PINAS

Ang Lihim ng Panginoon (Ikapitong Bahagi)

Sonspeak

Recent News:

TRAIN)

Yellow alert sa kuryente

by

Ni: Assoc.Prof. Louie C. Montemar

Nitong Pebrero, sa sektor ng enerhiya, nalagay muli sa “yellow alert” ang Luzon dahil u-mabot ang panga-ngailangan sa kuryente sa li-mitasyon ng suplay na kayang likhain ng mga powerplant. Mayroon lamang kapasidad na 9,971 megawatts (MW) sa Luzon, subalit minsang u-mabot ang pangangailangan sa 9,349 MW. Ayon sa pamantayan sa sektor, hindi dapat bumaba sa 647-MW ang re-serbang kuryente upang masiguro ang maayos na daloy ng enerhiya. May banta kung ga-yon sa maayos na pagdaloy ng kuryente.

Patuloy pang tataas ang pangangailangan sa kuryen-te dahil sa init ng panahon at paglago ng mga gawaing pangkabuhayan at pangkaunlaran gaya ng progra-mang “Build, build, build” ng pamahalaan. Sa kabila nito, may kalumaan na ang maraming mga powerplant kaya nga sila minsan ay napapatigil sa operasyon. Paano na, kung gayon, sa mga paparating na tag-init? Ayon sa Meralco, karaniwang nasa pagitan ng Marso at Mayo ang pinakamatinding pa-ngangailangan sa kuryente sa bansa. Gaano kahanda ang bansa ngayon sa usaping ito?

Dagdag pa rito, pasan nating mga Pilipino ang isa sa pinakamataas na presyo ng kuryente sa buong Asya dahil sa mga tinatawag na “artificial charges” o mga singil na ipinataw lamang ayon sa patakaran at hindi naman dahil sa materyal na panga-ngailangan sa produksiyon ng naturang porma ng enerhiya. Kabilang na sa mga artificial charges na ito ang bagong dagdag na buwis o “excise tax” sa lahat ng produktong petrolyo sa ilalim ng batas na TRAIN.

May mga magagawa pa. Halimbawa na lamang, hindi bababa sa siyamnapu’t tatlong (93) mga kasunduan sa suplay ng kuryente (“Power Supply Agreements” o PSA) ang kasalukuyang nakabinbin sa Energy Regulatory Commission (ERC). Ito ay mga kontrata para madagdagan pa ang suplay ng kuryente sa bansa. Mismong ang mga kinatawan sa Konggreso ang humihimok sa ERC na agad nang desisyunan ang ilan sa PSAs na ito ayon sa kanilang House Resolution 1741.

Napakalaki din ng potensiyal ng “renewable energy” o “green energy” sa bansa. Nariyan ang mga solar, wind, geothermal, at hydro-electric energy technologies. Noong 2008 pa pinasa na ang batas hinggil dito. Kailangang tutukan ng pamahalaan ang bagay na ito at buhusan ng karampatang pondo.

Habang tayong mga karaniwang mamamayan ay nagtitipid sa paggamit ng nagmamahal na kuryente, kailangan pang maging mas masigasig at pro-active ang mga kaakibat na ahensiya ng pamahalaan upang ang sektor ng enerhiya ay maisaayos.

Huwag na nating hayaang maging red alert ang nakaraang yellow alert!

Ekonomiya ng Pinas, tuloy ang pag-Arangkada

by

Ni: Quincy Joel V. Cahilig

NAPANATILI ng Pilipinas ang mabilis na paglago ng ekonomiya at unti-unti nang natitikman ng mamamayan ang matamis na bunga ng progresong ito.

Ipinahayag ni National Statistician Lisa Grace Bersales na nakapagtala ng 6.7 porsyentong gross domestic product (GDP) ang Pilipinas sa taong 2017, na bahagyang mababa sa 6.9 porsyentong GDP na naitala noong 2016. Gayon pa man, napanatili pa rin ng bansa ang estado nito bilang isa sa mga “fastest-growing economies” sa Asia, kasunod ng China (6.9% GDP) at Vietnam (6.8% GDP).

Ito ang ika-6 na taon ay nakapagtala ng GDP ang bansa na higit sa anim na pursyento. Ang magandang takbo ng ekonomiya ng nakaraang taon ay  bunsod umano ng paglakas ng sektor ng agrikultura, masiglang import at export industries, at mataas na government consumption.

Ayon kay National Economic Development Authority (NEDA) Director General at Socioeconomic Planning Secretary Ernesto Pernia, isang magandang indikasyon ng matatag na ekonomiya ang pinakabagong numero ng GDP sapagkat napanatili ng bansa ang pagunlad sa kabila ng pagtamlay ng private construction spending at ng industriya ng business process outsourcing.

“You can see that our decline is really very moderate. To me, this is a good performance, given the fact that it is already normal for post-election years to witness a decline in economic growth,” pahayag ni Pernia sa isang press conference sa Pasig City

Samantala, mataas naman ang kumpyansa ng multinational bank na DBS na magagawang masustena ng Pilipinas ang magandang daloy ng ekonomiya nito hanggang sa taong 2019. Ayon kay DBS economist Gundy Cahydi, bagamat nagkaroon ng mahagyang pagbaba ng GDP sa 2017, masasabi pa rin na maganda ang daloy ng ekonomiya ng bansa dahil na rin sa masiglang private consumption, na isa sa mga nagpapalakas ng ekonomiya ng bansa, gayon din ang pagbuhos ng mga investments mula sa pribado at pampublikong mga sektor.
“Domestic demand remained firm in Q4 and we expect this to continue driving overall GDP growth in 2018/19. We forecast a steady GDP growth at 6.7 percent in 2018 and 2018,” wika ng nasabing eksperto.

Bama’t maraming umaaray sa ngayon ang marami sa epekto sa presyo ng mga pangunahing  bilihin ng reporma sa pagbubuwis na ipinatupad ng Administrasyong Duterte, na mas kilala bilang Tax Reform for Acceleration and Inclusion (TRAIN) Act, pangmatagalang solusyon naman ang hatid nito sa buong bansa.
“This year’s tax reforms will have a positive long-term impact on disposable income despite a short-term rise in inflation. We expect private consumption growth to hold up at around six percent in 2018/19,” pahayag ng DBS.

 

BILANG NG MGA TAMBAY, BUMABA

Isang indikasyon ng pagunlad ng bansa ay ang pagdami ng trabaho—at ito ang isa sa mga positibong pagbabagong unti-unti nang nararanasan ngayon ng marami sa ilalim ng administrasyon ni Pangulong Rodrigo Duterte.

Bumaba ang bilang ng mga walang trabaho sa bansa ayon sa pinakabagong survey Social Weather Stations (SWS). Naitala sa kanilang  2017 fourth quarter survey ang 15.2 porsyento o katumbas ng 7.2 milyong mga Pinoy ang walang trabaho. Ito ay mababa ng 3.2 porsyento kumpara sa 18.9 porsyento (o 8.7 milyon adults) na naitala noong 3rd quarter ng 2017.

Ayon kay Presidential Spokesman Harry Roque, ang resulta ng survey ay patunay lamang na nasa tamang landas ang gobyerno sa paghahatid sa madla ng magandang bunga ng paglakas ng ekonomiya.

“We are elated with latest Social Weather Stations (SWS) survey result showing fewer jobless Filipinos, where adult joblessness dropped to 15.7 percent in December,…The Duterte administration is indeed on the right track in making sustainable and inclusive growth as part of our development plan,” pahayag ni Roque.

Ang inclusive growth ay konsepto kung saan makikinabang ang lahat ng sektor ng lipunan sa paglago ng ekonomiya, hindi lamang ang mga mayayaman.

Inaasahan na maraming trabaho pa ang malilikha sa pamamagitan ng mga programang pang-imprastratura ng gobyerno, ang Build, Build, Build, na may kabuuang halagang aabot sa 8 trilyong piso. Target na tapusin ang mga itatayong imprastraktura sa huling taon ng panunungkulan ni Pangulong Duterte.

“We expect to generate more jobs with the implementation of the Tax Reform for Acceleration and Inclusion (TRAIN) Act, which would increase infrastructure investments,… Our Build-Build-Build Infrastructure Program is projected to create more than a million jobs a year,” wika ng opisyal.

PERO MARAMI PA RIN ANG GUTOM

Sa kabila ng positibong balita sa lagay ng ekonomiya ng Pilipinas, may ilan pa rin nating mga kababayan ang hindi pa nakikinabang sa benepisyo dulot nito. Base sa fourth quarter survey ng SWS,  tumaas ang bilang ng mga Pilipino ang nagpahayag na sila ay nakaranas ng involuntary hunger  o kakulangan sa pagkain sa nakalipas na tatlong buwan.

Batay sa naturang survey na isinagawa noong Disyembre 2017, 15.9 porsyento o nasa 3.6 milyong pamilya ang nagsabi na nakaranas sila ng involuntary hunger sa nakalipas na tatlong buwan. Ito ay mas mataas kumpara sa naitalang 11.8 percent, katumbas ng 2.7 milyong pamilya, na naitala sa survey noong Setyembre 2017.

Ang resulta ng nasabing survey ang may pinakamataas na hunger reading, pagkatapos ng 17.2 na porsyentong naitala sa December 2014 SWS survey sa panahon ng Pangulong Benigno S. Aquino III.

Samantala,  lumabas din sa pinakabagong SWS poll na 2.8 milyong pamilya ang nagsabinag nakaranas sila ng moderate hunger o katamtamang gutom, habang 841,000 ang nakaranas umano ng severe hunger o labis na gutom.

Ang fourth quarter poll ng SWS ay isinagawa mula ika- 8 hanggang ika-16 ng Disyembre 2017 sa pamamagitan ng harapang pakikipagpanayam sa 1,200 na Filipino adults sa buong bansa.

Mga mithiin para sa bansa ngayong Bagong Taon

by

Pinas News

NAKAUGALIAN na ng marami na gumawa ng mga mithiin tuwing Bagong Taon. Dahil ngayon ay pumasok na ang Bagong Taon halos lahat ng tao ay nais na matunghayan ang bansa sa mas nakauunlad na situwasyon.

Pagdating sa mithiin ng maunlad na bansa maraming mga bagay ang pumapasok sa ating isipan na mga nais na pagbabago kagaya lamang ng malaking pagbaba ng bilang ng krimen at ang nakaaantig na pagbaba ng bilang ng aksidente sa mga kalsada. Karamihan din sa mga tao ay minimithing maglaho na ang karukhaan at maitaas ang pamantayan ng pamumuhay, magkaroon ng maunlad na pamantayan ng edukasyon, mabawasan rin ang mga karahasan sa mga kababaihan at mga kabataan at sa iilang mga tao na minimithing magkaroon ng magandang pagtrato sa mga hayop at marami pang iba.

Kabilang na rin sa minimithi natin partikular na rito sa Kalakhang Manila na maibsan ang mabigat na daloy ng trapik at mapaganda ang serbisyo ng MRT at LRT rail transit na hindi na mauulit muli ang mga pagkaaberya sa biyahe ng halos 550,000 pasahero sa bawat araw.

Sa programang “Build, Build, Build” ng administrasyong Duterte inaasahang magkaroon na ng pag-unlad sa mga inprastraktura ng bansa, makapagbigay ng world class na transportasyon at mga solusyon sa trapik at pagsikip ng lunsod.

Sa pamamagitan ng mga maraming proyekto na gagawin sa programang “Build, Build, Build” makapaglikha pa ng karagdagang trabaho para sa mga Pilipino ngayong taon. At inaasahang ang mga sektor ng ekonomiya ay magsimulang madagdag ng kanilang operasyon.

Unti-unting maipatutupad ngayon taon ang hangad ni Pangulong Rodrigo Duterte na “101 percent clean government.” Kahit hindi man 100 porsiyento ngunit unti-unting mapaalis sa pamahalaan ang empleyado at mga opisyal na kabilang sa mga anumang iregularidad.

Kabilang din sa minimithi ng maraming mga Pilipino ang mapabilis ang internet connection ng bansa upang mas makatutulong sa mabilis na pag-usad at pag-unlad ng mga negosyo. Sana maipatutupad ng pamahalaan na maging bukas sa ibang ‘telco player’ na nais na mamuhunan sa bansa at sa ganito’y mas mapaigi ang serbisyo ng internet.

Inaasahang ang bagong nilagdaan na Tax Reform for Acceleration and Inclusion (TRAIN) ay magsusulong sa ating bansa sa kaunlaran at walang anumang mga sektor ang maiiwanan ang lahat ay makasabay sa pagsulong nito.

At sa pagbubukas ng Overseas Filipinos Bank (OFB) ngayong Pebrero ay mas lalong mapaigi ang pagbigay serbisyo sa ating mga modernong bayani ng bansa ayon sa ipinangako ng administrasyong Duterte.

Malaki ang pag-asa natin ngayong taon na mas lalong maisulong ang ating bansa patungo sa kaunlaran. Mabuhay tayong mga Pilipino at manigong Bagong Taon para sa lahat!

Close Bitnami banner
Bitnami