PINAS

Ang Lihim ng Panginoon (Ikapitong Bahagi)

Sonspeak

Recent News:

Vick Tanes

Food tips para sa puso

by

Ni: Vick Tanes 

Alam n’yo ba na ang puso ang pinakamahalagang organ sa katawan ng tao. Kung walang puso, wala nang buhay, kaya dapat na mapangalagaan ang puso.

Ang puso ang nagpapaikot ng dugo sa buong katawan upang mabigyan ng tuloy-tuloy na suplay ng oxygen ang bawat bahagi ng katawan.

Laging tatandaan na kung tumigil ito sa pagtibok, tiyak ang agad na kamatayan. Dahil dito, marapat lamang na mapangalagaan at mapanatiling malakas at masigla ang puso.

Isa sa mahuhusay na paraan ng pangangalaga sa kalusugan ng puso ay ang pagpili at pagkontrol sa mga kinakain.

Narito ang ilang tips para mapangalagaan ang puso upang hindi na muling masaktan.

 Bawasan ang pagkain ng maaalat. Ang dami ng sodium sa mga kinakain ay hindi dapat lumampas sa 3,000 mg sa bawat araw.

 Iwas sa fats. Ang kabuuang dami ng taba o fats sa mga kinakain ay hindi dapat lumampas sa 30 porsyento ng kabuuang calories sa bawat araw.

Ang saturated fat mula sa mga matabang karne at mga malangis na pagkain ay hindi dapat lumampas sa 10 porsyento ng kabuuang calories sa bawat araw.

Ang polyunsaturated fat mula sa mga isda at mani ay hindi dapat lumampas sa 10 porsyento ng kabuuang calories sa bawat araw.

Ingat sa cholesterol. Ang dami ng cholesterol mula sa mga kinakain ay hindi dapat lumampas sa 300 mg sa bawat araw.

Bawas sa carbo. Ang carbohydrates, partikular ang mga complex carbohydrates, ay dapat bumuo sa 50 porsyento ng kabuuang calories sa bawat araw. Ang nalalabing porsyento sa kabuuang calories na kailangan sa bawat araw ay dapat manggaling sa protina.

Ang kabuuang dami ng calories na dapat i-konsumo sa bawat araw ay nakadepende sa bigat ng bawat indibidwal.

 Limitahan ang bisyo. Ang pagkonsumo ng alak sa isa hanggang dalawang onsa lamang sa bawat araw. Bawasan kung maaari ay tanggalin ang paninigarilyo.

 Piliin ang nararapat na pagkain. Ang nutrisyon sa araw-araw ay dapat magmula sa iba’t ibang pagkain na kailangan ng katawan upang lumakas.

 

Health tips para sa magandang New Year

by

 

MAGPAKONSULTA kaagad sa doktor kapag may nararamdaman sa katawan, mainam din ito para mabigyan ng sapat na atensyon ang kalusugan.

 

Ni: Vick Tanes

TANDAAN na iisa lamang ang buhay ng tao kaya dapat natin itong pangalagaan at mahalin. Kasama ang mga mahal sa buhay, dapat na mag-enjoy. Buhayin ang buhay.

Maraming paraan upang mabuhay. Sa pamamagitan lamang ng tamang pagkilos at pag-iisip ay maayos mong maitataguyod ang iyong buhay. Buhay na mula sa Maykapal kaya dapat na ito ay pangalagaan. Kaya naman, marami ang humihiling ng mahabang buhay kaya narito ang ilang tips na makatutulong nang malaki para mas humaba pa ang buhay at maging masagana ngayong Bagong Taon.

MAG-EHERSISYO ng 15 minuto araw-araw kung gusto mong maging maayos at masigla ang iyong pangangatawan.

 

Think positive o Mag-isip ng positibo – isipin palagi ang tama at hindi mali. Huwag mawawalan ng pag-asa. 

Mag-relax – kailangan naman nating ipahinga ang sarili bago sumabak sa isa pang gawain. Kailangang magbawas ng stress sa buhay.

Makabubuti rin ang pag-inom ng mga vitamins at supplements. Mainam din sa katawan ang pag-inom ng Omega-3 fish oil.

Mag-ipon ng pera – totoo ang kasabihang “Kapag may isinuksok ay may madudukot”. 

Magpatingin sa magaling na doctor – kung may nararamdaman na sakit ay mabuting ipakonsulta po agad sa doctor upang hindi na ito lumala.

Magpabakuna – upang makaiwas lamang sa anumang sakit. Mainam na pinangungunahan ang pagdating ng sakit. May mga bakuna laban sa hepatitis B, pulmonya, trangkaso, at iba pa.

Mag-ehersisyo – mas maganda para sa katawan ang naiinat ng kaunti kaya mabuti para sa katawan ang exercise. Tiyak na hahaba ang buhay.

Tumulong sa kapwa – nakabubuti rin po kung naibabahagi natin sa kapwa ang kaunting grasya dahil tiyak na sobra-sobra ang grasyang darating sa inyo.

Umiwas sa bisyo – nauuso po ngayon ang mga bisyo na kadalasan ay naeengganyo ka lamang mula sa kaibigan. Umiwas po dito.

Umiwas sa alak – hindi naman ito palagi at hindi rin po nakasasama sa katawan ang pag-inom ng alak. Basta hinay-hinay lamang o drink moderately. Masama ang alak kapag sobra dahil nakasisira ito sa ating ugat, utak at atay.

Kumain ng gulay at prutas – maraming bitamina at sustansyang taglay ang mga gulay at prutas kaya mainam po ito sa katawan.

Kumain ng matatabang isda – Ang pinakamasustansyang isda ay iyung mataas sa Omega-3 fish oil. Ito ay matatagpuan sa sardines, tuna, salmon at mackerel.

Magbawas ng timbang – hindi naman kailangang payat basta ang mahalaga ay healthy.

Magdasal – ito ang pinaka-importante sa lahat dahil mabuting may pananampalataya tayo sa Poong Lumikha.

Dahil 2019 na… 10 BAD HABITS na dapat iwasan para sa kalusugan ng Pinoy

by

BAD HABITS

MAHILIG sa matatamis at matatabang pagkain ang mga Pinoy ngunit kalaunan naman ay nagkakasakit.

 

Ni: Vick Tanes 

BAGONG Taon na at Bagong Buhay. Year of the Pig ngayong 2019. Alam ng lahat na ang pig ay baboy kaya sa salitang barubal, hindi natin kailangang maging baboy para umasenso. Kailangan ng disiplina sa katawan at sarili para mas umunlad ang pamumuhay.

Marami ang dapat na baguhin sa mga maling gawain. Mahirap man ngunit marami namang paraan upang mabago ito. Ito ay mga maling gawain ng Pinoy na nakakasanayan na at kung minsan ay kinatatamaran nang baguhin.

  1. Hindi nag-aalmusal. Alam ba ninyo na halos isa sa bawat tatlong Pilipino ang hindi nag-aalmusal? Ito ay malaking kamalian, dahil sa almusal kumukuha ng lakas ang ating katawan para magtrabaho, mag-isip at magkaroon ng enerhiya. Ang almusal ang pinakamahalagang pagkain natin sa buong araw. Ang mga batang nag-aalmusal ay nagiging mas matalino at mas mataas ang grado sa paaralan at mas gaganda rin ang performance sa trabaho ng mga office workers.
  2. Kakulangan sa pagkain ng gulay at prutas. Mainam sa katawan ng isang tao ang pagkain ng dalawang tasang gulay at dalawang tasang prutas sa bawat araw. Sa ganitong paraan, makukuha nila ang lahat ng kailangang mga bitamina at minerals. Sa mga bata at sa mga payat na tao, puwede na ang isa at kalahating tasa ng gulay at prutas araw-araw.
  3. Mahinang pag-inom ng tubig. Maraming Pinoy ang mahinang uminom ng tubig. Minsan tatlong baso lang ang naiinom nila sa isang araw. Kailangan natin ng anim hanggang 10 baso sa isang araw. Matutulungan kasi ng tubig ang mga sakit tulad ng UTI, sakit sa bato, panghihina, constipation at pangungulubot ng balat.
  4. Mahilig sa matatamis, dessert man o inumin. Ang pagkain o pag-inom ng sobrang matatamis ay puwedeng magdulot ng diabetes, katabaan at sakit sa puso rin. Limitahan ang pag-inom ng soft drinks, canned juices at iced tea. Mas piliin ang fresh fruits, green tea at tubig.
  5. Extra rice, please. Ayon sa pagsusuri, ang sobrang pagkain ng kaning puti ay puwedeng magdulot ng diabetes at katabaan. Bawasan ang pagkain ng kanin at palitan ito ng gulay at prutas. Mas mainam din ang pagkain ng brown rice at wheat bread, kumpara sa kanin puti.
  6. Taba, aligi, balat ng manok, lamanloob, bawal ‘yan.  Bawasan o kung maaari ay iwasan na lamang ang mga matatabang pagkain tulad ng lechon, crispy pata, chicharon, lamanloob, at taba ng baboy at baka. Kung ang mantika nito ay nagiging sebo kapag nalamigan, ganoon din ang mangyayari sa taba sa loob ng iyong katawan. Kung ayaw mong atakehin sa puso, bawa­san ang pagkain nito.
  7. Sobra sa pag-inom ng kape at energy drinks. Masama po sa katawan ang sobra. Puwede kayo magkaroon ng nerbiyos, palpitation at hindi pagkatulog. May iba naman na umaasa sa energy drinks para labanan ang kanilang pagkapuyat. Mali rin po iyan. Para magkaroon ng energy, kumain nang tama, magpahinga ng sapat at umiwas sa bisyo.
  8. Kulang na sa kalinisan sa katawan. Ang paghugas ng kamay ang pinaka-magandang paraan para makaiwas sa sakit. Maraming sakit ang nakukuha sa maruming kamay tulad ng pagtatae, sore eyes, typhoid fever, tuberculosis, pigsa, at iba pa. Maghugas palagi ng kamay. Kung walang tubig at sabon, gumamit ng alcohol. Dapat ding ugaliin ang pagsisipilyo ng ngipin dahil ang bacteria sa ngipin ay nakapagdudulot ng sakit sa puso. Kaya naman simple lang ang solusyon, magsipilyo ng tatlong beses sa bawat araw at gumamit din ng dental floss upang makuha ang nakasiksik na tinga.
  9. Kulang sa tulog.  Kailangang mag-ingat ang mga taong kulang sa tulog at laging gumi-gimmick. Ayon sa pagsusuri, ang mga laging puyat ay mas mataas ang insidente ng sakit sa puso at kanser. Kaya naman kung ikaw ay nagtatrabaho sa night shift, kailangan ay doble ang iyong pag-aalaga sa sarili. Siguraduhing masustansya ang iyong kinakain at sapat ang iyong pahinga.
  10. Ayaw magpa-check-up. Karamihan sa mga Pinoy ay ayaw magpa-check up sa doktor. Kailangan pang pilitin para pumunta sa clinic. Dapat na magpatingin ng maaga para malaman at maagapan

Tips sa pag-iwas sa infectious disease

by

Ni: Vick Tanes

LUBOS na pinag-iingat ang lahat sa mga sakit, partikular na yung mga nakakahawa dahil iba na ang takbo ng panahon kaya mas madaling kapitan ng sakit ang mga taong mahina ang resistensya.

Kung dati-rati ay sisipunin lang kapag pawis ang likod, iba na ngayon, bawat kilos mo ay papawisan ka na kasabay ng pagbahin at ang simula ng sipon. Kung maulanan naman, lagnat agad ang kasunod; mausukan, uubuhin ka agad, tumalon nang mataas ay mapipilayan.

Ayon sa pag-aaral, madali nang magkasakit ang mga tao ngayon dahil na rin sa karakarakang pagbabago ng klima, sa polusyon at maging sa mga pagkain.

Hindi naman maiiwasan na makabili ng mga pagkaing may chemicals ngunit may paraan naman upang makaiwas sa sakit at mapangalagaan ang katawan upang makaiwas sa sakit.

  1. Laging maghugas ng kamay. Hugasan ang kamay palagi bago at pagkatapos kumain, pagkatapos magpunta sa palikuran at tuwing matatapos sa anumang gawain at kahit saan tayo galing, lalo na kung mula tayo sa pampublikong lugar. Gasgas man o luma na ang habit na ito, ay talaga namang napaka-epektibo.

Lagi rin dapat na aware tayo sa ating pagbahin at pag-ubo, Dapat iwasan natin na maikalat ang mga mikrobyo. Magagawa ito sa pamamagitan ng paghuhugas ng kamay. Kung bumahin o umubo sa ating mga kamay ay agad na hugasan ito, iwasan na hawakan ang mata, ilong at bibig, pati na ang ibang gamit sa paligid upang hindi mai-transfer ang germs sa ibang tao.

  1. Pagkontrol sa mga peste o anumang insekto. Dapat na tiyakin na hindi pinamumugaran o pinamamahayan ang ating tahanan ng mga peste tulad ng daga, lamok at marami pang insekto, di lang sa loob ng bahay kundi maging sa labas at sa paligid ng mga kapitbahay.

Oras na mayroong peste sa ating paligid  ay agad silang lipulin upang maiwasan ang dala-dala nilang banta sa ating kalusugan.

  1. Panatilihing malinis at malusog ang mga alaga.  Kung may mga alaga o pets sa bahay ay dapat na tiyakin natin na malusog sila.

May posibilidad na makakuha ng impeksyon ang mga tao mula sa mga hayop, kaya dapat magkaroon ng magandang habit na alagaan sila gaya ng pagpapakain ng tama, pag-dispose sa kanilang dumi ng maayos, pagpapaligo sa kanila at ang regular na pagbisita sa kanilang vet at pagpapabakuna.

  1. Itago o iimbak ng maayos ang pagkain. Mas mainam kung laging sariwa ang lulutuin. Maiging mamalengke araw-araw. Ngunit kung kailangang mag-imbak ng pagkain lalo na kung tag-ulan at upang makatipid sa oras, tiyakin na maitatago ang pagkain sa malinis at maayos na lugar.

Ang mga pagkain gaya ng meat, dairy at poultry products ay maaaring pagmulan ng impeksyon lalo na kung hindi naitabi nang maayos. Kung hindi pa lulutuin ang karne at iba pang pagkain ay ilagay sila sa tamang taguan gaya ng refrigerator. At ang mahalaga sa lahat ay lutuing mabuti ang mga karne.

  1. Magkaroon ng sapat na pahinga.  Kapag ang isang tao ay walang sapat na pahinga may malaking posibilidas na tumaas ang stress level at bumaba ang productivity, kasama pa ang posibilidad na humina ang immunity. Dapat na tiyakin na nakakapahinga nang sapat araw-araw kahit ano pa ang ating gawain. Magkaroon din ng sapat na tulog.
  2. Magpabakuna. Sundin ang mga rekomendasyon para sa flu shots at iba pang vaccines upang makaiwas sa impeksyon.
  3. Huwag mag-self medicate. Ang pagiging palaasa sa gamot ay lubos na nakababahala. Iwasan ito dahil ang katawan ay magkakaroon ng resistance to medications dahil sa hindi kinakailangan at madalas na pag-inom ng gamot na hindi ipinayo ng doktor.
  4. Takpan ang sugat.  Kapag may sugat, takpan ito lalo na kung malaki at bukas. Kapag naka-expose ito, may posibilidad na maimpeksyon ito at makaantala pa sa paggaling nito.
  5. Magdebelop ng good hygiene.  Practice good hygiene. Pinakamabisa ay ang pagligo araw-araw at pagsuot ng malinis na damit. Bukod dito, praktisin ang good oral health care. Sa madaling salita, magsipilyo tatlong beses araw-araw.
  6. Maging updated sa usaping pangkalusugan. Dapat na laging aware sa paligid lalo na kapag tungkol sa kalusugan.
Close Bitnami banner
Bitnami