UAAP MVP Terrence Romeo
LUIS JAMES
MANANATILI pa rin sa koponan ng San Miguel Beermen si Terrence Romeo.
Ito ay makaraang lumagda ang UAAP MVP ng three-year contract extension deal na tatagal hanggang 2022.
Labis naman ang pasasalamat ng manlalaro sa panibagong tiwala aniya na ibinigay sa kanya ng koponan.
Dahil dito, sisikapin aniya ni Romeo na makatulong sa laban ng koponan sa abot ng kanyang makakaya.
Anna Mae Alpuerto
Sa kanyang limang taon sa National University, nagsilbi si Santiago bilang pinaka-sikretong sandata ng Lady Bulldogs. Ang kanyang kumbinasyon ng taas, athleticism, at kagalingan sa maraming bagay ay isa sa malaking banta sa lahat ng mga kalabang koponan.
Nakatanggap siya ng maraming indibidwal na parangal sa kanyang karera sa UAAP, kabilang ang tatlong magkakasunod na Best Attacker awards at ang Most Valuable player ng kanyang panahon. Ngunit may isang kulang sa kanyang koleksyon — ang championship trophy.
Sa kabila ng pangingibabaw ng 6-foot-5 na si Santiago ay hindi pa nakakaabot sa kampyonato ang kanyang kuponang Lady Bulldogs. Bigo man syang maihatid sa finals ang Bulldogs naisama naman niya ito sa semifinals ng tatlong beses ngunit hindi pa rin nila nakuha ang kampeonato sa huling yugto ng liga.
May 11 taon na ang nakalilipas nang ang 23-taong-gulang ay nakatanggap ng athletic scholarship offer mula sa University of California, Los Angeles (UCLA). Sa kaniyang pagtapos ng elementarya nagkaroon siya ng pagkakataon na sumali sa isang elite volleyball training program at makapaglaro para sa isang US NCAA division.
Sa sorpresa ng marami, ipinasya ni Santiago at ng kanyang pamilya na hindi tanggapin ang scholarship at sa halip na pumunta sa ibang bansa, ang batang Caviteña ay nagpasyang pumasok sa National University at samahan ang kanyang kapatid na babae, si Dindin, sa koponan ng Lady Bulldogs; tinagurian silang Twin Towers dahil sa kanilang tangkad.
Nagsanib pwersa ang magkapatid na Santiago upang maihatid sa kampyonato ang Lady Bulldogs sa Shakey’s V-League. Sa isang reinforced squad sila ay tinaguriang mga paboritong manlalaro upang mapanalonan ang korona ng UAAP. Ngunit hindi rin nagpahuli ang Ateneo Lady Eagles upang maungusan ang parehong NU at La Salle sa stepladder semifinals na naging dahilan upang hindi makuha ng NU ang kampeonato.
Nabigo man si Jaja Santiago na madala ang NU sa kampeonato, ito ay naging inspirasyon niya upang mas lalo pang mapagbuti ang kanyang mga natitirang taon sa kolehiyo. Ipapakita nila ang kanilang dominanteng porma sa pre-season at makakatanggap din siya ng mga ibat-ibang indibidwal na parangal.
Matapos ang kanyang ika-apat na taon at maagang exit sa UAAP, iniisip ni Santiago ang tungkol sa kanyang huling taon sa paglalaro. Ito rin ang panahon na nakatanggap siya ng isa pang international offer mula sa propesyonal na Thai volleyball club na Bangkok Glass. Inanyayahan siya upang maging reinforcement sa koponan ng Thailand sa Liga, ngunit tulad ng ginawa niya sa UCLA, tinanggihan niya ito at piniling manatili sa NU.
Ang Season 80 ay isa sa mga naging masakit na season para kay Santiago dahil ito ang kanyang huling pagkakataon para mahatid ang Bulldogs sa kampeonato. Ngunit, ang lahat ng kanyang isinakripisyo, ang bawat pagkakataon na pinalampas niya ay nauwi sa wala.
“Ngayong ako ay nasa huling taon ng paglalaro, hindi ako tatanggap ng ibang resulta. Hindi ko gustong mag-graduate nang hindi nakakakuha ng isang kampeonato ng UAAP,” ang kanyang panunumpa bago magsimula ang tournament.
Tulad ng nasa kapalaran, ang pattern ng Lady Bulldogs para sa huling apat na taon ay nagpatuloy. Naghari sila sa PVL Collegiate Conference at nakakuha si Santiago ng iba’t ibang mga parangal kabilang ang MVP, ngunit muli silang nabigo na makakuha ng tiket sa finals.
Para sa kanya, hindi niya naiisip ang mga tanong na “Kung ano? Paano kaya?” Sa halip ay inisip nya lang na mapagtagumpayan ang tropeyo, iginiit niya na wala siyang pinagsisihan sa kanyang mga desisyon na manatili sa NU.
“Wala akong ikinalulungkot dahil pinag-isipan at pinili ko ang lahat ng desisyon ko. Nagtrabaho ako nang husto para sa anumang nais kong gawin, kahit na nakinabang ako dahil inihanda ito sa akin para sa susunod kong mga pagkakataon,” sabi ni Santiago.
Ang pagkabigo ng kanyang koponan sa UAAP ay hindi dapat tukuying tuldok na sa kanyang karera. Sa edad na 23, malawak pa ang kinabukasan niya sa larangan ng volleyball.
Marami pang mga pagkakataong naghihintay kay Santiago sa ibang bansa, na kumakatawan sa Pilipinas sa internasyonal na mga paligsahan at mga lokal na liga. Kung saan ang kanyang susunod na paglalakbay ay maaaring magdala sa kanya sa lahat ng kanyang nais at mag-iwan ng marka sa kanyang buhay.
“Matatandaan ka ng mga tao batay sa kung paano mo ipinakita ang iyong sarili at ang iyong pagkatao. Gusto kong matandaan nila ako bilang tunay na Jaja, batay sa kung ano ang nakita nila sa akin, hindi lang sa tangkad ko ngunit ang nagawa ko para sa koponan ko at sa bansa,” pagtatapos niya.
KINILALA ng Collegiate Press Corps Awards ang mga lady spiker na sina Sisi Rondina at Regine Arocha na tumanggap ng SportsVision Volleyball Players of the Year awards.
Nakapagpanalo na ang Tigress na si Rondina ng 3-peat championship sa beach volleyball at nakapagbigay na ng kaniyang unang ginto sa UST sa UAAP Season 81.
Sa ngayon, ito na ang huli at ikalimang taon ng four-time MVP na si Rondina na maglaro para sa University of Sto. Thomas.
Habang pinangunahan naman ng lady chief na si Arocha ang finals ng NCAA Season 94.
Naiuwi ng Arellano University ang kanilang 3-peat championship kontra sa Our Lady of Perpetual Help University. Ang kampeonato ay nagbigay din kay Arocha ng kaniyang ikalawang magkasunod na MVP Award.
Kabilang din sa pinangaralan ng Collegiate Press Corps Awards ay ang National University Women’s Basketball Team na tumanggap ng Award of Excellence, ang Ateneo Player na si Angelo Kouame at si Javee Mocon ng San Beda, bilang mga pivotal players, CJ Perez ng Lyceum at Sean Manganti ng Adamson University bilang mga impact players.
Ang Philippine Basketball Association (PBA) ay hitik sa makukulay na kasaysayan ng mga sikat na manlalaro ng liga sa iba’t ibang panahon. May mga manlalaro ang PBA na tinaguriang “Skywalker” tulad nina Danny Florencio, (Danilo Zoleta Florencio) Johnny Abarrientos, Samboy Lim at iba pa.
Ang mga basketbolistang ito ay kinilala sa kani-kanilang mga katangian, na mistulang lumilipad sa ere. Kaya nga tinawag na “The Flying A” si Johnny Abarrientos ay dahil nagagawa niyang tumagal sa ere samantalang inile-layup ang bola.
Gayundin naman si Samboy Lim. Marami siyang pinahangang basketball fans sa kanyang mga acrobatic shot, kaya naman binansagan siyang “Skywalker,” lalo na sa slum dunk competition.
Tulad ng ibang PBA players, si Danny ay nagsimula ng kanyang basketball career sa University Athletic Association of the Philippines (UAAP) sa kanilang team na UST Growling Tigers.
Hindi karaniwang basketbolista si Danny. Gusto niya na kakaiba sa karaniwan, bagay na palaging napapansin ng kanyang coach sa Tigers. Paborito ni Florencio ang kakaibang estilo sa pagle-layup ng bola. Pinaglilipat-lipat niya ang bola sa kaliwa at kanang mga kamay.
Nagagawa rin niyang ilipat ang bola sa kabilang kamay na sa likod pararaanin samantalang siya ay nasa ere. Ang kakaibang aksiyon na gustung-gustong makita ng kanyang fans ay ang pagle-layup ng bola na mula sa likuran ay pararaanin ang bola sa pagitan ng kanyang mga hita, kukuhanin ng kaliwang kamay, ililipat muli sa kanang kamay saka ihahagis sa ring ang bola. Sa gayong aktibidad nasasabihan ng coach si Danny na: “Gusto mo bang magpalabas sa circus?”
MULA SA UAAP HANGGANG SA MICAA
Bago natatag ang PBA, ang Manila Industrial and Commercial Athletic Association (MICAA) liga ng basketball ang namayagpag noon. Ilan sa mga koponang kalahok sa liga ang Crispa Redmanizers, Meralco Reddy Kilowatt, YCO Painters, 7-Up Uncolas, Universal Textiles at iba pa.
Ang dalawang team na mahigpit na magkaribal sa MICAA ay ang Crispa at Meralco. Si Florencio ay kabilang sa Redmanizers samantalang sa Reddy naman kalahok ang karibal niyang player sa UAAP na si Robert Jaworski.
Sa Painters naman kabilang si Freddie Webb, isa sa mga sikat na players ng MICAA ng panahong iyon. Nakapaglaro rin si Florencio sa YCO. Sa tuwing may laban ang Meralco at Crispa, punumpuno ng fans ang Araneta Coliseum.
Nagsisigawan ang mga tagahanga ni Danny, kapag ito ay nakapagbubuslo ng bola sa ring. Lalo pa’t nagawa niyang mag-shoot gamit ang estilo na mistulang lumalakad sa ere.
“Iyang si Florencio, ang orig na ‘Skywalker.’ Palagi siyang bukambibig ng kanyang mga tagahanga at sasabihin pang si Danny, nagsaing na naman sa ere,” anang beteranong PBA sports photographer na si Max Ferrer.
Kahit nga harangin pa siya ng center player ng Reddy, ang 6’11 na si Bob Presley ay nagagawang lusutan ni Danny ang mahahabang pata ng import player ng kalabang koponan.
NAGRETIRO SA PANAHON NG PBA
Palibahasa ay mahusay, nakasama rin si Florencio sa national team. Nagwagi ng gold medal ang Pilipinas noong 1967 sa ABC Championships na ginanap sa Tokyo, Japan. Naging daan ang tagumpay na iyon upang makalahok ang Pilipinas sa Summer Olympics na ginanap sa bansang Mexico noong 1968 at kalahok din ang Pilipinas sa Munic Olympics noong 1971.
Nang matatag ang PBA, kinuha ng U/Tex Wranglers si Florencio. Kasama niya sa team sina Rudolph Kutch at Larry Mumar, na kapwa may malaking pangalan sa MICAA.
Ang iba pang team na nilahukan ni Danny ay ang Toyota Super Corollas at 7-Up. Kahit hindi kasintanyag ng Meralco at Crispa ang mga team na nilahukan ni Danny, hindi pa rin maikakaila ang angking galing na taglay ng “Skywalker.”
Sa loob ng walong season sa PBA, napanatili ni Danny ang pagiging highest pointer player na may average na 32.3 points sa bawat laro sa loob ng 39 games. Nakapagtala rin siya ng 64 points sa isang conference sa liga. Ang record ni Florencio ay tinabunan ni Allan Caidic, ang tinaguriang “The Triggerman” ng PBA.
Nang magretiro sa basketball si Danny, nangibang-bansa siya at doon naghanapbuhay. Pagbalik niya sa Pilipinas, napabilang siya sa “25 PBA Greatest Players” ng 2000 at ibinilang sa “PBA Hall of Fame” noong 2007.
