Star Wars

Ni Edmund C. Gallanosa

SAMU’T saring naglalakihang pelikula ang tinatangkilik ng mga manonood mula sa iba’t ibang panig ng mundo. Magkakaiba man ang tema ng pelikula, basta pumatok sa panlasa ng mga manonood, kita ito sa takilya. Isa sa pangunahing tinatangkilik ng mga suki sa pelikula ang pagganap ng paborito o ginigiliw nilang mga artista. ‘Pag nasa pelikula ang paborito, sigurado dinudumog ng mga deboto.

Subalit alam ba ninyo na malaki ang impluwensiya ng isang pelikula sa paborito ninyong artista? Ang bawat pelikulang ginagawa ng mga artista ay maaaring makaganda o makasira ng kanilang career. Sa panahon ngayon, maging mga artista ay nag-iingat sa pagpili ng kanilang pelikulang gagawin.

Ngunit alam ba ninyo na may ilang piling artista na nalugmok sa alinlangan na ang kanilang pelikulang nagawa ay tatapos na sa kanilang career. Bagkus, hindi nila akalain simula pala ito ng pag-angat hindi lamang ng kanilang kita, pati na rin ng kanilang kasikatan. Minsan ang istorya sa likod ng isang pelikula ay mas makulay kumpara sa pumatok sa takilya.

Alamin natin ang ilan sa mga paborito nating artista, bigtime man sila, nag-aalangan din.

Sa buong akala ng aktor na si Arnold Schwarzenegger, na hindi papatok sa takilya ang ‘Terminator’ at halos itago pa niya ito sa mga kaibigan habang ginagawa niya ito.

**Si Arnold Schwarzenegger sa pelikulang Terminator.** Sino ba naman ang makakalimot sa Hollywood Blockbuster na Terminator? Na bagama’t pinasikat si Arnold ng pelikulang Conan the Barbarian at ng kaniyang sangkatutak na Mr. Universe title, ang Terminator ang nagdala ng katanyagan sa kaniya sa buong mundo.

Subalit alam ba ninyong binalaan si Schwarzenegger sa pagtanggap ng pelikulang ito? Ayon sa kaniyang agent, ang pagtanggap ng isang role bilang kontrabida ay maaaring magpalubog ng kaniyang career. Magkaganunpaman, tinuloy pa rin ni Arnold ang role kahit nag-aalangan siya rito.

Bagama’t tanggap ni Arnold ang role, hindi siya proud sa pagiging Terminator at sa katunayan ay hindi niya nakuhang ipromote ang nasabing pelikula. At nang maipalabas ito, tumabo ito sa takilya at isa na ito sa pinaka-iconic na pelikula sa kasaysayan ng Hollywood kung saan ang kontrabida ang tinuturing na bida sa pelikula. Umani ito ng limpak-limpak na papuri para kay Arnold bilang isa sa pangunahing action stars ng Hollywood sa hanay nila Sylvester Stallone at Bruce Willis.

Si CHRIS PRATT bilang si Peter Quill o ‘Star Lord’ sa pelikulang Guardians of the Galaxy

Chris Pratt ng Guardians of the Galaxy. Sino ba naman mag-aakalang maski ang superstar ng pelikulang Guardians of the Galaxy ay mag-aalangan din sa kanilang pelikula. Ayon kay Chris, duda na siya noong una pa lamang kung kakayaning tapatan ng Guardians ang kasikatan ng ilang Marvel movies tulad ng The Ant Man, Spider Man, Thor, Iron Man, higit sa lahat—ang Avengers. Sino naman daw sa mga fans ang magtitiyagang panoorin ang isang bida na nakikipag-usap sa isang ‘raccoon’ o sa isang puno—pabirong pahayag ni Pratt sa isang interview. Na bagama’t tinanggap niya ang alok na pagiging StarLord, hindi naalis sa kaniyang isipan ang kabahan sa nasabing proyekto. Tiyak siya, aniya, na hindi papansinin sa takilya ang pelikulang Guardians of the Galaxy.

Kabado man, nagkamali siya sa kaniyang akala. Hindi lamang napantayan nito ang ilang Marvel movies sa takilya, naungusan pa niya ang ilan pagdating sa fan base.

Si Keira Knightley para sa Pirates of the Caribbean. Ang pelikulang ito ay hinusgahan na nang maaga pa lamang habang ito ay ginagawa. Ang producer nitong si Michael Eisner ay halos pahintuin na ang pagsasa-pelikula nito dahil sa laki ng production costs, at isa sa mga batikang artista nito na si Keira Knightley ay nangumpisal sa isang interview na halos ilihim niya at itanggi sa mga kaibigan ang paggawa ng nasabing pelikula. Sapagkat para sa kaniya, sampu ng iba pa niyang kasama sa pelikula, kutob nilang hindi kikita ito sa mga sinehan. At sinong mag-aakala na hahakot pala ito ng milyun-milyon sa takilya, hindi lamang sa Estados Unidos kundi pati na rin sa ibang parte ng mundo at matatatak sa madla si Knightley bilang isa sa magaling na leading ladies ng Hollywood.

Nag-alangan na sa career niya ang batikang aktor na si Liam Neeson kung kaya nang magkaroon ng pagkakataong gumanap bilang aksyon star, ito ay pinatulan na niya sa pelikulang ‘Taken’ na pumatok naman sa pelikula.

Liam Neeson ng Taken. “An action-suspense movie with an unexpected plot and twist,” isa itong classic action movie na tumutumbok sa father and daughter relationship. Ayon sa panayam kay Liam, ang buod ng istorya na may temang ‘a man punches half of Europe to find his daughter’ aniya ay “too common for Hollywood” at inakala niyang lalangawin sa takilya. Magkaganunpaman, tinanggap lamang niya ang role dahil alam niyang hindi na siya magkakaroon ng pagkakataong gumawa ng isang action movie dahil sa siya ay may edad na kumpara sa ibang mga artista.

Sa hindi inaasahang pagkakataon, kumita ang pelikulang Taken at nagkaroon pa ito ng dalawang sequel. Bagama’t common ang plot nito, hindi inaasahan ng madla na ang magandang takbo ng istorya sa pagitan ng isang “out of season” na amang naghanap sa kaniyang anak na kinidnap para gamitin sa white-slavery sa Europa ay tatangkilikin ng madla. Kung hindi pa ninyo napapanood ang pelikulang ito, ito ay highly recommended para sa lahat.

GEORGE Lucas sa Star Wars Episode IV

Si George Lucas ng Star Wars. Hindi makukumpleto ang listahan natin kung hindi mababanggit ang isa sa highest grossing film of all time, ang Star Wars Episode IV, noong lumabas ito dekada ‘70. Subalit alam ba ninyo na mismo si George Lucas, ang lumikha ng Star Wars Universe ay duda sa kaniyang pelikula na hindi kakagatin sa takilya. Iba naman ang pananaw ng kaniyang kaibigan na si Steven Spielberg, ang lumikha ng E.T.-Extra Terrestrial. Ani Spielberg, mas maganda at siguradong tatangkilikin ang Star Wars kaysa sa kaniyang nilikha nang panahong iyon, ang Close Encounters of the Third Kind. Dahil dito, nagkasundo ang dalawa na magpustahan, 2.5% ng kikitain sa Star Wars ay mapupunta kay Spielberg—sapagkat ganun kapanalig si Spielberg na kikita ang pelikula ni Lucas.

Ang resulta, kumita ng higit-kumulang 40 million dollars si Spielberg sa pelikulang Stars Wars: A New Hope. Bagama’t talo sa pustahan si Lucas, hindi naman naging masaklap sa kaniya ang nangyari sapagkat naging bilyonaryo naman si George Lucas dahil sa Star Wars franchise.

Ni: Ana Paula A. Canua

HINDI na lang natin sa pelikula mapapanood ang laser fighter jets, dahil ngayon maaari na itong makita sa giyera ito ay kasunod ng pagpirma ng U.S. Air Force Research Lab sa $26.3 million kontrata sa kumpanya ng Lockheed Martin para mag-develop ng ‘high –energy laser weapons’ na ‘lightweight’ at ‘compact’ na babagay at kakayaning ilipad ng fighter jets.

Ang kumpanyang Lockheed Martin ay isang aerospace, defense at technology company na nakabase sa Bethesda, Maryland.

Bagsik ng laser weapon

Matagal na ring naimbento ang laser na kadalasan ginagamit bilang panghiwa sa mga mamahaling bato o di kaya ay para sa infrastructure engineering. Ang iba’t ibang klase ng laser ay na-develop na sa loob ng maraming taon kabilang ang uri ng laser na pinakamabisang pangtunaw na ginagamit sa larangan ng medisina.

Ngunit sa pagkakataong ito gagamitin ang laser bilang pandigma—panglaban– pangpuksa ng kalaban. Hindi na lamang ito basta imahinasyon, dahil nasa himpapawid na ang mabilis na sandatang pupuksa sa ano mang humamon dito.

Karaniwang mabigat ang mga laser weapon, kaya naman sa imbensyon na nais gawin ng Lockheed Martin ay gagawin itong mas magaan habang may kaparehas na bagsik ng malalaking laser weapons.

Noong taong 2015 naging matagumpay ang test na isinagawa sa laser weapon na tinawag na ATHENA o Advanced Test High Energy Asset, matapos nitong tirahin at tunawin ang harapan ng isang truck na isang milya ang layo, nang wala pang isang minuto. Kasunod nito, may naunang ginawa ang Lockheed Martin na Laser Equipped Research Planes para masukat kung hanggang saan ang kapasidad ng aircraft lasers.

At sa pagkakataong ito sa tulong ng alokasyon na binigay ng U.S Air Force Lab, mas mapapalawig at magiging posible na magawa ang laser-jet planes.

Laser ground vehicle

Sa kasalukuyan naman, mayroong imbensyon ang Lockheed Martin na laser installed equipment kung saan maaari itong ilagay o i-install sa ano mang ground vehicle upang mapalapit sa target nito, ang nasabing imbesyon ay hawak na ng U.S Army.

“Earlier this year, we delivered a 60-kW [kilowatt]-class laser to be installed on a U.S. Army ground vehicle,” pahayag ni Rob Afzal, senior fellow for laser sensors and system ng Lockheed Martin, “It’s a completely new and different challenge to get a laser system into a smaller, airborne test platform. It’s exciting to see this technology mature enough to embed in an aircraft.”

Invisible laser

Kumpara sa napanood natin sa pelikulang “Star Wars” walang kulay ang laser na ginawa ng Lockheed Martin, at dahil ito ay nakatutunaw na liwanag nangangahulugan na kasing bilis din ito ng liwanag. Ibig sabihin walang makakaiwas at makakakita sa pagtama ng mga laser weapon na ito.

Nasususi pa lamang ng kumpanya ang kanilang laser equipments sa bato, drone at sasakyan. Ang maliit na bagay ay maaring tunawin ng laser at walang bakas nitong iiwanan ang nilusaw na gamit, samantalang ang pag-laser sa malalaking metal naman ay magdudulot ng butas.

Laser bilang pandigma

Ayon sa Lockheed Martin layunin ng kumpanya nila na tulungan ang U.S Armed Forces na puksain ang maliit na targets gaya ng drones o explosives na mahirap tamaan ng baril o normal na defense equipment gaya ng missiles at bala.

“I really see laser weapons and kinetic weapons being side by side on the battlefield, and together providing the defense that our forces need against traditional threats — kinetic weapons — emerging, inexpensive proliferated threats — laser weapons,” pahayag ni Iain McKinnie, business development lead for laser sensors and systems ng Lockheed Martin sa video na nilabas ng kumpanya habang pinapakilala ang kanilang mga imbensyon.

Ayon sa kontrata inaasahan na matatapos ng kompanya ang laser-fighter jet sa taong 2021.

Dapat ba itong katakutan?

Katulad ng nuclear weapons na hawak ng ilang bansa, isang mapanganib na armas ang laser. Ang tanong palagi ay, paano kung gamitin ito hindi para pangalagaan ang seguridad ng isang bansa, kundi para manira at magdulot ng banta sa seguridad at kapayapaan ng ibang bansa?

Kung lubos na tinangkilik ang pelikulang ‘Star Wars’ dahil sa nakamamangha nitong labanan at mga karakter, nakalilibang pa kaya kung maisasabuhay ang eksena ng tunggalian. Sino ang nagwawagi sa giyera ng kapangyarihan.

Dahil sa huli gaano man nakakabilib ang teknolohiya at imbensyon kung sa likod nito ay masamang intensyon panigurado kasiraan at kawalan ng kaayusan lamang ang bunga nito.

Star Wars

Alangan na artista, patok sa takilya!

Alamin natin ang ilan sa mga paborito nating artista, bigtime man sila, nag-aalangan din.

Sa buong akala ng aktor na si Arnold Schwarzenegger, na hindi papatok sa takilya ang ‘Terminator’ at halos itago pa niya ito sa mga kaibigan habang ginagawa niya ito.

Si CHRIS PRATT bilang si Peter Quill o ‘Star Lord’ sa pelikulang Guardians of the Galaxy

Nag-alangan na sa career niya ang batikang aktor na si Liam Neeson kung kaya nang magkaroon ng pagkakataong gumanap bilang aksyon star, ito ay pinatulan na niya sa pelikulang ‘Taken’ na pumatok naman sa pelikula.

GEORGE Lucas sa Star Wars Episode IV

Laser weapons bilang armas pandigma

Recent News:

Star Wars

Alamin natin ang ilan sa mga paborito nating artista, bigtime man sila, nag-aalangan din.

Sa buong akala ng aktor na si Arnold Schwarzenegger, na hindi papatok sa takilya ang ‘Terminator’ at halos itago pa niya ito sa mga kaibigan habang ginagawa niya ito.

Si CHRIS PRATT bilang si Peter Quill o ‘Star Lord’ sa pelikulang Guardians of the Galaxy

Nag-alangan na sa career niya ang batikang aktor na si Liam Neeson kung kaya nang magkaroon ng pagkakataong gumanap bilang aksyon star, ito ay pinatulan na niya sa pelikulang ‘Taken’ na pumatok naman sa pelikula.

GEORGE Lucas sa Star Wars Episode IV