PINAS

Ang Lihim ng Panginoon (Ikapitong Bahagi)

Sonspeak

Recent News:

South Korean President Moon Jae-In

Duterte, personal na pinasalamatan ang SoKor sa ibinigay na tulong sa mga biktima ng lindol sa Mindanao

by

 

ADMAR VILANDO

PERSONAL na pinasalamatan ni Pangulong Rodrigo Duterte si South Korean President Moon Jae-In sa ipinagkaloob na tulong ng South Korea sa mga biktima ng lindol sa Mindanao na umaabot ng $100,000.

Ginawa ni Pangulong Duterte ang pagpapaabot ng pasasalamat sa kanilang bilateral meeting ni President Moon sa sidelines ng ASEAN-Republic of Korea Commemorative Summit.

Kasabay nito, tiniyak din ni Pangulong Duterte kay Moon ang patuloy na pagiging mag-partner ng Pilipinas at South Korea sa pagtataguyod ng kapayapaan at katatagan sa ASEAN region.

Ipinagmalaki rin ni Pangulong Duterte ang patuloy na paglakas ng ekonomiya ng Pilipinas kasabay ng trade relations ng dalawang bansa.

Katunayan aniya, ikaapat ang South Korea bilang pinakamalaking trading partner ng Pilipinas noong 2018 kung saan nasa $13 billion dollar ang inabot ng trading deal ng dalawang bansa.

Japan, inalmahan ang pakikipag-dayalogo ng South Korea sa North Korea para sa kanilang missile test

by

Nanguna ang Japan sa mga bansang inalmahan ang alok na dayalogo ng South Korea sa North Korea sa darating na Hulyo a-beinte uno.

Ayon kay Japan Foreign Ministry Spokesman Norio Maruyama, hindi prayoridad na makipag-usap sa North  Korea, bagkus ay panahon na para i-pressure ang naturang bansa na itigil ang kanilang pagpapakawala ng missile.

Kung maaalala, madalas ay sa teritoryo ng Japan bumabagsak ang pinapakawalang missile ng North Korea.

Una rito, nag-alok pa rin ng dayalogo ang South Korea sa kabila ng sunud-sunod na missile test ng North Korea, sa hangaring tuldukan na ang mga mapanganib na aktibidad ng pangalawang nabanggit na bansa.

Nabatid na mismong si South Korean President Moon Jae-In ang nagsabi na kailangan ang dayalogo sa pagitan nila ng North Korea para maibsan ang tensyon sa nuclear at missile programs.

Close Bitnami banner
Bitnami