PINAS

Ang Lihim ng Panginoon (Ikaapat na Bahagi)

Sonspeak

Recent News:

YNA MORTEL

Italy, magpatutupad ng lock down sa Lombardy at Milan dahil sa COVID-19

by

YNA MORTEL

MAGPATUTUPAD ng lock down ang bansang Italy sa pinakamayaman at pinaka-popular na rehiyon ang Lombardy at sa financial capital na Milan.

Layon nito na maiwasan ang pagkalat pa ng nakamamatay na coronavirus disease o COVID-19.

Sa bagong rules na ipatutupad, hihimukin ang mga tao na huwag ng pumunta sa Lombardy at umalis sa nasabing lugar.

Tinatayang nasa sampung milyon na mga katao ang naninirahan duon.

Kabilang sa ipasasara ang lahat ng mga museum, gyms, cultural centers, ski resorts at mga swimming pools partikular sa mga target areas.

Sa sandaling maaprubahan ang panukala, ang lahat ng leave ng mga healthcare workers ay kanselado, lahat ng mga eskwelahan at universities ay isasara at suspendido rin ang mga weddings, funerals at mga sport events sa Lombardy.

Sa ngayon ay umaabot na sa 5, 883 ang bilang ng coronavirus sa Italy.

Isang fan ng US band na Tool, dinapuan ng COVID-19

by

YNA MORTEL

ISANG lalaki na nanood ng concert ng US band na Tool ang pang-apat na kumpirmadong nadapuan ng coronavirus sa New Zealand.

Ayon sa health official, nasa edad 30-anyos ang pasyente na nanood sa gig ng banda na ginanap sa Spark Arena sa Auckland.

Dagdag pa mga health official, maliit ang tsansa na maikalat ang nasabing virus.

Galing din sa bansang Italy ang lalaki na agad namang na-isolate matapos na magpositibo sa virus.

Itinuturing naman ni New Zealand’s Director-General of Health Dr. Ashley Bloomfield, na ang mga katabi ng lalaki ay ikinokonsiderang “casual contacts”.

Milwaukee Bucks, wagi kontra Charlotte Hornets sa NBA playoffs

by

 

YNA MORTEL

 

PATULOY ang pamamayagpag ng Milwaukee Bucks kahit pasok na ito sa NBA playoffs matapos tuluyang pabagsakin ang Charlotte Hornets, sa iskor na 93-85.

Bumida sa panalo ng Bucks ang NBA MVP na si Giannis Antetokounmpo na nagtala ng 41 points, 20 rebounds at anim na assists.

Sa iba pang laro, muling minalas ang NBA defending champion na Toronto Raptors nang padapain sila ng Denver Nuggets, sa iskor na 133-118. Nanguna sa Nuggets si Nikola Jokic na may 23 points, 18 rebounds at 11 assists para sa kanyang ika-12 triple-double performance.

Ito na ang ika-41 panalo ng Denver habang napako naman ang Raptors sa 42-18 record.

 

10th ASEAN PARA Games, gaganapin na sa Mayo 2020

by

 

YNA MORTEL

TARGET na gaganapin ang naunsyaming 10th ASEAN PARA Games sa buwan ng Mayo.

Ayon kay Michael Barredo, presidente ng Philippine Paralympic Committee (PPC), Mayo a-30 ang tinatarget na opening at sa June 5 naman ang magiging closing.

Nilinaw din nito na kahit may target date na magdedepende pa rin ito sa magiging status ng COVID-19.

Sinabi rin ni Barredo na bubuo muna sila ng isang collective decision mula sa organizing committee, Department of Health (DOH) at Philippine Sports Commission (PSC) bago gumawa ang (APSF) ASEAN PARA Sport Federation ng pinal na skedyul.

I-aanunsiyo rin aniya nila ang pinal na desisyon sa katapusan ng Marso.

Novak Djokovic, itinanghal na kampeon sa Australian open

by

NOVAK Djokovic

 

YNA MORTEL

 

WAGI sa Australian open si Novak Djokovic matapos talunin si Dominic Thiem.

Ito ay matapos makuha ni Djokovic ang score na 6-4, 4-6, 2-6, 6-3 at 6-4 para makamit ang ika-walong Australian open title.

Dahil sa panalo, umabot na sa 17th major overall title ang nasungkit ni Djokovic sa naturang torneo.

Simula nang sumabak ito sa naturang event ay hindi pa natatalo ang Serbian tennis star.

Japan, kinumpirma ang unang kaso ng misteryosong pneumonia virus galing China

by

 

YNA MORTEL

 

KINUMPIRMA naman ng health ministry ng Japan kamakailan ang pinakaunang kaso ng misteryosong pneumonia virus sa bansa galing China.

Ayon sa Japan health ministry ay nagpositibo sa naturang coronavirus infection ang isang lalaki mula sa Kanagawa Prefecture na malapit sa Capital City ng Tokyo.

Napag-alamang nanggaling ang lalaki sa Wuhan City sa China kung saan nagsimula ang outbreak.

Magugunitang kinumpirma rin ng Thailand ang pinakaunang kaso nito sa bansa na agad din naman umanong naagapan.

Sa ngayon ay nagpupursige ang Chinese officials at ang World Health Organization na mapigilan ang outbreak sa Wuhan City kung saan apektado ng virus ang hindi bababa sa apatnapu katao.

 

Close Bitnami banner
Bitnami