Star Cinema

Prequel ng blockbuster hit na “Four Sisters and a Wedding”, kasado na

March 9, 2020 by PINAS

EYESHA ENDAR

TULOY na tuloy na ang paglabas ng prequel ng 2013 blockbuster pinoy film na “Four Sisters and a Wedding”.

Inanunsyo ng Star Cinema ang pagsasagawa ng pelikula na mayroong titulong “Four Sisters before the Wedding.”

Pagbibidahan ito ng mga young stars na sina Alexa Ilacad, Charlie Dizon, Gillian Vicencio at Belle Mariano.

Gagawin ang pelikula sa ilalim ng direksyon ni Giselle Andres na siyang naging assistant director ni Cathy Garcia-Molina sa 2013 comedy-drama.

Magugunitang mainit na tinggap ng publiko ang 2013 film na pinagbidahan nina Toni Gonzaga, Bea Alonzo, Angel Locsin at Shaina Magdayao.

Ang “Four Sisters and a Wedding“ ay umiikot sa istorya ng magkakapatid na sina Teddie, Bobbie, Alex at Gabbie at tumatalakay sa common issues sa loob ng isang pamilya.

Jane De Leon: Millennial Darna

August 13, 2019 by PINAS

Larawang ibinahagi ng Star Cinema sa araw ng pag-anunsyo ng bagong Darna.

Ni: STEPHANIE MACAYAN

MATAPOS ang maraming audition at paghahanap ng gaganap na Darna, inanunsiyo ng Star Cinema na ang magsusuot ng pamosong pulang costume bilang Darna ay walang iba kundi si Jane De Leon.

Ang 20 taong gulang na si Jane De Leon ay ang susunod sa mga yapak nina Angel Locsin at Marian Rivera, Vilma Santos at Lorna Tolentino sa hindi makakalimutang Pilipina super hero na nilikha ni Mars Ravelo.

Maituturing din si Jane De Leon na millennial Darna.

Sino nga ba ang bagong Darna?

Ayon sa kaniyang youtube vlog ang tunay niyang pangalan ay Jane Florence Benitez De Leon.

“Galing siya sa grandmother ko which is Jane” aniya. Nabanggit din niya, ilan sa kaniyang pamilya ay gustong ipangalan sa kaniya ay Hyacinth, Amapola, at Jade.

Laking Laguna at mahilig din sa mga hayop itong si Jane, lalo na sa mga pusa.

Mga unang role na ginampanan

Kilalang talent ng Star Magic si Jane at gumanap na rin sa ilang mga TV shows at pelikula.

Noong 2017, isa siya sa cast ng The Debutants at gumanap bilang Jenny. Noong taon ding iyon, napasama siya sa fantasy drama series na La Luna Sangre kung saan ang kaniyang role ay isang bampira.

Lumabas din siya sa Wansapanatym Presents Tikboyong. At siya rin ay gumanap na 17-year-old rape victim sa isang episode ng legal drama na Ipaglaban mo.

Ngunit ang tumatak sa mga manonood ay ang kaniyang pag-ganap bilang Maggie Bartolome, na kapatid ni Lino Bartolome na ginampanan naman ni Jericho Rosales, sa top-rating primetime drama na Halik.

Dati ring miyembro si Jane ng GirlTrends, isang dance group ng It’s Showtime tuwing tanghali.

Paano napili bilang Darna

Pinaliwanag naman ni ABS-CBN Films Managing Director Olivia Lamasan ang naging proseso ng pagpili sa magiging Darna.

Ayon kay Lamasan isa si Jane sa napili sa 300 na artista na nag audition para sa role na Darna. Sinabi rin niya na nagbukas sila nag audition via talent scouts at camps ng Star hunt.

“Pinresent na si Jane sa amin a couple of years ago, and among all the 13 noon na Mr. M (Johnny Manahan) presented from Star Magic, natatandaan ng isang talent handler na ‘Inang, napansin mo na siya noon, itong batang ito pwedeng sumali ng beauty pageants. And then I saw her again in Halik. Sabi ko, Itong batang to, meron. There’s something about her. Pati si Direk Lauren (Dyogi) ito rin ang sabi. Bilang filmmakers, may nakikita kami. Natuwa nga ako na isa siya sa mga nag audition,” sabi ni Lamasan.

Malakas ang instinct

“Yung Darna story natin ngayon is a genesis story, a coming of age. Ang requirement talaga is somebody na young and with an air of innocence, but at the same time a strength of character,” sabi nito.

Nabanggit din ni Lamasan sa final deliberation ng audition, tinanong nila si De Leon kung gaano ka-committed ito sa inaasam na role. “I will do everything and anything for the role because I believe in her, I believe in what Darna stands for,” sagot ni Jane.

Reaksyon sa pagkakapili

Sa isang video sa Facebook na ipinost ng Star Cinema, makikita ang reaksyon ni Jane nang sabihin sa kaniya na siya na ang bagong Darna.

Inakala niya na isang callback lamang ang meeting na isinagawa kasama ang executives ng ABS-CBN.

Hindi siya makapagsalita at makapaniwala at halos hindi na rin makatayo sa kaniyang inuupuan nang mag simulang batiin ito ng “Congratulations” ng mga executives pati na rin ang director na si Jerrold Tarog.

Matapos ang anunsyo, nagpasalamat si Jane sa kanyang Instagram account sa tiwalang binigay ng bumubuo ng Darna.

“MARAMING MARAMING SALAMAT PO SA TIWALA! Pangako po na pagtratrabahuhan ko po ito at ibibigay ang lahat.”

Nagpakita naman ng suporta si Angel Locsin sa pamamagitan ng pag-comment sa IG post ni Jane. Agad naman niya itong sinagot ng pasasalamat.

“Congratulations, Jane de Leon” saad ni Locsin.

Maging si Liza Soberano ay nagbigay din ng mensahe sa kanya.

“I messaged her as soon as I found out and told her if ever she feels the weight of responsibility bestowed upon her she can always talk to me,” sabi ng aktres.

“I’m so happy for Jane De Leon and Star Cinema. I believe she embodies everything Darna possesses. Beauty, brains, strength, empathy and kindness,” sabi niya.

“I’m so excited for her career and to watch the movie! I can already feel Darna’s success,” dagdag niya.

Alam ng lahat na si Jane ang papalit kay Liza matapos ito mag tamo ng finger injury habang naghahanda para dapat sa kaniyang role sa Darna at napilitang umatras upang ipagamot ito sa ibang bansa.

Tiwala si Liza sa kakayahan ni Jane na gumanap bilang bagong Darna.

Simula nang inanunsyo ang bagong Darna ay ang tanging post lamang ang naging pahayag ni Jane tungkol sa bagong yugto ng kanyang karera.

Liza, mataas na ang lipad

July 24, 2018 by Pinas News

Ni: Melchor Bautista

NAKUKUHA na ni Liza Soberano ang kanyang marka bilang artista na magiging dahilan para magtagal siya sa showbiz. Nag-click ang loveteam nila ni Enrique Gil, dahil kumita sa takilya ang magkakasunod nilang pelikula.

Hindi nagpapabaya si Liza (Hope Elizabeth “Liza” Soberano sa totoong buhay) sa kanyang career. Patuloy niyang pinagbubuti ang kanyang acting para ma-ging ganap na aktres. Sa ngayon ay siya ang pantasya ng bayan dahil isa siya sa itinuturing na may pinakamagandang mukha sa hanay ng mga kabataang artista sa movie industry.

MISS BEAUTIFUL

Pinupuri si Liza na sa sobrang ganda raw ay hindi namimili ng anggulo ang hitsura sa mga eksena niya sa pelikula o kaya’y sa pictorial. Hindi makakalimutan ng mga Kapamilya stars ang naganap two years ago sa Star Magic Ball, nang maging agaw-eksena ang ka-loveteam ni Enrique.

Nang maglakad na noon si Liza sa red carpet patungo sa bulwagan, habang suot ang napakagandang gown ay sa direksiyon niya napunta ang mga mata ng mga taong imbitado sa event na iyon. Napako na ang kanilang paningin kay Liza na higit na nagningning ang ganda nang gabing iyon!

TAYONG DALAWA

Sa unang pagkikita pa lang nina Liza at Enrique ay naramdaman na kaagad nila ang paghanga sa isa’t-isa. Sobrang nagagandahan ang young actor sa mukha ng young actress. Para kay Liza ay nasa hitsura din ni Enrique ‘yung tipo ng lalake na hindi mahirap makagaanan ng loob. Dahil bukod sa guwapo, gentleman, maalala-hanin at sobrang malambing ang binata.

MUTUAL UNDERSTANDING

Sobra ang sweetness nina Liza at Enrique sa likod at harap ng kamera. kaya nga mararamdaman sa mga ginawa nilang pelikula ‘yung sobrang lapit ng loob nila sa isa’t-isa.

Nakakapamasyal na rin sila at nagbabakasyon sa ibang bansa nang sila lang ang magkasama. Kaya nga sabi sa showbiz ay kasal na lang ang kulang sa kanilang dalawa.

ANG LIMITASYON

Gustong mapanghawakan nina Liza at Enrique ang kanilang mga pangako sa kanilang sarili. Na mga bata pa sila para sa mas malalim na desisyon na puwedeng marating ng kanilang closeness. Hangga’t maari ay ayaw nilang sirain ang pagtitiwala ng mga taong naniniwala sa kanila, na career muna ang kanilang priority bago ang lovelife.

Malayo pa ang gustong marating ni Liza bilang artista. Hindi na mawawala ‘yung pagkikilala nila ni Enrique. Sila ang mga bida sa teleseryeng “Bagani” at patuloy na nakatutok ang magkapareha sa pagpapatunay na seryoso talaga sila sa mga proyektong ipinagkakatiwala sa kanila.

KAPALIT NI VICE GANDA

Dahil na rin sa kanilang tambalan ay sunod-sunod ang pagbibida nila sa mga teleserye at pelikula. Patunay iyon ng kanilang pagsikat. Higit sa lahat, naging paboritong product endorser si Liza ng mga naglalakihang kumpanya sa Pilipinas.

Dahil kay Liza ay nakabawi ang kanyang talent manager at komedyanteng si Ogie Diaz, na dati ring talent manager ni Vice Ganda, pero nagkahiwalay sila ng landas. Sabi nga ni Ogie: “Kahit wala na sa pagma-manage ko si Vice Ganda, ay heto’t meron naman ako ngayong Liza Soberano.”

BOTO SI ANGEL LOCSIN

Ang ABS-CBN ang muling maisapelikula ang “DARNA” sa pamamagitan ng Star Cinema. Si Angel Locsin ang isa sa huling gumanap sa papel nina Narda at Darna. Pero dahil sa kanyang health condition ay tinanggihan na niya ang nasabing proyekto.

Pumili ang Star Cinema sa mga pangalan ng marami nilang artista na puwedeng gumanap sa role ni Darna. Si Liza ang masuwerteng napili. Mayroong mga kumokontra. Pero ipinagtatanggol ni Angel si Liza, dahil para kay Angel ay bagay ang role kay Liza.

ANG SIGAW AT PAGLIPAD

Mahigpit ang pagbabawal ng Star Cinema sa mga taong may kinalaman sa pagsasapelikula ng maalamat na obra ng yumaong nobelistang si Mars Ravelo, na magbigay ng mga detalye tungkol sa project. Baka manakaw at gayahin ang mga ideyang nasa kabuuan ng magastos na pelikula.

Sabik na ang mga naghihintay na mapanood ang bagong pagbibida ni Liza. Inaabangan na rin kung ang nasabing pelikula ang maghahatid sa kanya sa tugatog ng kasikatan. Nasasabik na ang buong showbiz sa kanyang paglipad bilang bagong DARNA!

Bea ang new generation’s Movie Queen

May 25, 2018 by Pinas News

Ni: Rommel Placente

Walang nagawang pelikula last year si Bea Alonzo. Pero this year ay bumawi siya, mapapanood siya sa tatlong pelikula. Ang una na nga ay sa “Kasal,” mula sa Star Cinema. Ipinaliwanag ni Bea ang dahilan kung bakit hindi niya nagawang gumawa ng pelikula noong nakaraang taon.

Sabi ni Bea,”Because I was busy doing “A Love To Last” (ang seryeng pinagbidahan niya). Na-extend yung soap opera kaya po buong taon, yun lang ang pinagkaabalahan ko. And almost everyday po kaming nagti-taping, so wala po talagang room sa schedule ko to to do a film,”

Masaya na nakatrabaho ulit si Derek

Nakagawa na ng pelikula si Bea with Derek years ago. Una silang nagsama sa “One More Chance” (2007), na sinundan ng “And I Love You So” (2009), both from Star Cinema. How is it working with Derek again after so many years?

“It feels good na makatrabaho ulit si Derek,” sagot ni Bea.

“Kasi ewan ko, may iba sigurong chemistry, yun ang napi-feel ko at least, when doing a scene together. Parang napi-feel ko ang dali ng lahat, nagkakaintindihan kami. And nung napapanood ko sa monitor, pag preview, natutuwa ako. Sabi ko, nami-miss ko talaga si Derek sa isang Star Cinema movie. At lagi kong sinasabi sa past interviews ko, na si Derek is born to be a leading man. Kasi ang gwapo, oozing with sex appeal and he’s a good actor. Parang may mga tao talaga na ganyan, born to be an actor, to be a leading man.”

Working with Paulo

Si Paulo naman ay first time lang nakatrabaho sa pelikula ni Bea.

“First time naming magkatrabaho sa big screen. Iba rin, iba siya rito, iba ang binigay ni Paulo rito. Nakakatuwa kasi iba ang binigay niyang energy sa set.”

Si Bea ang sinasabi ng marami na new generation’s Movie Queen. At mula rin mismo sa dating binansagang Queen of Philippine Movies na si Susan Roces, sinabi niya na si Bea Alonzo ang Movie Queen ng kanyang henerasyon. At ang reaksyon ni Bea tungkol dito?

“Siyempre nakaka-flatter po pag naririnig ko. Pero para sa akin kasi marami namang queen, movie queen of this new generation. Nandiyan si Angel Locsin, si Angelica Panganiban. Pero of course, nakaka-flatter kasi sa totoo lang, first love ko talaga ang paggawa ng pelikula. Ito talaga yung medium na nai-enjoy ko talaga. So I guess, all I can say is thank you,”

Ang isa pang pelikula ni Bea na natapos niya ng gawin ay ang horror na “Eerie”, na kasama niya rito sa unang pagkakataon si Charo Santos-Concio. Mula ito sa direction ni Mikhail Red. Ang Eerie ay co-production ng Pelikula Red at Media East, at idi-distribute ng Star Cinema.

Bukod sa unang pagsasama sa pelikula nina Bea at Charo, ito rin ang kauna-unahang horror film ng aktres. Excited si Bea na nagkuwento tungkol sa first horror film niya.

First time sa horror movie

“Ay siyempre excited ako, kasi nga ito ang first time na nakagawa ako ng horror film, sa tagal ko sa showbiz. At natutuwa ako na nakatrabaho ko si Ms. Charo. I’m really overwhelmed.”

“I feel so blessed and I am so grateful na sa puntong ito ng buhay ko, nagdadatingan ang mga dati kong pinangarap. I’m very, very grateful.”

Aminado naman si Bea na natatakot siyang manood ng horror movies, pero heto at may natapos nga siyang ganitong tema ng pelikula.

“Di naman sa di fan, it’s just I’m so scared to watch.

“I’ve seen The Exorcism of Emily Rose, The Ring, it takes a lot of courage for me to watch.

“Unlike yung iba na ‘Ay masaya ito,’ I have to think about it nang matagal bago ako manood.

“Pero sabi nga nila, do something that scares you and this project scares me a lot. This project scares me.”

Malapit na ring simulan ni Bea ang pelikulang pagsasamahan naman nila ni Aga Mulach, mula pa rin sa Star Cinema.

“I will be working with Kuya Aga and Paul Soriano. Itong pelikula naman na ‹to will be shot in Canada, totally different characters.

“Yun na nga sinasabi ko, overwhelming yung blessings. “Gusto kong i-enjoy, to live in the moment”.

“Ayoko na maunahan ng kaba or maunahan ng pressure, gusto ko lang i-enjoy every moment.

“Parang tumayming nga, I’m so hungry for opportunities like this.”

Recent News: