANSA

Nakakita ng malaking tyansang umunlad sa buhay si Yco noong inimbitahan ito ng ka-nyang kaibigan na magtrabaho sa Saudi Arabia noong 1984. Sa edad na 19, pinalabas nilang 21 na siya upang mapayagang makaalis.

Nagsimula siyang magtrabaho bilang tao sa bodega ng isang department store. Kumikita siya noon ng SR850 o P5,000 kada buwan.

Patuloy na nangarap si Yco dahil alam niyang kaya pa niyang umunlad.

Kaya naman, kahit madalang magbigay ng promosyon ang mga Arabo sa mga Pilipino, ginawa niya ang lahat upang maging manager.

“The biggest challenge is still discrimination. At work, everybody knows that it’s the Filipinos who do most of the job. But when it comes to promotions, the last people they’d consider are Filipinos,” anito.

Sa loob ng dalawang taon, hindi na siya tao sa bodega, naging junior manager siya at naging assistant manager pa.

Pinag-aral din siya ng ka-nyang kumpanya sa University of Cape Town sa South Africa bilang ganti sa 18 taon na serbisyong kanyang binigay. Bumalik ito sa Saudi pagkatapos ng tatlong taon bilang isang store manager na.

Dahil dito, natulungan ni Yco na makapagtapos ng pag-aaral ang kanyang mga kapatid.

“Kung hindi ako umalis, siguro kahit isa sa amin ay hindi makakapag-college,” pag-amin nito.

PAGSISIMULA NG MAGANDANG BUHAY AT PAG-UNLAD

Pagkatapos malamang meron siyang chronic sinu-sitis, nagpasyang umuwi sa Pilipinas si Yco noong 2002 upang magsimula muli at magtayo ng sariling negosyo.

Sinubukan niya ng ka-nyang asawang si Elizabeth na magtayo ng patahian, na sa kasamaang palad ay hindi nagtagumpay.

Ginamit naman nila ang nakuhang P300,000 na utang pangkabuhayan mula sa Land Bank upang ilunsad ang kanilang kauna-unahang salon na EveGate sa Tabaco City, Albay. Pumatok ang naturang salon na naging daan upang mabayaran nila agad ang kanilang inutang sa bangko at magbukas pa ng ibang sangay sa buong rehiyon.

Sa ngayon, meron na silang 17 na salon sa buong Bicol.

Bukod dito, nagtutustos din sila ng mga gamit at gamot na pangpaganda sa mga salon sa Albay sa pamamagitan ng kanilang Adams Housing Salon Supply. Nagbibigay din sila ng mga pagsasanay para sa mga nais maging beauty at hair technician sa kanilang Evegate Technical Development Training Academy.

Sinubukan din nilang magbukas ng iba pang negosyo na nasa linya pa din ng pagpapaganda. Ilan na nga dito ang Salon de Estudyante, Fresh Up Nail and Body Spa at Spalon. Lahat ito ay sa i-lalim ng kanilang Tanvera Corporation.

PAGTULONG SA MGA PWD AT SENIOR CITIZEN

Maliban sa mga parangal na natanggap ng pamilya Tan, isang malaking dangal din para sa kanila ang maka-tulong sa ibang tao.

Sa katunayan, sinisiguro ng pamilya na makatulong sa mga persons with disabilities o PWD sa pamamagitan ng pagbibigay sa kanila ng trabaho.

Nakuha ng mag-asawa ang ideya na kumuha ng PWD na trabahador dahil sa kanilang kasama sa bahay na may problema sa pandinig.

“So everytime na nagtetraining si misis, nakikita namin siya na parang very attentive. Interesado siya. And when my wife asked her kung gusto niyang matuto, sabi niya very much willing daw siya,” kwento ni Yco.

Mula noon, siniguro na ng pamilya na kumuha ng kahit isang PWD na magtatrabaho sa bawat salon na meron sila. Nagbibigay din ang mga ito ng scholarship para sa mga PWD sa mga eskwelahan.

Nagbibigay din sila ng libreng pag-aaral ng masahe at physical therapy sa iba’t-ibang komunidad sa Bicol sa tulong ng Department of Social Welfare and Development o DSWD. Kinukuha naman nila awtomatiko ang lima sa pinakamagagaling na estudyante sa klase.

Kumukuha din sila ng mga senior citizens na kaya pang magtrabaho sa kanilang mga salon. “If we hire them, they become busy, earn money, and at the same time, become more beautiful. They get a reason and the means to dress up again and look good,” paliwanag ni Yco.

Gumagawa din sila ng mga outreach programs taon-taon upang magbigay ng libreng gupit, manicure, pedicure, at masahe sa mga kapus-palad.

PAYO SA MGA KAPWA OFW

Pinapayo ni Yco sa mga kapwa OFW na magplano ng maaga habang nasa abroad pa.

“Kailangan you come home prepared. You do a project. You do a business plan,” ani Yco.

Sinabi din nito na maaaring lumapit sa gobyerno upang makapagsimula ng negosyo.

“Lumapit ka sa gobyerno … like free training. May mga loan pa sila.

Syempre pa, ang mga katipan ng OFW na naiwan sa Pilipinas ay maaari ng magsi-mulang magnegosyo habang nasa abroad ang kanilang asawa. Isang hakbang na din ito patungo sa pagtupad ng kanilang mga pangarap.

Kailangan din na ang pipiliin ninyong negosyo ay yung malapit sa inyong mga puso.

“Kung ‘yung ginagawa mo ay ‘yung gusto ng puso mo, napakaikli ng 24 hours sa ‘yo,” pagpapatotoo ni Yco.

Lalaki, lumipad sa South Africa gamit ang lobo

by

 

Ni: San Antonio, Jomar M.

ISANG lalaking daredevil ang lumipad upang saksihan ang ganda ng South Africa sakay ng kanyang camping chair na tinalian ng kulang-kulang 100 helium balloons. Masasabing pamilyar ang istorya sa isang pambatang pelikula.

Ibinahagi ni Tom Morgan, 38-anyos, ang video ng kanyang nakita na tinuturing niyang isang “magical flight”. Pinuno niya ang mga lobo sa loob ng dalawang araw sa tulong na rin ng kanyang team.

Hindi man natuloy ang una niyang pagtatangka sa Botswana, nabawi naman ito ng kanyang nasaksihan sa South Africa.

“The problem was finding a good weather window and it was difficult to protect the balloons as they kept bursting,” ika ni Morgan.

Close Bitnami banner
Bitnami