PINAS

Ang Lihim ng Panginoon (Ikalimang Bahagi)

Sonspeak

Recent News:

United Kingdom

Tax Academy may alok na off-campus, online courses sa 2019

by

PHILIPPINE Tax Academy ay may alok na off-campus at online courses sa mga empleyado ng revenue agencies.

 

Ni: Jonnalyn Cortez

MAG-aalok ng off-campus course ang Philippine Tax Academy (PTA) ukol sa public finance at iba pang online courses sa taong ito, ayon sa Department of Finance (DoF).

Layunin ng specialized post-graduate course na hasain at muling sanayin ang mga kakayanan ng mga manggagawa sa gobyerno. Sinabi ni Finance Undersecretary Gil Beltran na bukas ito para sa mga tauhan ng DoF, Bureau of Internal Revenue (BIR), Bureau of Customs (BOC), at Bureau of Local Government Finance (BLGF).

Mas madali at murang pag-aaral

Kabalikat ng PTA ang Graduate School ng University of the Philippines Los Baños sa pag-aalok ng bagong programa sa pag-aaral.

Paliwanag ni Beltran, mas di hamak na mura ang off-campus course kumpara sa pag organize ng mga courses sa unibersidad na kinakailangan pang personal na puntahan ng mga empleyado.

Dagdag nito, maaaring magamit at pakinabangan ng lahat ng tauhan ng DoF at mga kaparehong ahensya sa buong bansa ang mga PTA courses.

Sinabi rin ng DoF na magiging kabilang sa teaching team ng PTA ang senior officials nito bilang adjunct professors.

Itinatag ang PTA upang gawing mas propesyonal ang mga revenue agencies.

Sa ilalim ng Republic Act 10143, kailangang pumasa ng mga pangunahing kurso ang sinomang nais na magtrabaho sa isa sa mga revenue agencies sa bansa bago ito makapasok bilang kontraktuwal o permanenteng empleyado man.

DoF Secretary Carlos Dominguez III, nais lagyan ng online courses ang bagong alok ng PTA.

 

Online courses

Inutusan umano ni DoF Secretary Carlos Dominguez III si Beltran upang i-record ang mga aralin at i-upload ang mga ito para sa mga online courses ng PTA upang mas magamit ng mga empleyado na nais madagdagan ang kanilang mga kaalaman at pagsasanay.

“At some point, we may have a film studio,” pahayag ni Beltran. “I want to use not only person-to-person discussions but also online courses.”

Iniutos din ni Dominguez na siguruhin ni Beltran na magiging puno ng mga “lean,” ngunit digitally enabled workforce ang PTA na gagawing available ang mga online courses kapag nakuha na nito ang kaukulang budget sa susunod na taon.

“I want a small staff, I want them to be digitally enabled,” dagdag nito.

Magsasagawa ng mga pre-requisite courses ang PTA ukol sa journal writing skills at iba pang minor courses.

Binuo ang mga programa, kurikulum at syllabus ng akademya batay sa ASEAN University Network Standards.

Nilinaw din ni Beltran na nagsumite rin ito ng three-year Strategic Information Plan sa Department of Information and Communications Technology (DICT), kabilang ang paggawa ng isang information system para sa akademya upang mangasiwa ng pagtuturo ng kaalaman.

FINANCE Undersecretary Gil Beltran, inihayag ang mga alok na off-campus courses ng PTA para sa mga tauhan ng gobyerno.

 

Paghahasa sa mga empleyado

Sinabi ni Dominguez na hindi lamang magbibigay ng patuloy na pagsasanay ukol sa best practices ang PTA sa mga revenue collectors at administrators sa bansa upang hasain ang kanilang competitivenees ngunit layunin din nitong patibayin ang kanilang commitment sa kanilang propesyon at palakasin ang kanilang ethical standards.

Dagdag din ni Dominguez na nagsagawa ng isang “great leap forward” ang DoF na gawing mga propesyonal ang mga revenue agencies sa pamamagitan ng paglalagay ng mga mas detalyadong impormasyon, walong taon pagkatapos itong planuhin sa ilalim ng RA 10143.

“PTA shall serve as a learning institution for tax collectors and administrators of the government and selected applicants from the private sector,” ayon sa batas.

“All existing officials and personnel of the BIR, the BoC and the BLGF shall be required to undergo the re-tooling and enhancement seminars and training programs to be conducted by the Philippine Tax Academy.”

Accreditation ng PTA

Nakakuha ng accreditation ang PTA mula sa Professional Regulation Commission (PRC) bilang isang professional development program provider.

Sinabi rin ng DoF na ang mga courses at training programs na inaalok nito ay maaaring maging credited bilang Continuing Professional Development (CPD) units para sa mga certified public accountants (CPAs).

“The training programs offered by the PTA will be submitted to the PRC for approval and accreditation,” pahayag ni Beltran.

Dagdag din nito na iniisip ng Bases Conversion and Development Authority (BCDA) na bigyan ng lupa ang PTA sa New Clark City, kung saan iba’t-ibang mga eskwelahan ang nagbabalak na magtayo rito, tulad ng University of the Philippines, Ateneo de Manila University, Philippine Science High School, at Technological University of the Philippines.

Sinabi rin ni Beltran na tinitignan din ng PTA ang posibilidad na makipagtulungan sa Centre of Development Studies ng University of Cambridge sa United Kingdom pagkatapos ng partnership nito sa UP-Los Baños upang itaas ang pamantayan ng mga inaalok nitong kurso.

Inilunsad ang PTA noong Pebrero 2018 upang taasan ang pagiging propesyonal ng mga revenues officer ng gobyerno.

Kauna-unahang hydrogen train lumarga sa Germany

by

Tahimik at matagumpay ang unang byahe ng Coradia iLint.

 

Ni: Eugene B. Flores

PATULOY na lumalala ang sitwasyon ng mundo tungkol sa usapin ng polusyon. Isa sa pangunahing nagdudulot nito ay ang diesel engines.

Ginagamit ang diesel sa maraming bahagi ng mundo lalo na sa Third World dahil ito ang maituturing na isa sa pinaka-epektibong enerhiya sa pagpapatakbo ng mga makinarya, sasakyan at elektrisidad sa buong mundo. Isa rin sa dahilan kaya palasak ang gamit nito ay dahil mas mababa ang halaga nito sa gasolina.

Ngunit kaakibat ng malaking ginagampanan ng diesel sa pagpapatakbo ng industriya ay ang matinding epekto nito sa kapaligiran at kalusugan.

May mga pananaliksik na nagtuturo sa diesel na isa sa mga sanhi ng kanser, respiratory problems at cardiovascular diseases sa mga manggagawa o mga taong exposed sa diesel fumes. Apektado rin nito ang tubig, hangin at lupa.

Subalit hindi pa kayang iwaksi ang paggamit ng diesel. marami pang taong mamamalagi ang diesel sa maraming bansa. Kakailanganin pa rin ng ilang sektor ang diesel sa susunod na mga taon kung kaya’t lalong manganganib ang ating kapaligiran.

LABAN KONTRA POLUSYON

May nakikitang solusyon ang mga Aleman sa hamong ito. Kamakailan lamang bumiyahe sa unang pagkakataon mula sa istasyon ng Bremevorde sa Lower Saxony ang dalawang Coradia iLint o hydrogen trains na papalit sa mga diesel train dito.

Ang kulay asul na hydrogen train ang bagong tatakbo sa ruta na nagdudugtong sa bayan ng Cuxhaven at Buxtehude na may layong 62 milya o 100 kilometro. Karaniwang binabagtas ito. ng mga diesel train. Tuluyang ilulunsad ang bagong teknolohiya sa 2021 kung saan 14 pa na hydrogen train ang tatakbo mula sa istasyong ito.

Mahalagang hakbang ito ng gobyerno ng Germany upang labanan ang lumalalang polusyon sa hangin.

Marahil, may mas malalim na dahilan kung bakit asul ang napiling kulay para sa hydrogen train.  Malamang may reference ito sa “blue flame,” ang pinakamalinis at pinakaepektibong apoy hindi lamang para sa pagluluto kundi sa manufacturing process din.

Ang kompanyang TGV-maker Alstom ang siyang gumawa ng tren na pinatatakbo ng hydrogen

“The world’s first hydrogen train is entering into commercial service and is ready for serial production,” wika ni Henri Poupart-Lafarge, CEO ng Alstom.

Nakatakda namang magbayad ng 81.3 milyon euro o $95 milyon ang estado ng Lower Saxony para sa proyektong ito.

Ito’y bahagi ng advocacy ng bansa na higit na gamitin ang mga renewable fuel at bawasan ng malaking porsyento ang polusyon sa taong 2050.

Tinawag nilang “Energiewende” ang policy na ito. Ang Energiwende ay naglalayong gumamit ng green power sources mula sa dating nuclear at coal power.

Maaliwalas ang loob ng hydrogen train.

 

HYDROGEN TRAIN

Paano at ano ang nagpapatakbo sa hydrogen train? Mayroong fuel cells sa bubong ng tren at may  tangke ng hydrogren sa loob. Pinaghahalo ang hydrogen at oxygen upang magkaroon ng elektrisidad para patakbuhin ang tren.

Dahil sa ganitong pamamaraan, tanging tubig at singaw (steam) lamang ang ilalabas ng tren sa atmosphere kumpara sa mga tren na pinagagana ng diesel na bumubuga ng usok na kung minsan ay itim na.

Ayon sa kompanya ang isang tangke ng hydrogen ay kayang magamit para makatakbo ang tren ng  1,000 kilometro katulad din ng kayang takbuhin ng diesel train.

Nasa 87 milya kada oras o 140 kilometro kada oras ang pinakamabilis na takbo ng hydrogen train at lubhang mas tahimik kumpara sa dating diesel train.

Naiipon naman sa ion lithium batteries ang mga enerhiyang hindi nagagamit ng hydrogen train sa normal na pagbiyahe nito.

Plano ng gobyerno ng Germany na mapatakbo na ang lahat ng hydrogen train sa 2022.

PRESYO AT SERBISYO

Sa mga nabanggit na katangian ng bagong teknolohiya mas mahal ang halaga nito ngunit tiniyak naman ng Alstom na madali itong patakbuhin.

“Sure, buying a hydrogen train is somewhat more expensive than a diesel train, but it is cheaper to run,” wika ni Alstom project manager Stefan Schrank.

“In line with our aim to facilitate a global transition to a low-carbon transport system, Alstom has pioneered several sustainable mobility solutions. The Coradia iLint is a perfect illustration for our commitment to designing and delivering innovative and environmentally-friendly solutions,” pahayag ng Alstom sa kanilang website.

INTERES MULA SA IBANG BANSA

Nagpakita ng interes ang mga karatig bansa sa pagbili ng hydrogen train. Kabilang sa mga bansang ito ay ang Denmark, Canada, United Kingdom, Norway at Italy.

Sa kabilang banda naman, kumuha rin ng eco-friendly buses sa ibang bansa ang Germany upang paigtingin ang laban nito sa pagpapababa ng polusyon sa bansa.

ADVANTAGE AT DISADVANTAGE

Bagama’t isang magandang hakbang ang proyektong ito, mayroon pa ring advantage at disadvantage ang paggamit ng hydrogen bilang fuel sa pagpapatakbo ng tren.

Sagana at renewable ang hydrogen kung kaya’t hindi ito mahirap makuha gayon din ang napakalakas nitong enerhiya.

Isang malaking kalamangan nito, hindi ito nakadadagdag sa polusyon na nagdudulot ng climate change ngunit kinakailangan pa rin ang fossil fuels. Ang fossil fuel ay isang non-renewable energy surce na taliwas din sa kanilang nais na green power sources.

At kapalit naman ng mataas na presyo ng hydrogen train — ito ay low maintenance at mas matagal ang itatakbo kaysa sa diesel train.

Patuloy na lumalawak ang mga teknolohiya sa iba’t-ibang panig ng mundo at inaasahan na ang mga ito ay magresulta ng higit na pagpapabuti ng kapaligiran, komunidad at higit sa lahat maisusulong ang mas kaigaigayang kalidad ng pamumuhay sa lahat ng aspeto.

Isang malaking hamon sa kasalukuyan ang global warming at climate change, ang paglikha ng mga gamit at sasakyang pinatatakbo ng renewable energy sources ay isang malaking tulong at hakbang upang mabigyang lunas ang lumalalang sakit ng kapaligiran.

Ang “Tambay” sa Internet

by

Pinas News

HABANG malaking usapin ngayon ang paggalugad ng kapulisan sa mga kalye para masita ang mga kahina-hinalang “istambay,” dapat din yatang pag-usapan na ang tindi ng impluwensiya ng paggamit ng social media sa ating mga kabataan.

Ayon sa mga panimulang pag-aaral, ang mga kabataang Pilipino ngayon ay napaka-“mediatized”.  Ang ibig sabihin, matindi at malakas ang impluwensiya ng media sa kanila, kabilang na ang social media.

Nitong nakaraang Mayo lamang, nabalitang nangungunang muli sa buong mundo ang Pilipinas sa dami ng gumagamit ng social media. Ayon ito sa consultancy group na We Are Social na nakabase sa United Kingdom.  Tinukoy din ng grupo na umabot na sa 67 milyong Pilipino ang gumagamit sa Internet.

Sa ulat ng We Are Social, na batay sa datos hango mula sa iba’t ibang pinagmulan, sinabing karaniwang gumagamit ang mga Pilipino ng tatlong oras at limampu’t pitong (57) minuto sa isang araw sa mga social media site, lalo na sa Facebook.

Sa ganang akin, dahil sa karunungang magbasa at magsulat, sa kakayanang makipag-usap sa isang banyagang wika lalo  na sa Inggles, at sa dami ng Pinoy na nakakalat sa iba’t ibang bahagi ng mundo at nais makipag-ugnayan sa kanilang mga kapamilya at kaibigan saan man sila naroon, hindi kataka-takang marami ang nahihila sa mundo ng social media.

Sa sitwasyong ito, milyun-milyong kabataan ngayon ang aktibo as social media platforms gaya ng Facebook.  May 67 milyong Facebook account sa Pilipinas (may 10 milyong Pilipino pa sa Instagram, na pag-aari ng Facebook) at 24 taon gulang ang average na edad ng mga gumagamit.

Napakaraming Pilipinong social media “istambay” sa internet!

Maraming kinakaharap na usapin ang bansa at may malaking potensiyal ang social media upang makatulong sa pagtugon sa mga usaping ito, lalo na sa aspeto ng patuloy na edukasyon ng mamamayan.

Sa mga bago at pinayamang laman ng mga dapat ituro sa mga iskwelahan at pamantasan ayon sa DepEd at CHED, nabibilang ang ilang asignatura kung saan maaring talakayin ang paggamit ng social media at internet sa kasalukuyang mundo.  Sana ay maging maayos at mapayabong ang ganitong pag-aaral at mga kaugnay na gawain dahil talagang kailangang pag-ibayuhin pa ang pagpapakalat ng wasto at produktibong kaalaman sa paggamit ng Internet at iba pang makabagong teknolohiya sa komunikasyon.

Pinoy netizens, damay sa FB ‘data leak’ scam

by

Ni: Quincy Joel V. Cahilig

SA patuloy na pagyabong ng teknolohiya ng komyunikasyon, napatunayan nating mga Pinoy na hindi tayo magpapahuli sa paggamit nito. Minsan ay nabansagan na ang bansa bilang “texting capital of the world” dahil sa dami ng bilang ng Pilipinong gumagamit ng short messaging service sa kanilang cellphones. At nang umusbong ang social media sa internet, tulad ng Facebook, Twitter, Instagram at Snapchat ay naging pangunahing paraan ito upang maging “connected” tayo sa isa’t-isa.

Hindi maitatanggi na ang Facebook ang pinakatanyag na social media sa buong mundo, na may 2.2 bilyong users.  Sa Pilipinas, mayroong 47 milyong aktibong gumagamit ng nasabing social media para makipag-usap at maging updated sa mga kaibigan, kamag anak; pagsagap ng impormasyon at balita; gayon din ang iba’t-ibang uri ng libangan tulad ng viral videos at online games at maging sa pagnenegosyo. Talagang parte na nga ng ating buhay sa modernong mundo ang social media.

Subali’t kasalukuyang inu-ulan ng batikos ang Facebook dahil sa iskandalong kinasasangkutan nito, kung saan nagbunyag ang pagkulimbat ng research firm na Cambridge Analytica, na nagsilbing consultant sa kampanya noon ni US President Donald Trump, ang data ng 87 milyong FB users sa buong mundo.

Sa pamamagitan umano ng isang personality-quiz app na “This Is Your Digital Life”, nakuha umano ng kumpanya ang mga personal na impormasyon ng mga netizens upang mapulsuhan kung anong mga katangian na hinahanap nila sa isang leader. Ito ang ginawang batayan umano sa pagbuo ng estratehiya ng kampo noon ni Trump para umarangkada sa 2016 US Presidential Elections.

Dahil sa data leak, ginisa ng mga miyembro ng US Congress ang CEO ng Facebook na si Mark Zuckerberg. Nakumpirma sa kanilang imbestigasyon na maari ngang magamit ang Facebook ng ilang grupo para sa mga political agenda tulad ng ginawa umano ng Russia na nag-“weaponize” sa nasabing social media platform  upang maka-impluwensya sa nakaraang eleksyon sa Amerika.

Aminado naman si Zuckerberg na isang malaking pagkakamali ang nangyari.  Aniya, maging ang kanyang data ay nakuha ng Cambridge Analytica, kaya naman isang “complex issue that deserves more than a one word answer” ang isyu ng data privacy ng mga Facebook users.

Bukas naman ang 33-year old executive na makipagtulungan sa pagbabalangkas ng mga panuntunan upang mabantayan ang mga pribadong impormasyon ng mga netizens, gaya ng suhestiyon  ni  Sen. Amy Klobuchar ng Minnesota ng pagkakaroon ng 72-hour notification kung may maganap na breach of privacy.

Samantala, inanunsyo ng Cambridge Analytica na burado na ang lahat ng data na binili nila mula sa researcher na si Aleksandr Kogan, at nagsagawa sila ng internal audit para masiguro ang pagbura sa mga kontrobersyal na data, alinsunod sa pakiusap ng Facebook.

Sapul ba ng ‘data leak’ ang Pinoy FB users?

Hindi naiwasang mangamba ang mga Pinoy netizens na baka nagamit at magamit ang kanilang mga pribadong impormasyon ng ilang pulitiko, lalo na’t inanunsyo ng Facebook na halos 1.2 milyong Pinoy FB users ang maaring apektado ng data leak scandal.

Umalingawngaw ang alegasyon na nakinabang din ang kampo noon ni Pangulong Rodrigo Duterte sa mga data na nakalap ng kontrobersyal na research firm kaya ito nanalo sa pambansang halalan noong 2016.

Lumabas sa South China Morning Post ang larawan na kasama ng apat na Duterte campaign supporters na sina Peter Laviña and Jose Gabriel “Pompee” La Viña, Taipan Millan  at dating pangulo ng National Press Club Joel Sy Egco si Cambridge Analytica CEO Alexander James Ashburner Nix, na direktor din ng behavioral research group na Strategic Communication Laboratories Group (SCL).

Binanggit din sa isang ulat na tinulungan umano ng SCL ang isang kandidato sa Pilipinas na baguhin ang imahe nito bilang isang “strong, no-nonsense man of action”, base sa mga dokumentong nakalap nito noong 2013. Bagama’t hindi pinangalanan ang naturang kandidato sa report, may mga spekulasyon na si Pangulong Rodrigo Duterte ang tinutukoy dahil akma sa kanya ang nabanggit na imahe.

Pinabulaanan naman ng Malakanyang ang inilutang na isyu. Ayon kay Presidential Spokesperson Harry Roque, tiniyak ni Finance Secretary Carlos Dominguez, na tumayong ingat-yaman ng Duterte campaign team, na hindi siya nagbayad ni isang kusing sa Cambridge Analytica.

“The President won the election fair and square with an overwhelming mandate of over 16 million votes and a margin of over six million. Support for the former Davao city mayor was from all sectors and not just from Facebook or online; thus, the Duterte campaign did not have to purchase information,” pahayag ni Roque.

“We should respect the President’s landslide victory, which was a result of the trust and confidence of the Filipino people, and not undermine it with unsubstantiated allegations.”

Facebook, dapat magpaliwanag sa PH gov’t

Ayon sa National Privacy Commission (NPC), hindi sapat ang paliwanag ni Zuc-kerberg sa nasabing kontrobersiya nang siya ay humarap sa pagdinig ng US Congress.

“We acknowledge the communications of your global and regional representatives made directly to our office,” nakasaad sa liham ng NPC kay Zuckerberg noong Abril 11. “Unfortunately, your response has been generic and inadequate to satisfy the mounting concerns of Filipino users.”

Sa isang statement ay sinabi ng Facebook na handa nilang sagutin ang mga tanong ng ahensya at makipagtulungan dito.

“We are strongly committed to protecting people’s information. We are engaged with the Philippine National Privacy Commission on this,” pahayag ng FB.

Isa lamang ang Pilipinas sa mga bansa sa labas ng US na gustong kastiguhin ang Facebook dahil sa data leak. Ang mga bansa ng United Kingdom, Australia, Brazil, Mexico, Indonesia, Canada, India, at Vietnam ay nais din papanagutin ang nangungunang social media company.

Samantala, maaring malaman ng Facebook users kung nakuha nga ba ng Cambridge Analytica ang kanilang personal data sa Help Center nito (www.facebook.com/help). Maari rin malaman at mai-download kung anu-anong data ng isang user ang hawak ng Facebook sa pagpunta sa www.facebook.com/settings, at i-click ang “Download a copy of your Facebook Data”.

Facebook, nahaharap sa krisis

China’s New Silk Road: Matayog na Pangarap Lamang o Tunay na Daan sa Kapayapaan at Kasaganaan?

by

Ni: Ernie Cifra

“The New Silk Road”, isang malawakang proyektong isinusulong ng Tsina, na tinawag na “pinaka-ambisyosong pangarap” na palawakin ang ekonomiya at impluwensiya ng nasabing bansa.  Tinagurian ito bilang isa sa pinaka-engrandeng plano sa kasaysayan ng daigdig.

 

Ano ang “New Silk Road”

Ang proyektong “Belt and Road Initiative” o BRI ay opisyal na inilunsad ni Xi Jinping, pangulo ng Tsina, noon pang taong 2013. Layunin nito na paigtingin ang ugnayang komersiyal at pagtutulungan ng mga bansa sa Asya, Timog Silangang Asya, Gitnang Silangan, at Europa.  Hangad ng BRI na magkaroon ng walang

humpay na palitan ng kapital, kalakal, at serbisyo sa Asia at iba pang panig ng mundo.                                                                                             

Ang salitang “Belt” ay ukol sa planong magkaroon ng ugnayan (link) sa ekonomiya at panlupang transportasyon mula Tsina hanggang Gitnang Asya at Europa.  Ang “Road” naman ay patungkol sa planong paigtingin ang kalakalang pandagat (maritime trade) na maglalapit sa iba’t ibang rehiyon ng mundo sa pamamagitan ng mga daungan ng Tsina.

Sa pamamagitan ng BRI, magkakaroon ng ugnayan ang mahigit sa 60% na populasyon ng buong mundo mula sa mahigit 60 bansa sa Asya, Europa, at hanggang sa kontinente ng Africa.

Tinatayang 30% ng Gross Domestic Product (GDP) ng buong mundo at 35% ng pandaigdigang kalakalan ang sasakupin ng BRI kapag ito ay naipatupad.

“Papalaganapin ng Tsina ang pakikipag-kaibigan at kooperasyon sa mga bansang sasama sa Belt and Road Initiative sa pamamagitan ng prinsipyo ng mapayapang pakikisalamuha. Handa kami na ibahagi ang kaalaman na magbubunga ng pag-unlad ng ibang mga bansa…ang aming hangad ay manalo tayong lahat (win-win) sa pamamagitan ng kooperasyon,” ani Jinping sa kanyang talumpati noong Mayo 2017 sa pagbubukas ng ‘The Belt and Road Forum for International Cooperation’ sa Beijing.

Dumalo ang Pangulong Rodrigo Duterte sa nasabing forum kung saan niya inulit ang pagkilala sa Tsina bilang isang “global superpower”.

 

Pangulong Rodrigo Duterte at Xi Jinping, Pangulo ng Tsina 

Kung sasangguniin ang conceptual map ng Belt and Road Initiative na nilikha ng Hongkong Trade Development Council, limang oras lamang ang kailangan upang maabot ng tao’t mga kalakal ang mga bansang nasa Asya, Gitnang Silangan, at Europa.  Pinapakita ng mapa na hindi lamang daang panlupa ang konseptong nakapaloob sa BRI. Ang tinaguriang “Maritime Silk Road”

Ayon sa pamahalaan ng Tsina, may limang aspeto ng koordinasyon na kailangang gawin upang maging matagumpay ang BRI.  Kinakailangan daw ng mga sumusunod: Kultural na Ugnayan (Cultural Exchange), Koordinasyon sa Palisi (Policy Coordination), Koneksyon ng mga Pasilidad (Facilities Connectivity), Integrasyong Pampinansyal (Financial Integration), at Kalakalan at Pamumuhunan (Trade and Investment).

Ayon sa mga eksperto, sa pamamagitan ng imprastraktura kagaya ng pagtatayo ng mga daan para sa mga riles ng tren at iba pang sasakyan; paglalapat ng mga tulay; at iba pang pisikal na imprastraktura — maipaglalapit ng BRI ang mga iba’t ibang lahi ng tao, negosyo’t kalakalan, at kultura ng maraming bansa sa paraang hindi pa kailanman nakita sa kasaysayan.  Ang nakapalaking proyektong ito ay inaasahang magbunga ng libo-libong mga trabaho maliban pa sa mga bagong negosyong maaring umusbong upang suportahan ang BRI o di kaya’y magsilbi sa mga tao’t institusyong matatagpuan sa paglalatagan ng kilo-kilometrong “Belt” at ng “Road”.

Para sa bansang Tsina, ang BRI ay maghuhudyat ng kapayapaan sa iba’t ibang bansa. Sapagkat sa halip na sigalot ang mangyari, bubuti ang internasyunal na relasyon ng mga bansa sapagkat ang BRI ay susi sa pang-ekonomiyang kaunlaran ng lahat ng bansang lalahok rito.

 

 

Tren na nag-uugnay sa Yiwu, China at London, United Kingdom                                                                                       

Subalit hindi lamang isang plano o pangarap ang BRI. Sa katunayan, mayroon nang mga proyektong naisakatuparan at pinakikinabangan na ng libo-libong mga tao at negosyo.  Halimbawa rito ang mga pampasaherong tren na mula sa bayan ng Yiwu sa Tsina na umaabot sa siyudad ng London sa Ingglatera. Ang tren na ito ay naglalakbay ng 12,000 kilometro at literal na pinaglapit ang Tsina na nasa Asya at ang London na nasa Europa.  Sa ngayon, may 15 siyudad sa Europa na ang may direktang koneksyon sa Tsina sa pamamagitan ng mga tren at iba pang uri ng transportasyon.

 

Bakit Mahalaga sa Pilipinas ang New Silk Road?

Pero may pakinabang ba ang Pilipinas sa BRI?

Ayon kay George Siy, isang director ng Filipino-Chinese Chamber of Commerce and Industry (FCCCII), ang proyektong ito ay nakatuon sa malakihang imprastrakturang na magdudulot ng benepisyo sa Pilipinas.

Dagdag pa ni Siy, maliban sa mga investments at pautang (loans) na manggagaling sa Tsina, makikinabang ang Pilipinas sa pagdagsa na mga turista. Bilang halimbawa, sinabi ni Siy na may 350,000 turista na pumasok sa Pilipinas noong 2015, at 650,000 noong nakaraang taon, at maaring umabot ng isang milyon ang pumasyal sa bansa ngayong 2018.  Inaasahang lalakas ang turismo at iba pang mga negosyo’t industriya kung magkakaroon ng imprastrakturang maglalapit sa mga bansa ng Tsina, Timog Silangang Asya, Gitnang Silangan, at Europa.

Sa kasalukuyan, may 13 kasunduan na ang pamahalaan ng Tsina at Pilipinas na aabot sa US$24 bilyon (PhP 1.16 Trilyon) halaga ng negosyo’t kalakalan.

Sa isang pahayag na inilabas ng Hongkong and Shanghai Banking Corporation (HSBC), sinabi nito na, “…(ang Tsina) ay isang ‘superpower’ ng ika-21 siglo na may pinakamalaking reserba ng foreign currency na umaabot sa US$3.2 Trilyon. Sa pamamagitan ng ‘Belt and Road Initiative’, magkakaroon ng mga oportunidad ang Pilipinas para paunlarin ang kanyang sariling imprastraktura, kalakalan sa ibang bansa, turismo, at paramihin ang mga trabaho habang nilalabanan ang kahirapan at pinaghuhusay ang serbisyo sa mamamayan.”

Isang konkretong epekto ng BRI ay ang lagdaang naganap sa gitna ng pamahalaang Tsina at Pilipinas para sa pag-aaral (feasibility studies) ukol sa pagsasagawa ng “Panay-Guimaras-Negros Bridges Project” at ang “Davao City Expressway Project”. Tinatayang P8 Trilyon ang gugugulin upang pondohan ang iba pang mga proyektong kaugnay ng tinaguriang “Golden Age of Infrastructure” sa Pilipinas.

 

Silk Road sa Lumang Kasaysayan

Ang terminong “Silk Road” ay unang ginamit patungkol sa panlupa at pandagat na mga ruta (routes) na nag-uugnay sa Asya, Gitnang Silangan, Europa, at Africa magmula pa noong 475 BCE kung saan inilatag ang mga daang pang-kalakalan sa ilalim ng pamamahala ng Imperyo ng Persia (Persia, sinaunang bansa na sa pangkalakuyan ay ang bansang Iran).  Pinahaba pa ang mga rutang ito sa panahon ng paglakas ng Imperyo ng Gresya sa ilalim ni Alexander the Great na naglakbay at nanakop sa maraming bansa hanggang sa Gitnang Asya.  Malaking bahagi ng naturang ‘Silk Road’ ay matatagpuan sa mga lupain ng Tsina.

Maliban sa kalakalan ng ‘silk’ o sutla, naging tanyag din ang Silk Road sa kalakalan ng iba’t ibang uri ng kabayo, na noong unang panahon, ay ang pinakamahusay na gamit sa transportasyon hindi lamang sa kalakalan, kundi sa pakikidigma.

Ang Silk Road din ay nasa sentro ng paglaganap ng relihiyong Islam, Budismo, at Kristiyanismo kaalinsabay ng paglaganap ng kalakalan sa buong heograpiyang napasakop dito mula pa noong unang panahon.

Sinasabing kabahagi sa Silk Road ang Mindanao, lalo na ang Sulu at Tawi-Tawi, kung kaya’t lumaganap ang Islam sa katimugan ng Pilipinas bago pa man dumating ang mga Espanyol noong 1521.  Ayon sa mga mananaliksik, kabahagi rin ng “Maritime Silk Road” ang tinatawag na “Manila-Acapulco Galleon Trade” na naganap mula 1565 hanggang 1815. Sa katunayan, ang mga ‘galleon’ o barkong Espanyol mula sa Manila ay tinaguriang ‘La Nao Dela China’ (The China Ship) sa Bagong Espanya dahil karaniwang laman nito ay mga kalakal mula sa Tsina.  Ang Bagong Espanya (New Spain) ay mga kolonya ng Espanya sa bansang Mexico at mga karatig nito.

 

Abangan ang Susunod na Kabanata

Maaaring napakatayog na pangarap at maraming taon ang gugugulin upang maisakatuparan ang Belt and Road Initiative. Sa kabilang banda, may mga proyektong natapos na at pinakikinabangan na ng Tsina at ibang mga bansa kagaya na lamang ng “Yiwu-London Train Network”.

May nagsasabing magiging suliranin ang mga isyu ng “right of way” at paghahanap ng mga “local partners” upang gawin ang iba’t ibang proyektong pang-imprastratura sa loob ng Pilipinas kung gagamit ito ng pinansyal na capital mula sa Tsina.

Subalit sa laki ng potensyal ng Belt and Road Initiative na magdulot ng kapayapaan at kasaganaan sa maraming bansa, lahat ay nag-aabang sa susunod na kabanata at sa mas kongkretong kaganapan kagaya ng paglagda ng mga kontrata at aktuwal na pagdami ng mga negosyo’t trabaho sa ruta nito mula sa Tsina hanggang sa Pilipinas at iba pang bansang umaasa sa pangako ng pag-unlad.

Teknolohiyang Tutugon sa hamon ng ‘Climate Change’

by

Ni: Quincy Joel V. Cahilig

Ang climate change marahil ang pinakamalaking problema ng kasalukuyang kinahaharap ng sangkatauhan, kung saan nakasalalay din ang kinabukasan ng mga susunod na henerasyon at ng mundo.

Ayon sa isang on-going temperature analysis ng mga scientists sa Goddard Institute for Space Studies ng National Aeronautics and Space Administration, ang average global temperature ng mundo ay tumaas ng 0.8° Celsius (1.4° Fahrenheit) mula noong nagsimulang magkaroon modernong pagtatala ng temperatura taong 1880. Ang pag-init ng mundo ay bunsod ng mataas na antas ng greenhouse gases sa atmosphere mula sa mga fossil fuels na ginagamit sa paglikha ng enerhiya.

Ang pag-init ng mundo ay nagdulot sa pagbabago sa klima at weather patterns kaya naging malakas na ang mga bagyo, mahabang tagtuyot, heat wave,  at pagkatunaw ng mga ice glaciers, na nagpapataas  sa sea level na maglulubog sa maraming lugar, kabilang ang ilang bahagi ng Pilipinas.

Ang mga nasabing epekto ng climate change ay nakapipinsala rin sa kalusugan, kabuhayan, at suplay ng pagkain ng mga tao. Apektado rin nito ang mga hayop at mga halaman.

Babala ng mga eksperto, magpapatuloy ang naturang phenomenon sa loob ng maraming taon.  Kaya naman noong 2015, ay bumalangkas ng kasunduan ang mga bansang kabilang sa United Nations Framework Convention on Climate Change sa Paris,France, kabilang ang Pilipinas, na maglilimita sa pagtaas ng global average temperature “below two degrees Celsius above pre-industrial levels”. Ang naturang kasunduan ay pinagtibay ng 175 na mga bansa noong Abril, 2016 sa New York, USA at sinimulang ipatupad noong Nobyembre ng nasabing taon.

Kabilang sa mga mahahalagang hakbang sa pagtugon sa hamon ng climate change ang paglikha ng mga teknolohiyang makakatulong sa tao na makasabay sa nasabing pagbabago sa mundong kaniyang ginagalawan.

MALINIS NA ENERHIYA

Ang carbon emissions mula sa paggamit ng fossil fuels—na ginagamit ng maraming planta ng kuryente upang makagawa ng enerhiyang kailangan para mailawan ang mga tahanan at gusali, gayundin para mapatakbo ang ating mga appliances, equipment, at gadgets—na mga pangunahing sanhi ng global warming. Kaya naman, isinusulong ng ngayon ng mga siyentipiko at environment advocates ang paggamit ng mga renewable at clean energy sources.

Sa Pilipinas, isinusulong ng mga power producer companies na First Gen  at Aboitiz Power ang  renewable energy sources tulad ng natural gas, geothermal, hydro, wind, at solar. Napaulat din na pinaplano ng infrastructure giant na Metro Pacific Investments Corp. na pumasok sa naturang sektor upang magamit ito ng waste products sa paglikha ng kuryente at upang mabawasan din ang polusyon.

Isa rin sa mga solusyon na nakikita ng mga siyentipiko ay ang nuclear power dahil ito ay walang carbon emission at napakayamang source of electricity, ngunit may kaakibat na panganib tulad ng posibilidad ng meltdown.  Kaya naman tumutuklas ang mga siyentipiko ng mga teknolohiya na gagawing mas ligtas at cost-effective ang nuclear energy.

Isa sa mga kumpanyang nagsusulong ng safe nuclear energy ay ang General Fusion na kasalukuyang nagde-develop ng  commercially viable nuclear-fusion-energy power plant.

“Fusion produces zero greenhouse gas emissions, emitting only helium as exhaust. It also requires less land than other renewable technologies. Fusion energy is inherently safe, with zero possibility of a meltdown scenario and no long-lived waste, and there is enough fusion fuel to power the planet for hundreds of millions of years,” pahayag ng naturang kumpanyang nakabase sa Canada.

MAS ‘POWERFUL’ NA ELECTRIC CARS

Ang sektor ng transportasyon ang ang nagdudulot ng 23% ng global energy-related carbon dioxide emissions.  Kaya naman naimbento ang mga sasakyang pinatatakbo ng kuryente sa halip na gasolina, na ginagamit na ng maraming motorista ngayon. Ngunit tinatayang tataas pa ang demand sa mga de-kuryenteng sasakyan kaya naman kinakailangan na mas mapaganda pa ang teknolohiya ng mga ito.

Kamakailan nakaimbento ang mga eksperto sa University of Surrey sa United Kingdom ng material na mas efficient at mas matagal ang buhay ng 1,000-10,000 beses kumpara sa existing battery alternative ng mga de-kuryenteng sasakyan.  Ibig sabihin, posible nang makapagbiyahe ng mahabang distansya, tulad ng de-gasolinang sasakyan, ang mga de-kuryenteng kotse sa malapit na hinaharap.

“The new technology is believed to have the potential for electric cars to travel to similar distances as petrol cars without the need to stop for lengthy recharging breaks of between 6 and 8 hours, and instead recharge fully in the time it takes to fill a regular car with petrol,” pahayag ng nasabing unibersidad.

HIGH-TECH NA MGA PAGKAIN

Ang pagsustena sa suplay ng pagkain para sa 7 bilyong tao sa buong mundo ay napakalaking hamon ding dala ng climate change dahil naapketuhan nito ang ang mga pananim. Dahil mas malakas na ang mga pag ulan at mas matindi na ang init, tila di na maiwasan ang pagkasira ng mga pananim na magdudulot ng food shortage.

Kaya naman nag-develop ang mga siyentipiko ng mga uri ng pananim na kayang mabuhay sa extreme weather conditions. Gaya ng naimbento ng International Rice Research Institute sa Los Banos, Laguna na uri ng palay na kayang mabuhay kahit malubog ito sa baha sa loob ng 17 days.

Itinuturing din na factor sa pagtaas ng temperature ng mundo ang pagkonsumo ng karne. Dahil dito, may mga food companies tulad ng Beyond Meat, ni Microsoft co-founder at philanthropist na si Bill Gates, na nagde-develop ng mga meat substitutes na malapit sa itsura at lasa ng totoong karne. Nakagawa ang naturang kumpanya ng kauna-unahang meat burger na gawa sa vegetable protein mula sa peas.

Close Bitnami banner
Bitnami