PINAS

Ang Lihim ng Panginoon (Ikaapat na Bahagi)

Sonspeak

Recent News:

Stephanie Macayan

Karaniwang sakit ng mga babae, iwasan

by

HANGGA’T maaga piliin ang healthy lifestyle upang maiwasan ang mga karamdaman.

 

Ni: STEPHANIE MACAYAN

ANO ang mga karaniwang sakit o karamdaman na partikular sa mga kababaihan? Dapat alam ng bawat babae upang ito ay maiwasan?

MAYROONG mga karamdaman na maaaring mga babae lamang ang nagkakaroon, at iba naman sa kalalakihan. Malamang ay alam mo na ang mga karamdamang ito ngunit dapat alamin kung paano ito maiiwasan.

Hindi dapat maging kampante dahil walang pinipili ang mga sakit na ito, kaya ito ay ating alamin.

Breast cancer.  Marami ang nagsasabi na kung madalas na nasasagi o nababangga ang dibdib ay maaring magdulot ng breast cancer. Ngunit ayon sa pag-aaral walang pangunahing dahilan kung bakit nagkakaroon ng breast cancer.

Ayon kay Dr. Maria Kaiserin Santos-Lipan sa programang Good Vibes ng DZMM, walang katotohanan ang sinasabing ang pagbunggo o pagsagi sa dibdib ng babae ay nagdudulot ng breast cancer.

Kung madalas na nangyayari ito sa ‘yo, hindi nito naaapektuhan ang trauma na natatamo ng suso.

“Ang trauma, hindi diretso, pero siyempre kahit anong bahagi ng katawan kapag paulit-ulit na… ‘yong mga cells nalilito kasi ang cancer talaga ay extra growth ng cells,” paliwanag ni Lipan.

Maging ang haka-haka na mayroong klase ng bra na nakapagdudulot din ng kanser sa dibdib ay tinalakay ni Lipan. “Dapat ang bra ay tama ang sukat, tama ang numero, tama din ang letra o ‘yong cup.”

Upang makaiwas sa breast cancer, dapat bawasan ang pag-inom ng alcohol, paninigarilyo at panatilihin ang healthy lifestyle. Makakatulong din ang breastfeeding. Iwasan din ang pagbababad sa radiation at polusyon.

Coronary heart disease. Makukuha ang sakit na ito kung mahilig sa pagkain na mataas ang cholesterol tulad ng mga fast food at processed meat.

Sa programang  Magandang Gabi Dok ipinaliwanag ni Dr. Hermogenes Saludes, isang adult interventional cardiologist, na dahil sa pag deposito ng mga taba sa arteries o ang daluyan ng dugo sa puso ay nangyayari ang coronary heart disease.

“To put it simply, ang coronary heart disease ay pagkakaroon ng dahan-dahang pagka-deposito ng taba, cholesterol na nagiging plaque eventually in such a way na mas makipot na ang daluyan ng dugo papunta sa muscles ng heart,” paliwanag niya.

Maiiwasan ito kung bibigyan ng oras ang pag-aalaga sa katawan. Mag work-out, kumain ng tama, iwasan ang paninigarilyo at kung maaari ay panatilihin ang nararapat na timbang ng katawan.

Maaari rin magresula sa coronary heart disease ang stress, kaya kung maaari ay magkaroon ng positibong pakikitungo sa kapwa at iwasan ang pakikipag-away.

Lower respiratory tract infection (LRTI). Kasama ang pneumonia, bronchitis at tuberculosis sa lower respiratory tract infection. Ang mga ito ay nakakaapekto sa daluyan ng hangin.

Ang pangunahing sintomas ng taong may LRTI ay ang madalas na pag-ubo. Ang kadalasang dahilan nito ay mga substance na maaaring makairita o magpamaga  sa daluyan ng hangin sa baga na nagdudulot ng impeksyon. Ito ay mga usok ng sigarilyo, alikabok, kemikal, allergen at air pollution.

Nabubuo ito sa madalas na ubo at lagnat, paghina ng immune system, kung nasa edad 65 taong gulang.

Maiiwasan ang LRTI  sa pamamagitan ng maiging paghuhugas ng kamay, pag-iwas sa paghawak sa mukha kung madumi at hindi nahugasan ng maayos ang mga kamay, magpaturok ng bakuna tulad ng pneumococcal vaccine at MMR vaccine at umiwas sa mga kilalang irritants tulad ng mga kemikal, fumes at tobacco.

Osteoporosis. Isang sakit kung saan ang buto ay rumurupok; kadalasan ang mga may edad na ang tinatamaan nito.

Ayon kay Dr. Ed Santos, mula sa edad na 35 ay bumababa ang bone mass o bone density, at mas bumibilis naman ang bone loss kapag ang isang babae ay nagmenopause.

“Ang mga key risk factor para sa osteoporosis ay genetics, kawalan ng ehersisyo, kakulangan ng calcium at vitamin D, pagkakaroon ng fracture, paninigarilyo, sobrang pag-inom alcohol, history ng rheumatoid arthritis at family history ng osteoporosis,” paliwanag nito.

Ayon din kay Dr. Santos ang taong mayroong osteoporosis ay karaniwang walang sintomas, at ito ay kanila nalang nararamdaman na mayroon na pala sila nito.

Upang maiwasan ito, ipinapayo niya na itigil ang paninigarilyo, kung umiinom ng alcohol dapat ay sapat lang at hindi sobra dahil ito ay nakapagpababa ng bone formation. Iwasan ang madalas na pagsusuot ng high-heels o kahit anong matataas na sapatos na maaring ma-injure ang buto. Panatilihin din na may maayos na pangangatawan.

Upang maiwasan ang lahat ng mga sakit na ito ay panatilihing maayos ang ating pangangatawan. Bigyan ng oras ang sarili kung gusto ng mahabang buhay at magawa pa ang mga bagay na hindi mo pa nagagawa.

Mga respiratory diseases, paano nga ba maiiwasan?

by

BIGYAN ng pagkakataon ang sarili na magkaroon ng maayos na kalusugan at mapahaba pa ang buhay. 

 

NI: STEPHANIE MACAYAN

 

MARAMING sakit ang maaaring makuha lalo na ngayong madalas ang manaka-nakang pag-ulan. Higit na pag-iingat ang kinakailangan upang ito ay maiwasan. At, kadalasan ang mga sakit na ito ay mga impeksyon sa baga o respiratory diseases.

 

MATAAS pa rin ang mortality rate ng mga Pilipino dahil sa karamdaman sa baga. Dati ang pinaka susceptible sa ganito ay ang mga mahihirap ngunit ngayon kahit na mga nakakaalwan sa buhay ay tinatamaan na rin ng respiratory diseases.

 

Maaaring sanhi ng impeksyon ay ang malalakas na uri ng mikrobyo o kaya ay ang hindi maayos na pangangalaga sa katawan at kalusugan. Malaking epekto rin sa ating kalusugan ang nalalanghap na hangin, gayundin ang kapaligiran.

 

Narito ang ilang sakit sa baga na maaaring iwasan.

 

BRONCHITIS

Kapag may bronchitis, ang gilid o lining ng tubong dinadaluyan ng hangin palabas at papasok sa baga ay namamaga. Dahil dito mararanasan ng maysakit ang matinding pag-uubo na may kasamang malapot at makapit na plema.

 

May dalawang uri ng bronchitis  — chronic at acute. Chronic ang karaniwan na nakukuha ng tao, ang sanhi nito ay ang paninigarilyo.

 

Ang acute bronchitis naman ay kadalasang secondary infection, sumasalakay ang bacteria kung ang indibidwal ay may mahinang katawan lalo na kung magkaroon ng ubo, sipon o kaya naman ay tamaan ng flu o trangkaso.

 

Maiiwasan ang bronchitis kung titigil sa paninigarilyo at magkaroon ng healthy diet. Maayos na pagkain din ng kailangan para makaiwas na tamaan ng acute bronchitis. Kadalasan ang vulnerable dito ay ang mga may asthma, madalas na inuubo, may problema sa baga, masikip na paghinga, mga matatanda at bata.

 

“Ipinapayong iwasan ang mamantika at matatamis na pagkain sapagkat nadi-displace ng mga ito ang mga masusustansiyang pagkain na may micronutrients na kailangan ng immune system. Ang sobrang pag-inom ng alak at coffee ay dapat bawasan din sapagkat pinipigil nito ang immune system para linisin ang toxins sa dugo,” ayon kay   Dr. Tranquilino Elicañor Jr., isang pulmonary medicine specialist.

 

PNEUMONIA

Isa naman ang pulmonya sa tinuturing na nangungunang sanhi ng pagkamatay lalo na sa mga senior citizens. Ito ay isang nakakahawang sakit na dulot ng impeksyon ng mikrobyo sa daluyan ng ating paghinga.

 

Ang mga mikrobyong ito ay ang bacteria, virus, at fungi. Ang mga ito ay maaaring makuha sa trabaho, lansangan, ospital, at eskwelahan.

 

Malalang pag-ubo na may kasamang plema ang kaakibat nito, hirap sa paghinga, lagnat, at pagkakaroon ng tubig sa baga.

 

“‘Pag sinabi kasing bronchitis, lower respiratory tract infection siya. So sasabihin nating inuubo siya, maaaring may lagnat, mayroon din siyang plema. Pero pag in-x-ray, lalabas sa x-ray na area of whiteness,” sabi ni Isauro Guiang Jr., isang pulmonologist.

 

Ayon kay Guiang, may “naririnig” na kakaiba sa baga ng mga may pneumonia.

 

Dapat ding pag-ingatan ang mga nakatatanda dahil walang sintomas na nakikita sa kanila kahit sila ay may pneumonia na kaya kadalasan ito ang kanilang ikinamamatay.

 

TUBERCOLOSIS

Mas kilala na TB ang sakit na ito ay dulot ng mikrobyong Mycobacterium tuvercolosis na nakakaapekto sa baga at maaari rin na makapinsala sa iba pang bahagi ng katawan tulad ng buto, utak, bato at atay.

 

Ang karamdamang ito ay lubhang nakakahawa at madaling makuha ito kahit sa talsik ng laway ng maysakit. Ngunit, hindi naman lubos na dapat ikabahala ito dahil ang TB ay sakit na mayroon ng lunas. Ipinapayo lamang ng mga doktor ang lubos na pag-iingat sa lahat ng panahon.

Upang maiwasan na makahawa at mahawa sa TB kung uubo at babahing ay dapat gumamit ng panyo o tissue na pantakip sa bibig. Kapag naman may umubo o bumahing malapit sa iyo ay takpan din ng panyo o tissue ang bibig. Ugaliin din na nasa tamang lugar at paraan ang pagdura, mahalaga rin ang pag huhugas ng kamay matapos umubo o bumahing. Kung wala namang panyo o tissue maaring gamitin ang manggas ng damit.

 

LARYNGITIS

Ito ay sakit sa lalamunan; masakit na pamamaga ng lalamunan o voice box. Kung nakakaramdam o nagkakaroon ng hoarseness o abnormal voice changes, maaring ang dahilan nito ay ang pangangati ng lalamunan, sipon at ubo.

 

Nagiging sanhi rin ng pamamaos ang acute laryngitis na dulot ng hindi gumaling-galing na sipon.

 

Kung kasabay ng pamamaos at pagsakit ng lalamunan ang pagkakaroon ng ubo at plema, maaaring sintomas din ito ng bronchitis o kaya phryngitis.

 

“General term kasi ang sore throat so it’s used loosely by patients,” ani Dr. Guiang.

 

CHRONIC OBSTRUCTIVE PULMONARY DISEASE (COPD)

Ito ay malubha at napakasakit para sa pasyente. Kapag sinusumpong ng COPD, nahihirapang lubos ang pagdaloy ng hangin sa baga kaya nangangailangan pang ikabit sa oxygen tank ang pasyente.

 

Ang mga simtomas nito ay sobrang hirap sa paghinga, pag-ubo, at pamumuo ng malagkit na plema. Nangyayari ito kung matagal nakakalanghap ng usok na kadalasan ay galing sa sigarilyo o kaya usok sa lansangan.

 

Ang mga taong may COPD ay malaki ang tsansa na magkaroon ng heart disease, lung cancer at iba bang uri ng karamdaman.

 

Maiiwasan ito kung ititigil ang paninigarilyo hindi lamang para sa sarili, kundi pati na rin sa taong makalalanghap ng usok ng sigarilyo o second hand smoker.

 

Mahirap man itigil ang nakasanayang paninigarilyo ay dapat pa rin itong itigil. Ito lamang ang pagkakataon upang maiwasang masira nang tuluyan ang iyong baga at maiwasan din na makaperwisyo sa kapwa.

 

 

 

Mga celebrities na idol sa race track

by

 

Ni: STEPHANIE MACAYAN

 

KILALA ang mga artista dahil sa galing nila pagdating sa aktingan, pero alam ba ninyo na may ilan sa kanila na bida rin sa race track.

 

Ang dami talagang pinagkakaabalahan ang mga celebrity bukod sa aktingan, kantahan o sayawan at pati ang car racing kina-career na.

 

Sanay tayo na makita ang mga artista na ang suot ay magagara at sosyal na damit, pero kapag sila ay naka racing gear na, handa na silang umarangkada sa track.

Sa kabila ng kanilang busy schedule, sila ay nag a-out of town para lang makapag race car driving. Isa sa mga extreme sport ang race car driving at gustong-gusto nila na umupo sa driver’s seat dahil sa adrenalin rush at hamon ng sport na ito.

 

Sofia Andres. Mapapanood sa iba’t-ibang pelikula at drama si Sofia. Matapang siya at sa edad na 21,  isang car racer na.

Kasama si Sofia sa Vios Cup Season 5.

 

Arci Muñoz. Nagsimula si Arci sa car racing noong 2016 at naging parte ng Vios Cup 2016 season 2. Ito ang kauna-unahang pagsabak niya sa racing at simula noon ay minahal na niya ang freeway driving dahil sa thrill na binigay nito sa kaniya.

 

Gretchen Ho. Bukod sa paglalaro ng volleyball, isa rin si  Gretchen sa mga host ng Umagang Kay Ganda sa ABS-CBN. Abala rin siya sa car racing at ngayong taon ay nakuha ang 2nd place sa Toyota Vios Cup kung saan pangatlo si Daniel Matsunaga at 1st place si Troy Montero.

 

Jake Cuenca.  Noong Marso lamang ay naaksidente si Jake; nahagip siya ng truck habang nasa training para sana sa Ironman triathlon. Ngayong  naka-recover na siya,  handa ng-handa nang bumalik sa racing track at naghahangad na matapos ang susunod na laban.

 

Gerald Anderson. Baguhan pa lamang si Gerald sa car racing ngunit humahakot na ng parangal sa larangan ng extreme sport na ito. Sa kabila ng kakulangan sa karanasan ay nakapag uwi ito ng tatlong special award sa katatapos lang na Vios Racing Festival race track.

 

Rhian Ramos.  Makikita sa Instagram post ni Rhian na suot niya ang kaniyang racing gear. Dalawang taon ang ginugol niya upang mag-aral kung paano magmaneho para sa Vios Cup. Mukhang nahuhulog na siya sa sport na ito.

 

Jasmine Curtis Smith.  Kung hindi mahagilap si Jasmine sa school, trabaho o sa bahay nila, siguradong mahahanap mo siya sa racing track. Baguhan pa lamang sa extreme sport na ito si Jasmine ngunit makikita na ang passion niya para dito.

 

Mga bundok at hiking trail na magandang diskubrihin

by

Hindi kailangang lumayo upang makita ang tunay na ganda ng mga tanawin ng Pilipinas. Dahil nasa paligid lamang sila.

 

ni: STEPHANIE MACAYAN

 

Kung magandang hubog ng katawan at pampapawis ang iyong trip, subukan mo mag hiking. Hindi ka lang pagpapawisan at mababawasan ng timbang, may thrill experience ka pa.

 

ANG Pilipinas ay mayaman sa mga bulubundukin na maaaring puntahan para sa makapigil hiningang tanawin ng mga ito. Kaya naman marami ang gusto na umakyat sa bundok dahil matapos ang nakakapagod at nakakahingal na pagakyat matutunghayan mo ang tanawing magpapaalala sayo na kaya mo ring abutin ang langit.

 

Kaya narito ang mga bundok na puedeng akyatin ng kahit na amateur hiker. Paalala lamang, huwag mag hiking na nag-iisa.

BATULAO

Kung first time mo umakyat ng bundok, ang Mt. Batulao ang bundok para sa iyo at higit sa lahat, madali itong puntahan. Ilang oras lamang na trip sa bus o sa pribadong sasakyan nasa Mt. Batulao ka na sa Batangas.

 

Tatagal ng apat na oras ang pagakyat dito, bago makarating sa madadaanan ang ilang mini-peak na aakalain mong pinakatuktok na ng bundok. Ngunit, huminga ng malalim. Be hydrated, uminom ng tubig at namnain ang makapigil-hiningang tanawin na tatambad sa iyo. It is as close to heaven as you can get, sabi ng isang mountaineer.

 

Maaring mag muni-muni sa tuktok, at maaari ring magpalipas ng gabi kung gustong sulitin ang ganda ng Mt. Batulao. Siguruhin lang na sturdy at windproof ang iyong tent at may sleeping bag ka.

MAYNOBA

Ang mga bundok sa Rizal ay sikat sa mga hikers lalo na at malapit lamang ang mga ito sa bukod sa madaming sa Metro Manila. Hindi kailangan lumayo lalo na kung kinabukasan pagkatapos ng hiking ay kailangan pumasok sa trabaho — perfect ang mountains of Rizal.

 

Karaniwang dinarayo sa Mt. Maynoba ay ang sea of clouds na bumabalot dito. Super ganda nito at puede mo na imaginin na nag su-shoot ka ng pelikulang A Walk in the Clouds. Instagramable rin ang lugar. Upang maabutan ang ganda ng sea of clouds dito, ang mga hikers na manggagaling sa Metro Manila ay kinakailangan umalis at mag byahe ng alas-dos o alas-tres ng madaling araw para nasa tuktok sila ng bundok  bago pa man sumikat ang araw. Perfect ito para masilayan ang pagsikat ng araw, sea of clouds at ang mountain range ng Sierra Madre sa di kalayuan.

 

Maaari rin magpalamig sa walong maliliit na talon dito matapos ang isang nakakapawis na hiking.

 

KIBUNGAN CIRCUIT

Para sa mga sanay na sa hiking at halos naakyat na ang mga bundok na malapit sa Metro Manila, maaaring ilista sa iyong bucket list ang Kibungan Circuit sa Benguet.

 

Ang mga lugar na ito ay hindi pa gaanong pina publicize  upang manatiling malago at maayos na mapangalagaan ito. Ang circuit, na kailangan ng dalawa hanggang tatlong araw upang makumpleto, ay nagdudugtong sa kabundukan ng Tagpaya, Oten, at Tagpew.

 

Naghihintay ang magagandang tanawin habang dumadaan ang mga hiker sa mga kagubatan ng puno at ang acclaimed na rice terraces sa rehiyon.

DARAITAN

Nasa Rizal ang mga sikat at very accessible na mga bulubundukin. Matatagpuan din dito ang Mt. Daraitan, ang puso ng Sierra Madre mountain range. Ito ay nasa pagitan ng Rizal at General Nakar sa Quezon.

 

Sa Mt. Daraitan, hindi lang trekking at hiking ang iyong mae-enjoy. Maaari rin makita dito ang mga kweba, natural na pool at mga spring, limestone formations. Maari rin mag river-rafting doon.

 

Sa tuktok ng Mt. Daraitan, matatanaw ang napakagandang stretch ng Sierra Madre at kung ikaw ay su-swertehin maaari mo rin maabutan ang sea of clouds na bumabalot sa bundok.

 

PICO DE LORO

Matatagpuan sa Nasugbu, Batangas ang Pico De Loro.

 

Kung magsisimula umakyat dito nang umaga, maaaring maabutan ang ang pamosong unggoy na naghahanap ng pagkain. Kadalasan mga aso ang sinasama sa pag akyat at mistulang tour guide na rin.

 

Tatlong oras ang itatagal ng hiking mas maigi ito upang ma-enjoy ang kada hakbang at lakad sa adventure na ito.

 

Ang tuktok nito ay may 360-degree view ng Cavite at Batangas.

PULAG

Isa sa mga may pinaka majestic na hiking trails sa bansa ang Mt. Pulag. Ang bundok na ito sa Benguet ay kilalang-kilala sa malamig na temperatura na bumababa hanggang subzero na lebel, kaya naman mainam na maging handa at kumpleto sa kagamitan.

 

May iba’t-ibang trails ang maaring daanan doon. Ang Ambangeg ang pinaka madali sa lahat ng trail. Apat hanggang limang oras ang aabutin upang marating ang tuktok nito.

MAKILING

Ang Mt. Makiling ay matatagpuan sa Los Baños, Laguna. Ang bundok na ito ay puno ng iba’t-ibang uri ng bulaklak, ibon, reptiles at halos 2,000 na uri ng halaman.

 

Hindi lamang mga mountaineer ang nahuhumaling dito sa pamosong bundok na ito kundi maging ang mga scientists.

 

Hindi gaanong mahirap umakyat dito, pwedeng-pwede subukin ng mga baguhang hikers a akyatin ang Mt. Makiling.

 

Upang marating ang tuktok aabutin ng apat hanggang limang oras, hindi kakailanganin ng tour guide dahil ang trails ay madali lamang at maayos ang madadaanan.

 

Ang Mt. Makiling ang paboritong destinasyon ng mga hikers, bikers, campers, maging ang mga bird-watcher dahil ito ay malapit lamang at madaling puntahan at hindi mahirap bagtasin ng mga trails nito.

 

MULING panoorin ang mga pelikulang ating kinalakihan at muling makaramdam ng kilig.

by

Balik tanaw sa mga pelikulang nagpakilig sa mga manonood 

 

NI: STEPHANIE MACAYAN

 

MARAMING pelikula ang tumatak sa puso ng Pilipino. Ating alalahanin ang mga ito at muling ibalik ang kilig na inihatid nito sa atin. Karamihan sa mga ito ay mapapanood na rin online ngayon.

 

K-drama, Chinese drama at Hollywood films ang paboritong panoorin ngayon lalo na ng mga millennial. Idagdag pa rito ang mga pelikulang tampok sa Netflix. Ngunit alam ba ninyo na bago pa man makahiligan ang mga palabas na gawa ng mga banyaga ay may mga lokal na pelikulang nagpakilig sa mga manonood noon?

 

Taong 2012 nang umpisahan ng ABS-CBN ang pagpapalabas muli ng mga klasik Pinoy movie. Ibinahagi ni ABS-CBN film restoration head Leo Katigbak na nasa 150 ng mga pelikula ang na-restore nila.

“They would say, ‘O, wow si Eddie Garcia pala ‘yan.’ Or ‘Maganda o gwapo pala talaga sila.’ Mga ganun, na nakikita nila,” sabi nito sa isang interview.

 

Narito ang ilan sa mga pelikulang muli na namang mae-enjoy ng mga nakapanood na nito noon at maging ng mga millennial na matutuklasan ang ilan sa magagandang pelikula noong mga nakaraang dekada.

‘Got to Believe’

 

Sino ba ang makakalimot sa tambalang Rico Yan at Claudine Barretto? Taong 2002 nang ilabas ang pelikulang ito.

Ito rin ang hindi malilimutang proyekto ng dalawa na hanggang ngayon ay binabalik-balikan pa rin ng kanilang mga tagahanga. Ito ay tungkol sa isang binatang photographer na hindi naniniwala sa happy ending. Ngunit nagbago ang kanyang pananaw nang makilala niya ang isang dalagang wedding planner, isang hopeless romantic na gusto nang makilala si Mr. Right.

 

Ang pelikulang ito ay ang huling proyekto ni Rico Yan bago siya pumanaw noong 2002.

‘One more Chance’

 

“Ako nalang ulit” ang linyang hindi malilimutan ng maraming nakapanood ng pelikulang ito. Matapos ang napakaraming viral memes, ang One More Chance paulit-ulit pa ring pinanood hanggang ngayon.

 

Gumanap sina John Loyd Cruz at Bea Alonzo bilang Popoy at Basha sa pelikulang ito na ipinalabas noong 2007.

 

Kwento ito ng matagal nang magkasintahang sina Popoy at Basha na naniniwalang sila hanggang sa huli. Ngunit sinubok ng tadhana ang kanilang relasyon at nauwi sa hiwalayan. Kahit na pilitin nilang makalimot, tila bumabalik ang nakaraan.

‘Forevermore’

Hindi ito ang sumikat na palabas nina Liza Soberano at Enrique Gil, ito ay ang 2002 pelikula nina Jericho Rosales at Kristine Hermosa.

 

Magkaibigan simula nang bata pa sina Anton (Jericho Rosales) at Marian (Kristine Hermosa) at lumaking magkasama sa probinsya ngunit nagkahiwalay sila. Taon ang lumipas nang bumalik si Anton sa probinsya upang bisitahin ang lolo na may sakit. At muling nakita ni Marian ang kaniyang first love.  Ngunit ito pala ay nagbago na at malayo sa dating Anton na kanyang kilala.

‘Basta’t Kasama Kita’

Si Dayanara Torres na mula sa Puerto Rica na nanalo bilang Miss Universe 1993 sa edad na 18, ay namalagi sa Pilipinas ng ilang taon at nabigyan ng maraming proyekto dahil isa rin siyang magaling na aktres, singer, modelo at manunulat. Isa sa mga proyektong ito ay ang pelikulang Basta’t Kasama Kita kasama si Aga Muhlach.

 

Ang istorya ay tungkol sa determinado at gusto ng malayang buhay na si Princess Marinella (Dayanara) na napunta sa mahirap na lugar ng Maynila at doon nakilala ang masipag na jeepney driver na si Alex (Aga).

 

‘Labs Kita, Okay Ka Lang?’ 

 

Isa sa mga pinakasikat na love team noong ‘90s sina Jolina Magdangal at Marvin Agustin at pinagbidahan nila ang Labs kita, Okay Ka Lang? noong 1998.

 

Hindi mapaghiwalay ang matalik na magkaibigang sina Bujoy (Jolina) at Ned (Marvin). Walang kamalay malay si Ned na may lihim na pagtingin si Bujoy sa kaniya, pilit niya itong itinago upang hindi masira ang pagkakaibigan nilang dalawa at dahil na rin si Ned ay may kasintahan na isang balikbayan, si Mary Ann.

 

‘Kung Ako Nalang Sana’ 

Ito ang kauna-unahang pagsama nila Sharon Cuneta at Aga Muhlach sa big screen.

 

Tungkol ito kay Emy (Sharon) na maganda ang takbo ng career (Sharon) at ng playboy na si Vince (Aga). Hindi man parehas ng kalagayan sa buhay ay naging malapit sila sa isa’t isa dahil nagkakaintindihan sila. Ngunit dumating ang araw na may babaeng nakapagpabago kay Vince at naging kasintahan ito habang hindi alam ni Vince na nahulog na sa kaniya ang loob ni Emy ngunit tinago na lamang nito.

 

Ito ay ipinalabas noong 2003. First time nagtambalan sina Sharon at Aga ngunit malakas  ang chemistry nilang dalawa.

 

‘Bituin Walang Ningning’ 

Old but gold ang linyang “You’re nothing but a second-rate, trying hard, copycat!” na naging pambansang linya noon.

 

Linya ito ni Cherie Gil na gumanap bilang Lavinia Arguelles, isang kilala at sikat na singer na nangamba sa rising star na si Dorina Pineda na ginampanan ni Sharon Cuneta at ang pinag-aagawan nilang lalaki na ginampanan ni Christopher De Leon. Ipinalabas ito noong 1988.

 

Iilan lamang Ang mga ito sa tumatak sa isip at umantig sa puso ng mga Pilipino. Ang lahat ng iyan ay maaring mapanood mapa-smartphone, tablet o ‘di kaya sa computer o Laptop at available sa online. Maaari rin mapanood sa Iflix.

 

 

Tara na mag food trip!

by

EAT at your own risk. Paalala para sa mga mahilig kumain ng street food.

 

Ni: STEPHANIE MACAYAN

 

FOOD trip ba ang hanap mo? Pero ayaw gumastos ng mahal para sa sulit at masarap na pagkain? Maraming nagkalat na makakainan sa loob at labas ng Metro Manila. Kaya naman alamin natin kung saan ang mga ito.

 

Sa kabila ng napakarami at bagong mga restaurant na nagsulputan kung saan-saan, paminsan-minsan ay mas gugustuhin mo pa kumain ng mura at masarap na street food.

 

Nakakatakam ang mga inihaw na isaw, barbecue, kwek-kwek, fishball, kikiam at marami pang iba. Lalong nagpapasarap sa mga ito ay ang matamis, maanghang at sukang sawsawan na partner ng tusok-tusok. Amoy pa lamang ng usok na galing sa bawat iniihaw ay masarap na.

 

Kung tutuusin paglabas mo pa lang sa iyong bahay ay siguradong hindi mawawala ang nagtitinda ng mga pagkaing nabanggit. Pero mayroong mga kainan na hindi mo dapat palampasin dahil sa mga signature street food dish at talaga namang dinarayo ng marami.

 

Paalala lamang, kung ikaw ay adventurous na tao at mahilig talagang kumain ay para talaga sa iyo ito. Ngunit kung maselan at nag-aalala sa kalusugan, siguro kailangan maging mas maingat ka sa pagpili kung saan ka kakain.

 

LOLA OTE

Kilala ang Lola Ote sa kanilang 18 inches na pork barbecue na sosyal ang presentasyon, hindi karaniwang stick ang gamit dito, nakalambitin ito sa improvised na bakal dahil na rin sa laki ng baboy ay kakailanganin talaga ng mas malaki at matibay na pantusok para dito. Bukod sa pork barbecue ay mayroon din silang napakalaking isaw.

 

Ang Lola Ote ay matatagpuan sa Diliman, Quezon City.

 

QUIAPO MARKET

Ang pampublikong palengke ang isa sa mga lugar kung saan tiyak may matatagpuang street food. At isa sa matandang palengke na dinarayo ng marami ay ang Quiapo market sa Maynila.

 

Sikat na sikat dito ang tusok-tusok tulad ng isaw, laman loob ng baboy at manok, mamihan, lumpiang sariwa, at ang sikat na balut. Paradise nga naman kung tawagin ito dahil sa dami ng street food dito.

 

Dahil sa ito ay palengke, marami rin mabibiling gulay, prutas at marami pang iba.

 

MANG LARRY’S ISAWAN

Meryenda lamang ng nakararami ang tusok-tusok, pero dito sa Mang Larry’s Isawan ay hindi ka lamang mapapa-meryenda kung ‘di ay mapapainom ka rin. Ang pagkain dito ay tama lamang ang timpla at kadalasan asin at paminta lang ang sangkap upang mabigyan ng katakamtakam na lasa ang malutong na balat.

 

Ang sawsawan ay ang tipikal na matamis at maanghang na suka na masarap sa pulutan.

 

Matatagpuan ang Mang Larry’s Isawan sa Balagtas Street, University of the Philippines, Diliman, Quezon City.

 

MANG RAUL’S BBQ

Hindi talaga mawawala ang barbecue sa food trip nating mga Pinoy. Ito ay parating nauubos dahil sa dami ng kumakain nito.

 

Ang Mang Raul ay parang Mang Larry’s ng south. Magpakasawa sa pork BBQ, isaw ng baboy, isaw ng manok, tenga ng baboy, hotdog at marami pang iba. Maaari rin bumili ng kanin kung ikaw ay hindi pa nagta-tanghalian o hapunan.

 

Ito ay matatagpuan sa CRM Ave, near Holy Family Parish, Almanza Uno, Las Piñas City.

 

SARSA KITCHEN + BAR

Kung ikaw naman ay nasa sosyal na lugar tulad ng BGC at hanap mo ay street food, sagot ka ng Sarsa Kitchen + Bar. Kilala sila sa kanilang Sizzling Kansi, pero sila ay mayroon ding isaw ng manok na parte ng kanilang appetizer menu.

 

Magpakasawa sa isaw ng manok na may sawsawan na special recipe na sinamak vinegar na siguradong swak sa iyong panlasa.

 

Para kumain dito puntahan lamang sila sa Forum South Global, Federacion Drive cor 7th Ave, Fort Bonifacio, Taguig.

 

CONCEPCION PUBLIC MARKET

Ang Malabon City ay sikat sa iba’t ibang putahe. Isa sa mga sikat dito ay ang ukoy-ukoy, ang malutong na piniritong tortang hipon at toge na masarap i-partner sa suka.

 

Ang pinaka nakaakit sa Malabon ay ang matamis at madikit na mga  kakanin kabilang na ang pichi-pichi  at sapin-sapin.

 

Ang Concepcion public market ay nasa Gen. Luna, Malabon.

 

SKINITA STREET FOODZ

Hango sa salitang eskinita ang pinagkuhaan ng pangalan ng negosyo na ito. Itinayo ito para mabigyan ka ng tunay na eskinita experience habang kumakain sa resto. Tipikal na street food ang makakain dito at maari ring uminom sa murang halaga upang ma-enjoy ang pagkain dito.

 

Ito ay matatagpuan sa 20 United Street D-Strip Building, Barangay Kapitolyo, Pasig City.

 

CHEF ARCH’S LIME STREET FOOD 

Kung ang hanap mo naman ay pinasosyal na street food ay bagay ka dito sa Chef Arch’s Lime Street Food. Ang kanilang barbecue ay sine-serve ng may side dish na orchids at maganda ang presentasyon, mapapasabi ka nga naman ng “sosyal!”

 

Maging ang ibang pagkain ay mayroong creative presentation, katulad na lamang ng balut. Ito ay may sauce na gawa sa red wine at creamy garlic tuyo na pasta. Huwag na magpahuli at tikman ang sosyal na putahe sa resto-bar na ito.

 

Ang Chef Arch’s Lime Street Food ay nasa 160 San Rafael, Mandaluyong City.

Close Bitnami banner
Bitnami