PINAS

Ang Lihim ng Panginoon (Ikatlong Bahagi)

Sonspeak

Recent News:

The Kingdom of Jesus Christ

Mga testigo laban sa mga KJC Administrators sa Los Angeles nagsisinungaling – KJC Legal Counsel

by

HANNAH JANE SANCHO

NAGSISINUNGALING ang mga iniharap na testigo kaugnay sa isinampang human trafficking at immigration fraud cases laban sa tatlong administrator ng the Kingdom of Jesus Christ sa Los Angeles.

Ito ay ayon Atty. Michael Jay Green ang Chief legal counsel ng The Kingdom of Jesus Christ sa isang pahayag.

Ani Atty. Green, may mga ebidensiya at testigo silang hawak na magpapatunay na kasinungalingan ang mga impormasyon na sinabi ng mga umaakusa sa tatlong KJC administrators sa Federal Bureau of Investigation.

Dagdag din ni Atty. Green, ang mga testigong ito ay mga dating kasamahan din na umalis sa simbahan.

Ipinunto din ni Atty. Green na nais lang ipakita ng mga umaakusa sa mga KJC administrators ang isang ilusyon na dinadala ng simbahan sa Estados Unidos ang mga church workers sa pangakong bibigyan sila ng career sa music pero pipiliting pagtatrabahuin bilang mga alipin na nanghihingi ng pera.

Binigyan diin ni Atty. Green na itong mga dating church workers ay alam na mula’t sa simula pa walang ibang layunin ang KJC kundi ang tumulong sa mga nangangailangan sa buong mundo pero nang makarating sila sa Amerika ay biglang aakusahan ang KJC na nanloloko lamang.

Una nang sinabi ni Pastor Apollo C. Quiboloy, Executive Pastor ng the Kingdom of Jesus Christ na haharapin ng KJC ang lahat ng legal accusation sa korte at papatunayang na mali ang mga ipinupukol laban sa kaniya at sa mga myembro nito.

Pastor Apollo C. Quiboloy, itinanggi ang mga bagong alegasyon hinggil sa gawain nito sa Amerika

by

 

 ITINANGGI ng kampo ni Pastor Apollo C. Quiboloy ang bagong alegasyon ng human trafficking na ipinupukol laban sa tatlong leader ng The Kingdom of Jesus Christ na naka-base sa Estados Unidos.

Sa pamamagitan ng legal counsel at spokesperson nito na si Atty. Israelito Torreon, naninindigan si Pastor Apollo C. Quiboloy na inosente ito at ang Kingdom of Jesus Christ laban sa mga alegasyon na ibinabato sa kanila ngayon, kasabay ang paggiit na kasali ito sa isang grand conspiracy upang pabagsakin ang butihing Pastor at ang buong kongregasyon nito.

Atty. Israelito Torreon, Spokesperson, Legal Counsel ni Pastor Apollo C. Quiboloy

“The filing of the criminal complaint against KOJC’s three administrators in the United States is part of the “grand conspiracy of lies” concocted by men/women who were once part of KJC but struck an alliance with forces jealous of the meteoric rise of Pastor ACQ and KJC. The witnesses who volunteered information to the FBI committed various misdemeanors against KOJC, they have chosen to break ranks and invent cases against Pastor ACQ and KJC as a whole,” pahayag ni Atty. Torreon.

Paliwanag pa ni Torreon na kasalukuyan na silang nakikipag-ugnayan sa mga counterpart na abogado ng kongregasyon sa Amerika at inihahanda na rin nila ang kanilang depensa upang patunayan na pawang alegasyon lamang at walang katotohanan ang ipinupukol na mga kaso laban kay Pastor Apollo, at sa the Kingdom of Jesus Christ.

“We will show to the world that Pastor Quiboloy is innocent against these insinuations. Pastor Apollo sends his message to the Kingdom of Jesus Christ not to be saddened because we are ready to prove him innocent. We already filed our counter-affidavit on these allegations. The Kingdom remains strong and will be stronger than ever with these challenges,” dagdag ni Atty. Torreon.

Gawad Amerika Foundation kinilala ang The Kingdom of Jesus Christ at SMNI

by

HANNAH JANER SANCHO

 

KINILALA ng Gawad Amerika Foundation na isang prestihiyosong Filipino-American organization ang The Kingdom of Jesus Christ at Sonshine Media Network International.

Ito ay dahil sa mga magaganda at malalaking kontribusyon nito sa Amerika—lalong lalo na sa larangan ng public service.

Tumanggap ng pagkilala ang The Kingdom of Jesus Christ bilang 2019 Outstanding Restorationist Church habang tinanghal naman na 2019 Outstanding International Media Network ang Sonshine Media Network International ng Gawad Amerika Foundation sa ginanap na 2019 Awarding Ceremonies kamakailan lamang sa Hollywood.

Mula 2001, kinikilala ng Gawad Amerika ang mga Filipino organizations at indibidwal sa Amerika at Pilipinas dahil sa kahusayang gawa sa larangan ng public service at entrepreneurship.

Kinilala ng grupo si Pastor Apollo C. Quiboloy, ang executive Pastor at leader ng Kingdom of Jesus Christ dahil sa matagumpay na pamumuno nito na mula sa maliit na kongregasyon ay napausbong niya ito sa 7 milyong miyembro sa iba’t-ibang bansa sa loob lamang ng 34 years.

Itinatag din ni Pastor Apollo ang Sonshine Media Network International bilang channel ng paghahatid ng magagandang balita at kaliwanagan sa buong mundo.

Peace talks sa pagitan ng CPP NPA NDF nauwi lang sa wala – Pastor Apollo

by

Peace talks
JHOMEL SANTOS

 

Tila nauwi lang sa wala at naging walang kwenta ang hakbang ng pamahalaan sa makailang beses na pagsusulong ng peace talks sa CPP-NDF-NPA.

Ito ang naging pahayag ng executive pastor ng The Kingdom of Jesus Christ na si Reverend Fellow Doctor Pastor Apollo C. Quiboloy sa isang special edition ng programang Usaping Bayan sa SMNI kaugnay sa pagsusulong ng localized peace talks.

Ayon kay Pastor Apollo, pinanghihinayangan nito ang gastos ng pamahalaan matapos makipagkita ang mga kinatawan ng bansa kay CPP-NPA founder Joma Sison sa The Netherlands ngunit wala naman aniyang nangyari at patuloy pa rin ang paghahasik ng rebelyon o paninira sa bansa ng mga makakaliwang grupo.

Kung tutuusin ayon sa butihing pastor dahil sa laki na ng pinsalang idinulot ng mga makakaliwang grupo sa ating bansa, nararapat lang na tugisin ang mga ito.

Sa kabilang banda, ikinatutuwa ni Pastor Apollo ang gumugulong na localized peace talks kasama na rito ang pagbibigay ng pamahalaan ng pagkakataong magbago ang mga miyembro ng New People’s Army sa ilalim ng Balik-Loob Program ng civil defense department ng bansa.

Tulong sa mahihirap vs Pyramiding Scam

by

 

NI: HANNAH JANE SANCHO

 

KARAMIHAN sa mga kababayan natin ang nagtatrabaho para kumita ng pera.

 

Pero hindi sa lahat ng pagkakataon ay agad napalalaki ang kanilang kita sa loob ng maikling panahon.

 

Dahil dito marami sa mga Pilipino ang na-enganyo sa mga easy money investment schemes na tinawag na sa maraming pangalan pero lahat ay maituturing na pyramiding scam o kilala din sa tawag na Ponzi schemes.

 

Karaniwang linya ng mga nanghihikayat sa mga ganitong klaseng investment ay “legit” ito na negosyo na kayang doblehin ang investment. Lagi rin nila sinasabi na hindi binibigyan ng pressure ang mga investors ng ganitong negosyo o walang long term na commitment ang kinakailangan at higit sa lahat ay pwedeng umalis anumang oras mo gusto basta’t manghikayat ka lang ng maraming kasama para agad na yumaman.

 

Sa paglipas ng panahon marami na ang naglipanang pyramiding scheme hindi lamang sa Pilipinas maging sa buong mundo.

 

Lahat sa mga ito ay hindi nagtagal at ang iba naman ay agad na nalugi.

 

Tulad na lamang ng kumpanyang Legacy na nangako na dodoblehin ang pera ng mga magi-invest sa kanilang kumpanya na walang ibinibigay na katibayan kung papaano maibabalik ang pera ng mga investors nito.

 

Inakala ng pamahalaan na natututo na ang mga kababayan natin sa mga ganitong klase ng panloloko pero sa panahon ngayon nag-iiba na rin ang approach ng ilang Ponzi scheme.

 

Isa na dito ang religious group na Kapa Community Ministry Incorporated na nahaharap sa kontrobersiya matapos iutos ni Pangulong Rodrigo Duterte na ipasara ito dahil isa aniya itong scam.

 

Ang pangako kasi ng Kapa sa mga miyembro nito na anuman ang ibibigay na investment sa pamamagitan ng kanilang donasyon ay ibabalik nito ng 30 prosyento buwan-buwan at lifetime aniya ito na ibibigay sa miyembro bilang love gift.

 

Para sa Securities and Exchange Commission o SEC hindi makatotohanan at mathematically impossible ang ganitong klaseng return of investment dahil sa masyadong malaki ang interes na ibinibigay nito.

 

Ayon sa pagaaral ng SEC, upang maipagpatuloy ng KAPA ang ganitong klase ng pamamalakad ay kinakailangang may 180 billion pesos ito na pondo para maisakatuparan ang mga ipinangako nito sa mga miyembro.

 

Ngunit tama nga ba ang ganitong klaseng investment?

 

Ang mga ganitong klaseng get-rich-quick schemes ay sinisira ang pag-iisip ng tao sa tamang paraan ng pamumuhunan at pagpapalago ng pera.

 

Imbis sanayin kasi ang sarili na dapat ay pinaghihirapan ang kinikitang pera, marami tuloy ang nauuto sa mga kababayan natin na ang pyramiding scheme ang susi para umahon sila sa kahirapan o para guminhawa ang buhay.

 

Marami pa naman sa mga miyembro ng Kapa ay mahihirap at hindi tama na ituro sa kanila ang ganitong klase ng paraan ng pagkita ng pera. Imbis makatulong sa kanila ay mas lalo silang sinasaktan dahil sa false hope na ibinibigay sa kanila. Sa panahon na magsasara na ang Kapa ang mga mahihirap na mga kababayan nating umaasa sa easy money ang posibleng magdulot ng gulo.

 

Sinasabi kasi ng Kapa na dahil sa kanila ay marami silang natulungan na mahihirap.

 

Hindi naman aniya ito ang ipinupunto ng pamahalaan. Binigyan diin ng SEC na nilabag ng Kapa ang batas sa pangangalap nito ng puhunan sa mga miyembro nito ng walang karampatang permit.

 

Pebrero ng taong kasasalukuyan nang maglabas ang SEC ng cease and desist order laban sa Kapa matapos mag-alok ito at magbenta ng mahahalagang papel sa anyo ng mga kontrata sa pamumuhunan na nagkukunwaring donasyon kahit wala itong lisensiya para gawin ito.

 

Binigyang diin ng SEC na magsasampa sila ng kasong criminal laban sa Kapa at mga opisyal nito.

 

Dahil sa utos ni Pangulong Duterte ay nagalit ang mga miyembro ng Kapa, nadamay pa si Pastor Apollo C. Quiboloy ng the Kingdom of Jesus Christ dahil sa programa nitong Give us this Day inanunsiyo ng Chief Executive ang pagpapasara sa Kapa nitong June 8.

 

Hindi naman aniya tamang magalit ang mga naloko ng Kapa kay Pangulong Duterte dahil ipinatutupad lamang nito ang batas at mandato niyang tiyaking protektado ang mga nasasakupan nito mula sa mga scammer.

 

Una nang binalaan ni Pangulong Duterte ang taumbayan na huwag magpadala sa mga “too good to be true” na investment scheme dahil scam ito.

 

May ilang miyembro naman ng Kapa ang sinisiraan sa social media si Pastor Apollo at dinedemand na ibalik sa kanila ang kanilang investment gayong wala naman itong kinalaman sa issue.

 

Kung may dapat habulin dito walang iba kundi ang nagtatago na si Pastor Joel Apolinario na siyang nagtatag ng Kapa.

 

Magugunitang noong 2009 nang kasagsagan ng Legacy Pyramiding Scam ay humarap ang mga opisyal ng SEC sa Senado kung saan kinwestiyon ng mga mambabatas ang kawalan ng aksiyon nito para maprotektahan ang taumbayan mula sa mga maanomalyang investment.

 

Ngayong mismo ang Pangulo na ng Pilipinas ang umaaksiyon at hindi na nito hinantay tuluyang ma-bankrupt ang Kapa at para hindi na dumami pa ang mga mabibiktima nito ay siya pa ang nagiging masama.

 

Kaya payo ng pamahalaan sa mga miyembro ng Kapa ay magsampa na ito ng kaso upang may legal ito na habol sa mga perang inilagak nito sa simbahan.

 

Naglabas naman ng Immigration lookout order ang Department of Justice laban sa mga opisyal at incorporator ng Kapa.

 

Pastor Apollo mariing itinanggi ang alegasyon na nagpapatakbo ito ng child sex ring

by

SMNI News

MARIING itinangi ni Pastor Apollo C. Quiboloy ng The Kingdom of Jesus Christ ang mga paratang na ipinupukol laban sa kanya.

Nagbato ng paratang ang dating manggagawa ng kongregasyon na lumayas sa Hawaii na si Kristina Angeles.

Inihayag ni Pastor Apollo na pawang kasinungalingan lamang at gawa-gawa lamang ang mga pinagsasabi ni Angeles, na may sex ring umano ito.

Samantala, may mga dokumento ring inilabas ang butihing Pastor.

Nagpapatunay ang mga dokumento na ipinaparatang lamang ni Angeles sa kanya ang mga gawain nito sa panahong nasa pangangalaga pa ito ng Kingdom of Jesus Christ.

“I vehemently deny the totally fabricated, false accusation that I am running a Child sex ring,” pagdidiin ni Pastor.

Samantala, tinitingnan na rin ng kampo ng butihing pastor ang anggulo ng extortion o pangingikil ng sinasabing isang religious group.

Maaring ang naturang grupo ay nasa likod umano ng nasabing isyu.